1 Kɔlɛ̂ŋtɛ 16:16 - Kɑɑ Fí

¹⁶ Pʉʉ zúꞋ ntsu-pʉɔ pɑ́Ꞌ pɔ́p, mbɑ wɛ pʉɔ pi pɔ́p pɛpɔ́p ŋ́kíɛnɛ ziꞋnɛ.

1 Kɔlɛ̂ŋtɛ 16:16 ပူးပေါင်းရင်းမြစ်များ

Pʉɔ-Lɔ́mɑ 16:12

Pʉʉ cɛꞋlɛ Tilifɛn pɔ́p mɔ́ɔmɑ́ wɛ Tilifɔs, ɛ́ pɑŋɡɛ́ pi pɔ́p fɑꞋnɛ fɑꞋ-Tsɑpʉɔ tɛꞋ. Pʉʉ cɛꞋlɛ Pɛɛsidɛ. A tʉʉndɛn mɔ́ɔmɑ́ wɑ́ɑ wɛ mɑŋɡɛ́. A kɑ fɑꞋ yɛ́ fɑꞋ-Tsɑpʉɔ tɛꞋ.

Pʉɔ-Lɔ́mɑ 16:3

Pʉʉ cɛꞋlɛ Pilískɑ pɔ́p Akilɑs ŋ́ɡɑ́ mbɔ̌ mɔ, ɛ́ pʉɔ pi pɛk pɛpɔ́p tɛmtɛ́nɛ ɛ́fɑꞋ fɑꞋ-Yɛ́su Kɛlístɔ.

Pʉɔ-Lɔ́mɑ 16:6

Pʉʉ ńcɛꞋlɛ Mɑlíyɑ. A kɑ kíɛ ziꞋnɛ tɛꞋ mbíꞋ wʉ́ʉ.

Pʉɔ-Lɔ́mɑ 16:9

Pʉʉ ńcɛꞋlɛ Ulbɛŋ, pɛkŋɛ fɑꞋ fɑꞋ-Kɛlístɔ, ḿbúꞋ mbɔ́ mbɔ̌ mbɑ mbɔ̌ mɔ́ɔmɑ́ wɑ́ɑ wɛ tʉʉndɛn Stɑshis.

1 Kɔlɛ̂ŋtɛ 12:28

Sɛ́ kɑ tsʉ́Ꞌ nɛniitɛ cúꞋlɛ yɛ́, ḿbiitɛ ńzɑ́p ɡɑŋntúu, ḿbɑ́ɑtɛ ńzɑ́p pɑcẅiŋkʉʉ pi pɔ́p fúnɛ mbɔ̌ wɛ́, ḿbɑ́ɑtɛ ńtík pɑzíꞋ pʉɔ nɛ́ nu-Sɛ́, pɛ́ fú nǔu pɔ́p ńjʉ́ɔ pʉɔ pinɛ ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ, ḿbɑ́ɑtɛ ńjʉ́ɔ pʉɔ pi ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ ɡɑŋɡɔɔ fíitɛ, pɛ́ fú nǔu pɔ́p ńjʉ́ɔ pʉɔ pi yɔ́p pɔ́fɑꞋ ɛ́ nɛcẅɛ́lɛ pɛcɔ́ pʉɔ mbɑ pʉɔ pi pɔ́p niitɛ́nɛ cúꞋlɛ, tɛ mbɑ pʉɔ pi ɑ kɑ ɡɑ́nɛ fuꞋ níinɛ yɔ́p ɛ́ pɔ́ pɑ́Ꞌ pɔ́p ɡʉ ɛ́sẅíŋɛ mɛsẅíŋɛ mi pɔ́p ŋkɑɑ zíꞋ.

