1 Kɔlɛ̂ŋtɛ 14:16 - Kɑɑ Fí

¹⁶ mbíꞋŋɡɔ ŋu lɑɑ ḿbɔ́ pɛ́Ꞌnɛ ŋ́ɡɛ́mtɛ Sɛ́ pɔ ndɑꞋ nǔu ntɛ́ yi Zẅikŋɛ tsʉ́ʉnɛ́nɛ wɛ́ ŋɡɔ ɑ ɡɛ, mbɔ ŋu ẅí ɑ nɑ́ŋnɛ sɛ́ mbɔɔ ḿbɔ́ ńjí nu nǔu yîyɑ́ ntɛ́ pɔ́, ɡʉ ŋ́ɡɔ cú ŋɡɔ ɛ́ pɔ́Ꞌɔ, ńdɔk cɔ́kŋɛ nu yi ŋɡɑŋ lɔknɛ ŋ́ɡɛ́mtɛ Sɛ́, ɛ́ ɡɛ ŋɡɔ́ku pɑ́Ꞌ ɑ kɑ́ pɔ́ ńzúꞋ nu yi ɑ cúnɛ pɔ́ ɔɔ?

1 Kɔlɛ̂ŋtɛ 14:16 ပူးပေါင်းရင်းမြစ်များ

Mɑtʉ̈ɔ 15:36

ŋ́ɡɔ́ɔ ŋ́kɛ́ ńcẅɛ́ɛ mbɛlɛ̂ɛt ɛ̂yɑ́ ntɑ́Ꞌ sɑɑmbɑ́ nɛ́ mɛshú mɑ́, ŋ́ɡɑ́ pɑꞋlɑ́ mbɔ̌ Sɛ́, ḿbʉ̈ɔ́Ꞌtɛ ŋ́ɡɑ́ mbɔ̌ ɡɑŋku pɛ́, pɔ́p ɡɑp mbɔ̌ lɑ́Ꞌ.

Mɑtʉ̈ɔ 28:20

ńzíꞋ wɔ́p nɛtík ku nǔu mɛnu tsʉʉ mi mɔ ńzíꞋnɛ wʉ́ʉ. Pʉʉ jí ŋɡɔ, kwɑꞋ mɔ, ŋ ɡʉ ńdɑ́Ꞌ ḿbɔ́ pɔ tsɛtsɛt pʉʉ tɛ ntsɛ́llɛ́ lɑ́Ꞌ mɛ.

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Mɑ́lɛ́kúshi 16:20

Gɑŋku-Yɛ́su fú zúꞋu, ŋ́ɡʉ, ńzɛ nɛsẅíi nu-Sɛ́ zʉꞋ tsʉʉ. Tsɑpʉɔ pɔ́ ńdíŋɛ wɔ́p, ńcẅɛ́lɛ́ wɔ́p, ńtɔ́ɔtɛ wɔ́p, pɔ́p ɡɛ mɛŋkʉꞋnɛ mɛnu, mi ɛ́ nyɛtnɛ ŋɡɔ sẅiŋɛ yɔ́p fú mbɔ̌ Sɛ́.]

Jɑ̂ŋ 21:25

Yɛ́su kɑ pɛn ŋ́ɡɛ mɛcɔ́ mɛnu tɛ ɛ́ zɑ́ɑ zɑ́ɑnɛ. Ŋ kwɑŋɛ ŋɡɔ pɛ́ kɑ pɔ́ pɛꞋnɛ ḿbɛ́ɛtɛ ŋ́ŋwɑꞋnɛ, mbɔ ḿbɔ́ mɛŋwɑꞋnɛ zɑ́ɑ tɛ mbɔɔ kúu tsɛt mbí yɔ tsʉʉ pɔ́.

Jɑ̂ŋ 7:15

Ɛ́ kʉꞋnɛ pɑyúdɑ, pɔ́p cú ŋɡɔ: «A ɡɛ ŋɡɔ́ku ńjí ŋwɑꞋnɛ-ndɛn kɑɑ pɑ́Ꞌɑ, lɑ́ mbɔ ɑ ŋkɑɑ sɛkút zíꞋ?»

ŊwɑꞋnɛ-Gɑŋntúu Yɛ́su Kɛlístɔ 4:13

Pʉɔ pinɛ pɔ́p kɑ nɑ́ŋnɛ sɛ́ ḿbɔ́ ŋ́ŋɑk wɔ́p, jʉ́ɔ ntɛ́ yi Pyɛ̂ pɔ́p Jɑ̂ŋ lɔknɛ ńcú nu kɛ́ pɔ́k ɛ́ kʉꞋnɛ wɔ́p, mbíꞋŋɡɔ pɔ́p kɑ pɔ́ ńjí ŋɡɔ pɔ́p pɔ pɛmɛɛ pʉɔ, mbɔ pɔ́p ŋkɑɑ kɛ́ ńzíꞋ sɛkút tɛꞋ pɔ́. Pɔ́p ɡɔ́ɔ ŋ́kɛ́ ńdii ŋɡɔ pɔ́p ɡɛ pɔ́ꞌɔ, mbíꞌŋɡɔ pɔ́p pɛ́ Yɛ́su kɑ pɔ́ ńtɛmtɛ ku ńnɛn.

1 Kɔlɛ̂ŋtɛ 11:24

ŋ́ɡɑ́ pɑ́Ꞌlɑ́ mbɔ̌ Sɛ́, ḿbʉ̈ɔ́Ꞌ ńcú ŋɡɔ: Yɔ mbɑp-mbʉʉ yɑɑ yi pɛ́ ŋ́ɡɑ́ nǔu tú yʉ́ʉ. Pʉʉ tsʉ́Ꞌ ḿbɔ́ ŋ́ɡɛ pɑ́Ꞌɑ ńdɔk ŋ́kