1 Kɔlɛ̂ŋtɛ 14:20 - Kɑɑ Fí

²⁰ Pɔ́ɔpɛ́mɑ́ pɑ́ɑ, kɔɔ pʉʉ tsʉ́Ꞌ nɛsɑ́ŋ nu, ɛ́sɑ́ŋ pɑ́Ꞌ mbɔ́ŋkʉ̈ɔ́ lɑ́. Pʉʉ ɡʉ nǔu nu kɛpɔŋ ḿbɔ́ pɔ pɛɡɛɡʉʉ. Lɑ́ ŋ́ɡʉ nǔu nɛsɑ́ŋ nu, ńnyɛt ŋɡɔ pʉʉ tsʉklɛ.

1 Kɔlɛ̂ŋtɛ 14:20 ပူးပေါင်းရင်းမြစ်များ

Mɑtʉ̈ɔ 11:25

Yɛ́su ɡɛ ńcú ŋɡɔ: «Tɑ̌ɑ mɔ, Tsɑpʉɔ, ɡu ẅí ɔ sɑ́Ꞌnɛ tʉ́nɛ́pú mbɑ tsɛ́tsɑ́Ꞌ, ŋ ɡɑ́ pɑ́Ꞌlɑ́ mbɔ̌ ɡu pɑ́Ꞌ ɔ kɑ nyɛtnɛ mɔnɛ mɛnu mbɔ̌ pɛɡɛɡʉʉ, ńdʉɔ mbɔ̌ pɑjínu pɔ́p pʉɔ pínɛ pɔ́p kɑ zíꞋnɛ.

Mɑtʉ̈ɔ 18:3

ńcú ŋɡɔ: «Tsʉ́Ꞌnɛ ɛ sẅíi wʉ́ʉ, kwɑꞋ nɛ́nẅín, pʉʉ lɑɑ mbɔɔ kúpmɛ mɑt wʉʉ, tɛ ńtsʉ́Ꞌ ḿbɔ́ pɔ pɑ́Ꞌ mbɔ́ŋkʉ̈ɔ́ pɔ́, mbɔ pʉʉ kɛ́ lɑ́Ꞌ ŋ́kúu tsɛt nu-nɛfɔɔ-Sɛ́ pɔ́.

Mɑtʉ̈ɔ 19:14

Yɛ́su cú ŋɡɔ: «Pʉʉ nɑ́ mbɔ́ŋkʉ̈ɔ́ pɔ́p tɔ́ ŋ́kẅɛ́ɛtɛ wɑ́ɑ, kɔɔ pʉʉ zuŋ wɔ́p, pʉɔ pínɛ pɔ́p pɑ́Ꞌ mbɔ́ŋkʉ̈ɔ́ ɡẅɛɛnɛ nu nǔu nɛfɔɔ-Sɛ́,

Mɑtʉ̈ɔ 19:4

Yɛ́su píkŋɛ wɔ́p ŋɡɔ: «Pʉʉ kɑ́ fúŋ ŋwɑꞋnɛ-Sɛ́ ńzúꞋ pɔ́ kɛkʉ̈ɔ́? Pɛ́ kɑ ŋwɑꞋnɛ ŋɡɔ: Sɛ́ kɑ nɔŋ ŋɡɔŋ ḿbɔ́ɔ ŋu mbɛ́ɛnɛ pɔ́p mɑŋɡɛ́.

Mɑ́lɛ́kúshi 10:15

Ɛ sẅíi wʉ́ʉ, kwɑꞋ nɛ́nẅín, ŋu lɑɑ mbɔɔ tsʉꞋ pɑꞋ mɔ́yúu mɔ́ɔ, ḿbɛ́m ŋɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ ńdɑ́Ꞌ ŋ́kúu tsɛt ŋɡɔŋ-nɛfɔɔ-Sɛ́ pɔ́.»

