1 Kɔlɛ̂ŋtɛ 15:23 - Kɑɑ Fí

²³ Lɑ́ mbɑ wɔ̌ lɑ́ ńzẅíimɛ pɔ nǔu yɛ́ ŋkɑ́. Kɛlístɔ kɑ piitɛ ńzẅíimɛ. Pʉɔ pɛ́ ɡʉ ńdɑ́Ꞌ ńzẅíimɛ yɔ́p, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

1 Kɔlɛ̂ŋtɛ 15:23 ပူးပေါင်းရင်းမြစ်များ

Mɑtʉ̈ɔ 16:27

Pʉʉ jí ŋɡɔ: «Mɔ́ɔ-Ŋu ɡʉ ŋ́ɡɛ ńtɔ́ pɔ́p pɛcʉ̈ɔ́Ꞌ pɛ́, ńtɔ́ pɔ́Ꞌɔ, tsɛt nɛɡúꞋ-Tɑ́t wɛ, ɑ tsɔ́Ꞌ fɑꞋ mbɑ wɔ̌ lɑ́, pɔ nǔu ŋɡɛnɛ mɛnu mɛ́.

Mɑtʉ̈ɔ 16:28

Ɛ sẅíi wʉ́ʉ, kwɑꞋ nɛ́nẅín, pɛcɔ́ mbɔ ntɑ́Ꞌ nǔu pʉɔ pínɛ pɔ́p zɑꞋnɛ ŋkɔ̂ɔnɛ kɛ́ ɡɛ mpfú, kɛ́ pɔ́ yi pɔ́p jʉ́ɔ pɑ́Ꞌ Mɔ́ɔ-Ŋu tɔ́nɛ pɑ́Ꞌ fɔɔ pɔ́.»

ŊwɑꞋnɛ-Gɑŋntúu Yɛ́su Kɛlístɔ 26:23

Pɛ́ kɑ cú ŋɡɔ, Nzɑ́Ꞌŋkʉ ẅí Sɛ́ kɑ kɑꞋnɛ ɡʉ ŋ́ɡɛ ńtɔ́, ńjʉ́ɔ ŋɡʉ̈ɔ́Ꞌ, ŋɡɔ jʉ́ ɡʉnɛ ŋ́ɡɛ ḿbɔ́ nduŋmbi ŋu nɛzẅíimɛ nǔu nɛvú, ŋɡɔ jʉ́ ɡʉnɛ ŋ́ɡɛ ńcú sẅiŋɛ yi ɛ́ ɡʉ kyɛꞌ pɑyúdɑ mbɑ pʉɔ pi pɔ́p kɑ́ pɔ́ pɑyúdɑ pɔ́, pɔ́p luk.»

1 Kɔlɛ̂ŋtɛ 15:20

Lɑ́ ɛ́ kɛ́ mbɔɔ pɔ́Ꞌɔ pɔ́, Kɛlístɔ kɑ tsuŋ ńzẅíimɛ nǔu nɛvú ḿbɔ́ nduŋmbi, ńdɔk ńnyɛt ŋɡɔ pʉɔ pi pɔ́p kɑ pfúnɛ ɡʉ ńdɑ́Ꞌ ḿbɛn ńzẅíimɛ yɔ́p nǔu nɛvú.

1 Kɔlɛ̂ŋtɛ 15:52

pɔ tɑ́Ꞌ ŋkɑ́ ŋɡɔ: «Gɑk!» Mbɔ ndẅiknzʉʉ ŋɡi-ntɑŋ cʉ́ɔ, mbíꞋŋɡɔ yîyɑ́ ŋɡi-ntɑŋ ɡʉ ńdɑ́Ꞌ ńcʉ́ɔ pɛpfú zẅíimɛ nǔu nɛvú pɑ́Ꞌ pɔ́p kɛ́ ɡʉ ńdɑ́Ꞌ ḿbɛn ḿpfú pɔ́, ɛ́ pɔ́ pɔ́Ꞌɔ, pɛkŋɛ ɡẅɛɛ mbʉʉ yi fí.

1 Kɔlɛ̂ŋtɛ 3:23

Lɑ́ ɛ́ ɡʉ nǔu pʉʉ, pʉʉ pɔ́ mbɔ̌ Kɛlístɔ, Kɛlístɔ pɛn ḿbɔ́ mbɔ̌ Sɛ́.

1 Kɔlɛ̂ŋtɛ 6:14

Líkcɔ́ pʉʉ likŋɛ ŋɡɔ Sɛ́ ẅi ɑ kɑ zẅíimɛ́nɛ Tsɑpʉɔ nǔu nɛvú, ɑ ɡʉ ŋ́ɡɛ ńdɔk mɛtʉʉ mɛ́ ḿbɛn zẅíimɛ wɛkŋɛ ɡúu nǔu nɛvú.

2 Kɔlɛ̂ŋtɛ 10:7

Pʉʉ sɛ́ ńjʉ́ɔ kʉ̈ɔ́ lɑ́ pɔ nǔu nzɛmpíi. Pɑ́Ꞌ ɛ́ pɔ́Ꞌɔ, ŋu lɑɑ ŋ́kɛ́ ḿbɔ́ ńcú ŋɡɔ ɑ ŋu-Kɛlístɔ, ɑ tsuŋ ńjí ŋɡɔ ɑ lɑɑ ḿbɔ́ ŋu-Kɛlístɔ, mbɔ pɛk pɛn ḿbɔ́ yɛ́k pʉɔ-Kɛlístɔ pɑ́Ꞌ jʉ́.

Ŋɡɑlɑ̂t 3:29

Pɑ́Ꞌ pʉʉ pʉɔ-Kɛlístɔ lɑ́, pʉʉ lɔk ḿbɔ́ njẅɛt-Ábɛlɛhɑ̂m, ḿbɔ́ pɑɡẅɛɛ yʉ́ʉ yúu nǔu yúu mi Sɛ́ kɑ kɑꞋnɛ.

Ŋɡɑlɑ̂t 5:24

Pʉɔ pi pɔ́p pɛ́ Yɛ́su Kɛlístɔ kɑ ḿmɛꞋnɛ yúu kɛpɔŋ yi ɛ́ pɔŋnɛ mbʉʉ yɔp, pɔ́p minɛ mbʉʉ ɛ̂yɑ́ tsɑ́ɑnɛ, lɑ ɛ́ pɔ́ pɑ́Ꞌ ŋkɑ́ yi pɔ́p kɑ kẅii mbʉʉ ɛ̂yɑ́ nǔu tʉ́ mbɑ́ŋtɛ pɑ́ŋtɛ́nɛ lɑ́.

Filipɛ 3:11

nɛpɔ́ yi, ɛ́ lɑɑ ḿbɔɔ pɔ́ pɔ kʉ̈ɔ́ pɔ́, Sɛ́ lɑ́Ꞌ ŋ́ɡɛ n zẅíimɛ yɑ́ɑ nǔu nɛvú pɑ́Ꞌ Kɛlístɔ.

1 Tɛsɑlɔník 2:19

Pʉʉ zɛɛnɛ ḿbɔ́ pʉɔ pi pɔ́p ɡɛnɛ pɛk pɔ́ ńzẅíꞋlɛ lɛ́Ꞌlɑ́Ꞌ-Tsɑpʉɔ Yɛ́su tɛꞋ. Pʉʉ pɔ́nɛ yɛ́k tsɑ́ɑtɛ, ḿbɔ́ yɛ́k ŋɡúꞋ yi pɛk ɡʉ ńdɑ́Ꞌ ńdɔk ńtʉ́ʉ mbi Tsɑpʉɔ wɛkŋɛ, ŋkɑ́ yi ɑ ɡʉ ńdɑ́Ꞌ ḿbɛn ńtɔ́.

Mɛnu ɛ́ ńdɑ́Ꞌ ńcẅɛt 1:5

Yɛ́su Kɛlístɔ ẅi ɑ jʉ́njʉ́ɔ wɛ nɛ́nẅín, ḿbɔ́ nduŋmbi mɔ́ɔ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ, ḿbɔ́ Fɔɔ ńtsɑ pɛfɔɔ pí pɔ́p ndǔ tsɛ́tsɑ́Ꞌ, ḿbɔ́ ŋ́ɡɑ́ fuꞋ níinɛ yʉ́ʉ, ḿbɛn ḿbɔ́ ńníꞋ mɔ́fíitɛ tʉ́m pʉʉ. Jʉ́ Kɛlístɔ kɔŋ wɛkŋɛ tɛꞋ, ɑ kɑ lɔk mɛci mɛ́ ŋ́kíɛꞋ ŋkʉ mɛnu kɛpɔŋ nǔu pɛkŋɛ.