1 Kɔlɛ̂ŋtɛ 15:3 - Kɑɑ Fí

³ N dyɑkŋɛ yúu mi pɛ́ kɑ zíꞋnɛ wɑ́ɑ ŋ́ɡɑ́ mbɔ̌ pʉʉ. Ɛ́ pɔ́ nǔu Ŋkʉʉ Sʉ́Ꞌnɛ ḿbɔ́ ŋɡút. Yîyɑ́ nu pɔ́ ŋɡɔ Kɛlístɔ kɑ pfú ntɛ́ nu kɛpɔŋ yɛkŋɛ, pɑ́Ꞌ ŋwɑꞋnɛ-Sɛ́ kɑ zɑ́Ꞌnɛ njí ńcú.

1 Kɔlɛ̂ŋtɛ 15:3 ပူးပေါင်းရင်းမြစ်များ

Mɑtʉ̈ɔ 26:24

Mɔ́ɔ-Ŋu ɡʉ ḿpfú, ɛ́ pɔ́ pɑ́Ꞌ pɛ́ kɑ cúnɛ tsɛt ŋwɑꞋnɛ-Sɛ́, lɑ́, pʉ́ktú ŋu ẅí ɑ ɛ́fɛn wɛ́. Mbi pɑ́Ꞌ pɛ́ ŋ́kɑɑ ŋ́ɡʉ ḿbí wɛ́ pɔ́.

Mɑtʉ̈ɔ 26:28

MbíꞋŋɡɔ yɔ mɛci mɑ́ɑ, ɛ́ mɛci mí Sɛ́ lɔknɛ ŋ́ɡwɑt kɑɑ, ɛ́ mi ɛ́ tswɛtnɛ nǔu tú-pʉɔ tɛ ńzɑ́ɑ, pɑ́Ꞌ Sɛ́ ɡʉ ńdɔk ńdikŋɛ mɛnu kɛpɔŋ mɔ́p.

Lúkɑ́shi 24:25

Yɛ́su ɡɔ́ɔ ŋ́kɛ́ ńcú mbɔ̌ pɔ́p ŋɡɔ: «Pʉɔ kɛ́ jínu. Pʉʉ kɑ́ pɔ́ ɛ́fɛ́Ꞌnɛ ḿbɛ́m mɛnu tsʉʉ mi pɛŋɡɛ́mndʉ̈ɔ́Ꞌ-Sɛ́ kɑ ŋwɑꞋnɛnɛ pɔ́.»

Jɑ̂ŋ 1:29

Njí ɡɛ ŋ́kiɛ, Jɑ̂ŋ jʉ́ɔ Yɛ́su pɔ́ ńtɔ́, ɑ cú ŋɡɔ: «Yɔ Mɔ́ɔ-Njinjɔ ẅí Sɛ́ lɔknɛ ɛ́fɛꞋ ndɔɔ-mɛnu mí pʉɔ kɑ ɡɛnɛ.»

ŊwɑꞋnɛ-Gɑŋntúu Yɛ́su Kɛlístɔ 17:2

Pɔ̂l kúu tsɛt yîyɑ́ ndɑ́-cúꞋlɛ nɛjʉ́ɔ pɑyúdɑ, pɑ́Ꞌ ɛ́ ḿbɔ́nɛ mɑt mbɔ̌ wɛ́, nɛkúu mbɑ yɛ́tɛ́ tʉ́sɔŋ lɑ́ ńjʉ́ɔ ndɑ́-cúꞋlɛ-Pɑyúdɑ. Pɔ́p pɛ́ pɑyúdɑ pɔ́ ɛ́fúŋ ŋwɑꞋnɛ-Sɛ́ ɛ́shyɛ́ɛ kɔŋ ŋ́ɡɑ́ nǔu mɛlɛ́Ꞌnji mɛ́ntɑ́t.

