1 Kɔlɛ̂ŋtɛ 16:19 - Kɑɑ Fí

¹⁹ MɛcúꞋlɛ-pʉɔ-Kɛlístɔ mi ɛ́ nǔu shʉ́-Azîi cɛꞋlɛ wʉ́ʉ. Akilɑs pɔ́p Pɛlɛsɛkɑ mbɑ cúꞋlɛ-pʉɔ-Kɛlístɔ yi ɛ́ jʉ́nɛ ndɑ́ pɔ́p lɔk lík-Tsɑpʉɔ ńcɛꞋlɛ wʉ́ʉ tɛꞋ.

1 Kɔlɛ̂ŋtɛ 16:19 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 16:6

Pɔ̂l pɔ́p Sílɑs kɛ ḿbɔ́ ńnɛn nɛnnɛ, Zẅikŋɛ-Sɛ́ ɡɛ ńtɔꞋ wɔ́p nɛɡʉ tsɛt pɑk-ŋɡɔŋ Azîi ɛ́sẅíi nu-Sɛ́, Pɔ́p tsʉ́Ꞌ ńjɛ́Ꞌ tsɛt pɑk-ŋɡɔŋ Filíjîi pɔ́p wɛ Ŋɡɑlɑ̂t jɛ́Ꞌnɛ,

ŊwɑꞋnɛ-Gɑŋntúu Yɛ́su Kɛlístɔ 18:18

Pɔ̂l nɑ́Ꞌ ḿbɛn ńzɛ ńnɑ́ŋ Kɔlɛ̂ŋntɛ. Lɑ́ ńdɛɛmɛ pɔ́ɔpɛ́mɑ́, ŋ́ɡʉ Sɛnkɛ́lɛ́ pɑ́Ꞌ ɑ ɡʉ ŋ́kúu mɑ́mɑ́ kɑnúꞋ ŋ́ɡʉ nɛ́ Siliyɑ. Pɔ̂l pɔ́p Pɛlɛsîl ŋ́ɡɛ Akilɑs ɡʉnɛ. Pɔ̂l ɡɔ́ ŋ́kúu kɑnúꞋ, ŋ́kɔ́ɔ tú yɛ́ ńdɔk ńcú ŋɡɔ ɑ ɡɛ yúu mi ɑ kɑ kɑꞋnɛ mbɔ̌ Sɛ́ tɛ ńdẅiklɛ.

ŊwɑꞋnɛ-Gɑŋntúu Yɛ́su Kɛlístɔ 18:2

ŋ́ɡʉ tɛ ŋ́kúu zúꞋu, ńjʉ́ɔ wɛcɔ́ ŋu-Yúdɑ ẅi pɛ́ fúŋnɛ wɛ́ ŋɡɔ Akilɑs. Mbɔ pɛ́ kɑ pí wɛ́ tsɛt pɑk-ŋɡɔŋ-Pɔ̂ŋ. Pɔ́p nzwɛ́ wɛ Pɛlɛsîl pɛ́t lɑ́ ńtɔ́, ɛ́fú nɛ́ ŋɡɔŋ-Itɑlî. Mbɔ Kɑ́sɑ Kɛlɔ̂dɛ kɑ cú ŋɡɔ pɑyúdɑ tsʉʉ fú tʉ́sɔŋ-Lɔ́mɑ ŋ́ɡʉ. Pɔ̂l ɡʉ ŋ́ɡwɑ́ wɔ́p.

ŊwɑꞋnɛ-Gɑŋntúu Yɛ́su Kɛlístɔ 18:26

A cú nu-Sɛ́ ndɑ́-cúꞋlɛ-pɑyúdɑ, ɛ́sɑ́ɑnɛ sɑ́ɑnɛ́nɛ. Pɛlɛsîl pɔ́p Akilɑs zúꞋ sẅiŋɛ yɛ́ ńdɔk wɛ́ ŋ́ɡʉ, ńniitɛ ńdɛꞋlɛ wɛ́ nɛ́ nu ŋ́ɡɑ́ nǔu sɛ̂ndúŋ-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 19:10

ŋ́ɡɛ pɔ pɔ́Ꞌɔ, nǔu ŋɡuꞋlɑ́Ꞌ yɛ́pɑ́. Tɛ pʉɔ tsʉʉ pi pɔ́p ńtswɛ́nɛ tsɛt pɑk-ŋɡɔŋ-Azîi ɛ̂wɑ́, kɛ ɑ ŋu-Yúdɑ ɔɔ, kɛ ɑ kɑ́ pɔ́ ŋu-Yúdɑ pɔ́ ɔɔ, ɑ zúꞋ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 2:9

