1 Kɔlɛ̂ŋtɛ 14:27 - Kɑɑ Fí

²⁷ Ɛ́ lɑɑ ḿbɔ́ nɛsẅíŋɛ mɛsẅíŋɛ mi pɛ́ kɑ́ jí pɔ́, pʉɔ pɛ́pɑ́ sẅiŋɛ. Pɛ́ cú ŋɡɔ pɛ́ sẅiŋɛ tɛꞋ pʉɔ pɛtɑ́t ɛ́sẅíŋɛ. Tɑ́Ꞌ ŋu sẅiŋɛ tɛ ḿbɔ́tnɛ ńnɑ́ŋ, lɑ wɛcɔ́ ŋu sẅiŋɛ yɛ́, ɛ́ zɛɛ ḿbɛn ḿbíkŋɛ ŋɡɔ wɛcɔ́ ŋu kyɛ́Ꞌtɛ.

1 Kɔlɛ̂ŋtɛ 14:27 ပူးပေါင်းရင်းမြစ်များ

1 Kɔlɛ̂ŋtɛ 12:10

Ɛ́ tɔ́ nǔu wɛcɔ́ ŋu yɛ́ pɔ́fɑꞋ yi ɑ lɔknɛ ŋ́ɡɑ́ fuꞋ níinɛ-ŋɡɑŋ ɛ́ pɔ́ ŋɡɑŋ nɛɡɛ mɛnu mɑ̌ɑmɑɑnɛ, ńtɔ́ nǔu wɛcɔ́ ŋ́ɡɑ́ fuꞋ níinɛ yɛ́ ɛ́ pɔ́ nɛcẅi Ŋkʉʉ ẅí ɛ́ fúnɛ mbɔ̌ Sɛ́, ńtɔ́ nǔu wɛcɔ́ ŋ́ɡɑ́ pɔ́fɑꞋ yɛ́ ɑ jí yúu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ mbɑ yi ɛ́ fúnɛ mbɔ̌ mɛzẅikŋɛ kɛpɔŋ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ sẅiŋɛ mɛsẅíŋɛ mi ɑ kɑ zíꞋnɛ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ jí shʉ́ nɛlɔk ŋ́kyɛ́Ꞌtɛ mîmɑ́ mɛsẅíŋɛ.

1 Kɔlɛ̂ŋtɛ 14:13

Ɛ́ yúu mi ɛ́ ɡɛnɛ lɑ ŋu ẅí ɑ sẅíŋɛ́nɛ sẅiŋɛ yi pɛ́ kɑ́ pɔ́ ńjí pɔ́, ɑ ɡẅɛɛ nɛcɛꞋlɛ Sɛ́ ŋɡɔ ɑ lɔk nɛkyɛ́Ꞌtɛ ḿbɛn ŋ́ɡɑ́ fuꞋ níinɛ yɛ́,

1 Kɔlɛ̂ŋtɛ 14:2

MbíꞋŋɡɔ ŋu lɑɑ ńdɔk mɛsẅíŋɛ mi pɛ́ kɑ́ pɔ́ ńjí pɔ́ ńcú nu, mbɔ ɑ kɛ́ ḿbɔɔ ńcú nu mbɔ̌ pʉɔmɛsɔŋ pɔ́. A ŋ́ɡʉ ńcú pɔ mbɔ̌ Sɛ́, mbíꞋŋɡɔ wɛcɔ́ ŋumɛsɔŋ kɑ́ pɔ́ ńzúꞋ nu yi ɑ cúnɛ pɔ́, ŋɡɑŋ sɛ́ ńdɔk mɛtʉʉ-Zẅikŋɛ Lɛ́ɛnɛ́nɛ ńcú nu nǔu yúu mi ɛ́ lʉɔmɛ́nɛ.

1 Kɔlɛ̂ŋtɛ 14:26

Pɔ́ɔpɛ́mɑ́ pɑ́ɑ pɑ́Ꞌ ɛ́ pɑ́Ꞌɑ lɑɑ pɛkŋɛ ɡɛ ŋɡɔ́ku? Pʉʉ lɑɑ ḿbɔ́ tɛ ńcúꞋlɛ, ŋu wʉʉ ɡẅɛɛ zɔp ŋki ɑ zɔp, ŋu ɡẅɛɛ yúu mi ɑ ɡʉ ńzíꞋ pɛcɔ́ pʉɔ, ɑ zíꞋ, ŋu ɡẅɛɛ yúu mi Sɛ́ sɛ́ ńnyɛt wɛ́, ɑ cú, ŋu ɡẅɛɛ nu yí ɑ ɡʉ ńcú nɛ́ sẅiŋɛ yi pɛ́ kɑ́ pɔ́ ńjí pɔ́ ɑ cú, ŋu ɡẅɛɛ nɛkyɛ́Ꞌtɛ ɑ kyɛ́Ꞌtɛ. Lɑ́ ɛ́ sɛ́ ḿbíkŋɛ ŋɡɔ mîmɑ́ mɛyúu tsʉʉ cẅɛ́lɛ́ nɛlɔk ŋ́ɡɛ cúꞋlɛ-pʉɔ-Kɛlístɔ tsʉʉ kẅiꞋ ńzɑ́p tʉ́m nǔu Sɛ́.

1 Kɔlɛ̂ŋtɛ 14:28

Ŋu ẅí ɑ ɡʉ ŋ́kyɛ́Ꞌtɛ mɛsẅíŋɛ mi pɛ́ kɑ́ pɔ́ ńjí pɔ́ lɑɑ mbɔɔ jí, ɑ pɑ́ɑ nɛcú nu tsɛt cúꞋlɛ tɛ ŋɡi yɛ kɔ́Ꞌ tʉ́. Ɛ́ pɔ́ pɔ́Ꞌɔ, ŋu cú nu pɔ tsɛt tʉ́m yɛ́ mbɔ̌ Sɛ́.

1 Kɔlɛ̂ŋtɛ 14:5

N jʉ́ɔ yɑ́ɑ ŋɡɔ ɛ́ pɔŋ ŋɡɔ pʉʉ pɛtsʉʉ sẅiŋɛ mɛsẅíŋɛ mi pʉʉ ŋkɑɑ mɔ́ zíꞋ, lɑ́ ŋ kɔŋ pɔ ŋɡɔ pʉʉ cẅi pɔ Ŋkʉʉ ẅí ɛ́ fúnɛ mbɔ̌ Sɛ́. Nɛcẅi Ŋkʉʉ ẅí ɛ́ fúnɛ mbɔ̌ Sɛ́ ɛ́ pɔŋ ńdɛɛ nɛsẅíŋɛ mɛsẅíŋɛ mi pɛ́ kɑ́ jí pɔ́, tɛ ńdíꞋ ndɑꞋ pɑ́Ꞌ ŋu ɡɔ́ ɛ́sẅíŋɛ, wɛcɔ́ ŋu pɔ́ sɛ́ ḿbɔ́ ŋ́kyɛ́Ꞌtɛ ɛ́sẅíi cúꞋlɛ lɑ ɛ́ cẅɛ́lɛ́ pʉɔ nɛkẅiꞋ ńzɑ́p tʉ́m nǔu Sɛ́.