ŊwɑꞋnɛ-Gɑŋntúu Yɛ́su Kɛlístɔ 3:18

Lɑ Sɛ́ fú nǔu ŋ́ɡɛ nu yi ɑ kɑ zɑ́Ꞌnɛ njí ńdɔk ntsu-pɑcẅiŋkʉʉ pɛ́ pɛ́tsʉʉ ńcú ɛ́ puutɛ. Yîyɑ́ nu pɔ́ ŋɡɔ Nzɑ́Ꞌŋkʉ ẅí Sɛ́ kɑ kɑꞋnɛ kɑ pɔ́ ŋ́ɡʉ ńdɑ́Ꞌ ńjʉ́ɔ ŋɡʉ̈ɔ́Ꞌ.

ŊwɑꞋnɛ-Gɑŋntúu Yɛ́su Kɛlístɔ 8:32

Ɛ́ ɡɔ́ ḿbɔ́, mbɔ zʉꞋ-ŋwɑꞋnɛ yí ɑ ḿbɔ́ ɛ́fúŋ ɛ́ yi ɛ́ cúnɛ ŋɡɔ: «Pɛ́ kɑ pɔ́ ńdɔk wɛ́ ŋ́ɡʉ, ɑ pɔɔ kẅɑ́k, ńnɛn yɛ́ pɔ pɑ́Ꞌ njinjɔ ẅi pɛ́ lɔknɛ wɛ́ ŋ́ɡʉ nɛɡwɑt, ńnɑꞋ pɔ pɑ́Ꞌ mɔ́ɔ-njinjɔ ẅi pɛ́ sɛ́ ŋ́kɔ́ɔ mɛnuk mɛ́.

Pʉɔ-Lɔ́mɑ 3:25

Sɛ́ kɑ lɔk wɛ́ ńnɔŋ pɔꞋ pɑ́Ꞌ mɛci mɛ́ ɡʉ ɛ́suk mɛnu kɛpɔŋ-pʉɔ pinɛ pɔ́p zɑ́pnɛ tʉ́m nǔu jʉ́ Kɛlístɔ. Pɑ́Ꞌ ŋu kɑ ɡẅɛɛnɛ nɛpfú nǔu mɛnu kɛpɔŋ-pʉɔ lɑ́, ɛ́ lɔk ńnyɛt ŋɡɔ Sɛ́ ɡɛ mɛnu mɛ́ ndʉ́ŋndʉŋ. Ɛ́ kɑ pɔ́ yɛcɔ́ ŋkɑ́, pʉɔmɛsɔŋ pɔ́ ŋ́ɡɛ nu kɛpɔŋ, jʉ́ Sɛ́ ɡɛ pɔ pɑ́Ꞌ ŋkɑ́ yi ɑ kɑ́ pɔ́ ńjʉ́ɔ pɔ́ lɑ́.

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

1 Kɔlɛ̂ŋtɛ 11:2

Ŋ ɡɑ́ mɛtʉʉ mʉ́ʉ pɑ́Ꞌ pʉʉ tʉ́ʉ nǔu mbɑ yɛ́tɛ́ nu ɔɔ, ŋ́kẅíitɛ wɑ́ɑ kẅíitɛ́nɛ lɑ́. Mbɑ pɑ́Ꞌ pʉʉ sɛ́ ńtsuŋ ŋ́kúꞋlɛ mɑt ẅi ŋ kɑ zíꞋnɛ wʉ́ʉ lɑ́.

1 Kɔlɛ̂ŋtɛ 11:23

Ŋ kɑ kɛ́ ńzíꞋ wʉ́ʉ nɛ́ yúu mi ŋ kɑ zúꞋnɛ mbɔ̌ Tsɑpʉɔ, ɛ́ pɔ́ ŋɡɔ: «Ɛ́ kɑ pɔ́ nɛtúꞋ ẅi pɛ́ kɑ fɛnnɛ Tsɑpʉɔ Yɛ́su, ɑ́ pɛ́ɛ mbɛlɛ̂ɛt,

2 Kɔlɛ̂ŋtɛ 5:21

Pɑ́Ꞌ ndɔɔ kɑ pɔ́ tú pɛkŋɛ lɑ́, Sɛ́ kɑ tíi mɛnu kɛpɔŋ mɛkŋɛ, ńzɑ́p tú-Kɛlístɔ, mbɔ ɑ ŋkɑɑ yɛcɔ́ nu kɛpɔŋ ɡẅɛɛ. A kɑ ɡɛ pɔ́Ꞌɔ, pɑ́Ꞌ pɛkŋɛ ɡʉ ńdɔk nɛlɑt mbʉʉ nǔu Kɛlístɔ, ḿbɔ́ pʉɔ pi pɔ́p mbɔ̌ Sɛ́ ḿbɔ́ ndʉ́ŋndʉŋ.

