1 Kɔlɛ̂ŋtɛ 15:32 - Kɑɑ Fí

³² Ŋ kɑ tɔ́ Ɛ́fɛ̂zɛ wɔ pɛk pʉɔ mɑꞋ, yɔ́p ntɛ́ pɔ́ tɛ pɔ́p mɛyúu mɛku pɔ́ pɔ tɑ́Ꞌ yúu. Ɛ́ lɑɑ ḿbɔ́ yi pɛkŋɛ pɛpɔ́p kɑ pɔ́ ḿmɑꞋ pɔ́Ꞌɔ, yɑ́ɑ jínu tʉ́ʉ pɔ nǔu yúu mi ɛ́ tsɛt yɔ ndǔmbí, mbɔ pii yi ŋ kɑ jʉ́nɛ nǔu kʉ̈ɔ́? Ɛ́ lɑɑ ḿbɔ́ yi pɛ́ pfú ḿbɛn ḿbɔɔ ńzẅíimɛ nǔu nɛvú pɔ́, mbɔ ɛ́ tsʉ́Ꞌ ḿbíkŋɛ pɔ ŋɡɔ pɛkŋɛ ɡɛ pɑ́Ꞌ sɑknɛkɛt kɑ cúnɛ lɑ́ ŋɡɔ: «Yɛ ŋu yɛ́ ntsu wɛ́, mbíꞋŋɡɔ njí ŋ́kiɛ pɛ́ ɡʉ.»

1 Kɔlɛ̂ŋtɛ 15:32 ပူးပေါင်းရင်းမြစ်များ

Lúkɑ́shi 12:19

shɔtnɛ ńcú nɛ tú mbʉʉ yɑ́ɑ ŋɡɔ: Súu, fuꞋ sɛ́ nǔu mɛŋɡuꞋ tɛ ńzɑ́ɑ, zẅiitɛ! Ŋ́kwɛ́t! Ńnɔ́! Ńtsɑ́ɑtɛ pɑ́Ꞌ ɔ kɔŋnɛ!»

Lúkɑ́shi 9:25

Pɛ́ lɑɑ ńzɛɛ ŋ́ɡɔ́ɔ ńtíi ŋɡɔŋ yɔ tsʉʉ ŋ́ɡɑ́ mbɔ̌ ŋu, tɛ mbɑ pɔ́Ꞌɔ ɑ pɔɔ pɔ́ ŋ́ɡʉ ḿbɛ́ wɛ nɛpɔ́ pɛ́nɛ pɔ́, mbɔ ɛ́ ɡɛ ńcẅɛ́lɛ́ wɛ́ nǔu kʉ̈ɔ́? NdɑꞋ nɛɡɛ, ɑ kúu pɛ́.

ŊwɑꞋnɛ-Gɑŋntúu Yɛ́su Kɛlístɔ 18:19

Pɔ́p ɡʉ tɛ ŋ́kúu Ɛ́fɛ̂zɛ ńcẅɛt tsɛt kɑnúꞋ, Pɔ̂l nɑ́ Pɛlɛsɛkɑ pɔ́p Akilɑs, ŋ́ɡʉ ŋ́kúu ndɑ́-cúꞋlɛ-pɑyúdɑ, nɛsẅíi pɑyúdɑ nɛ́ nu-Tsɑpʉɔ.

ŊwɑꞋnɛ-Gɑŋntúu Yɛ́su Kɛlístɔ 18:21

Lɑ́ ŋ́ɡɔ ńdɛɛmɛ wɔ́p ńcú mbɔ̌ pɔ́p ŋɡɔ: «Sɛ́ lɑɑ ḿbɛ́m, mbɔ mɔ ńtɑ́ɑ lɑ́ ḿbɛn ńtɔ́ njɛ́Ꞌ pʉʉ.» A cú pɑ́Ꞌɑ, ŋ́ɡɔ́ɔ ŋ́kɛ́ ŋ́ɡʉ ŋ́kúu kɑnúꞋ, ɛ́fú Ɛ́fɛ̂zɛ ŋ́ɡʉ.

ŊwɑꞋnɛ-Gɑŋntúu Yɛ́su Kɛlístɔ 19:1

Apɔlɔ́s ɡɔ́ ḿbɔ́ Kɔlɛ̂ŋntɛ pɑ́Ꞌɑ, Pɔ̂l pɔ́ ńjɛ́Ꞌ tsɛt pɑk-ŋɡɔŋ yi mɛmɑ́ mɛŋkɔ́Ꞌ zúꞋu, ŋ́ɡʉ tɛ ŋ́kúu Ɛ́fɛ̂zɛ, ńjʉ́ɔ pɛcɔ́ ntɑ́Ꞌpʉɔ-Kɛlístɔ pɔ́ zúꞋu,