Lúkɑ́shi 18:17

Ɛ sẅíi wʉ́ʉ, kwɑꞋ nɛ́nẅín, ŋu lɑɑ ḿbɔɔ tsʉ́Ꞌ pɑꞋ mɔ́ɔ mɔ́yúu mɔ́ɔ, ḿbɛ́m ŋ́ɡɔ Sɛ́ tsʉ́Ꞌnɛ ɛ́sɑ́Ꞌ wɛ́ pɔ́, mbɔ ɑ kɛ́ ɡẅɛɛ nu nǔu nɛfɔɔ-Sɛ́ pɔ́.»

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

Pʉɔ-Lɔ́mɑ 16:19

Ɛ́ ɡʉ nǔu pʉʉ, pʉɔ pɛtsʉʉ sɛ́ ńjí ŋɡɔ pʉʉ zúꞋ ntsu-Tsɑpʉɔ. Lɑ́ tʉ́m yɑ́ɑ nɑ́ŋ ńtsɑ́ɑtɛ tsɑ́ɑtɛ́nɛ nǔu yúu mi pʉʉ sɛ́ ŋ́ɡɛ. Lɑ́ mɔ sɛ́ ńtsɑ́ɑ ŋɡɔ pʉʉ ɡẅɛɛ jínu sʉ́Ꞌnɛ nɛlɔk ŋ́ɡɛ nu sʉ́Ꞌnɛ, ḿbɛn ńnɑ́ŋ ḿbɔ́ pʉɔ pi pɔ́p lɔk nɛkʉɔ nu kɛpɔŋ ḿbɔ́ pɑ kɛ́ ɡẅɛɛ lɔ́Ꞌ.

1 Kɔlɛ̂ŋtɛ 13:11

Ɛ́ kɑ pɔ́ ŋkɑ́ yi ŋ kɑ pɛ́tnɛ mɔ́yúu mɔ́ɔ, ɛ sẅiŋɛ pɑ́Ꞌ mɔ́yúu mɔ́ɔ, ŋ́kwɑŋɛ nu pɑ́Ꞌ mɔ́yúu mɔ́ɔ, jínu yɑ́ɑ sɑ́ŋ nu pɑ́Ꞌ yɛ́ mɔ́yúu mɔ́ɔ. Ɛ́ ŋkɔ̂ɔnɛ n tsʉ́Ꞌ ḿbɔ́ pɔ ndʉ́m, ŋ kɑ́ pɛn ḿbɔ́ ŋ́ɡɛ mɛnu pɑ́Ꞌ mɔ́yúu mɔ́ɔ pɔ́.

1 Kɔlɛ̂ŋtɛ 14:19

Lɑ́ ɛ́ ɡʉ ŋkɑ́ yi mɔ tsɛt cúꞋlɛ-pʉɔ-Kɛlístɔ, ŋ kɔŋ nɛcú nu mɛtú mɛ́ntɑɑ ɛ́ pɔ́ yi pɛ́ ɡʉ ńzúꞋ, ńjí ŋɡɔ n dɔk pɔ́Ꞌɔ ńzíꞋ pʉɔ nɛ́ yúu, ńdɛɛ nɛcú nu mɛtú ntsɑ́Ꞌ nɛɡɛ́m ɛ́ pɔ́ yi pɛ́ kɑ́ pɔ́ zúꞋ pɔ́.

1 Kɔlɛ̂ŋtɛ 2:6

Pɛk pɛn ŋ́kɛ́ ŋ́ɡʉ nǔu pʉɔ-Kɛlístɔ pi pɔ́p tsʉklɛnɛ nǔu nɛzɑ́p tʉ́m nǔu Sɛ́, ńzíꞋ wɔ́p nɛ́ jínu. Lɑ́ yîyɑ́ jínu kɛ́ mbɔɔ jínu yɔ mbí pɔ́, ŋ́kɛ́ mbɔɔ jínu yi ɛ́ fúnɛ mbɔ̌ yúu kɛpɔŋ yi ɛ́ sɑ́Ꞌnɛ yɔ mbí, ḿbɔ́ mi pɛ́ ɡʉ ŋ́ɡɛ ḿbík pɔ́.

