1 Kɔlɛ̂ŋtɛ 15:45 - Kɑɑ Fí

⁴⁵ Ɛ́ yúu mi ɛ́ kɑ ɡɛnɛ pɛ́ ŋwɑꞋnɛ ŋɡɔ Ádɑm ẅí ɑ kɑ pɔ́nɛ nduŋmbi ŋumɛsɔŋ, Sɛ́ kɑ ɡɛ lɑ ɑ pɔ́ ɡú, lɑ́ ndẅiknzʉʉ Ádɑm tɔ́ ḿbɔ́ pɔ Zẅikŋɛ yi ɛ́ ŋ́ɡɛ pɛ́ pɔ́ ɡú.

1 Kɔlɛ̂ŋtɛ 15:45 ပူးပေါင်းရင်းမြစ်များ

Jɑ̂ŋ 1:4

Luk kɑ pɔ́ nǔu wɛ́, luk ɛ̂yɑ́ pɔ́ kyɛꞌ yí ɛ́ kyɛꞋnɛ pʉɔmɛsɔŋ.

Jɑ̂ŋ 10:10

Ntsɔ́ŋ tɔ́ yɛ́ pɔ nɛjɔ, pɔ nɛjẅí, pɔ nɛpʉ́ʉpɛ. Ŋ kɑ tɔ́ nɛpɔ́ yi pʉɔmɛsɔŋ ɡʉ ŋ́ɡẅɛɛ luk yí ɛ́ kwɑꞋ yɛ́tɛ́ tɛ ńdúkŋɛ.»

Jɑ̂ŋ 10:28

Ŋ ɡɑ́ luk kɛ́mɛ mbɔ̌ pɔ́p, pɔ́p ŋ́ɡʉ ńdɑ́Ꞌ ḿbɛn ńtíi ndɔɔ kɛ́mɛ pɔ́. Sɑ̌ɑ ŋu pɛn mbɔɔ kuꞋ nɛfú mbɔ̌ mɔ ɛ́sɑꞋ wɔ́p pɔ́.

Jɑ̂ŋ 14:19

Ɛ́ tsʉꞋ pɔ mɔ́zʉꞋ, pʉɔ-ndǔmbí pɔɔ pɛn ńjʉ́ɔ wɑ́ɑ pɔ́, lɑ́ ŋ́ɡʉ nǔu pʉʉ, pʉʉ pɔ́ ńjʉ́ɔ wɑ́ɑ jʉ́ɔnɛ, mbíꞋŋɡɔ mɔ pɔ ntʉʉ. Pʉʉ ɡʉ ḿbɛn ḿbɔ́ yʉ́ʉ ntʉʉ.

Jɑ̂ŋ 14:6

Yɛ́su tsɔ́Ꞌ mbɔ̌ wɛ́ ŋɡɔ: «Mɔ sɛ̂ndúŋ ẅi ɛ́ ɡʉnɛ mbi Sɛ́, ḿbɔ́ nu nɛ́nẅín, ḿbɛn ḿbɔ́ luk kɛ́mɛ yi Sɛ́ ɡɑ́nɛ. Ɛ́ lɑɑ ḿbɔ́ ŋu pɔɔ ɡʉ mbi Tɑ̌ɑ mɔ kɛ́ lɛɛ pɔ nǔu mɔ pɔ́.

Jɑ̂ŋ 4:10

Yɛ́su pʉ̈ɔt mbɔ̌ wɛ́ ŋɡɔ, ɔ pɛ́Ꞌnɛ ńjí fuꞋ yí Sɛ́ ɡɑ́nɛ, ḿbɛn ńjí ŋu ẅí ɑ cúnɛ mbɔ̌ ɡu ŋɡɔ: «Gɑ́ ŋki n nɔ́, mbɔ ɡu tsʉ́Ꞌnɛ ńdɔ́ɔ ŋki nɔ́nɛ mbɔ̌ wɛ́, ɑ ɡɑ́ wú ŋki ẅí ɛ́ ɡɑ́nɛ luk.»

Jɑ̂ŋ 4:14

Lɑ́ ŋu lɑɑ nɔ́ ŋki ẅí mɔ ɡɑ́nɛ mbɔ̌ wɛ́, mbɔ ɡɑ́k yɛ́ kɛ́ lɑ́Ꞌ ḿbɛn ɛ́shí pɔ́. Mbɔ ŋki ɛ̂wɑ́ ɡʉ ŋ́kúu mbʉʉ yɛ́, ńtsʉ́Ꞌ pɔ nɛsɑ́Ꞌ ŋki, zʉꞋ yí ŋki ɡʉ ḿbɔ́ ɛ́fú zúꞋu ńcúŋ, ŋ́ɡɑ́ wɛ́ nɛ́ luk kɛ́mɛ.»

