1 Kɔlɛ̂ŋtɛ 4:15 - Kɑɑ Fí

¹⁵ Pʉʉ lɑɑ ńzɛɛ ŋ́ɡẅɛɛ pʉɔ pi pɔ́p zíꞋnɛ wʉ́ʉ nɛ́ nu-Kɛlístɔ tɛ ɛ́ zɛɛ ḿbɔ́ pɔ yúu ntsɑ́Ꞌ nɛɡɛ́m, ḿbɔ́ pɛtɑ́t pʉ́ʉ kɑ zɑ́ɑ zɑ́ɑnɛ. Mɔ pɔ́nɛ tɑ́t wʉ́ʉ mbíꞋŋɡɔ mɔ tɔ́nɛ ńcẅi Ŋkʉʉ Sʉ́Ꞌnɛ mbɔ̌ pʉʉ, lɑ́ pʉʉ lɑt mbʉʉ yʉʉ nǔu Yɛ́su Kɛlístɔ.

1 Kɔlɛ̂ŋtɛ 4:15 ပူးပေါင်းရင်းမြစ်များ

Pʉɔ-Lɔ́mɑ 15:20

Lɑ́, ŋ kɑ sɑ́Ꞌ tʉʉ nɛ́ kɛ́ ńcẅi Ŋkʉʉ Sʉ́Ꞌnɛ pɔ zʉꞋ yi pɛ́ zɛɛ mbɔɔ Kɛlístɔ zúꞋu kẅii, ḿbɔ́k nɛkút ndɑ́ nǔu cʉ́ndɑ́ yi wɛcɔ́ ŋu ndɛꞋ kɑ nɔŋnɛ.

1 Kɔlɛ̂ŋtɛ 1:30

Jʉ́ Sɛ́ kɑ lɔk wɛ́ ŋ́ɡɛ yɛkŋɛ jínu. Sɛ́ fú nǔu wɛ́ ńjʉ́ɔ wɛkŋɛ pɑ́Ꞌ pɑkɛfɑɑnɛ, ńdɔk wɛkŋɛ ŋ́ɡɛ pʉɔ pɛ́, ńzɑ́Ꞌ ŋkʉ-puꞋ-nu kɛpɔŋ nǔu pɛkŋɛ.

1 Kɔlɛ̂ŋtɛ 15:1

Pɔ́ɔpɛ́mɑ́ pɑ́ɑ, tsʉ́Ꞌnɛ ŋ kẅíitɛ Ŋkʉʉ Sʉ́Ꞌnɛ ẅí ŋ kɑ cẅinɛ mbɔ̌ pʉʉ, Ŋkʉʉ ẅí pʉʉ kɑ zúꞋnɛ ḿbɛn ḿbɛ́m lɑ́, pʉʉ kɛ ńzɑ́p tʉ́m nǔu zɑ́pnɛ tɛ ŋ́kúu lɔ́Ꞌnɛ.

1 Kɔlɛ̂ŋtɛ 3:10

Sɛ́ kɑ ɡɑ́ fuꞋ níinɛ yɑ́ɑ, mɔ nɔŋnɛ cʉ́ndɑ́ pɑ́Ꞌ ŋɡɑŋ-nɛɡwɛlɛ wɛ sʉ́Ꞌnɛ. Ŋ kɑ nɔŋnɛ cʉ́ndɑ́, wɛcɔ́ ŋu sɛ́ ńdɔk fɑꞋ ŋ́ɡʉ mbi. A sɛ́ ŋ́kút ndɑ́ ndǔ. Lɑ́ mbɑ wɔ̌ lɑ́ lɑk tú yɛ́ nǔu ntɛ́ yi ɑ lɔknɛ ŋ́kút ndɑ́ ndǔ.

1 Kɔlɛ̂ŋtɛ 3:6

Ŋ kɑ pi tʉ́ sɛ́, Apɔlɔ́s tswɛt ŋki nǔu. Lɑ́ Sɛ́ ɡɛ ɛ́ ɡúꞋ.

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

1 Kɔlɛ̂ŋtɛ 9:14

Ɛ́ ndʉ́ŋndʉŋ pɑ́Ꞌ Tsɑpʉɔ kɑ zɑ́pnɛ ŋɡɔ pʉɔ pi pɔ́p sɛ́ ńcẅi Ŋkʉʉ Sʉ́Ꞌnɛ, pɔ́p ɡʉ ḿbɔ́ ńjʉ́ yúu mi ɛ́ fúnɛ nǔu fɑꞋ-nɛcẅi Ŋkʉʉ Sʉ́Ꞌnɛ.