Ɛ́fɛ̂zɛ 4:13

Ɛ́ kẅiꞋ ŋ́ɡʉ nɛ́ mbi tɛ pɛkŋɛ tsʉ́Ꞌ ŋ́ɡẅɛɛ pɔ tɑ́Ꞌ ntsu ẅí ɛ́ fúnɛ nǔu pɑ́Ꞌ pɛkŋɛ zɑ́pnɛ tʉ́m yɛkŋɛ pɔ nǔu Yɛ́su mɔ́ɔ-Sɛ́, ḿbɛn ńjí wɛ́, ŋ́ɡúꞋ tɛ yɛcɔ́ yúu pɔɔ pɛn ńjɑ́k wɛkŋɛ pɔ́, pɑ́Ꞌ ɛ́ nǔu wɛ́ ḿbɔ́ pɔ́Ꞌɔ.

Filipɛ 1:9

Yúu mi mɔ sɛ́ ḿbɛn ńnɑ́ŋ ḿbúꞋ mbɔ́ mbɔ̌ Sɛ́ ńtsɑ́ɑ ŋɡɔ ɑ ɡɑ́ mbɔ̌ pʉʉ ɛ́ ŋɡɔ jʉ́ Sɛ́ ɡɛnɛ pʉʉ kẅiꞋ ŋ́ɡẅɛɛ ŋkɔŋɛ ńdɔk ŋ́ɡʉ nɛ́ mbi, ḿbɔ́ ńtsuŋ ńjí wɛ́ sʉ́Ꞌnɛ, ḿbɔ́ ńjí tɔŋ yi ɛ́ nǔu nu sʉ́Ꞌnɛ pɔ́p yi kɛpɔŋ.

Filipɛ 3:15

Pɛkŋɛ pi pɛkŋɛ tsʉ́Ꞌnɛ pɔ pɛlʉ́m nǔu nɛzúꞋ nu-Sɛ́ lɑɑ, ɛ́ pɔŋ ŋɡɔ yɛkŋɛ kwɑŋɛ pɔ́ pɔ pɑ́Ꞌɑ, ŋ́kɛ́ ḿbɔ́ yi pɛcɔ́ pʉɔ pʉ́ʉ ɡẅɛɛ yɛcɔ́ kwɑŋɛ tɛ ɛ́ pɔɔ yɑ́ɑ pɔ́, mbɔ Sɛ́ ɡʉ ɛ́sɑ́ɑnɛ sɑ́ɑnɛ́nɛ, ɛ́sẅíi wʉ́ʉ nɛ́ nu ɛ̂yɑ́.

1 Pyɛ̂ 2:2

Pʉʉ pɔ́ pɔ pɑ́Ꞌ pɔ́ɔmbɔ́t pi pɔ́p tsɑ́ɑnɛ nɛpʉ́ʉ, sẅiŋɛ-sɛ́ nɛpʉ́ʉ kɛ́ lɔ́Ꞌ, pʉʉ pɔ́ ńnɔ́ŋ, ńjí ŋɡɔ pʉʉ ɡʉ ŋ́ɡúꞋ, Sɛ́ ɡɛ pʉʉ luk.

2 Pyɛ̂ 3:18

Pʉʉ lɔk pɔ pɑ́Ꞌ pʉʉ sɛ́ ńjí Yɛ́su Kɛlístɔ, Tsɑpʉɔ wɛkŋɛ, ḿbɔ́ ŋu ẅí ɑ ɡɛnɛ pɛkŋɛ luk, ńdɔk ŋ́ɡʉ nɛ́ mbi, ńjí ŋɡɔ ɑ ɡʉ kẅiꞋ ŋ́ɡɑ́ fuꞋ yʉ́ʉ, ɛ́ pɔ́ mbɔ̌ pʉʉ. NɛɡúꞋ pɔ́ mbɔ̌ wɛ́ tɛ ɛ́fú ŋkɔ̂ɔnɛ, ɛ́ ńdɑ́Ꞌ ḿbɔ́ pɔ pɔ́Ꞌɔ! Ɛ́ pɔ́Ꞌɔ.