1 Kɔlɛ̂ŋtɛ 14:6 - Kɑɑ Fí

⁶ Pɔ́ɔpɛ́mɑ́ pɑ́ɑ, pɛkŋɛ cú ŋɡɔ m bɔ́ ńtɔ́ tɛ ŋ́kúu tsɛtsɛt pʉʉ, ńtsʉ́Ꞌ nɛcú nu mbɔ̌ pʉʉ, ńdɔk sẅiŋɛ yi pʉʉ kɑ́ pɔ́ ńjí pɔ́, mbɔ ɛ́ ɡʉ ńcẅɛ́lɛ́ wʉ́ʉ ŋɡɔ́ku? Mɔ nɛcẅɛ́lɛ wʉ́ʉ, ɑ pʉʉ nɛfú nǔu yúu mi n cúnɛ ńjí yúu mi Sɛ́ nyɛtnɛ wɑ́ɑ ɛ́ pɔ́ yɛ lʉɔmɛ́nɛ, mɔ ŋ́ɡɛ pʉʉ jínu nɛ́nẅín nǔu yɛcɔ́ nu. Pʉʉ pɛn ńdúꞋnɛ wɑ́ɑ, ńzúꞋ yɛcɔ́ Ŋkʉʉ ẅí ɛ́ fúnɛ mbɔ̌ Sɛ́. Mɔ fú nǔu nu yi n cúnɛ, ńzíꞋ wʉ́ʉ nɛ́ yɛcɔ́ nu.

1 Kɔlɛ̂ŋtɛ 14:6 ပူးပေါင်းရင်းမြစ်များ

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 16:17

Yɛ́su ɡɔ́ɔ ŋ́kɛ́ ńcú mbɔ̌ wɛ́ ŋɡɔ: «Símɔ mɔ́ɔ-Jɑ̂ŋ, ɔ pɔ́ttú, mbíꞌŋɡɔ ŋumɛsɔŋ kɑ́ nɛ ɡɛ, lɑ́ ɔ jí yɔ nu nɛ́nẅín pɔ́. Tɑ̌ɑ mɔ ẅí ɑ tʉ́nɛ́pú nyɛtnɛ wú.»

Mɑtʉ̈ɔ 16:26

Pɛ́ lɑɑ ńzɛɛ ńtíi mbí yɔ tsʉʉ ŋ́ɡɑ́ mbɔ̌ ŋu, lɑ́ kɛ́ ḿbɔ́ yi ɛ́ ɡʉ ńdɔk pɔ́p tú yɛ́ pɔ́, mbɔ ɡʉ cẅɛ́lɛ́ wɛ́ nǔu kʉ̈ɔ́? A lɑɑ ḿbɔ́ ŋu lɔk kʉ̈ɔ́ ńdɔk ŋ́kúpmɛ tú wɛ́?

ŊwɑꞋnɛ-Gɑŋntúu Yɛ́su Kɛlístɔ 2:42

Pɑpɛ́m Yɛ́su kɑ pɔ́ ńtɔ́ ŋkɑ́ tsʉʉ kɛ́ tẅí, ɡɑŋntúu pɔ́ ńzíꞋ wɔ́p nɛ́ nu-Sɛ́, ḿbɔ́ ńtɛmtɛ ńnɑ́ŋ pɑ́Ꞌ pɔ́ɔpɛ́mɑ́ lɑ́, ḿbuutɛ ŋ́kwɛ́t yúu. Ḿbɛn ńcúꞋlɛ ńcɛꞋlɛ Sɛ́.

Pʉɔ-Lɔ́mɑ 15:14

Pɔ́ɔpɛ́mɑ́ pɑ́ɑ, kwɑꞋ mɔ sɛ́ ńjí ŋɡɔ pʉʉ ɡẅɛɛ pɔŋtʉ́m tɛꞋ, ḿbɔ́ ńniitɛ ńjí yúu mi ɛ́ píkŋɛ́nɛ ŋɡɔ pɛ́ jí, ḿbɛn ŋ́kuꞋ nɛtík mɛmbʉʉ mʉ́ʉ pʉʉ nɛ́ pʉʉ.

