1 Kɔlɛ̂ŋtɛ 2:4 - Kɑɑ Fí

⁴ Sẅiŋɛ yi ɛ́ kɑ pɔ́ ńcẅɛt ntsu mɔ, mbɑ nu-Kɛlístɔ yi ŋ kɑ pɔ́ ɛ́sɑ́Ꞌ mbɔ̌ pʉʉ, kɑ́ pɔ́ ńnyɛt jínu-ŋumɛsɔŋ yi pɛ́ lɔknɛ ŋ́ɡɛ ŋu pɛ́m nu pɔ́. Mɛtʉʉ-Zẅikŋɛ-Sɛ́ kɑ pɔ́ ŋ́ɡɛ pʉɔ jʉ́ɔ ŋɡɔ ɛ́ nu nɛ́nẅín.

1 Kɔlɛ̂ŋtɛ 2:4 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 20:27

Ɛ́ zɛɛ ŋ́ɡɔ ḿbɔ́, mbɔ ŋ kɑ sẅíi wʉ́ʉ nɛ́ mbɑ kʉ̈ɔ́ lɑ́ yi Sɛ́ kɑ zɑ́pnɛ nɛɡɛ. Tɛ mɔ yɛcɔ́ yúu kɑ́ lʉɔ.

ŊwɑꞋnɛ-Gɑŋntúu Yɛ́su Kɛlístɔ 26:28

Fɔɔ Aŋɡɛlípɑ tsɔ́Ꞌ mbɔ̌ Pɔ̂l ŋɡɔ: «Ɔ kwɑŋɛ ŋɡɔ ɔ ɡʉ nɑ́Ꞌ ńdɔk pɔ pɑ́Ꞌɑ ŋ́ɡɛ ɛ fɛ́Ꞌnɛ ńtsʉ́Ꞌ ŋu-Kɛlístɔ kɛkʉ̈ɔ́?»

Pʉɔ-Lɔ́mɑ 15:13

Pɔ́Ꞌɔ, mɔ sɛ́ ńtsɑ́ɑ ŋɡɔ Sɛ́ ẅí jʉ́ ɡɛnɛ lɑ pɛ́ nɑ́ŋ ḿbɔ́ ńzẅíꞋlɛ yúu, ɑ lɛɛ nǔu pɑ́Ꞌ pʉʉ zɑ́pnɛ tʉ́m nǔu wɛ́, ŋ́ɡɛ tsɑ́ɑtɛ pɔ́p mɔ́fíitɛ jʉ́ tʉ́m yʉ́ʉ, ńjí ŋɡɔ Zẅikŋɛ Lɛ́ɛnɛ́nɛ ɡʉ ńdɔk mɛtʉʉ mɛ́ ŋ́ɡɛ pʉʉ pɔ́ kwɑꞋ pɑnɑ́ŋ ńzẅíꞋlɛ yúu mi Sɛ́ kɑ kɑ́Ꞌnɛ.

Pʉɔ-Lɔ́mɑ 15:19

ńdɛɛ nǔu mɛlii-mɛnu pɔ́p mɛnu mɑ̌ɑmɑɑnɛ, ḿbɛn ńdɛɛ nǔu mɛtʉʉ-Zẅikŋɛ-Sɛ́. Yɔ ntɛ́ yi ŋ kɑ lɔknɛ ńniitɛ ńcẅi Ŋkʉʉ Sʉ́Ꞌnɛ-Kɛlístɔ zʉꞋ tsʉʉ, nɛfú Yɛlúsɑlɛm ŋ́ɡʉ ŋ́kúu Ilylî.

Pʉɔ-Lɔ́mɑ 16:18

MbíꞋŋɡɔ yîyɑ́ ntɛ́ pʉɔ kɑ́ pɔ́ ɛ́fɑꞋ fɑꞋ-Tsɑpʉɔ wɛkŋɛ Yɛ́su Kɛlístɔ pɔ́, pɔ́p tsɑ́ɑ pɔ nɛpɛm nɔ́p. Pɔ́p lɔk sẅiŋɛ pɔ́tnɛ́nɛ mbɑ sẅiŋɛ lẅɑklɛ, ɛ́fúklɛ pʉɔ pi jínu yɔ́p túꞌ tuꞋnɛ.

1 Kɔlɛ̂ŋtɛ 1:17

Kɛlístɔ ŋkɑɑ zɛɛ ńtúu wɑ́ɑ ŋɡɔ ŋ ɡʉ ŋ́ɡɛ pʉɔ cẅɛ́ɛ ŋki mbɔ̌ mɔ pɔ́. A kɑ túu wɑ́ɑ pɔ ŋɡɔ ŋ ɡʉ ńcẅi Ŋkʉʉ Sʉ́Ꞌnɛ. Lɑ́ ŋ́kɛ́ mbɔɔ lɔk pɔ́ jínu-ŋumɛsɔŋ ńcẅi pɔ́, ḿbɔ́k nɛɡɛ mɛtʉʉ mi ɛ́ fúnɛ nǔu pɑ́Ꞌ Kɛlístɔ kɑ pfúnɛ nǔu tʉ́ mbɑ́ŋtɛ pɑ́ŋtɛ́nɛ ḿmɛ.»

1 Kɔlɛ̂ŋtɛ 2:1

Pɔ́ɔpɛ́mɑ́ pɑ́ɑ, ɛ́ kɑ pɔ́ ŋkɑ́ yi ŋ kɑ tɔ́nɛ lɑ́Ꞌ pʉʉ nɛcú nu-Sɛ́, ɛ́ pɔ́ nu yi ɛ́ kɑ zɛɛnɛ ḿbɔ́ yi lʉɔmɛ́nɛ, ŋ ɡɔ́ ńcú mbɔ̌ pʉʉ, ŋ́kɛ́ ḿbɔɔ lɔk yɛcɔ́ sẅiŋɛ yi ɛ́ tɛn tɛnnɛ ńcú pɔ́, ŋ́kɛ́ mbɔɔ lɔk pɔ nɛnyɛt wʉ́ʉ nɛ́ yɛcɔ́ yúu mi n jínɛ tɛꞋ ńdɔk ńcú pɔ́.

1 Kɔlɛ̂ŋtɛ 2:13

Pɛkŋɛ kɑ́ pɔ́ ŋ́ɡɔ́ ńcú nu nǔu mîmɑ́ mɛyúu mi Sɛ́ kɑ ɡɑ́nɛ mbɔ̌ pɛkŋɛ ńdɔk pɔ sẅiŋɛ yi pʉɔmɛsɔŋ kɑ lɔknɛ jínu yɔ́p ńzíꞋ wɛkŋɛ pɔ́. Pɛkŋɛ lɔk pɔ sẅiŋɛ yi Zẅikŋɛ-Sɛ́ zíꞋnɛ wɛkŋɛ lɑ ńcú nu nǔu. Ɛ́ lɛɛ pɔ́Ꞌɔ, pɛkŋɛ tsʉ́Ꞌ nɛɡɔ́ ŋ́kyɛ́Ꞌtɛ nu nǔu yúu mi ɛ́ fúnɛ mbɔ̌ Zẅikŋɛ-Sɛ́, ńdɔk pɔ sẅiŋɛ yi ɛ́ fú mbɔ̌ Zẅikŋɛ-Sɛ́ lɑ ŋ́kyɛ́Ꞌtɛ.

1 Kɔlɛ̂ŋtɛ 4:20

MbíꞋŋɡɔ nu-nɛfɔɔ-Sɛ́, ɛ́ kɑ́ pɔ́ nɛniitɛ sẅiŋɛ pɔ́, mɛtʉʉ-Zẅikŋɛ Lɛ́ɛnɛ́nɛ fɑꞋnɛ fɑꞋ.

2 Kɔlɛ̂ŋtɛ 6:6

Pɛk sɛ́ ńdɔk wɛk mɑt ńnyɛt ŋɡɔ pɛk pɑfɑꞋ fɑꞋ-Sɛ́. Pɛk ɡẅɛɛ tʉ́m Lɛ́ɛnɛ́nɛ, mbɑ jínu yi ɛ́ fúnɛ mbɔ̌ Sɛ́, ŋ́ɡɛ kɔkmbʉʉ. Pɛk ɡẅɛɛ pɔ pɔŋtʉ́m nzʉʉ pʉɔmɛsɔŋ, ńzẅíꞋlɛ yɛ́k kʉ̈ɔ́ lɑ́ pɔ mbɔ̌ Zẅikŋɛ Lɛ́ɛnɛ́nɛ, ŋ́ɡẅɛɛ ŋkɔŋɛ yi ɛ́ kɑ́ pɔ́ ŋkɔŋ-mík pɔ́,

Ŋɡɑlɑ̂t 1:10

Pʉʉ sẅíi wɑ́ɑ nɛ́ nu yi ɛ fúnɛ nɛcú lɑɑ, ɛ́ nyɛt ŋɡɔ mɔ sɛ́ ńtsɑ́ɑ ŋɡɔ nu yɑ́ɑ pɔŋ pʉɔmɛsɔŋ kɛ ŋɡɔ ɛ́ pɔŋ pɔ Sɛ́? Mɔ pɑ́Ꞌɑ ḿbɔ́ ńtsɑ́ɑ nɛɡɛ yúu mi ɛ́ ɡʉ ḿbɔŋ pʉɔmɛsɔŋ? Ɛ́ pɛ́Ꞌnɛ, m bɔ́ ńdɔɔ mbɑ nɛɡɛ yúu mi ɛ́ ḿbɔŋ pʉɔmɛsɔŋ, mbɔ ŋ kɑ́ pɛn ḿbɔ́ ŋu ẅí ɛ fɑꞋnɛ fɑꞋ-Kɛlístɔ pɔ́.

