1 Kɔlɛ̂ŋtɛ 16:6 - Kɑɑ Fí

⁶ Líkcɔ́ mɔ ŋ́ɡɛ ńnɑ́Ꞌ ńdɑ́ɑtɛ lɑ́Ꞌ pʉʉ, líkcɔ́ ŋ ɡɛ ńnɑ́ŋ tɛ ŋkɑ́-mbʉŋ lɑ́Ꞌ ḿmɛ, pɔ́Ꞌɔ, m bɔ́ tɛ ŋ́kwɑŋɛ zʉꞋ yi ŋ ɡʉnɛ nɛ́ zúꞋu pʉʉ cẅɛ́lɛ́ wɑ́ɑ.

1 Kɔlɛ̂ŋtɛ 16:6 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 15:3

Cúlɛ-pʉɔ-Kɛlístɔ yi Antíyɔshɛ ɛ̂wɑ́ ɡɑ́ yúu mi ɛ́ sɛ́ ḿbíkŋɛ mbɔ̌ pɔ́p nɛlɔk ńcʉ́ɔ sɛ̂ndúŋ. Pɔ́p lɛɛ tsɛt pɑk-ŋɡɔŋ-Fɛnisîi, mbɑ tsɛt wɛ Sɑmɑlîi, ńnɛn ḿbɔ́ ńcú mbɔ̌ pʉɔ-Kɛlístɔ pɛ́ zúꞋu ŋɡɔ pʉɔ pi pɔ́p kɑ́ pɔ́ pɑyúdɑ pɔ́ kɑ kɛ́ mɔ́ shɔtnɛ tɛ ńtsʉ́Ꞌ ḿbɔ́ pɔ nzʉʉ Tsɑpʉɔ, pɔ́ɔpɛ́mɑ́ zúꞋ ńtsɑ́ɑtɛ tɛꞋ.

ŊwɑꞋnɛ-Gɑŋntúu Yɛ́su Kɛlístɔ 17:15

Pʉɔ pí pɔ́p kɑ ɡʉnɛ ńcɑklɛ Pɔ̂l lɔk wɛ́ ŋ́ɡʉ tɛ ŋ́kúu Atɛ̂n, ŋ́ɡɔ ḿbɛn nzʉʉ, Pɔ̂l cú mbɔ̌ pɔ́p ŋɡɔ pɔ́p ɡɛ Sílɑs pɔ́p Timɔtɛ̂ɛ fɛ́Ꞌnɛ ńtɔ́ ŋ́kẅɛ́ɛtɛ wɛ́ tʉ́sɔŋ-Atɛ̂n.

ŊwɑꞋnɛ-Gɑŋntúu Yɛ́su Kɛlístɔ 20:38

Pɔ́p mʉk tɛꞋ mbíꞋŋɡɔ ɑ kɑ cú mbɔ̌ pɔ́p ŋɡɔ: «Pʉʉ kɛ́ ɡɛ ḿbɛn ńjʉ́ɔ shʉ́ wɑ́ɑ pɔ́.» Pɔ́p ɡɛ pɔ́Ꞌɔ, ŋ́ɡʉ ńcɑklɛ Pɔ̂l ntsu-mɑ́mɑ́ kɑnúꞋ pɑ́Ꞌ ɑ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 21:5

Yîyɑ́ ŋɡɑp mɛ, pɛk pɛn ńcʉ́ɔ sɛ̂ndúŋ. Pʉɔ-Kɛlístɔ pɛtsʉʉ pɔ́p pɑŋɡɛ́ nɛ́ mbɔ́ŋkʉ̈ɔ́ pɔ́p ɡʉ ńcɑklɛ wɛ́k. Pɛk pɛpɔ́p ɡʉ tɛ ŋ́kúu mbʉʉ-ŋki kɛ́ lɑ, ŋ́kẅíꞋlɛ sɛ́, ńcɛꞋlɛ Sɛ́,