Pʉɔ-Lɔ́mɑ 16:17

Pɔ́ɔpɛ́mɑ́ pɑ́ɑ, mɔ ńcú mbɔ̌ pʉʉ ŋɡɔ pʉʉ pɑ́ɑ pʉɔ pi pɔ́p mɑꞋnɛ fyɑkŋɛ tsɛtsɛt pʉʉ, ńdɔk pɑ́Ꞌ pɔ́p lʉꞋnɛ yúu mi pɛ́ kɑ zíꞋnɛ wʉ́ʉ nǔu Kɛlístɔ, ŋ́ɡɛ pʉɔ fɑɑnɛ sɛ̂ndúŋ. Pʉʉ kʉ̈ɔ́ pîpɑ́ pʉɔ.

Pʉɔ-Lɔ́mɑ 6:17

Pɛkŋɛ kɛ́ ŋ́ɡɑ́ pɑ́Ꞌlɑ́ mbɔ̌ Sɛ́, mbíꞋŋɡɔ pʉʉ kɑ pɔ́ yɛcɔ́ ŋkɑ́ ḿbɔ́ ŋkwɑɑ-nu kɛpɔŋ, pʉʉ ŋkɔ̂ɔnɛ, mbɔ pʉʉ lɔk tʉ́m yʉ́ʉ tsʉʉ, ḿbɛ́m yúu mi pɛ́ kɑ zíꞋnɛ wʉ́ʉ. Ɛ́ pɔ́ yi ɛ́ sɛ́ ḿbíkŋɛ ŋɡɔ pʉʉ piitɛ ńjí,

1 Kɔlɛ̂ŋtɛ 10:33

Ɛ́ pɑ́Ꞌ mɔ sɛ́ ŋ́ɡɛ yɑ́ɑ. Mɔ sɛ́ ńdɔɔ shʉ́ nɛɡɔ́ ŋ́ɡɛ mbɑ kʉ̈ɔ́ lɑ́, ɛ́ pɔ́ yi ɛ́ ɡʉ ḿbɔŋ pʉɔtsʉʉ. Ŋ kɑ́ pɔ́ ńdɔɔ pɔ yúu mi ɛ́ ɡʉ ńcẅɛ́lɛ́ pɔ wɑ́ɑ pɔ́. N dɔɔ pɔ yúu mi ɛ́ ɡʉ ńcẅɛ́lɛ́ pʉɔ tɛ ńzɑ́ɑ, ńjí ŋɡɔ Sɛ́ ɡʉ ŋ́ɡɛ pɔ́p luk.

1 Kɔlɛ̂ŋtɛ 14:1

Pɔ́Ꞌɔ lɑ́ pʉʉ piitɛ ɛ́sɑ́Ꞌ tʉʉ ŋ́ɡɛ tɑ́Ꞌ yúu, ɛ́ pɔ́ nɛkɔŋ ŋumɛsɔŋ, pʉʉ pɛn ńtsɑ́ɑ yúu ntɛ́ nɛntɛ yi Zẅikŋɛ Lɛ́ɛnɛ́nɛ lɔknɛ ŋ́ɡɑ́ fuꞋ níinɛ-pʉɔ, nɛlʉ́m pɔ́ nɛtsɑ́ɑ nɛcẅi Ŋkʉʉ ẅí ɛ́ fúnɛ mbɔ̌ Sɛ́.

1 Kɔlɛ̂ŋtɛ 14:7

Ɛ́ pɛn ḿbɔ́ ndʉ́ŋndʉŋ nǔu ndɔ́ŋ-mɑ́ndɛ́lɛ́ pɔ́p nɛlúŋ, mɛyúu mi pɛ́ lɔknɛ ḿbúꞋ yúu pɛ́ nʉŋ. Ɛ́ kɑ pɔ́ pɛ́Ꞌnɛ mɛŋɡi mi ɛ́ fúnɛ nǔu mîmɑ́ mɛyúu pɔ́ pɔ tɑ́Ꞌ yúu, mbɔ ḿbɔ́ pɛ́ ɡɔ́ ńjí ŋɡi yi pɛ́ lɔknɛ ndɔ́ŋ-mɑ́ndɛ́lɛ́ ḿbúꞋ ŋ́ɡɛ ŋɡɔ́ku, mbɑ yi nɛlúŋ ŋ́ɡɛ ŋɡɔ́ku,