Pʉɔ-Lɔ́mɑ 3:5

Ḿbɔ́ pɛcɔ́ pʉɔ cú ŋɡɔ: «Mɛnu kɛpɔŋ mi pɛkŋɛ fʉꞋnɛ nɛɡɛ pʉɔ jí ŋɡɔ Sɛ́ ndʉ́ŋndʉŋ, mbɔ pɛkŋɛ ɡʉ ńtsɔ́Ꞌ mbɔ̌ pɔ́p ŋɡɔ kʉ̈ɔ́? Pɛkŋɛ ɡʉ ńcú ŋɡɔ Sɛ́ pɔ́ tɛ ḿbɔ́ ńníꞋ ŋɡʉ̈ɔ́Ꞌ tú pɛkŋɛ ntɛ́ mɛfʉꞋnɛ mɛnu mɛkŋɛ, kɑ́ lɔknɛ ḿbɔ́ ndʉ́ŋndʉŋ pɔ́ kɛkʉ̈ɔ́?» N cú pɑ́Ꞌɑ pɔ́ nu yi pʉɔmɛsɔŋ sɛ́ ńcú.

Pʉɔ-Lɔ́mɑ 6:19

N dɑɑ ḿbɔ́ yi m bɛ́ɛ fʉꞋ nǔu mɛnu mi ɛ́ sɛ́ ńdɛɛtɛ tsɛtsɛt pʉɔmɛsɔŋ, mbɔ mɔ, n dɔk ńdɔɔ nɛɡɛ pʉʉ tsuŋ ńzúꞋ, mbíꞋŋɡɔ ŋumɛsɔŋ pɔ́t pɔ́tnɛ. Pʉʉ kɑ lɔk mɛkɛm-mbʉʉ mʉ́ʉ ŋ́ɡɛ pɛkwɑɑ-mɛnu-ntsɛ́lɛ́ pɔ́p yɛ́ mɛnu lɔk ńtɑ́k zʉꞋ. Mîmɑ́ mɛnu pɔ́ mi ɛ́ ɡɛnɛ pɛ́ tʉʉ tú mbɔ̌ Sɛ́ tʉʉnɛ. Ndʉ́ŋndʉŋ pɔ́Ꞌɔ, pʉʉ pɔ́ ŋkɔ̂ɔnɛ ńtsʉ́Ꞌ ńdɔk mɛkɛm-mbʉʉ mʉ́ʉ ɛ̂mɑ́ ŋ́ɡɛ pɔ ŋkwɑɑ ẅi ɑ fɑꞋnɛ mbɔ̌ yúu mi ɛ́ ndʉ́ŋndʉŋ mbi Sɛ́, ɛ́ kɛ ɛ́fú pɔ́Ꞌɔ, nɛnɑ́ŋ wʉʉ pɔ́ wɛ Sɛ́.

1 Kɔlɛ̂ŋtɛ 16:8

Lɑ́ mɔ sɛ́ ŋ́kwɑŋɛ nɛnɑ́ŋ Ɛ́fɛ̂zɛ wɔ tɛ ndíinɑ-Pɑŋntɛkɔ̂t lɑ́Ꞌ ńdɛɛ,

Ŋɡɑlɑ̂t 3:15

Pɔ́ɔpɛ́mɑ́, ŋ ɡʉ ḿbɛ́ɛ fʉꞋ nǔu mɑt wɛkŋɛ pʉɔmɛsɔŋ, pɛkŋɛ jí ŋɡɔ ŋu pɔ́ tɛ ŋ́ŋwɑꞋnɛ yúu ńdɔk ńtík nɛvú nɛ́ nǔu ntɛ́ yi ɛ́ píkŋɛ́nɛ, ḿbɔ́ mbɔ wɛcɔ́ ŋu pɔɔ pɛn ńdut, ŋ́kɛ́ ḿbɔɔ pɛn ŋ́kẅiꞋ yɛcɔ́ yúu nǔu pɔ́.

2 Pyɛ̂ 2:12

Pîpɑ́ pʉɔ pɔ́ pɔ pɑkɛ́jínu pɑ́Ꞌ mɛnɑɑ, mi pɔ́p kɑ fú zúꞋu ḿbɔ́ pɔ yúu mi pɛ́ ɡʉ ńdʉꞋ ɡwɑk ńdɔk ŋ́ɡẅɛɛ ńjẅí. Pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, pɛ́ ŋ́ɡɛ ńjẅí wɔ́p pɑ́Ꞌ mɛnɑɑ ɛ̂mɑ́.

Jẅidɛ 1:10

Lɑ́ ŋ́ɡʉ nǔu pʉɔ pí pɔ́p sɔ́tɛ́nɛ ŋ́kúu tsɛtsɛt pʉʉ lɑ́, pɔ́p zɔɔtɛ yúu kɛ́ pɔ́ ńjí pɑ́Ꞌ ɛ́ pɔ́nɛ, ŋ́ɡʉ nǔu yi pɔ́p jínɛ nu nǔu ɛ́ mbɔ̌ pɔ́p ḿbɔ́ pɑ́Ꞌ nu-kɔ́Ꞌtú-nɑɑ ẅí jínu yɛ́ kɑ́ pɔ́ ɡú pɔ́, yúu mi pɔ́p jínɛ nǔu yɔ ntɛ́ ɡɛ pɔ́p fɑɑnɛ ndúŋ.