ŊwɑꞋnɛ-Gɑŋntúu Yɛ́su Kɛlístɔ 27:12

Ńzɛɛ ŋ́ɡɔ ḿbɔ́, zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ zúꞋu pɔɔ lii zʉꞋ yi ɛ́ lɑɑ ḿbɔ́ pʉɔ tswɛ́ zúꞋu nǔu ŋkɑ́-fɛ́m tɛ nu pɔŋ wɔ́p pɔ́. Ɛ́ lɛɛ pɔ́Ꞌɔ, pʉɔ pɛtsʉʉ pi pɔ́p ḿbɔ́nɛ tsɛt mɑ́mɑ́ kɑnúꞋ tsʉ́Ꞌ ńzɑ́p pɔ ŋɡɔ pɛ́ fú zúꞋu ŋ́ɡʉ, ḿbɔ́ ŋ́kwɑŋɛ ŋɡɔ ɛ́ lɑɑ ŋ́ɡɑ́ shʉ́, pɔ́p ɡʉ tɛ ŋ́kúu nǔu zʉꞋ nɛtʉ́ʉ pɛmɑ́mɑ́ kɑnúꞋ yi ɛ́ tsɛt ŋɡɔŋ-Kɛlɛ̂t ɛ̂wɑ́ pɛ́ fúŋ ŋɡɔ Fɛnís. Fɛnís pɔ́ tʉ́sɔŋ ẅí nɛlẅí-tsɛ́tsɑ́Ꞌ kɑ tɔ́ zúꞋu ńcẅɛt, yɛcɔ́ sɑ́k-tʉ́sɔŋ pɔ́ ńdíŋɛ ɡúŋ-Mbɛ́ nɛm yi kɔŋ, yɛcɔ́ líŋɛ ɡúŋ-Mbɛ́ nɛm yi ntsʉ́ʉ. Pɔ́p tsɑ́ɑ pɔ́Ꞌɔ, nɛkúu zúꞋu ńdɑ́Ꞌ ńnɑ́ŋ tɛ ŋkɑ́-fɛ́m lɛɛ.

ŊwɑꞋnɛ-Gɑŋntúu Yɛ́su Kɛlístɔ 28:11

Pɛk kɑ tswɛ́ tsɛt ŋɡɔŋ ɛ̂wɑ́ pɛsɑŋ pɛtɑ́t, ŋ́ɡɛ ŋ́ɡʉ, ŋ́kúu yɛcɔ́ mɑ́mɑ́ kɑnúꞋ ẅi pɛ́ fúŋnɛ ŋɡɔ: Mɛsɛ́ mi pɔ́p mɛfɑ́k. Ɛ́ pɔ́ wɛ tʉ́sɔŋ-Alɛkzɑŋndɛlíi, ŋ́ɡɔ ŋ́kúu zúꞋu, ɛ́ pɔ́ ŋkɑ́ kɛpɔŋ, ɛ́ ŋ́ɡɔ́ŋ zúꞋu.

Pʉɔ-Lɔ́mɑ 15:24

Mɔ sɛ́ ńjʉ́ɔ ŋkɔ̂ɔnɛ ŋɡɔ mɔ ŋ́ɡɔ́ ŋ́ɡʉ Ɛspɑ̂nɛ, ńtɔ́ lɑ́Ꞌ pʉʉ. Mɔ sɛ́ ńzɛɛ ńtsɑ́ɑ nɛɡɔ́ ńdɛɛ, ńjʉ́ɔ wʉ́ʉ, pʉʉ cẅɛ́lɛ́ wɑ́ɑ nɛɡʉ zúꞋu. Ɛ́ ɡʉ ŋ́ɡɛ ḿbɔ́ ŋɡɔ́ku ɔɔ pɛkŋɛ ɡɛ ńtɛmtɛ ńnɑ́Ꞌ ńnɑ́ŋ mɔ́zʉꞋ.

1 Kɔlɛ̂ŋtɛ 16:11

Pɔ́Ꞌɔ lɑ́, kɔɔ ŋu ɡwɑ́k wɛ́. Pʉʉ ɡɑ́ wɛ́ nɛ́ shʉ́ pɑ́Ꞌ ɑ ɡʉ ŋ́ɡɔ ḿbɛn ŋ́kẅɛ́ɛtɛ wɑ́ɑ, ńnɛn ḿbɔ́ ńtsɑ́ɑtɛ tsɑ́ɑtɛ́nɛ. Mɔ sɛ́ ńzẅíꞋlɛ wɛ́ pɑ́Ꞌ pɔ́p pɔ́ɔpɛ́mɑ́ ɡʉ ńtɔ́.

2 Kɔlɛ̂ŋtɛ 1:16

Ŋ kɑ pɔ́ ŋ́kwɑŋɛ nɛɡɔ́ ŋ́ɡʉ Mɑsɛndwɑn ńdɛɛ lɑ́Ꞌ pʉʉ, ḿbɛn ɛ́fú Mɑsɛndwɑn ḿbɛn ńtɔ́ nɛ́ lɑ́Ꞌ pʉʉ, pʉʉ cẅɛ́lɛ́ wɑ́ɑ nɛɡʉ tɛ ŋ́kúu Judɛ̂,

Tîtɛ 3:12

N dɑɑ ńtúu Altɛmîs kɛ pɔ Tishik ɔɔ mbɔ̌ ɡu, ɔ sɑ́Ꞌ tʉʉ tɛ ńtɔ́ ŋ́kẅɛ́ɛtɛ wɑ́ɑ tʉ́sɔŋ-Nikɔpɔlɔs. Ɛ́ zʉꞋ yi ŋ kɑ zɑ́pnɛ ŋɡɔ ŋ ɡʉ ńnɑ́ŋ zúꞋu nǔu ŋkɑ́-fɑ́k ɡwɛ́.