1 Kɔlɛ̂ŋtɛ 9:16

Ɛ́ mbɔ̌ mɔ, nɛcẅi Ŋkʉʉ Sʉ́Ꞌnɛ, pɔɔ pɔ́ pɔ yɛcɔ́ yúu nɛlɔk ŋ́ŋɑ́Ꞌtɛ pɔ́. Ɛ́ pɔ́ pɔ yúu mi ŋ kɛ́ ŋ́ɡẅɛɛ pɔ nɛɡɛ. N dɑɑ ńdʉꞋ nɛcẅi Ŋkʉʉ Sʉ́Ꞌnɛ, mbɔ n tíi ndɔɔ.

1 Kɔlɛ̂ŋtɛ 9:18

Yɑ́ɑ tsɔ́ꞋfɑꞋ pɑ́Ꞌɑ ḿbɔ́ kʉ̈ɔ́? Ɛ́ pɔ́ pɔ mɔ nɛcẅi Ŋkʉʉ Sʉ́Ꞌnɛ pɔ́ kɛ́ kɑ́ yúu, pɔ́ kɛ́ píkŋɛ yúu mi ŋ ɡẅɛɛnɛ nɛlɔk pɑ́Ꞌ mɔ ŋu ẅi ɑ cẅinɛ Ŋkʉʉ Sʉ́Ꞌnɛ lɑ́ ɡẅɛɛ nɛpíkŋɛ.

1 Kɔlɛ̂ŋtɛ 9:23

Ŋ ɡɛ yîyɑ́ ŋɡɔŋ nu tsʉʉ pɔ pɑ́Ꞌ Ŋkʉʉ Sʉ́Ꞌnɛ ɡʉ ɛ́sɑt zʉꞋ, mbɑ pɑ́Ꞌ mɔ sɛ́ ńzẅíꞋlɛ yɑ́ɑ yúu sʉ́Ꞌnɛ yi ɛ́ fúnɛ nǔu Ŋkʉʉ Sʉ́Ꞌnɛ lɑ́.

2 Kɔlɛ̂ŋtɛ 4:5

Pɛk kɑ pɔ́ ŋ́ɡɔ ńcẅi Ŋkʉʉ Sʉ́Ꞌnɛ, mbɔɔ fɑꞋ pɔ pɑ́Ꞌ pɛ́ ɡʉ ńjí wɛ́k pɔ́, pɛk fɑꞋ pɔ pɑ́Ꞌ pɛ́ ɡʉ ńjí ŋɡɔ Yɛ́su Kɛlístɔ Tsɑpʉɔ. Pɛk tʉ́ʉ ḿbɔ́ pɔ pɑfɑꞋ fɑꞋ pi pɔ́p fɑꞋnɛ mbɔ̌ pʉʉ mbíꞋ Yɛ́su,

Ŋɡɑlɑ̂t 3:24

Nɛpʉ́ʉ kɑ lɔk ḿbɔ́ pɑ́Ꞌ ŋu ẅí Sɛ́ kɑ túunɛ ɑ pɔ́ ńdíŋɛ wɛ́k tɛ ŋ́kúu ŋkɑ́ yi Kɛlístɔ kɑ tɔ́nɛ nɛpɔ́ yi pɛk ɡʉ ńzɑ́p tʉ́m nǔu wɛ́; Sɛ́ lɔk pɔ́Ꞌɔ, ńtsʉ́Ꞌ ńdíŋɛ wɛ́k pɔ pɑ́Ꞌ pʉɔ pi pɔ́p ndʉ́ŋndʉŋ mbi yɛ́ lɑ.

Ŋɡɑlɑ̂t 3:25

Lɑ́ ɛ́ ŋkɔ̂ɔnɛ yi Kɛlístɔ kɑ tɔ́nɛ, tɛ pɛ́ pɔ́ ńzɑ́p tʉ́m nǔu yɛ́ lɑɑ, ẅîwɑ́ ŋu ẅí ɑ kɑ pɔ́ ńdíŋɛ wɛ́k pɔɔ kíi ŋ́ɡẅɛɛ nu nǔu pɛk pɔ́.

