1 Kɔlɛ̂ŋtɛ 15:13 - Kɑɑ Fí

¹³ Ɛ́ lɑɑ ḿbɔ́ yi pɛ́ kɛ́ pfú ḿbɛn ńzẅimɛ nǔu nɛvú pɔ́, mbɔ mbɑ Kɛlístɔ ŋkɑɑ kɛ́ ńzẅíimɛ yɛ́ nǔu nɛvú pɔ́.

1 Kɔlɛ̂ŋtɛ 15:13 ပူးပေါင်းရင်းမြစ်များ

ŊwɑꞋnɛ-Gɑŋntúu Yɛ́su Kɛlístɔ 23:8

Ɛ́ zɛɛ ŋ́ɡɔ ḿbɔ́, pɑfɑlísɑy cú ŋɡɔ pɛpfú ɡʉ ńdɑ́Ꞌ ńzẅíimɛ, ŋɡɔ pɛcʉ̈ɔ́Ꞌ-Sɛ́ mbɑ mɛzẅikŋɛ kɛpɔŋ ɡú, lɑ́ ŋ́ɡʉ nǔu pʉɔ sɑdukɑy pɔ́p pɔɔ ḿbɛ́m yɔ́p pɔ́Ꞌɔ pɔ́.

Pʉɔ-Lɔ́mɑ 8:11

Ɛ́ lɑɑ ḿbɔ́ yi Zẅikŋɛ-Sɛ́ ẅí ɑ kɑ zẅíimɛ́nɛ Yɛ́su nǔu nɛvú nǔu pʉʉ, mbɔ jʉ́ ẅi ɑ kɑ zẅíimɛ́nɛ Kɛlístɔ nǔu nɛvú, ɡʉ ŋ́ɡɛ mbʉʉ yʉʉ yi ɛ́ yi pfúnɛ ńdɔk Zẅikŋɛ yɛ́ yi ɛ́ nǔu pʉʉ ḿbɔ́ yɛ́ ɡú.

Pʉɔ-Lɔ́mɑ 8:23

Yúu ɛ̂mɑ́ kɑ́ pɔ́nɛ ńcú zɛ́nɛ jʉ́ pɔ́ pɛkŋɛ pi Sɛ́ kɑ lɔknɛ Zẅikŋɛ yɛ́ ŋ́ɡɛ pɛkŋɛ ɡẅɛɛ tú-yúu nǔu yúu mi ɑ kɑ kɑꞋnɛ nɛɡɑ́ mbɔ̌ pɛkŋɛ, pɛkŋɛ ɡúu pɛn ḿbɔ́ tsɛt tʉ́m pɛkŋɛ ńcú pɔ pɔ́Ꞌɔ, ḿbɔ́ ńzẅíꞋlɛ lɛ́Ꞌ yi Sɛ́ ɡʉ ńdɔk wɛkŋɛ ŋ́ɡɛ pʉɔ-pɛ́ ndɑꞋ ndɑꞋ, pɛkŋɛ ɡẅɛɛ mbʉʉ yi fí, ńduk ŋɡʉ̈ɔ́Ꞌ.

1 Kɔlɛ̂ŋtɛ 15:12

Pɛkŋɛ pɛpɔ́p lɑɑ ḿbɛn ḿbɔ́ ɛ́sɑ́Ꞌ ɛ́sẅíi pʉɔ ŋɡɔ Kɛlístɔ kɑ zẅíimɛ nǔu nɛvú, mbɔ ɛ́ ɡʉ ŋ́ɡɛ pɑ́Ꞌ pɛcɔ́ ntɑ́Ꞌ pʉɔ tsɛtsɛt pʉʉ cú ŋɡɔ pɛ́ kɛ́ pfú ḿbɛn ńzẅíimɛ pɔ́ pɔ́ ɔɔ?

1 Kɔlɛ̂ŋtɛ 15:14

Ɛ́ lɑɑ ḿbɛn ḿbɔ́ yi Kɛlístɔ ŋkɑɑ kɛ́ zẅíimɛ nǔu nɛvú pɔ́, mbɔ nu yi pɛk sɑ́Ꞌnɛ ɛ́sẅíi pʉɔ ɛ́ pɔ́ pɔ nu níinɛ, mbɑ wʉ́ʉ nɛzɑ́p tʉ́m nǔu Sɛ́ ɛ́ pɔ́ pɔ nu níinɛ.

1 Kɔlɛ̂ŋtɛ 15:20

Lɑ́ ɛ́ kɛ́ mbɔɔ pɔ́Ꞌɔ pɔ́, Kɛlístɔ kɑ tsuŋ ńzẅíimɛ nǔu nɛvú ḿbɔ́ nduŋmbi, ńdɔk ńnyɛt ŋɡɔ pʉɔ pi pɔ́p kɑ pfúnɛ ɡʉ ńdɑ́Ꞌ ḿbɛn ńzẅíimɛ yɔ́p nǔu nɛvú.

1 Tɛsɑlɔník 4:14

Pɛkŋɛ sɛ́ ḿbɛ́m ŋɡɔ Yɛ́su kɑ pfú ḿbɛn ńzẅíimɛ nǔu nɛvú. Pɛkŋɛ pɛn ḿbɔ́ ńjí ɡúu ŋɡɔ pʉɔ pi pɔ́p kɑ ɡɔ́ ḿpfú ḿbɔ́ ńzɑ́p tʉ́m nǔu Sɛ́, ɑ ɡʉ ńdɔk Yɛ́su ŋ́ɡɛ pɔ́p zẅíimɛ.