2 Kɔlɛ̂ŋtɛ 11:6

Líkcɔ́ ɛ́ nɛ́nẅín ŋɡɔ ḿmʉꞋ mʉꞋnɛ lɑ́, ŋ́ɡʉ nǔu nɛjí nu-Sɛ́, yɛcɔ́ lɔ́Ꞌ kɑ́ cẅɛt. Pɛk kɑ nyɛt mɔ́ yîyɑ́ luk mbɔ̌ pʉʉ nǔu mɛntɛ́ tɛ ńzɑ́ɑ, ŋɡɔŋ ŋkɑ́ tsʉʉ yi ɛ́ kɑ ɡɑ́nɛ shʉ́.

2 Kɔlɛ̂ŋtɛ 12:1

M bɛn ŋ́kẅiꞋ ŋ́ŋɑ́Ꞌlɛ ńdɔk ŋ́ɡʉ nɛ́ mbi? Ɛ́ kɑ́ cẅɛ́lɛ́ nɛɡɛ pɔ́Ꞌɔ pɔ́. Lɑ́ ŋ ɡʉ ŋ́kɛ́ ɛ́sẅíi wʉ́ʉ nɛ́ nu ŋkɔ̂ɔnɛ nǔu yúu mi Tsɑpʉɔ kɑ ŋíɛꞋnɛ mík mɑ́ɑ, n jʉ́ɔ mbɑ mi ŋ kɑ jʉ́ɔnɛ pɑ́Ꞌ ŋkɑ́ yi n dɛ́ njʉɔ lɑ́.

2 Kɔlɛ̂ŋtɛ 12:7

Pɑ́Ꞌ ŋ kɑ jʉ́ɔnɛ mɛnu mɑ̌ɑmɑɑnɛ lɑ́, Sɛ́ jʉ́ɔ ŋɡɔ ŋ ɡɔ ḿbɔ́ ńdɔk ŋ́ŋɑ́Ꞌlɛ, ḿbɛ́m mɑ́ntúu-Sɑ́ttɑ ńnɑ́ŋ ńtswɑ́ɑ wɑ́ɑ, ɛ́ pɔ́ ŋɡʉ̈ɔ́Ꞌ yi ɛ́ kɑ kúunɛ nǔu mɔ pɑꞋ nzɔ́ŋ yi ɛ́ lɛ́Ꞌnɛ nǔu mɔ ḿbɔ́ ńnɑ́ŋ ŋ́ɡɑ́ɑnɛ wɑ́ɑ lɑ́, pɔ́Ꞌɔ, nɛpɔ́ yi ŋ kɛ́ kɑꞋmɛ pɔ́,

Ɛ́fɛ̂zɛ 1:17

Mɔ sɛ́ ḿbúꞋ mbɔ́ mbɔ̌ Sɛ́ Tsɑpʉɔ wɛkŋɛ Yɛ́su Kɛlístɔ, jʉ́ ẅi ɑ ɡẅɛɛnɛ nɛɡúꞋ, ŋɡɔ ɑ ɡɑ́ wʉ́ʉ nɛ́ jínu, ŋ́ɡɑ́ wʉ́ʉ nɛ́ shʉ́ nɛlɔk ńtsuŋ ńjí wɛ́ tɛ ɛ́sẅíi nu.

Ɛ́fɛ̂zɛ 3:4

Pʉʉ ɡʉ fúŋ yɔ ŋwɑꞋnɛ ńzúꞋ ntɛ́ yi n dɔknɛ ńjí ntsɛm yi ɛ́ nǔu nu-Kɛlístɔ.

