1 Kɔlɛ̂ŋtɛ 16:10 - Kɑɑ Fí

¹⁰ Timɔtɛ̂ɛ lɑɑ ńtɔ́ lɑ́Ꞌ pʉʉ, pʉʉ kúkŋɛ wɛ́ sʉ́Ꞌnɛ. Nɛpɔ́ yi ɑ ɡʉ ńnɑ́ŋ tsɛtsɛt pʉʉ, ńzúꞋ mbʉʉ yɛ́ pɔŋ, mbíꞋŋɡɔ ɑ fɑꞋ yɛ́ pɔ fɑꞋ-Tsɑpʉɔ pɑ́Ꞌ mɔ.

1 Kɔlɛ̂ŋtɛ 16:10 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 16:1

Pɔ̂l ɡʉ tɛ ŋ́kúu tʉ́sɔŋ-Ndɛlbɛ, ŋ́ɡɛ ɛ́fú zúꞋu ńdɔk wɛ Listɛlɛ. Wɛcɔ́ ŋu-Kɛlístɔ pɔ́ zúꞋu, pɛ́ fúŋ wɛ́ ŋɡɔ Timɔtɛ̂ɛ. Mɑ́ wɛ pɔ́ mɔ́ɔ-Yúdɑ, mbɔ ɑ kɑ pɛ́m mɔ nu-Yɛ́su. Mbɔ tɑ́t wɛ ḿbɔ́ ŋu-Ŋɡɛlɛk.

ŊwɑꞋnɛ-Gɑŋntúu Yɛ́su Kɛlístɔ 19:22

Ŋ́kwɑŋɛ pɔ́Ꞌɔ, ńzɑ́Ꞌ njí ńtúu Timɔtɛ̂ɛ pɔ́p Ɛlɑ̂stɛ Mɑsɛ́ndwɑn, pɔ́p pɔ́ pʉɔ pinɛ pɔ́p cẅɛ́lɛ́nɛ wɛ́. Lɑ́ kwɑꞋ jʉ́ nɛ́ tú yɛ́ pɛn ńnɑ́Ꞌ ńzɛɛ ńnɑ́ŋ tsɛt pɑk-ŋɡɔŋ-Azîi.

Pʉɔ-Lɔ́mɑ 16:21

Timɔtɛ̂ɛ ẅí pɛknɛ fɑꞋnɛ, cɛꞋlɛ wʉ́ʉ. Lusius mbɑ Jɑsɔn mbɑ Sɔsipɑtɛɛ, pi pɛk pɛpɔ́p tɛmtɛ ḿbɔ́ pɑyúdɑ pɔ́p cɛꞋlɛ wʉ́ʉ ɡúu.

1 Kɔlɛ̂ŋtɛ 15:58

Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 16:11

Pɔ́Ꞌɔ lɑ́, kɔɔ ŋu ɡwɑ́k wɛ́. Pʉʉ ɡɑ́ wɛ́ nɛ́ shʉ́ pɑ́Ꞌ ɑ ɡʉ ŋ́ɡɔ ḿbɛn ŋ́kẅɛ́ɛtɛ wɑ́ɑ, ńnɛn ḿbɔ́ ńtsɑ́ɑtɛ tsɑ́ɑtɛ́nɛ. Mɔ sɛ́ ńzẅíꞋlɛ wɛ́ pɑ́Ꞌ pɔ́p pɔ́ɔpɛ́mɑ́ ɡʉ ńtɔ́.

1 Kɔlɛ̂ŋtɛ 4:17

Ŋ ɡɔ́ ńtúu Timɔtɛ̂ɛ mbɔ̌ pʉʉ mbíꞋ pɔ pɔ́Ꞌɔ. A nǔu nu-Kɛlístɔ ḿbɔ́ mɔ́ɔ wɑ́ɑ wi ŋ kɔŋnɛ wɛ́ tɛꞋ. A jí pɔ ndɑꞋ nu-Tsɑpʉɔ. A ŋ́ɡɛ ńtɔ́ ŋ́kẅíitɛ wʉ́ʉ nɛ́ yúu mi n zíꞋnɛ pʉɔ nǔu nɛnɛn nzʉʉ Kɛlístɔ pɔ kwɑꞋ pɑ́Ꞌ mɔ sɛ́ ńtɔ́ mbɑ ɡɔ́ lɑ́ tsɛt mɛcúꞋlɛ-pʉɔ-Kɛlístɔ ńzíꞋ lɑ́.

2 Kɔlɛ̂ŋtɛ 1:1

Yɔ ŋwɑꞋnɛ fú mbɔ̌ mɔ pɔ̂l ẅi Sɛ́ kɑ kɔŋ kɔŋnɛ ńtsɔ́Ꞌ wɑ́ɑ ńdɔk ŋ́ɡɛ ŋɡɑŋntúu-Yɛ́su Kɛlístɔ. Pɛk mɔ́ɔmɑ́ wɛkŋɛ Timɔtɛ̂ɛ ŋwɑꞋnɛ́nɛ yɔ ŋwɑꞋnɛ, ŋ́ɡɑ́ mbɔ̌ cúꞋlɛ-pʉɔ-Sɛ́ tʉ́sɔŋ-Kɔlɛŋntɛ. M bɛn ŋ́ŋwɑꞋnɛ ŋ́ɡɑ́ mbɑ mbɔ̌ pʉɔ-Sɛ́ pɛtsʉʉ, pi pɔ́p nǔu shʉ́-Akɑ̂y tsʉʉ.

2 Kɔlɛ̂ŋtɛ 6:1

Pɑ́Ꞌ pɛkŋɛ pɛ́ Sɛ́ tɛmtɛ́nɛ ḿbɔ́ ɛ́fɑꞋ lɑ́, pɛk sɛ́ ńní mɛtʉʉ mʉ́ʉ ŋɡɔ kɔɔ pʉʉ ɡɛ nǔu ntɛ́ yi, nɛpɔ́ ẅi Sɛ́ tsɑ́ɑnɛ wʉ́ʉ, ŋ́ɡɑ́ fuꞋ níinɛ yʉ́ʉ, ɡʉ ńdɛɛ fɛ̌ɛ.

1 Tɛsɑlɔník 3:2

ńtúu Timɔtɛ̂ɛ mbɔ̌ pʉʉ. Pʉʉ sɛ́ ńjí ŋɡɔ ɑ mɔ́ɔmɑ́ wɛkŋɛ ẅí pɛk pɛpɔ́p fɑꞋnɛ fɑꞋ-Sɛ́, ńnɛn ńcẅi Ŋkʉʉ sʉ́Ꞌnɛ-Kɛlístɔ. Pɛk kɑ túu wɛ́ nɛpɔ́ yi ɑ ɡʉ ŋ́ɡɛ pʉʉ tɛntɛ, ḿbɛn ńníꞋ mɛtʉʉ mʉ́ʉ nǔu wʉʉ nɛzɑ́p tʉ́m nǔu Sɛ́,

1 Tɛsɑlɔník 4:12

ńjí ŋɡɔ pʉɔ pi pɔ́p kɑ́ pɔ́ pʉɔ-Kɛlístɔ pɔ́, ɡʉ ńjʉ́ɔ pɔ́Ꞌɔ, ŋ́ɡʉ̈ɔꞋtɛ yʉʉ ntɛ́ nɛnɑ́ŋ. Pʉʉ pɛn ŋ́kɛ́ mbɔɔ tsʉ́Ꞌ piꞋ mbɔ̌ wɛcɔ́ ŋu pɔ́.