1 Kɔlɛ̂ŋtɛ 3:9

MbíꞋŋɡɔ pɛk tɛmtɛ ḿbɔ́ ɛ́fɑꞋ pɔ fɑꞋ-Sɛ́. Pʉʉ pɔ́ ŋkɑ́Ꞌ-Sɛ́, ḿbɛn ḿbɔ́ ndɑ́ yi Sɛ́ sɛ́ ŋ́kút.

Ɛ́fɛ̂zɛ 5:21

Pʉʉ lɔk pɑ́Ꞌ pʉʉ ɡɑ́nɛ mbʉʉ yʉʉ sɛ́ mbi Kɛlístɔ, mbɑ wɔ̌ lɑ́ ɡɑ́ mbʉʉ yɛ sɛ́ mbi mɔ́ɔmɑ́ wɛ.

Filipɛ 4:3

Ḿbɛn ŋ́ɡʉ nǔu ɡu, kwɑꞋ súu wɑɑ tsɛt fɑꞋ, mɔ sɛ́ ḿbúꞋ mbɔ́ mbɔ̌ ɡu ŋɡɔ ɔ cẅɛ́lɛ́ wɔ́p, pɑŋɡɛ́ ɛ̂pɑ́ pɛkŋɛ pɛpɔ́p nɛ́ Kɛlɛmɑ̂ŋ kɑ tɛmtɛ́nɛ ńdʉ̈ɔ́Ꞌ ntsɔ nǔu nu-Ŋkʉʉ Sʉ́Ꞌnɛ, ŋ́ɡɛ pɛcɔ́ pʉɔ pi pɛk pɔ́p kɑ pɔ́ ɛ́fɑꞋ tɛ mɛlík mɔ́p tsɛt ŋwɑꞋnɛ yi ɛ́ mbɔ̌ Sɛ́.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Tɛsɑlɔník 2:9

Pʉʉ kẅíitɛ pɑ́Ꞌ ɛ́ kɑ pɔ́nɛ ŋkɑ́ yi pɛk kɑ pɔ́ ńcẅi Ŋkʉʉ Sʉ́Ꞌnɛ mbɔ̌ pʉʉ lɑ́, pɛk pɛn ɛ́fɑꞋ tɛ ŋ́kɑ́ɑ, lɑ ŋ́ɡẅɛɛ yúu kwɛ́tnɛ. Pɛk kɑ pɔ́ ɛ́fɑꞋ nɛnɛm ɛ́fɑ́Ꞌ nɛtúꞋ. Pɛk ŋkɑɑ kɔŋ nɛtsʉ́Ꞌ piꞋ mbɔ̌ wɛcɔ́ ŋu wʉʉ pɔ́.

1 Tɛsɑlɔník 5:12

Pɔ́ɔpɛ́mɑ́, pɛk púꞋ mbɔ́ mbɔ̌ pʉʉ ŋɡɔ pʉʉ ɡɑ́ mɛkuꞋ mbɔ̌ pʉɔ pi pɔ́p fɑꞋnɛ fɑꞋ-Sɛ́ tsɛtsɛt pʉʉ, mbɔ̌ pʉɔ pi Tsɑpʉɔ kɑ tíknɛ wɔ́p mbi pʉʉ ŋɡɔ pɔ́p tʉ̈ɔ́Ꞌlɛ wʉ́ʉ.

1 Timɔtɛ́ɛ 5:17

Ɛ́ ɡʉ nǔu pʉɔ pi pɔ́p cẅɛ́ɛnɛ mbi nǔu cúꞋlɛ-pʉɔ-Kɛlístɔ, ḿbɔ́ ɛ́fɑꞋ sʉ́Ꞌnɛ, pɛ́ ɡɛ mɛkuꞋ mɔ́p, ŋ́ɡɑ́ tsɔ́ꞋfɑꞋ yi ɛ́ píkŋɛ́nɛ mbɔ̌ pɔ́p, ńtsuŋ ŋ́ɡɛ mɛ́ pʉɔ pi pɔ́p sẅíinɛ nu-Sɛ́ ḿbɛn ńzíꞋ pʉɔ nɛ́ yúu.