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Jɑ̂ŋ 6:33

«MbíꞋŋɡɔ yúujʉ́ pi ɛ́ fúnɛ mbɔ̌ Sɛ́, ɑ ŋu ẅí ɑ fúnɛ tʉ́nɛ́pú ńcúŋ, ŋ́ɡɛ pʉɔmɛsɔŋ ndǔmbí ɡẅɛɛ kwɑꞋ luk.»

Jɑ̂ŋ 6:54

Ŋu lɑɑ ŋ́kwɛ́t mbɑp-mbʉʉ yɑɑ, ńnɔ́ mɛci mɑ́ɑ, ɑ ɡẅɛɛ luk kɛ́mɛ. Ŋ ɡɛ ńzẅíimɛ ŋɡɑŋ nǔu nɛvú ndẅiknzʉʉ lɛ́Ꞌ.

Jɑ̂ŋ 6:57

Tɑ̌ɑ mɔ kɑ túunɛ wɑ́ɑ, ɑ nɛsɑ́Ꞌ-luk. N dɔk pɔ pɔ́Ꞌɔ, ḿbɔ́ ɡú, ɛ́ ndʉ́ŋndʉŋ pɑ́Ꞌ ŋu lɑɑ ŋ́ɡɛ ŋ́kwɛ́t mbɑp-mbʉʉ yɑɑ, mbɔ ɑ ɡʉ ńdɔk pɔ pɔ́Ꞌɔ, ḿbɔ́ ɡú.

Jɑ̂ŋ 6:63

Zẅikŋɛ-Sɛ́ ɡɛnɛ pɛ́ tsuŋ ḿbɔ́ ɡú. Ŋumɛsɔŋ nɛ́ tú yɛ́ kɑ́ kuꞋ nɛɡɛ yɛcɔ́ yúu pɔ́. Sẅiŋɛ yí ŋ ɡɑ́nɛ mbɔ̌ pʉʉ fú mbɔ̌ Zẅikŋɛ-Sɛ́, yîyɑ́ sẅiŋɛ ɡɛnɛ lɑ pɛ́ pɔ́ ɡú.

Jɑ̂ŋ 6:68

Símɔ Pyɛ̂ pʉ̈ɔt mbɔ̌ wɛ́ ŋɡɔ: «Tsɑpʉɔ, pɛk ɡʉ ŋ́ɡʉ ŋ́kẅɛ́ɛtɛ pɔ wɔ̌? Ɔ ɡẅɛɛ sẅiŋɛ yí ɛ́ ɡɑ́nɛ luk kɛ́mɛ.

ŊwɑꞋnɛ-Gɑŋntúu Yɛ́su Kɛlístɔ 3:15

Pʉʉ kɑ ɡɛ pɔ́Ꞌɔ, ńjẅí ŋu ẅi jʉ́ ɡɛnɛ lɑ pɛ́ pɔ́ ɡú. Lɑ́ Sɛ́ kɛ́ ńzẅíimɛ wɛ́ nǔu nɛvú tɛ pɛk jʉ́ɔ wɛ́ nɛ́ mík mɛ́k, pɛk sɛ́ ɛ́sɑ́Ꞌ ɛ́sẅíi wʉ́ʉ.

Pʉɔ-Lɔ́mɑ 5:17

pɑ́Ꞌ tɑ́Ꞌ ŋumɛsɔŋ wɛ́mɔ́Ꞌ kɑ fɑɑnɛ́nɛ nu, nɛvú fú nǔu wɛ́ ŋ́ɡẅɛɛ ŋumɛsɔŋ pɔ kɛ́ vuꞋ wɛcɔ́, lɑ́ wɛcɔ́ ŋu ẅi ɑ Yɛ́su Kɛlístɔ, yɛ́ fɑꞋ pɔ́ ndɛꞋ. Pʉɔ pi Sɛ́ tsɑ́ɑnɛ mɛjʉ́ŋ mɔ́p tɛꞋ ŋ́ɡɑ́ fuꞋ níinɛ yɔ́p, ɑ tsʉ́Ꞌ ńdíŋɛ wɔ́p pɔ́p pɔ́ pɔ ndʉ́ŋndʉŋ mbi yɛ́. Pɔ́p ɡʉ ńdɛɛtɛ nǔu Yɛ́su ḿbɔ́ ɡú, ḿbɛn ḿbɔ́ pɑ́Ꞌ pɛfɔɔ lɑ́ mbíꞋ Kɛlístɔ.

