1 Kɔlɛ̂ŋtɛ 15:58 - Kɑɑ Fí

⁵⁸ Pɔ́ɔpɛ́mɑ́ pɑ́ɑ pɛtʉʉndɛn, pɑ́Ꞌ ɛ́ pɔ́Ꞌɔ lɑ́, pʉʉ tɛntɛ tɛntɛnɛ, kɔɔ ŋu cʉɔꞌ, pʉʉ kẅiꞋ ɛ́fɑꞋ mɛfɑꞋ-Tsɑpʉɔ ńdɔk ŋ́ɡʉ pɔ nɛ́ mbi, ŋ́ɡɔ ɛ́fɑꞋ ḿbɔ́ ńjí ŋɡɔ fɑꞋ yi pʉʉ fɑꞋnɛ, mbíꞋ ŋɡɔ pʉʉ pʉɔ-Tsɑpʉɔ lɑ́, kɛ́ ɡɛ ńdɛɛ níinɛ pɔ́.

1 Kɔlɛ̂ŋtɛ 15:58 ပူးပေါင်းရင်းမြစ်များ

Mɑ́lɛ́kúshi 3:3

A cú mbɔ̌ pfúpɔ́ ɛ̂wɑ́ ŋɡɔ: «Lɔ sɛ́ ńtɔ́ ńtʉ́ʉ mbi,

Lúkɑ́shi 19:19

Fɔɔ tsɔ́Ꞌ mbɔ̌ wɛ́ ŋɡɔ: «Ɛ́ ɡʉ nǔu ɡu, mbɔ mɔ ńdɔk wú ŋ́ɡɛ Ŋɡɔ́mnɑɑ ẅí ɔ ɡʉ ɛ́sɑ́Ꞌ mɛtʉ́sɔŋ mɛ́ntɑɑ.»

1 Kɔlɛ̂ŋtɛ 16:10

Timɔtɛ̂ɛ lɑɑ ńtɔ́ lɑ́Ꞌ pʉʉ, pʉʉ kúkŋɛ wɛ́ sʉ́Ꞌnɛ. Nɛpɔ́ yi ɑ ɡʉ ńnɑ́ŋ tsɛtsɛt pʉʉ, ńzúꞋ mbʉʉ yɛ́ pɔŋ, mbíꞋŋɡɔ ɑ fɑꞋ yɛ́ pɔ fɑꞋ-Tsɑpʉɔ pɑ́Ꞌ mɔ.

1 Kɔlɛ̂ŋtɛ 3:8

Ŋu ẅí ɑ pinɛ tʉ́ pɔ́p ŋu ẅí ɑ tswɛtnɛ ŋki nǔu pɔ́ pɔ ndʉ́ŋndʉŋ. Mbɑ wɔ̌ lɑ́ nǔu pɔ́p pɔ́ ŋ́ɡʉ ńcẅɛ́ɛ yɛ́ tsɔ́Ꞌ fɑꞋ ɛ́ kuꞋ nǔu fɑꞋ yi ɑ fɑꞋnɛ.

2 Kɔlɛ̂ŋtɛ 7:1

Pɔ́ɔpɛ́mɑ́ pɑ́ɑ pɛ́ tʉʉndɛn, pɑ́Ꞌ Sɛ́ kɑ kɑꞋnɛ mɔnɛ mɛnu mbɔ̌ pɛkŋɛ lɑ́, ɛ́ sɛ́ ḿbíkŋɛ ŋɡɔ kwɑꞋ pɛkŋɛ nɛ́ tú yɛkŋɛ kʉ̈ɔ́ mɛnu mi ɛ́ kɑ́ pɔŋ Sɛ́ pɔ́, mi pɛ́ ɡɛ ɡɛnɛ, tɛ mbɑ mi pɛ́ kwɑŋɛ kwɑŋɛ́nɛ, ŋ́kẅiꞋ ńdɔk nɛpɔ́ kɛ́ lɔ́Ꞌ ŋ́ɡʉ nɛ́ mbi tɛ ńdẅiklɛ, ŋ́ɡɔ ŋ́ɡɛ, ḿbɔ́ ḿbɔ́k Sɛ́.

Ŋɡɑlɑ̂t 4:11

M bɔ́k yúu mi pʉʉ sɛ́ ŋ́ɡɛ lɑ́, ḿbɔ́ mɛfɑꞋ mi ŋ kɑ fɑꞋnɛ tsɛtsɛt pʉʉ lɛɛ níinɛ.

Ŋɡɑlɑ̂t 6:9

Kɔɔ pɛkŋɛ kɛ ŋ́kɑ́ɑ nɛɡɛ nu sʉ́Ꞌnɛ, mbíꞋŋɡɔ pɛkŋɛ lɑɑ ŋ́ɡɛ nu sʉ́Ꞌnɛ ńdɔk ŋ́ɡʉ pɔ nɛ́ mbi, mbɔ ŋkɑ́ ɡʉ ńdɑ́Ꞌ ŋ́kuꞋ, Sɛ́ ɡɛ pɛkŋɛ lɑk yúu tɛꞋ.

Filipɛ 1:11

Yɛ́su ɡʉ ńcẅɛ́lɛ́ wʉ́ʉ nɛfɑꞋ pɔ mɛfɑꞋ sʉ́Ꞌnɛ, nɛlɔk ŋ́ɡúꞋlɛ Sɛ́, ŋ́kɑꞋ lík yɛ́.

Filipɛ 1:9

Yúu mi mɔ sɛ́ ḿbɛn ńnɑ́ŋ ḿbúꞋ mbɔ́ mbɔ̌ Sɛ́ ńtsɑ́ɑ ŋɡɔ ɑ ɡɑ́ mbɔ̌ pʉʉ ɛ́ ŋɡɔ jʉ́ Sɛ́ ɡɛnɛ pʉʉ kẅiꞋ ŋ́ɡẅɛɛ ŋkɔŋɛ ńdɔk ŋ́ɡʉ nɛ́ mbi, ḿbɔ́ ńtsuŋ ńjí wɛ́ sʉ́Ꞌnɛ, ḿbɔ́ ńjí tɔŋ yi ɛ́ nǔu nu sʉ́Ꞌnɛ pɔ́p yi kɛpɔŋ.

Filipɛ 2:16

nɛlɔk Ŋkʉʉ Sʉ́Ꞌnɛ ńtɔ́ mbɔ̌ pɔ́p. Ɛ́ lɑ́Ꞌ lɛ́Ꞌ yi Kɛlístɔ ḿbɛn ńtɔ́, n diŋɛ wʉ́ʉ, nu yʉ́ʉ pɔŋ wɑ́ɑ. Mbɑ wɔ̌ lɑ́ jʉ́ɔ ŋɡɔ mɛfɑꞋ mi ŋ kɑ jʉ́ɔnɛ ŋɡʉ̈ɔ́Ꞌ ɛ́fɑꞋ ɛ́ ŋkɑɑ lɛɛ níinɛ pɔ́.

Filipɛ 2:30

mbíꞋŋɡɔ ɛ́ kɑ tsʉ́Ꞌ mɔ́zʉꞋ, ɑ tɔ́ nɛfɑꞋ fɑꞋ-Kɛlístɔ, ḿpfú nǔu. A kɑ tɔ́ nɛɡɛ yúu mi pʉʉ kɑ pɔ́nɛ ŋ́ɡʉ ŋ́ɡɛ nǔu mɔ, ɛ́ tsʉ́Ꞌ mɔ́zʉꞋ ɑ ɡɑ́ tú yɛ́.

Filipɛ 4:17

N cú pɑ́Ꞌɑ, ɛ́ pɔɔ pɔ́ pɔ ŋɡɔ mɔ sɛ́ ńdɔɔ pɔ yúu mi pɛ́ ɡʉ ńtúu ŋ́ɡɑ́ mbɔ̌ mɔ pɔ́. Mɔ sɛ́ ńtsɑ́ɑ pɔ ŋɡɔ Sɛ́ fú nǔu ńníꞋ mbɔ́tnɛ nǔu pʉʉ.

Kɔlɔsíyɛ̂ŋ 1:23

Lɑ́, ɛ́ kɛ́ ḿbɔ́ ḿbíkŋɛ ŋɡɔ pʉʉ zɑ́p tʉ́m nǔu jʉ́ Yɛ́su ńjí ŋɡɔ pʉʉ ɡʉ tʉ́ʉ kɛ́ zɔŋɛ, kwɑŋɛ yʉ́ʉ kɛ́ ńtʉ́ʉ pɔ nǔu yúu mi pʉʉ sɛ́ ńzẅíꞋlɛ mbɔ̌ Sɛ́, mbɔ pʉʉ kɑ zúꞋ yîyɑ́ yúu ŋkɑ́ yi pɛ́ kɑ pɔ́ ńcẅii Ŋkʉʉ Sʉ́Ꞌnɛ mbɔ̌ pʉʉ, ɛ́ pɔ́ pɔ wɛ́tɛ́ ẅí pɛ́ cẅinɛ mbɔ̌ ŋumɛsɔŋ tsʉʉ ndǔ ŋɡɔŋ. Mɔ Pɔ̂l yɑ́ɑ fɑꞋ nɛcẅi ẅîwɑ́ Ŋkʉʉ.

Kɔlɔsíyɛ̂ŋ 2:5

N zɛɛ ḿbɔ́ pɔ ŋɡɑ sɛsɑ, lɑ́ kwɑŋɛ yɑ́ɑ tʉ́ʉ pɔ nǔu pʉʉ. Mɔ sɛ́ ńtsɑ́ɑtɛ mbíꞋŋɡɔ n jí ŋɡɔ pʉʉ sɛ́ ńniitɛ mɛnu mʉ́ʉ sʉ́Ꞌnɛ, ḿbɛn ŋ́kúꞋlɛ nu-Kɛlístɔ tɛ ɛ́ tɛn.

Kɔlɔsíyɛ̂ŋ 2:7

Pʉʉ niitɛ ńdɑt nɛŋɑŋ nʉ́ʉ pɔ nǔu wɛ́, ńtík yʉ́ʉ luk pɔ nǔu wɛ́ pɑ́Ꞌ pɛ́ tíknɛ ndɑ́ nǔu cʉ́ lɑ́, ḿbɔ́ ŋ́kẅiꞋ ńzɑ́p tʉ́m nǔu wɛ́ sʉ́Ꞌnɛ, pɔ pɑ́Ꞌ pɛ́ kɑ zíꞋnɛ wʉ́ʉ. Pʉʉ pɔ́ ŋ́ɡɑ́ pɑ́Ꞌlɑ́ mbɔ̌ Sɛ́ kwɑꞋ sʉ́Ꞌnɛ.

1 Tɛsɑlɔník 1:3

Pɛk sɛ́ ḿbúꞋ mbɔ́ mbɔ̌ Tɑ̌ɑ wɛkŋɛ Sɛ́ ŋkɑ́ kʉ̈ɔ́ lɑ́, ŋ́kẅíitɛ pɑ́Ꞌ pʉʉ lɔknɛ pɑ́Ꞌ pʉʉ zɑ́pnɛ tʉ́m nǔu Yɛ́su ɛ́fɑꞋ mɛfɑꞋ, ŋ́kẅíitɛ ntɛ́ fɑꞋ yi pʉʉ lɔknɛ ŋkɔŋɛ ɛ́fɑꞋ, ḿbɛn ŋ́kẅíitɛ pɑ́Ꞌ pʉʉ sɛ́ ńzẅíꞋlɛ Tsɑpʉɔ Yɛ́su Kɛlístɔ kɛ́ kɑ́ɑ.

