1 Kɔlɛ̂ŋtɛ 15:33 - Kɑɑ Fí

³³ Kɔɔ pʉʉ pɛ́m pɛ́ fu wʉ́ʉ, pʉʉ mɑ́ɑ ńdikŋɛ ŋɡɔ tɑ́ɑ-kuꞋú kɛpɔŋ lɔ mbʉ́ʉpɛ cúꞋ?

1 Kɔlɛ̂ŋtɛ 15:33 ပူးပေါင်းရင်းမြစ်များ

Mɑtʉ̈ɔ 24:11

Pɛŋɡɛ́mndʉ̈ɔ́Ꞌ-Sɛ́ pɛ́ cɔtnu cẅɛt tɛ ńzɑ́ɑ, ɛ́fúklɛ nɛzɑ́ɑ pʉɔ.

Mɑtʉ̈ɔ 24:24

mbíꞋŋɡɔ pɛnzɑ́Ꞌŋkʉ pɛ́ cɔtnu, pɔ́p pɛŋɡɛ́mndʉ̈ɔ́Ꞌ-Sɛ́ pɛ́ cɔtnu ɡʉ ńdɑ́Ꞌ ńcẅɛt, ńnyɛt mɛmɑ́ mɛlii, ŋ́ɡɛ mɛŋkʉꞋnɛ mɛnu nɛlɔk fu pʉɔ tɛ ńzɑ́ɑ, tɛ ḿbɔ́ yi pɔ́p ḿbɔ́ pɛ́Ꞌnɛ ŋ́kuꞋ, mbɔ ɛ́ lɑɑ ḿbɔ́ pɔ́p fu mbɑ pʉɔ pínɛ Sɛ́ kɑ tsɔ́Ꞌnɛ.»

Mɑtʉ̈ɔ 24:4

Yɛ́su pʉ̈ɔt mbɔ̌ pɔ́p ŋɡɔ: «Pʉʉ lɑk tú yʉ́ʉ, ḿbɑ́ɑ ŋu nɛfʉ́klɛ wʉ́ʉ.»

1 Kɔlɛ̂ŋtɛ 5:6

Ɛ́ kɑ́ pɔŋ ŋɡɔ pʉʉ ŋɑ́Ꞌlɛ nɛ́ yîyɑ́ ntɛ́ nu tsɛtsɛt pʉʉ pɔ́. Pʉʉ kɑ pɔ́ ńjí ŋɡɔ mɔ́zʉꞋ fɛntɛ ɡɛnɛ fɑlîn tsɛpnɛ kɔ́Ꞌ pɔ́ kɛ?

1 Kɔlɛ̂ŋtɛ 6:9

Pʉʉ kɑ pɔ́ ńjí ŋɡɔ pʉɔ pi pɔ́p ɡẅɛɛnɛ mɑt kɛpɔŋ pɔ́p kɛ́ lɑ́Ꞌ ŋ́ɡẅɛɛ yɔ́p zʉꞋ tsɛt nu-nɛfɔɔ-Sɛ́ pɔ́ kɛ? N dɑꞋ pʉɔ pɑ́Ꞌ pi pɔ́p puutɛ mbɑ wɔ̌ lɑ́ pɔ́p pɛpɔ́p nɔɔ nɔɔnɛ, mbɑ pʉɔ pi pɔ́p ɡúꞋlɛ́nɛ yúu ŋɡɔ ɛ́ mɛsɛ́, mbɑ mbɛ́ɛnɛ pɔ́p pɑŋɡɛ́ pi pɔ́p ɡɛnɛ ɡɑp, mbɑ pɑɡɛ mɛnu shẅɛtshẅɛtnɛ, mbɑ mbɛ́ɛnɛ yi ɛ́ shɔtnɛ́nɛ ŋ́ɡɛ nu-ŋu mbɛ́ɛnɛ pɔ́p mɑŋɡɛ́ tsɛtsɛt pɔ́p kɛ pɑŋɡɛ́ ɔɔ, mbɑ pɛtsɔ́ŋ, kɛ pɑkɔŋ ŋkɑ́p tɛꞋ, pɔ́p pɛpɑ́lɛ́-mɛluꞋ, pɔ́p pɑsẅíŋɛ kɛpɔŋ nǔu mɛlík-pʉɔ, pɔ́p pɑɡẅɛɛ ńcẅɛ́ɛ, líkcɔ́ pʉʉ fúklɛ mbʉʉ yʉʉ nǔu mɔnɛ mɛnu kíi, pîpɑ́ pʉɔ kɛ́ lɑ́Ꞌ ŋ́kúu nǔu nu-nɛfɔɔ-Sɛ́ pɔ́.

