1 Kɔlɛ̂ŋtɛ 15:17 - Kɑɑ Fí

¹⁷ Ɛ́ pɛn ḿbɔ́ yi Kɛlístɔ ŋkɑɑ ŋ́kɛ́ zẅíimɛ nǔu nɛvú pɔ́, mbɔ wʉ́ʉ nɛzɑ́p tʉ́m nǔu Sɛ́ ɛ́ pɔ́ pɔ níinɛ, pʉʉ pɛn ḿbɛ́t ḿbɔ́ pɔ tsɛt mɛnu kɛpɔŋ mʉ́ʉ.

1 Kɔlɛ̂ŋtɛ 15:17 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 5:31

Sɛ́ kɑ ɡɛ ɑ kɔ́Ꞌ nɛ́ tʉ́nɛpú, ɑ tsẅíkŋɛ wɛ́ nǔu ɡúŋ-pɔ́ yɛ́ yi tʉʉ, pɔ́Ꞌɔ, ńdɔk wɛ́ ŋ́ɡɛ fɔɔ, ḿbɛn ńdɔk wɛ́ ŋ́ɡɛ Nzɑ́Ꞌŋkʉ. Sɛ́ kɑ ɡɛ pɔ́Ꞌɔ, nɛpɔ́ yi pʉɔ-Íslɑyɛ̂l ɡʉ kúpmɛ mɑt wɔp, ɑ likŋɛ mɛnu kɛpɔŋ mɔ́p.

Pʉɔ-Lɔ́mɑ 4:25

Jʉ́ kɑ níꞋnɛ Kɛlístɔ mbɔ̌ pʉɔ pɑ́Ꞌ ɑ ɡʉ ḿpfú mbíꞋ mɛnu kɛpɔŋ mɛkŋɛ. A kɑ pɛn ńzẅíimɛ wɛ́ nǔu nɛvú ɛ́fú nǔu ńtsʉ́Ꞌ ńdíŋɛ wɛkŋɛ pɛkŋɛ pɔ́ ndʉ́ŋndʉŋ mbi yɛ́.

Pʉɔ-Lɔ́mɑ 5:10

Pɛkŋɛ pɛ Sɛ́ kɑ zɛɛ ḿbɔ́ pɔ ɡɑŋmbuu, lɑ Sɛ́ lɔk pɑ́Ꞌ Mɔ́ɔ nɛ pfúnɛ, ḿmɛk mbuu yɛkŋɛ pɛpɔ́p. Ɛ́ ɡʉ ḿbɛn ḿbɔ́ nǔu ŋkɔ̂ɔnɛ, ɑ lɔk pɑ́Ꞌ Mɔ́ɔ nɛ pɔ́ pɔ ɡú, ŋ́ɡɛ pɛkŋɛ luk ŋɡʉ̈ɔ́Ꞌ luknɛ.

1 Kɔlɛ̂ŋtɛ 15:14

Ɛ́ lɑɑ ḿbɛn ḿbɔ́ yi Kɛlístɔ ŋkɑɑ kɛ́ zẅíimɛ nǔu nɛvú pɔ́, mbɔ nu yi pɛk sɑ́Ꞌnɛ ɛ́sẅíi pʉɔ ɛ́ pɔ́ pɔ nu níinɛ, mbɑ wʉ́ʉ nɛzɑ́p tʉ́m nǔu Sɛ́ ɛ́ pɔ́ pɔ nu níinɛ.

1 Kɔlɛ̂ŋtɛ 15:16

mbíꞋŋɡɔ ɛ́ lɑɑ ḿbɔ́ yi pɛ́ kɑ́ pɔ́ ḿpfú ḿbɛn ńzẅíimɛ nǔu nɛvú pɔ́, mbɔ mbɑ Kɛlístɔ ŋkɑɑ zẅíimɛ nǔu nɛvú pɔ́.

1 Kɔlɛ̂ŋtɛ 15:2

Sɛ́ sɛ́ ɛ́fú nǔu Ŋkʉʉ Sʉ́Ꞌnɛ ɛ̂wɑ́ ŋ́ɡɛ pʉʉ luk, pɑ́Ꞌ pʉʉ lɑɑ ŋ́kɛ́ ḿbɔ́ ŋ́kúꞋlɛ kwɑꞋ yúu mi ŋ kɑ cúnɛ mbɔ̌ pʉʉ kúꞋlɛ́nɛ. Tɛ ɛ́ pɔɔ pɔ́Ꞌɔ pɔ́, mbɔ wʉ́ʉ nɛzɑ́p tʉ́m nǔu Sɛ́ pɔ́ pɔ níinɛ.

1 Pyɛ̂ 1:21

Pʉʉ lúꞋnɛ pɔ wɛ́ lɑ ńzɑ́p tʉ́m nǔu Sɛ́ ẅi ɑ kɑ zẅíimɛnɛ wɛ́ nǔu nɛvú, mbɑ pɑ́Ꞌ ɑ kɑ ɡɑ́nɛ wɛ nɛɡúꞋ tɛ pʉʉ ɡɔ́ ńzɑ́p tʉ́m nǔu Sɛ́, ḿbɛn ḿbɔ́ ḿbyɛ́p yúu mi Sɛ́ kɑꞋnɛ, jʉ́ ɡɛnɛ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,