1 Kɔlɛ̂ŋtɛ 3:14 - Kɑɑ Fí

¹⁴ Yúu mi ŋu kɑ lɔknɛ ŋ́kút ndɑ́ nǔu cʉ́ndɑ́ ɛ̂yɑ́, lɑɑ ńdɑ́Ꞌ mbɔɔ shí, mbɔ ŋɡɑŋ ɡʉ ńdɑ́Ꞌ ńcẅɛ́ɛ tsɔ́ꞋfɑꞋ.

1 Kɔlɛ̂ŋtɛ 3:14 ပူးပေါင်းရင်းမြစ်များ

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

1 Kɔlɛ̂ŋtɛ 4:5

N dɔk pɔ́Ꞌɔ, ɛ́sẅíi wʉ́ʉ ŋɡɔ kɔɔ pʉʉ zɑ́Ꞌ njí ńcú nu nǔu fɑꞋ-ŋu kɛ́ pɔ́ yi ŋkɑ́ kuꞋ. Kɛ́ pɔ́ yi Tsɑpʉɔ tɔ́ mɔ́. Jʉ́ ŋ́ɡɛnɛ ŋ́kyɛꞋ mbɑ kʉ̈ɔ́ lɑ́ yi ɛ́ tsɛt nzɛ́nzʉ́ʉ. A ŋ́ɡɛ ŋ́ɡɛ pɛ́ jʉ́ɔ mɛŋkwɑŋɛ mi ɛ́ tsɛt mɛtʉ́m-pʉɔ. Pɔ́Ꞌɔ lɑ́, Sɛ́ kɛ́ ŋ́ɡɑ́ tsɔ́ꞋfɑꞋ mbɑ wɔ̌ lɑ́ nǔu ntɛ́ yi ɛ́ sɛ́ ḿbíkŋɛ ŋɡɔ ŋɡɑŋ ɡẅɛɛ.

1 Kɔlɛ̂ŋtɛ 9:17

Ɛ́ kɑ pɔ́ pɛ́Ꞌnɛ mɔ kɑŋnɛ yɔ fɑꞋ, mbɔ ŋ ɡẅɛɛ nɛzẅíꞋlɛ tsɔ́ꞋfɑꞋ. Lɑ́, pɑ́Ꞌ ɛ́ fɑꞋ yi ŋ kɛ́ ŋ́ɡẅɛɛ pɔ nɛfɑꞋ lɑ́, ɛ́ mbɔ̌ mɔ ḿbɔ́ pɔ piꞋ yi ŋ kɛ́ ŋ́ɡẅɛɛ pɔ nɛtíi.

Ŋɡɑlɑ̂t 6:4

Mbɑ wɔ̌ lɑ́ tsuŋ ńtsɑꞋ kwɑꞋ mɛ́ mɛfɑꞋ. A lɑɑ ńtsɑꞋ, ńjʉ́ɔ ŋɡɔ ḿbɔ́ nu pɔŋ wɛ́ nǔu, mbɔ ɛ́ píkŋɛ ŋɡɔ nu ɡɔ́ ḿbɔŋ wɛ́ mbíꞋ pɔ ŋɡɔ ɛ́ kwɑꞋ mɛfɑꞋ mɛ́. Tɛ ɛ́ pɔɔ pɔ́ ŋ́ɡɔ́ ḿbɔŋ wɛ́ mbíꞋ pɔ pɑ́Ꞌ ɑ lʉŋtɛ mîmɑ́ mɛfɑꞋ nǔu mɛ́ pɛcɔ́ pʉɔ pɔ́,

1 Tɛsɑlɔník 2:19

Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

2 Timɔtɛ́ɛ 4:7

Ŋ kɑ kɛ́ ḿbɔ́ ḿmɑꞋ yɑ́ɑ pɔ ntsɔ sʉ́Ꞌnɛ, ŋ kɑ kʉɔ ndʉ́ɔlɛ́ tɛ ŋ́kúu ndẅiklɛ. Ŋ kɑ kɛ́ ḿbɔ́ ńzɑ́p pɔ tʉ́m nǔu Yɛ́su.

1 Pyɛ̂ 5:1

N cú yɔ nu ŋkɔ̂ɔnɛ nɛlɔk ńtík pɑcẅɛ́ɛmbi pi pɔ́p tsɛt cúꞋlɛ yʉ́ʉ, mɔ yɑ́ɑ ńcẅɛ́ɛmbi pɑ́Ꞌ pɔ́p, mbɔ Kɛlístɔ kɑ ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, n tʉ́ʉ zúꞋu. Mɔ ŋ́ɡɛ ŋ́ɡẅɛɛ yɑ́ɑ zʉꞋ tsɛt nɛɡúꞋ ẅi Sɛ́ ɡʉ ŋ́ɡɛ ŋ́ɡɛ ɛ́ cẅɛt.

1 Pyɛ̂ 5:4

Pʉʉ lɑɑ ŋ́ɡɛ pɔ́Ꞌɔ, mbɔ ɛ́ ɡʉ ńdɑ́Ꞌ lɛ́Ꞌ yi mbyɛ́pmbí wɛ ɡwɛ́ ńtɔ́, ɑ tɔꞋ ŋɡúꞋ tú pʉʉ, yi ndɛn wɛ kɛ́ lɑ́Ꞌ ḿmɛ pɔ́.