Pʉɔ pinɛ pɔ́p fúnɛ Pɑ́ltɛ mbɑ pɛ́ Mɛdɛs, ŋ́ɡɛ pɛ́ Ɛlɑm tsɛtsɛt pɛkŋɛ zɑꞋnɛ. Mbɑ pʉɔ pinɛ pɔ́p nɑ́ŋnɛ Mɛzɔpɔtɑmîi ŋ́ɡɛ pi pɔ́p Judɛ̂. Pʉɔ-Kɑpɑdɔs mbɑ pʉɔ-Pɔ̂ŋ ŋ́ɡɛ pʉɔ nǔu pɑk-ŋɡɔŋ Azîi pɔ́ pɔ sɛ́.

Pʉɔ-Lɔ́mɑ 16:15

Pʉʉ cɛꞋlɛ Filɔlɔk, nɛ́ Julí, nɛ́ Nɛ́lɛ tɛ mbɑ mɔ́ɔmɑ́ wɛ wɛ mɑŋɡɛ́, ŋ́ɡɛ Ɔlɛmpɑ́s, tɛ mbɑ pʉɔ-Kɛlístɔ pɛtsʉʉ pi pɔ́p pɛpɔ́p pɔ́nɛ.

Kɔlɔsíyɛ̂ŋ 4:15

Pʉʉ cɛꞋlɛ pɔ́ɔpɛ́mɑ́ pi pɔ́p tʉ́sɔŋ-Lɑwɔdisɛ̂, ńcɛꞋlɛ Nimfɑ mbɑ cúꞋlɛ-pʉɔ-Kɛlístɔ yi ɛ́ ndɑ́ yɛ́.

2 Timɔtɛ́ɛ 4:19

CɛꞋlɛ Pɛlɛsîl pɔ́p Akilɑs ŋ́ɡɑ́ mbɔ̌ mɔ. ŃcɛꞋlɛ mbɑ pʉɔ-njɛ́Ꞌ-Ɔnɛzifɔɔ.

Filɛmɔ̂ŋ 1:2

Ɛ́ yú, ḿbɛn ḿbɔ́ yɛ́ Apíyɑ, mɔ́ɔmɑ́ wɛk wɛ mɑŋɡɛ́, mbɑ yɛ́ Alɛshipɛ, ŋɡɑŋku wɛkŋɛ tsɛt ntsɔ, ŋ́ɡɛ cúꞋlɛ-pʉɔ-Kɛlístɔ yi ɛ́ kúunɛ ndɑ́ ɡu.

1 Pyɛ̂ 1:1

A mɔ Pyɛ̂, ŋɡɑŋntúu-Yɛ́su Kɛlístɔ, ŋ ɡɑ́ yɔ ŋwɑꞋnɛ mbɔ̌ pʉʉ pí Sɛ́ kɑ tsɔ́Ꞌnɛ wʉ́ʉ, pʉʉ kɑ sɑt mɔ́ zʉꞋ, ŋ́ɡʉ ḿbɔ́ tsɛt ŋɡɔŋ Pɔŋnɛ, tsɛt wɛ Ŋɡɑlɑ̂t, tsɛt wɛ Kɑpɑdɔ̂s, tsɛt wɛ Azîi, mbɑ tsɛt wɛ Mbitinî. Pʉʉ tsɛt mɛŋɡɔŋ ɛ̂mɑ́ ḿbɔ́ pɛɡʉʉ.

Mɛnu ɛ́ ńdɑ́Ꞌ ńcẅɛt 1:11

ḿbɔ́ ńcú ŋɡɔ: «CúꞋlɛ kʉ̈ɔ́ lɑ́ yi ɔ sɛ́ ńjʉ́ɔ, ŋ́ŋwɑꞋnɛ tsɛt nɛpúꞋ-ŋwɑꞋnɛ, ńtúu ŋ́ɡɑ́ mbɔ̌ mɛcúꞋlɛ-pʉɔ-Kɛlístɔ mi ɛ́ sɑɑmbɑ́, ḿbɔ́ tsɛt mɛtʉ́sɔŋ mɔnɛ: Ɛ́fɛ̂zɛ, Sɛmilnɛ, Pɛlŋɡɑmɛ, Tyɑtîi, Sɑldɛs, Filɑdɛlfîi, Lɑɔdisɛ́.»