1 Tɛsɑlɔník 3:12

Pɛk pɛn ḿbɔ́ ńdɔ́ɔ ŋɡɔ Tsɑpʉɔ ɡɛ ŋkɔŋɛ yi pʉʉ ɡẅɛɛnɛ tsɛtsɛt pʉʉ, mbɑ yi pʉʉ ɡẅɛɛnɛ nǔu pɛcɔ́ pʉɔmɛsɔŋ tsʉʉ, ɛ́ kẅiꞋ kẅiꞋnɛ, ŋɡɔ ɑ ɡɛ ɛ́ pɔ́ pɑ́Ꞌ yi pɛk ɡẅɛɛnɛ nǔu pʉʉ,

1 Tɛsɑlɔník 3:3

nɛpɔ́ yi ŋɡʉ̈ɔ́Ꞌ yi pʉʉ sɛ́ ńjʉ́ɔ ŋkɔ̂ɔnɛ, kɛ́ ɡɛ wɛcɔ́ ŋu tsɛtsɛt pʉʉ mʉꞋlɛ nǔu nu-Sɛ́ pɔ́. Pʉʉ zɛɛ ḿbɔ́ ńjí yʉ́ʉ ŋɡɔ ŋɡʉ̈ɔ́Ꞌ ɡẅɛɛ nɛkúu wɛkŋɛ pɑzɑptʉ́m nǔu Sɛ́.

1 Tɛsɑlɔník 3:5

Ɛ́ yúu mi ɛ́ kɑ ɡɛnɛ lɑ m bɔɔ pɛn ŋ́kuꞋ nɛzẅíꞋlɛ pɔ́, ńtsʉ́Ꞌ ńtúu Timɔtɛ̂ɛ, ŋɡɔ ɑ ɡʉ ńjʉ́ɔ pɑ́Ꞌ wʉʉ nɛzɑ́p tʉ́m nǔu Sɛ́ kɑ tsʉ́Ꞌnɛ ḿbɔ́ pɔ́Ꞌɔ, ŋ́ɡɔ ńtúu wɛ́, ḿbɔ́ ḿbɔ́k ŋɡɔ Sɑ́ttɑ kɑ tsʉ́Ꞌ ŋ́kwɑꞋlɛ wʉ́ʉ tɛ fɑꞋ yi pɛk kɑ fɑꞋnɛ lɛɛ níinɛ.

1 Tɛsɑlɔník 4:1

Pɔ́ɔpɛ́mɑ́, nu yi pɛk ɡʉ ńdɔk ńdẅiklɛ ɛ́ pɔ́ pɔ ŋɡɔ pɛk kɑ sẅíi wʉ́ʉ nɛ́ ntɛ́ yi ɛ́ lɑɑ ḿbɔ́ pʉʉ lɔk ńnɑ́ŋ pɔ́Ꞌɔ, nu yʉ́ʉ pɔŋ Sɛ́. Ɛ́ ɡʉ ŋ́ɡɛ pɑ́Ꞌ lɑ́ pʉʉ pɔ́ ńnɑ́ŋ pɔ pɔ́Ꞌɔ. Lɑ́ pɛk pɛn ḿbɔ́ ḿbíkŋɛ mbɔ̌ pʉʉ, tɛ ḿbúꞋ pɔ mbɔ́ nǔu lík-Tsɑpʉɔ Yɛ́su ŋɡɔ, pʉʉ ɡɛ pɔ pɔ́Ꞌɔ, ńdɔk ŋ́ɡʉ nɛ́ mbi.

2 Tɛsɑlɔník 1:3

Pɔ́ɔpɛ́mɑ́, pɛk ɡẅɛɛ nɛɡɑ́ pɑ́Ꞌlɑ́ mbɔ̌ Sɛ́ nǔu tú yʉ́ʉ ŋɡɔŋ ŋkɑ́ tsʉʉ. Ɛ́ pɔŋ ŋɡɔ pɛ́ ɡɛ pɔ́Ꞌɔ, mbíꞋŋɡɔ pʉʉ kɑ́ pɔ́ ŋ́kɑ́ɑ nɛzɑ́p tʉ́m nǔu wɛ́ pɔ́, ḿbɛn ḿbɔ́ ŋ́ɡẅɛɛ ŋkɔŋɛ tsɛtsɛt pʉʉ ńdɔk ŋ́ɡʉ pɔ nɛ́ mbi.

