1 Kɔlɛ̂ŋtɛ 3:7 - Kɑɑ Fí

⁷ Ɛ́ pɔ́ pɔ́Ꞌɔ, ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki pɔɔ lɔk ḿbɔ́ yɛcɔ́ yúu pɔ́. Sɛ́ ẅí ɑ ɡɛnɛ ɛ́ ɡúꞋ ɡẅɛɛnɛ nu tsʉʉ.

1 Kɔlɛ̂ŋtɛ 3:7 ပူးပေါင်းရင်းမြစ်များ

Jɑ̂ŋ 15:5

Nɛtsɛ́n-tʉ́ ɑ mɔ, mbɔ́tʉ́ pɔ́ pʉʉ. Ŋu ẅí ɑ lɑtnɛ́nɛ mbʉʉ yɛ nǔu mɔ, n dɑtnɛ mbʉʉ yɑɑ nǔu yɛ ɡúu, ɑ ŋu ẅí ɑ ɡɛnɛ yúu sʉ́Ꞌnɛ tɛꞋ. Ɛ́ mbíꞋŋɡɔ pɛkŋɛ lɑɑnɛ mbɔɔ pɔ́, pʉʉ pɔɔ yɛcɔ́ yúu ɡɛ.

1 Kɔlɛ̂ŋtɛ 13:2

Mbɔ Sɛ́ ɡɑ́ fuꞋ níinɛ yɑ́ɑ n cẅi Ŋkʉʉ ẅi ɛ́ fúnɛ mbɔ̌ wɛ́, ńjínu nǔu mbɑ kʉ̈ɔ́ lɑ́ yi ɛ́ lʉɔmɛ́nɛ, ḿbɛn ńjínu nǔu yúu tsʉʉ. Ɛ́ lɑɑ ḿbɔ́ n zɑ́p tʉ́m nǔu Sɛ́, tɛ ŋ́kuꞋ nɛɡɛ mɛŋkɔ́Ꞌ kẅɛ́Ꞌlɛ, lɑ́ ŋ́kɛ́ ḿbɔ́ yi n dɑɑ mbɔɔ kɔŋ ŋumɛsɔŋ pɔ́, mbɔ ŋ kɑ́ pɔ́ yɛcɔ́ yúu pɔ́.

1 Kɔlɛ̂ŋtɛ 3:6

Ŋ kɑ pi tʉ́ sɛ́, Apɔlɔ́s tswɛt ŋki nǔu. Lɑ́ Sɛ́ ɡɛ ɛ́ ɡúꞋ.

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

2 Kɔlɛ̂ŋtɛ 12:11

Pʉʉ jʉ́ɔ pɑ́Ꞌ n tsʉ́Ꞌ ɛ́sẅíitɛ pɔ pɑ́Ꞌ pɑ́lɛ́ lɑ́, ɛ́ kɛ́ ɛ́fú pɔ mbɔ̌ pʉʉ, mbíꞋŋɡɔ pʉʉ kɑ ɡẅɛɛnɛ nɛɡɛ pɛ́ jí yɑɑ ntɛ́ nɛfɑꞋ. Tɛ mbɑ pɑ́Ꞌ mɔ tsɛtsɛt pʉʉ mbɔɔ nǔu yɛcɔ́ yúu kuꞋ. Pʉɔ pi pɔ́p tsɛtsɛt pʉʉ pɛ́ fúŋ nɛ́ kwɑꞋ ɡɑŋntúu lɑ́, pɔ́p kɑ́ ɡɛ yɛcɔ́ yúu tɛ ńdɔk ńdɛɛ wɑ́ɑ pɔ́.

2 Kɔlɛ̂ŋtɛ 12:9

ḿbúꞋ mbɔ́ mbɔ̌ wɛ́ pɔ́Ꞌɔ, ɑ tsɔ́Ꞌ ŋɡɔ, mɔ sɛ́ ńdíŋɛ wú, ńcẅɛ́lɛ wú, yú kuꞋ pɔ́Ꞌɔ, mbíꞋŋɡɔ ɔ pɔ́ tɛ ḿbɔ́ ḿbɔ́t pɔ́tnɛ lɑ ńdɔk ŋ́ɡɑ́ shʉ́ pɑ́Ꞌ mɑ́ɑ mɛtʉʉ ɡʉ tsuŋ ɛ́fɑꞋ. Ɛ́ yɛ́tɛ́ lɑ́ ŋ kɔŋ nɛpiitɛ ńdɔk pɑ́Ꞌ ḿbɔ́t pɔ́tnɛ ŋ́kɑꞋmɛ. Pɔ́Ꞌɔ, ńjí ŋɡɔ mɛtʉʉ-Kɛlístɔ ɡʉ ńtɔ́ ḿbɔ́ nǔu mɔ.

Ŋɡɑlɑ̂t 6:3

Ŋu lɑɑ ŋ́kwɑŋɛ ŋɡɔ ɑ yúu, kɛ́ pɔ́ yɛ́tɛ́, mbɔ ɑ shɔtnɛ ɛ́fúklɛ túmbʉʉ yɛ́.