Ŋɡɑlɑ̂t 6:7

Kɔɔ ŋu shɔtnɛ ɛ́fúklɛ túmbʉʉ yɛ́, pɛ́ lɔɔ ŋ́ɡwɑ́k Sɛ́ pɔ́. Ŋu lɑɑ ḿbi kʉ̈ɔ́lɑ́, mbɔ ɑ ɡʉ ńdɑ́Ꞌ ŋ́kɑ́p pɔ yɛ́tɛ́.

Ɛ́fɛ̂zɛ 5:6

Kɔɔ ŋu lɔk pǔu sẅiŋɛ ɛ́fú wʉ́ʉ. Mɛnu mi pɛ́ tʉ́ʉnɛ lɑɑ zɛɛ ŋ́ɡɛ, Sɛ́ zɑ́ŋ pɔ́ lɔ́ŋ mbíꞋ pʉɔ pi pɔ́p kɑ́ pɔ́ ŋ́ɡɛ yúu mi ɑ sɛ́ ŋ́kɔŋ pɔ́.

2 Tɛsɑlɔník 2:10

A ɡʉ ńdɑ́Ꞌ ńdɔk mɛnu mi ɛ́ kɑ́ pɔ́ nu pɔ́ mɛntɛ́ mɛntɛ́, ɛ́fúklɛ pʉɔ pi pɔ́p ɡʉ ńdɑꞋ pɛ́. Pɔ́p pɛ́ pɔ́Ꞌɔ, mbíꞋŋɡɔ pɔ́p lʉꞋ nɛkɔŋ nu yi ɛ́ nɛ́nẅín yi ɛ́ ḿbɔ́ ŋ́ɡʉ ŋ́ɡɛ pɔ́p luk.

Ɛ́bɛlʉʉ 12:15

Pʉʉ pɑ́ɑ pɑ́Ꞌ ḿbɔ́ ŋu tɛ́m ŋkwɛn mbɔ̌ Sɛ́ ẅí ɑ sɛ́ ńdɔk nɛkɔŋ wɛkŋɛ ŋ́ɡɑ́ fuꞋ níinɛ yɛkŋɛ, ḿbɑ́ɑ ŋu wʉ́ʉ nɛshɔtnɛ, tɛ ŋ́ɡɛ mɛnu mɛ́, ńtsʉ́Ꞌ ŋɡẅɛnɛlɑŋ kɛpɔŋ, mbɔ ɑ ɡʉ ńnɔ́k pɛcɔ́ pʉɔ tsɛt cúꞋlɛ yʉ́ʉ, pʉɔ tɛ ńzɑ́ɑ ɡɛ pɑ́Ꞌ jʉ́.

2 Pyɛ̂ 2:2

Pʉɔ tɛ ńzɑ́ɑ cʉ́ɔ nzʉʉ pɔ́p ńtsʉ́Ꞌ ŋ́ɡɛ pɔ mɛnu sʉ́ʉ. Pɛ́ lɛɛ nǔu pɔ́p, ńzɔɔtɛ sɛ̂ndúŋ-nu yi ɛ́ nɛ́nẅín.

Mɛnu ɛ́ ńdɑ́Ꞌ ńcẅɛt 12:9

Pɛ́ tsʉ́ʉ wɛ́ pɔ́p pɛcʉ̈ɔ́ pɛ́, ḿbʉɔt ndǔ tsɛ́tsɑ́Ꞌ. A jʉ́ ḿbɔ́ nɔ́ wɑ́ ẅi ɑ kɑ fúnɛ ŋkɑ́ mbi lɑ́, pɛ́ fúŋ wɛ́ ŋɡɔ ndɛɛbɛlɛ, ḿbɛn ɛ́fúŋ wɛ́ ŋɡɔ Sɑ́ttɑ, ɑ jʉ́ ẅi ɑ fúklɛ́nɛ pʉɔmɛsɔŋ tsʉʉ ndǔ tsɛ́tsɑ́Ꞌ.