Ɛ́bɛlʉʉ 13:17

Pʉʉ zúꞋ ntsu-pʉɔ pi pɔ́p tsiinɛnɛ wʉ́ʉ. Pʉʉ ɡɑ́ mbʉʉ sɛ́ mbi pɔ́p, mbíꞋŋɡɔ pɔ́p sɛ́ ńdíŋɛ wʉ́ʉ ŋɡɔŋ ŋkɑ́ tsʉʉ, ḿbɔ́ ńjí ŋɡɔ pɔ́p ɡʉ ńdɑ́Ꞌ ńtʉ́ʉ mbi Sɛ́ ḿbɛ́ɛtɛ ntɛ́ yi pɔ́p kɑ lɔknɛ ɛ́fɑꞋ tsɛtsɛt pʉʉ. Pɔ́Ꞌɔ lɑ́, pʉʉ ɡɛ nǔu ntɛ́ yi pɔ́p ɡʉ ɛ́fɑꞋ fɑꞋ yɔ́p nɛ́ tsɑ́ɑtɛ, tɛ pɔ́p pɔɔ pɔ́ tsẅii tsẅiinɛ pɔ́, mbíꞋŋɡɔ ɛ́ lɑɑ ḿbɔ́ pɔ́Ꞌɔ, pʉʉ pɔɔ lúꞋnɛ.

Ɛ́bɛlʉʉ 13:24

Pʉʉ cɛꞋlɛ pɑtsiinɛ wʉ́ʉ kɛ́ vuꞋ wɛcɔ́, ńcɛꞋlɛ mbɑ pʉɔ-Sɛ́ pɛ́tsʉʉ. Pʉɔ pɛ́ Itɑ́lîi cú ŋɡɔ n cɛꞋlɛ wʉ́ʉ.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

1 Pyɛ̂ 5:5

Ɛ́ ɡʉ nǔu pʉʉ ɡúu pɔ́ɔsuu, pʉʉ ɡɑ́ mbʉʉ yʉʉ sɛ́ mbi pɑcẅɛ́ɛmbi tsɛt cúꞋlɛ, ŋ́ɡʉ nǔu pʉɔ tsʉʉ, kɔɔ pʉʉ pɔ́ ŋ́ɡɛ yɛcɔ́ yúu, tɛ ŋu wʉʉ kwɑŋɛ ŋɡɔ ɑ lɛɛ wɛcɔ́. MbíꞋŋɡɔ ŋwɑꞋnɛ-Sɛ́ cú ŋɡɔ: Sɛ́ lʉꞋ pɑŋɑꞋtɛ mbʉʉ lʉꞋnɛ, ŋ́kɛ́ ńdɔk pɔŋtʉ́m ńdíŋɛ pʉɔ pi pɔ́p kɔknɛ mbʉʉ yɔp ŋ́ɡɑ́ sɛ́.

3 Jɑ̂ŋ 1:8

Pɔ́Ꞌɔ lɑ́, pɛkŋɛ pʉɔ-Kɛlístɔ ɡẅɛɛ nɛcẅɛ́lɛ pɔ́ɔpɛ́mɑ́ pɑ́Ꞌ pîpɑ́, nɛpɔ́ yi pɛkŋɛ pɛpɔ́p ɡʉ ńdɔk ńtɛmtɛ ŋ́ɡɛ nu nɛ́nẅín sɑt zʉꞋ.

Mɛnu ɛ́ ńdɑ́Ꞌ ńcẅɛt 2:3

Pʉʉ sɛ́ ɛ́sɑ́Ꞌ tʉʉ. Pʉʉ kɑ jʉ́ɔ ŋɡʉ̈ɔ́Ꞌ ntɛ́ wɑ́ɑ, ŋ́kɛ́ ḿbɔɔ kɑ́ɑ.