Kɔlɔsíyɛ̂ŋ 2:4

Ɛ sẅíi wʉ́ʉ nɛ́ mɔnɛ mɛnu ḿbɔ́k wɛcɔ́ ŋu nɛtɔ́ ńdɔk sẅiŋɛ yi pɛ́ nɑ́ŋnɛ sɛ́ ńniitɛ, ɛ́shɔt tú yʉ́ʉ.

1 Tɛsɑlɔník 1:5

MbíꞋŋɡɔ pɛk ŋ́kɑɑ lɔk pɔ sẅiŋɛ ndɑꞋ ńcẅi Ŋkʉʉ Sʉ́Ꞌnɛ lɑ́Ꞌ pʉʉ pɔ́, pɛk kɑ lɔk pɔ mɛtʉʉ-Zẅikŋɛ Lɛ́ɛnɛ́nɛ, ḿbɛn ḿbɔ́ ńtsuŋ ńjí ŋɡɔ Ŋkʉʉ ẅi pɛk ḿbɔ́ ńcẅi kɑ pɔ́ nɛ́nẅín, pʉʉ sɛ́ ńjí yúu mi pɛk kɑ ɡɛnɛ ŋkɑ́ yi pɛk kɑ pɔ́nɛ tsɛtsɛt pʉʉ, ɛ́ kɑ pɔ́ pɔ nɛlɔk ńcẅɛ́lɛ wʉ́ʉ.

1 Pyɛ̂ 1:12

Sɛ́ kɑ ɡɛ pɔ́p jí ŋɡɔ nu yi pɔ́p kɑ pɔ́ ńcú, ŋ́kɑɑ pɔ́ ŋ́ɡʉ ŋ́ɡɛ nǔu yɔ́p ŋkɑ́ pɔ́, ɛ́ kɑ pɔ́ ŋ́ɡʉ ŋ́ɡɛ pɔ nǔu yʉ́ʉ ŋkɑ́. Ɛ́ yîyɑ́ nu yi pʉʉ ŋkɔ̂ɔnɛ ḿbɔ́ ńjí, ɛ́ fú pɔ nǔu nu yi pɛŋɡɛ́mndʉ̈ɔ́Ꞌ-Ŋkʉʉ Sʉ́Ꞌnɛ sɛ́ ńcú, ŋ́ɡɔ́ ńcú, ńdɔk pɔ mɛtʉʉ-Zẅikŋɛ Lɛ́ɛnɛ́nɛ yi Sɛ́ kɑ fúnɛ tʉ́nɛ́pú ńtúu. Pɛcʉ̈ɔ́Ꞌ-Sɛ́ sɛ́ ŋ́kíi ńtsɑ́ɑ nɛjí yîyɑ́ nu.

2 Pyɛ̂ 1:16

Pɛk ŋ́kɑɑ kɛ́ ŋ́ɡɔ́ ɛ́sẅíi wʉ́ʉ pɑ́Ꞌ Yɛ́su Kɛlístɔ, Ndɛ wɛkŋɛ ɡʉ ŋ́ɡɛ ńtɔ́, nɛ́ nɛŋwɑ́ŋɛ wɛ, ɛ́fú pɔ nǔu mɛnu mɑ́pítsɔꞋ mi pɛk nɑ́ŋnɛ sɛ́ ńdɔk jínu ńdʉꞋlɛ pɔ́. Pɛk kɑ fú nǔu pɑ́Ꞌ pɛk lɔknɛ mík mɛ́k ńjʉ́ɔ nɛɡúꞋ wɛ.

2 Pyɛ̂ 2:18

Pɔ́p lɔk yúu mi pɔ́p zíꞋnɛ pʉɔ ŋ́ŋɑ́Ꞌlɛ, lɑ́ ɛ́ pɔ́ pɔ fɑ́k fɛ̌ɛ yi ɛ́ zɔtnɛ. Pɔ́p cú mbɔ̌ pʉɔ ŋɡɔ mbɔ ŋu ɡɛ kʉ̈ɔ́ lɑ́ yi ŋumɛsɔŋ tsɑ́ɑnɛ, lɑ́ ɛ́ pɔ́ nu sʉ́ʉ. Pɔ́p lɔk pɔ́Ꞌɔ, ɛ́shuŋ pʉɔ pi pɔ́p kɑ pɛ́t ńcẅɛt tsɛtsɛt pʉɔ pi pɔ́p nǔu sɛ̂ndúŋ kɛpɔŋ,