2 Timɔtɛ́ɛ 4:8

Ɛ́ nǔu ŋkɔ̂ɔnɛ, mbɔ tsɔ́ꞋfɑꞋ yi pɛ́ ɡɑ́nɛ mbɔ̌ ŋu ẅí ɑ kʉɔnɛ ndʉ́ɔlɛ́ tɛ ńjʉ́ sɛ́ ḿbyɛ́p wɑ́ɑ. Yîyɑ́ tsɔ́ꞋfɑꞋ ɛ́ pɑ́Ꞌ ŋ ɡɛnɛ nu yi ɛ́ ndʉ́ŋndʉŋ. Tsɑpʉɔ ẅi ɑ zɑꞋnɛ ntsɑŋ pɔ ndʉ́ŋndʉŋ, ɑ ŋ́ɡɛ ŋ́ɡɑ́ mbɔ̌ mɔ nǔu lɛ́Ꞌ yi ɑ ɡʉ ńzɑ́Ꞌ mɛtsɑŋ. A kɛ́ lɑ́Ꞌ ŋ́ɡɑ́ pɔ ndɑꞋ mbɔ̌ mɔ pɔ́. A ɡʉ ńdɑ́Ꞌ ḿbɛn ŋ́ɡɑ́ mbɑ mbɔ̌ pʉɔ pi pɔ́p sɛ́ ńtsɑ́ɑ nɛjʉ́ɔ ŋkɑ́ yi ɑ ŋ́ɡɛ ńcẅɛt.

Ɛ́bɛlʉʉ 13:20

Sɛ́ ẅí mbɔ́tnɛ fúnɛ mbɔ̌ wɛ́, ɑ kɑ ɡɛ Yɛ́su, Tsɑpʉɔ wɛkŋɛ fú lɑ́Ꞌ-pɛpfú ŋ́kɔ́Ꞌ. Jʉ́ Tsɑpʉɔ wɛkŋɛ kɑ lɔk pɑ́Ꞌ ɑ tswɛtnɛ mɛci mɛ́, Sɛ́ lɔk ŋ́ɡwɑt kɑɑ yi ɛ́ kɛ́ lɑ́Ꞌ ḿmɛ pɔ́, ńtsʉ́Ꞌ mbyɛ́p mbí wɛ ɡwɛ́, pɑ́Ꞌ ɑ ɡʉ ḿbyɛ́p njinjɔ yɛ́.

Ɛ́bɛlʉʉ 2:14

Ńcú pɔ́Ꞌɔ, mbɔ́ŋkʉ̈ɔ́ ɛ̂pɑ́ pɔ́ pʉɔmɛsɔŋ. Pɔ́p pɛ́ pʉɔmɛsɔŋ pɔ́ pɔ tɑ́Ꞌ yúu, ŋ́ɡẅɛɛ mbɑp-mbʉʉ, ŋ́ɡẅɛɛ mɛci, jʉ́ nɛ́ túmbʉʉ yɛ́ kɑ pɛn ńtsʉ́Ꞌ yɛ́ ŋumɛsɔŋ pɑ́Ꞌ pɔ́p, nɛpɔ́ yi ɑ ɡʉ ńtɑ́ɑ ɛ́fú nǔu nɛvú nɛ́, ŋ́ɡẅɛɛ ŋu ẅí ɑ ɡɛnɛ pʉɔ pfútɛ, ńcẅɛ́ɛ mɛtʉʉ mɛ́. Pɛ́ fúŋ ŋɡɑŋ ŋɡɔ Sɑ́ttɑ.

1 Pyɛ̂ 1:3

Pɛkŋɛ ɡɛ́mtɛ Sɛ́ Tɑ́t pɛ́ Tsɑpʉɔ wɛkŋɛ Yɛ́su Kɛlístɔ. A kɑ tsɑ́ɑ mɛjʉ́ŋ mɛkŋɛ, ŋ́ɡɛ pɛ́ pí wɛkŋɛ nɛpí wɛ fí, ńdɛɛ nǔu Yɛ́su Kɛlístɔ ẅí ɑ kɑ zẅíimɛnɛ nǔu nɛvú. Ɛ́ lɛɛ pɔ́Ꞌɔ, pɛkŋɛ ńnɑ́ŋ ŋkɑ́ tsʉʉ, ḿbɔ́ ńzẅíꞋlɛ kwɑꞋ luk,

Mɛnu ɛ́ ńdɑ́Ꞌ ńcẅɛt 1:18

Mɔ pɔ́nɛ ŋu ẅí ɑ ntʉʉ. Ŋ kɑ pfú, lɑ́ mɔ ŋkɔ̂ɔnɛ ḿbɔ́ ɡú, ŋ́kɛ́ ńdɑ́Ꞌ ḿbɔ́ pɔ ɡú. Ŋ ɡẅɛɛ mɛtsɔ́Ꞌ mɑ́jɔ́Ꞌ, mi ɛ́ ɡɑ́nɛ wɑ́ɑ nɛ́ mɛtʉʉ nɛlɔk ńjʉ́ɔꞋ zʉꞋ yi pɛpfú zúꞋu, kɛ pɔ nɛlɔk ńtsɔ́Ꞌ ɛ́fú zúꞋu ńcẅɛɛtɛ pʉɔ ɔɔ.»