Tîtɛ 2:14

KwɑꞋ jʉ́ kɑ ɡɑ́ tú yɛ́ ńdɔk ńzúu tú yɛkŋɛ, nɛlɔk ńtsúꞋ wɛkŋɛ nǔu mɛnu kɛpɔŋ mɛkŋɛ tsʉʉ. A kɑ niitɛ wɛkŋɛ, pɛkŋɛ tsʉ́Ꞌ pʉɔ pɛ́, ḿbɔ́ pʉɔ kɛ́ lɔ́Ꞌ, ńtsʉ́Ꞌ ńníꞋ tú ŋ́ɡɛ pɔ yúu mi ɛ́ pɔŋnɛ.

Ɛ́bɛlʉʉ 13:21

Ɛ́ pɔŋ ŋɡɔ Sɛ́ mbɔ́tnɛ ɛ̂wɑ́, ɡɛ pʉʉ kuꞋ nɛɡɛ nu sʉ́Ꞌnɛ nɛpɔ́ yi pʉʉ ɡʉ ŋ́ɡɛ pɔ yúu mi ɑ sɛ́ ŋ́kɔŋ. Ɛ́ pɔŋ ŋɡɔ jʉ́ Sɛ́ fú nǔu Yɛ́su Kɛlístɔ, ŋ́ɡɛ yúu mi ɛ́ pɔŋnɛ wɛ́ pɔ́ nǔu pɛkŋɛ. NɛɡúꞋ pɔ́ mbɔ̌ Yɛ́su Kɛlístɔ nǔu mɛŋɡuꞋ mɛŋɡuꞋ! Ɛ́ pɔ́Ꞌɔ.

Ɛ́bɛlʉʉ 3:14

Pɛkŋɛ pɛ́ Kɛlístɔ zɛɛ ńtsʉ́Ꞌ ńtɛmtɛ ḿbɔ́ pɔ nǔu tɑ́Ꞌ nu, lɑ́ ɛ́ sɛ́ ḿbíkŋɛ tɑ́Ꞌ yúu wɛ́mɔ́Ꞌ, ɛ́ pɔ́ nɛkúꞋlɛ yúu mi pɛ́ kɑ sẅíinɛ wɛkŋɛ lɑ́ pɛkŋɛ zɑ́p tʉ́m nǔu Sɛ́, ŋ́kúꞋlɛ kúꞋlɛ́nɛ tɛ ńdɑ́Ꞌ ŋ́kúu nǔu ndẅiknzʉʉ lɛ́Ꞌ.

Ɛ́bɛlʉʉ 6:10

Sɛ́ lɔɔ ŋ́ɡɛ nu yi ɛ́ kɑ́ tʉ́ʉ ndʉ́ŋndʉŋ pɔ́ pɔ́. Mbɔ́ ɑ pɔɔ likŋɛ yúu mi pʉʉ kɑ ɡɛnɛ pɔ́, pɑ́Ꞌ pʉʉ kɑ cẅɛ́lɛ́nɛ pɔ́ɔpɛ́mɑ́ pʉʉ pʉɔ-Kɛlístɔ, pʉʉ zɛɛ ḿbɛ́t ńcẅɛ́lɛ wɔ́p cẅɛ́lɛ́nɛ, ɛ́ lɔk ńnyɛt ŋɡɔ pʉʉ kɔŋ Sɛ́.

2 Pyɛ̂ 3:14

Pɛsúu pɑ́ɑ pɛ́ tʉʉndɛn, ɛ́ yúu mi ɛ́ ɡɛnɛ, pʉʉ pɔ́ ńzẅíꞋlɛ yîyɑ́ lɛ́Ꞌlɑ́Ꞌ, ɛ́sɑ́Ꞌ tʉʉ ńnɑ́ŋ kɛ́ lɔ́Ꞌ. Pʉʉ pɔɔ ɡɛ yɛcɔ́ yúu mi Sɛ́ ɡʉ ŋ́kɑkŋɛ wʉ́ʉ nǔu pɔ́, pʉʉ pɛpɔ́p pɛn ḿbɔ́ kɛ́ cʉ́ɔk.