Ŋɡɑlɑ̂t 4:19

Mbɔ́ŋkʉ̈ɔ́ pɑ́ɑ, m bɛn ḿbɔ́ ńjʉ́ɔ ŋɡʉ̈ɔ́Ꞌ fí nɛfí nǔu pʉʉ pɔ pɑ́Ꞌ mɑŋɡɛ́ ẅí ɑ sɛ́ ńnɛ́mɛ ḿbɔ́ ŋ́ɡʉ ḿbí lɑ́. Mɔ ŋ́kɛ́ ńjʉ́ɔ ŋɡʉ̈ɔ́Ꞌ pɔ pɔ́Ꞌɔ, tɛ ŋ́kúu ŋkɑ́ yi pʉʉ tsʉ́Ꞌ kwɑꞋ pʉɔ-Kɛlístɔ.

2 Timɔtɛ́ɛ 4:3

N cú mbíꞋŋɡɔ yɛcɔ́ ŋkɑ́ ɡʉ ŋ́ɡɛ ḿbɔ́, pʉɔ pɔɔ pɛn ŋ́kɔŋ nɛzẅíꞋlɛ nu nɛ́nẅín yi pɛ́ zíꞋnɛ nǔu Yɛ́su Kɛlístɔ pɔ́, lɑ́ pɑ́Ꞌ pɔ́p kɔŋ nɛzẅíꞋlɛ pɔ nu yi tʉ́m yɔ́p tsɑ́ɑnɛ lɑ́, ńdɔɔ pɔ́p pɑzíꞋ wɔ́p nɛ́ yúu tɛ ɛ́ zɑ́ɑ zɑ́ɑnɛ. Pɔ́p zíꞋ wɔ́p nɛ́ nu yi pɔ́p kɔŋ nɛzúꞋ.

Tîtɛ 1:4

Ŋ ŋwɑꞋnɛ yɔ ŋwɑꞋnɛ, ŋ́ɡɑ́ mbɔ̌ ɡu Titɛ. Ɔ kwɑꞋ mɔ́ɔ wɑɑ mbíꞋŋɡɔ pǔu tɛmtɛ ńzɑ́p tʉ́m nǔu Yɛ́su Kɛlístɔ. Mɔ sɛ́ ńdɔ́ɔ mbɔ̌ Tɑ̌ɑ wɛkŋɛ Sɛ́ pɔ́p Yɛ́su Kɛlístɔ, jʉ́ ẅi ɑ ɡɛnɛ pɛkŋɛ luk, ŋɡɔ pɔ́p pɔ́ ḿbɔ́ nɛ́ ɡu, ḿbɔ́ ńníꞋ mɔ́fíitɛ tʉ́m ɡu.

Filɛmɔ̂ŋ 1:19

KwɑꞋ mɔ Pɔ̂l n dɔknɛ pɔ́ yɑ́ɑ ŋ́ŋwɑꞋnɛ yɔ zʉꞋ, ŋɡɔ ŋ ɡʉ ŋ́ɡɛ ńtú mbɔ̌ ɡu. Lɑ́ jí ŋɡɔ ŋ ɡẅɛɛ yɛcɔ́ yúu mi ɛ́ lɑɑ ḿbɔ́ m bíkŋɛ ŋɡɔ ɔ tú mbɔ̌ mɔ. Ɛ́ pɔ́ pɑ́Ꞌ ɔ ɡɔ́ ŋ́ɡẅɛɛ nɛpɔ́ ẅi ɔ ɡẅɛɛnɛ ŋkɔ̂ɔnɛ tɛꞋ, ńtẅɛꞋ pɔ wɑ́ɑ.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.

1 Pyɛ̂ 1:23

Pɛ́ kɑ zɛɛ ḿbí wʉ́ʉ nɛpí wɛ fí, tɛ ɛ́ kɑ́ pɔ́ pɔ nɛpí wɛ ŋumɛsɔŋ ẅí ɑ ḿpfú pɔ́. Ɛ́ pɔ́ pɔ ẅi ɛ́ fúnɛ nǔu mbiyúu mi ɛ́ kɛ́ lɑ́Ꞌ ḿpfú pɔ́, yîyɑ́ mbiyúu pɔ́ sẅiŋɛ-sɛ́ yi ɛ́ ɡɑ́nɛ kwɑꞋ luk, ḿbɔ́ yi ɛ́ ɡʉ ńdɑ́Ꞌ ḿbɔ́ pɔ ɡú.