Ŋɡɑlɑ̂t 1:12

Ŋumɛsɔŋ ŋkɑɑnɛ zɛɛ ɛ́fɛ́ɛ ẅîwɑ́ Ŋkʉʉ mbɔ̌ mɔ pɔ́. Ŋumɛsɔŋ kɛ́nɛ ḿbɔɔ wɑ́ɑ zíꞋ, Yɛ́su Kɛlístɔ kɑ ɡɛnɛ n jí.

Ŋɡɑlɑ̂t 1:4

Pʉʉ sɛ́ ńjí ŋɡɔ Kɛlístɔ ɛ̂wɑ́ kɑ ɡɑ́ tú yɛ́ nǔu mɛnu kɛpɔŋ mɛkŋɛ nɛlɔk ɛ́fɛꞋ ndɔɔ yɛkŋɛ, pɔ́Ꞌɔ nɛfú mbɔ̌ yɔ kɛm njí yi ɛ́ yɛ kɛpɔŋ ńcẅɛɛtɛ wɛkŋɛ. Mɔnɛ mɛnu pɔ́ pɔ pɑ́Ꞌ Tɑ́t wɛkŋɛ Sɛ́ kɑ zɑ́pnɛ.

Ŋɡɑlɑ̂t 3:13

Lɑ́, pɑ́Ꞌ sɛ̂ndúŋ-nɛpʉ́ʉ ɡɛ pɛkŋɛ tíi pɔ ndɔɔ lɑ́, Kɛlístɔ kɑ tɔ́ ŋ́ɡɛ pɛkŋɛ luk ndɔɔ ɛ̂yɑ́. A kɑ jɛ́p ńtíi ḿbiꞋ, ńtsʉ́Ꞌ ŋɡɑŋ ndɔɔ mbíꞋ wɛkŋɛ. Pɛ́ cú mbíꞋŋɡɔ pɛ́ kɑ ŋwɑꞋnɛ ŋɡɔ: Ndɔɔ tú-ŋu ẅí pɛ́ kẅiinɛ wɛ́ nǔu tʉ́.

Ɛ́fɛ̂zɛ 1:7

Mɔ́ɔ nɛ ɛ̂wɑ́ kɑ lɔk mɛci mɛ́ ńdɔk ńtsúꞋ wɛkŋɛ, pɛkŋɛ luk. Sɛ́ likŋɛ mɛfɑɑnɛ mɛkŋɛ ŋ́ɡɑ́ mbɔ̌ pɛkŋɛ. Yɔ nu kɛ́ fʉꞋ yi Sɛ́ kɑ lɔknɛ ŋ́ɡɑ́ fuꞋ fɛ̌ɛ yɛkŋɛ,

Ɛ́fɛ̂zɛ 5:2

Pʉʉ ɡɔ́ ŋ́ɡɛ yʉ́ʉ mbɑ kʉ̈ɔ́ lɑ́, ńdɔk pɔ ŋkɔŋɛ ndʉ́ŋndʉŋ pɑ́Ꞌ Kɛlístɔ kɑ kɔŋnɛ wɛkŋɛ tɛ ŋ́ɡɑ́ tú yɛ́ ńdɔk ńnɔŋ pɔꞋ mbi Sɛ́ ntɛ́ wɛkŋɛ lɑ́. PɔꞋ ɛ̂wɑ́ ẅí jɑ́k yɛ́ pɔŋnɛ mbɔ̌ Sɛ́.