Filipɛ 3:15

Pɛkŋɛ pi pɛkŋɛ tsʉ́Ꞌnɛ pɔ pɛlʉ́m nǔu nɛzúꞋ nu-Sɛ́ lɑɑ, ɛ́ pɔŋ ŋɡɔ yɛkŋɛ kwɑŋɛ pɔ́ pɔ pɑ́Ꞌɑ, ŋ́kɛ́ ḿbɔ́ yi pɛcɔ́ pʉɔ pʉ́ʉ ɡẅɛɛ yɛcɔ́ kwɑŋɛ tɛ ɛ́ pɔɔ yɑ́ɑ pɔ́, mbɔ Sɛ́ ɡʉ ɛ́sɑ́ɑnɛ sɑ́ɑnɛ́nɛ, ɛ́sẅíi wʉ́ʉ nɛ́ nu ɛ̂yɑ́.

2 Timɔtɛ́ɛ 2:14

Mɔnɛ mɛnu tsʉʉ mi ɔ ɡẅɛɛ nɛkẅíitɛ mbɔ̌ pʉɔ tsʉʉ, ńtʉ́ʉ mbi Sɛ́ ɛ́sɑ́ɑnɛ sɑ́ɑnɛ́nɛ ɛ́sẅíi pʉɔ ŋɡɔ kɔɔ pɔ́p kɑ́t ńzɔŋ nu. Pɔ́p zɔŋ nu pɔ́Ꞌɔ, ɛ́ pɔɔ cẅɛ́lɛ́ nǔu yɛcɔ́ yúu pɔ́, tɛ ńtsʉ́Ꞌ pɔ́Ꞌɔ, mbɔ ɛ́ ḿbʉ́ʉpɛ pʉɔ pi pɔ́p zúꞋnɛ mîmɑ́ mɛnu pʉ́ʉpɛ́nɛ nzʉʉ Sɛ́.

2 Timɔtɛ́ɛ 3:10

Ɛ́ ɡʉ nǔu ɡu, ɔ kɑ tsuŋ ńtík ku nǔu yúu mɔ ḿbɔ́ ńzíꞋ, ɔ sɛ́ ńjí wɑɑ nɛtsẅɛ́, ḿbɔ́ ńjí yúu mi mɔ sɛ́ ŋ́ɡɔ ɛ́fɑꞋ ḿbɔ́ ńtsɑ́ɑ, ḿbɔ́ ńjí pɑ́Ꞌ n zɑ́pnɛ tʉ́m yɑ́ɑ nǔu Sɛ́, ńjí pɑ́Ꞌ ŋ ɡẅɛɛnɛ sʉktʉ́m pɔ́Ꞌɔ, pɑ́Ꞌ ŋ kɔŋnɛ pʉɔmɛsɔŋ pɔ́Ꞌɔ, ḿbɛn ńjí pɑ́Ꞌ ɛ sɑ́Ꞌnɛ tʉʉ kɛ́ kɑ́ɑ pɔ́Ꞌɔ.

2 Timɔtɛ́ɛ 3:16

Mbɑ kʉ̈ɔ́ lɑ́ pɛ́ ŋwɑꞋnɛ́nɛ tsɛt ŋwɑꞋnɛ-Sɛ́, ɛ́ fú pɔ ntsu-Sɛ́. Ŋ́kuꞋ nɛlɔk ńzíꞋ nu nɛ́nẅín mbɔ̌ pʉɔ, ŋ́kuꞋ nɛlɔk ńdʉꞋ nu yi ɛ́ kɑ́ pɔ́ nu pɔ́, ŋ́kuꞋ nɛlɔk ńcẅɛ́lɛ pʉɔ nɛcẅɛt tsɛt lɔ́Ꞌ yɔ́p, ḿbɛn ŋ́kuꞋ nɛlɔk ńtík pʉɔ pɑ́Ꞌ ḿbɔ́ pɔ́p ɡɛ yúu mi ɛ́ ndʉ́ŋndʉŋ mbi Sɛ́.