Pʉɔ-Lɔ́mɑ 5:21

Ɛ́ lɛɛ pɔ́Ꞌɔ, Sɛ́ lɔk pɑ́Ꞌ ɑ tsɑ́ɑnɛ mɛjʉ́ŋ mɔ́p, jʉ́ tsʉ́Ꞌnɛ ŋ́ɡẅɛɛ wɔ́p, ŋ́ɡɛ pɔ́p tsʉ́Ꞌ pʉɔ pi pɔ́p ndʉ́ŋndʉŋ mbi yɛ́, ɛ́ lɔk ɛ́fí pɑ́Ꞌ nu kɛpɔŋ kɑ ɡɛnɛ nɛvú ɡẅɛɛ pʉɔmɛsɔŋ, ńjẅítɛ wɔ́p. Sɛ́ tsɑ́ɑ mɛjʉ́ŋ mɛkŋɛ ŋ́ɡɑ́ fuꞋ níinɛ yɛkŋɛ pɔ́Ꞌɔ, pɛkŋɛ lúꞋnɛ Tsɑpʉɔ Yɛ́su Kɛlístɔ lɑ ŋ́ɡẅɛɛ luk kɛ́mɛ.

Pʉɔ-Lɔ́mɑ 8:2

mbíꞋŋɡɔ ŋu zɛɛ ḿbɔ́ tɛ ńdɑt mbʉʉ yɛ nǔu Yɛ́su Kɛlístɔ nɛpʉ́ʉ ni ɛ́ tsʉ́Ꞌnɛ ɛ́sɑ́Ꞌ wɛ́ pɔ́ pɔ yɛ Zẅikŋɛ Lɛ́ɛnɛ́nɛ yi ɛ́ ŋ́ɡɛ pɛ́ pɔ́ ɡú. Mîmɑ́ mbʉ́ʉ kɑ cẅɛ́ɛ wɑ́ɑ mbɔ̌ nɛpʉ́ʉ ni ɛ́ jínɛ nu kɛpɔŋ, ḿbɔ́ mi ɛ́ ɡɛnɛ pɛ́ pfú.

1 Kɔlɛ̂ŋtɛ 15:46

Pɛ́ kɑ́ pɔ́ ḿbiitɛ ńjʉ́ɔ pɔ mbɑp-mbʉʉ yi ɛ́ fúnɛ mbɔ̌ Zẅikŋɛ yi ɛ́ ɡɛnɛ pɛ́ pɔ́ ɡú pɔ́, pɛ́ piitɛ ńjʉ́ɔ pɔ mbɑp-mbʉʉ-ŋumɛsɔŋ. Mbɑp-mbʉʉ yi ɛ́ fúnɛ mbɔ̌ Zẅikŋɛ ɡɛ ḿbɑ́ɑtɛ tɛ ḿbɔ́ ɡú.

Filipɛ 3:21

A ɡʉ ŋ́ɡɛ ńtɔ́ ɛ́shɔt yɔ mbɑp-mbʉʉ yi ɛ́ pɔ́t pɔ́tnɛ lɑɑ, ɛ́ tsʉ́Ꞌ pɑ́Ꞌ yɛ́ yi ɛ́ ɡẅɛɛnɛ nɛŋwɑ́ŋɛ. Ɛ́ pɔ́ pɔ́Ꞌɔ, ńdɔk mɛtʉʉ mi ɑ ɡẅɛɛnɛ nɛlɔk ŋ́ɡɛ mbɑ kʉ̈ɔ́ lɑ́ tsʉ́Ꞌ ńzúꞋ pɔ ntsu wɛ́.

Kɔlɔsíyɛ̂ŋ 3:4

Kɛlístɔ pɔ́nɛ kwɑꞋ yʉ́ʉ luk. A ɡʉ ńdɑ́Ꞌ ḿbɔ́ tɛ ńcẅɛt, pʉʉ pɛn ńcẅɛt yʉ́ʉ, pʉʉ pɛ́ pɔ́p tɛmtɛ ḿbɔ́ tsɛt nɛɡúꞋ wɛ.