Ɛ́bɛlʉʉ 5:1

Pɛ́ zɛɛ ŋ́ɡʉ pɔ tsɛtsɛt pʉɔmɛsɔŋ ńtsɔ́Ꞌ NɔŋpɔꞋ wɛ ɡwɛ́ pɔ nɛpɔ́ yi ɑ ɡʉ ɛ́fɑꞋ mbɔ̌ Sɛ́, nǔu tú-pʉɔmɛsɔŋ. Yɛ́ fɑꞋ pɔ́ nɛlɔk yúu ńtɔ́ mbi Sɛ́ ńnyɛt wɛ́, mbɑ nɛnɔŋ pɔꞋ ńdɔk ḿbúꞋ mbɔ́ mbɔ̌ wɛ́ ŋɡɔ ɑ likŋɛ mɛnu kɛpɔŋ-pʉɔmɛsɔŋ.

Ɛ́bɛlʉʉ 5:3

Ɛ́ lɔk pɑ́Ꞌ jʉ́ nɛ́ túmbʉʉ yɛ́ pɛn ŋ́kɑ́ɑ yɛ́ kɑ́ɑnɛ lɑ́, ŋ́ɡẅɛɛ nɛnɔŋ pɔꞋ mbɑ nǔu yɛ́ tú ńdɔk ḿbúꞋ mbɔ́ mbɔ̌ Sɛ́ ŋɡɔ ɑ likŋɛ mɛnu kɛpɔŋ mɛ́ ɡúu, tɛ ɑ pɔɔ nɔŋ pɔꞋ pɔ ndɑꞋ nǔu tú-pʉɔmɛsɔŋ pɔ́,

1 Pyɛ̂ 1:11

Pɔ́p kɑ sɑ́Ꞌ tʉʉ nɛjí fʉꞋ-njí, mbɑ yúu mi ɛ́ ɡʉ ńdɑ́Ꞌ ńdɛɛ lɑ yúu mi Zẅikŋɛ-Kɛlístɔ kɑ pɔ́ ńdɛꞋlɛ wɔ́p ɡɛ. Yîyɑ́ Zẅikŋɛ yi ɛ́ kɑ pɔ́ nǔu pɔ́p, kɑ zɛɛ ńzɑ́Ꞌ njí ḿbɔ́ ńdɛꞋlɛ wɔ́p nɛ́ ŋɡʉ̈ɔ́Ꞌ yi Kɛlístɔ ɡʉ ŋ́ɡɛ ńjʉ́ɔ tɛ mbɑ nɛɡúꞋ ẅi ɛ́ ɡʉ ńdɑ́Ꞌ ḿbɑ́ɑtɛ ŋɡʉ̈ɔ́Ꞌ yɛ́ ɛ̂yɑ́.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

1 Pyɛ̂ 3:18

Kɛlístɔ kɑ zɛɛ ńjʉ́ɔ yɛ́ ŋɡʉ̈ɔ́Ꞌ tɛ ḿpfú nɛlɔk ńjɛ́p mɛnu kɛpɔŋ-pʉɔmɛsɔŋ, ŋ́kɛ́ ḿpfú ndɑꞋ tɑ́Ꞌ ŋkɑ́, ɛ́ kuꞋ. Jʉ́ kɛ́ fɑɑnɛ ḿpfú ntɛ́ ɡɑŋ-mɛfɑɑnɛ, pɔ́Ꞌɔ, nɛlɔk wʉ́ʉ ńtɔ́ mbi Sɛ́. Pɛ́ kɑ jẅí mbɑp-mbʉʉ yɛ, lɑ Zẅikŋɛ Lɛ́ɛnɛ́nɛ ɡɛ ɑ pɛn ḿbɔ́ ɡú.

1 Jɑ̂ŋ 2:2

A kɑ zɛɛ ńdɔk tú yɛ́, ńnɔŋ pɔꞋ pɑ́Ꞌ ɛ́ lɑɑ ḿbɔ́ Sɛ́ likŋɛ mɛnu kɛpɔŋ mɛkŋɛ. Pɑ́Ꞌ ɛ́ lɑɑ ḿbɔ́ ɑ pɔɔ likŋɛ pɔ ndɑꞋ mɛkŋɛ pɔ́, pɑ́Ꞌ mbɔ ɑ pɛn ńdikŋɛ mɛ́ pʉɔmɛsɔŋ tsʉʉ ndǔmbí.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.