2 Timɔtɛ́ɛ 4:2

«Sɑ́Ꞌ Ŋkʉʉ Sʉ́Ꞌnɛ-Sɛ́, ńtsuŋ ńzɛ́plɛ ŋkɑ́ yi pʉɔ kɔŋnɛ nɛzúꞋ, kɛ mbɑ ŋkɑ́ yi pɔ́p ŋ́kɔŋ nɛzúꞋ pɔ́, ɔ sɑ́Ꞌ sɑ́Ꞌnɛ. Ŋu fɑɑnɛ nu ɔ kɑkŋɛ wɛ́, ɛ́sɑ́Ꞌ ńdɔk ḿbɑpmɛ wɔ́p, ɛ́sɑ́Ꞌ ńdɔk ńníꞋ mɛtʉʉ mɔ́p. Kɑ́t ŋ́ɡɛ pɔ́Ꞌɔ, ńdɔk sʉktʉ́m ńzíꞋ pʉɔ nɛ́ yúu.

Tîtɛ 3:8

Mɛnu mɔnɛ mi ɛ fúnɛ nɛcú lɑɑ zúꞋu ḿbɔ́ pɔ́Ꞌɔ. M bɛn ḿbɔ́ ŋ́kɔŋ ŋɡɔ ɔ tsuŋ ɛ́sẅíi wɔ́p sʉ́Ꞌnɛ, ńjí ŋɡɔ pʉɔ tsʉʉ pi pɔ́p zɑ́pnɛ tʉ́m yɔ́p nǔu Sɛ́ ɡʉ ɛ́sɑ́Ꞌ tʉʉ nɛɡɛ mɛfɑꞋ sʉ́Ꞌnɛ, ɛ́ pɔ́ pɔ́Ꞌɔ, yúu mi ɔ zíꞋnɛ pɔŋ ḿbɛn ḿbɔ́ yúu mi ɛ́ ńcẅɛ́lɛ́ pʉɔmɛsɔŋ.

Ɛ́bɛlʉʉ 13:9

Kɔɔ pʉʉ pɛ́m pɛ́ zíꞋ wʉ́ʉ nɛ́ mɛnu ntɛ́ nɛ́ ntɛ́ mi ɛ́ kɑ́ cẅɛ́Ꞌnɛ nǔu nu yi pɛkŋɛ zɑ́pnɛ tʉ́m nǔu pɔ́, ŋ́ɡɛ pʉʉ fɑɑnɛ sɛ̂ndúŋ. Ɛ́ pɔŋ ŋɡɔ tsɑ́ɑmɛjʉ́ŋ-Sɛ́ níꞋnɛ tʉ́m-ŋu tɛ mbʉ́ʉ mi pɛ́ zɑ́pnɛ, ńcú nu nǔu yúu pɛjʉ́ pɔɔ nɑ́ŋ. Pʉɔ pi pɔ́p ɡẅɛɛnɛ mîmɑ́ mbʉ́ʉ kɑ́ pɔ́ ńjʉ́ yɛcɔ́ pii nǔu pɔ́.

2 Pyɛ̂ 1:5

Pɔ́Ꞌɔ, pʉʉ sɑ́Ꞌ tʉʉ, ŋ́kẅiꞋ mɑt sʉ́Ꞌnɛ nǔu wʉʉ nɛzɑ́p tʉ́m nǔu Sɛ́, ḿbɛn ŋ́ɡʉ nǔu mɑt sʉ́Ꞌnɛ ŋ́kẅiꞋ nɛjí yúu mi Sɛ́ sɛ́ ŋ́kɔŋ,

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.

2 Jɑ̂ŋ 1:9

Ŋu lɑɑ mbɔɔ kúꞋlɛ pɔ ndɑꞋ nu yi Kɛlístɔ kɑ zíꞋnɛ wɛkŋɛ pɔ́, ŋ́ɡʉ nǔu ŋ́kẅiꞋ yɛcɔ́ yúu, mbɔ ŋɡɑŋ pɔ́p Sɛ́ kɛ́ tɛmtɛ. Ŋu ẅí ɑ kúꞋlɛ́nɛ nu yi Kɛlístɔ kɑ zíꞋnɛ wɛk, pɔ́p Tɑ̌ɑ tɛmtɛ, mbɑ pɔ́p Mɔ́ɔ pɛn ńtɛmtɛ.