Ɛ́bɛlʉʉ 9:14

Ɛ́ lɑɑ ḿbɔ́ yi ɛ́ kɑ pɔ́ pɔ́Ꞌɔ, mbɔ ŋkɑ́ yɛ́sʉ́Ꞌ nǔu pɑ́Ꞌ mɛci-Kɛlístɔ ɡʉ ḿbɔ́? A Kɛlístɔ ẅí Zẅikŋɛ kɛ́mɛ kɑ ɡɛ, ɑ lɔk tú yɛ́ ńnɔŋ pɔꞋ ẅí lɔ́Ꞌ kɑ́ pɔ́ nǔu pɔ́ mbi Sɛ́. Mɛci mɛ́ ɡʉ ńdɑ́Ꞌ suk ntsɛ́llɛ́-mɛfɑꞋ mi ɛ́ ŋ́ɡɑ́ pɔ nɛvú ẅí ɛ́ nǔu pɛkŋɛ tɛ tʉ́m yɛkŋɛ pɔɔ pɛn ŋ́ŋɑk wɛkŋɛ pɔ́, nɛpɔ́ yi pɛkŋɛ ɡʉ ɛ́fɑꞋ mbɔ̌ Sɛ́ ẅí ɑ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 16:3

Mbɑ́ɑtɛ yɛ́pɑ́ tswɛt yɛ́ ntúꞋ tsɛt ŋki kɛ́ nɛpɑt. Ŋki kɛ́ nɛpɑt shɔtnɛ ńtsʉ́Ꞌ pɑ́Ꞌ mɛci-ŋu ẅí ɑ pfúnɛ lɑ́. Kʉ̈ɔ́ lɑ́ yi ɛ́ tsɛt ŋki kɛ́ nɛpɑt tɛ ḿbɔ́ ńnúklɛ nuklɛ́nɛ pûu ḿpfútɛ.

Mɛnu ɛ́ ńdɑ́Ꞌ ńcẅɛt 21:6

ḿbɛn ńcú mbɔ̌ mɔ ŋɡɔ: Ɛ́ kuꞋ. Mɔ, Alfɑ, ḿbɔ́ Ɔmɛŋɡɑ, ḿbɔ́ nduŋmbi, ḿbɔ́ ndẅiknzʉʉ, mɔ nzɛnɛ ḿbɔ́ ndẅiklɛ́nɛ ɡɑ́k-ŋu lɑɑ ḿbɔ́ ɛ́shí, mbɔ ŋ ɡʉ ŋ́ɡɑ́ ŋki ẅí ɛ́ ɡɛnɛ pɛ́ kɛ ḿbɔ́ pɔ ɡú mbɔ̌ wɛ́. Ẅîwɑ́ ŋki fú nǔu nɛsɑ́Ꞌ-ŋki nɑ́ɑ, ŋ ɡʉ ŋ́ɡɑ́ pɔ níinɛ.

Mɛnu ɛ́ ńdɑ́Ꞌ ńcẅɛt 22:1

Cʉ̈ɔꞋ-Sɛ́ pɑ́ɑtɛ ńnyɛt wɑ́ɑ nɛ́ mí ẅi ɛ́ ŋki ẅí ɛ́ ɡɛnɛ pɛ́ pɔ́ ɡú, ɛ́ pɔ́ ɛ́síi pɑ́Ꞌ tɛ ńdɛɛ túkcí yi pɛ́ fúŋnɛ ŋɡɔ kɛlistɑl lɑ́, ɛ́ pɔ́ ɛ́fú nǔu kɔꞋ-nɛfɔɔ-Sɛ́ pɔ́p Mɔ́ɔ-Njinjɔ ńcẅɛt.

Mɛnu ɛ́ ńdɑ́Ꞌ ńcẅɛt 22:17

Zẅikŋɛ Lɛ́ɛnɛ́nɛ pɔ́p nzwɛ́ wɛ ɡʉnɛ ńcú ŋɡɔ ńtɔ́. Ɛ́ pɔŋ ŋɡɔ ŋu ẅi ɑ zúꞋnɛ yɔ nu ɑ cú yɛ́ ŋɡɔ tɔ́. Ŋu ẅi nji-ŋki sɛ́ ńzɑ́ŋ wɛ́ ɑ tɔ́. Ŋu ẅí ɑ kɔŋnɛ ɑ nɔ́ ŋki ẅí ɛ́ ɡɛnɛ pɛ́ tsuŋ ḿbɔ́ ɡú, ńnɔ́ pɔ kɛ́ ɡɑ́ yɛcɔ́ yúu.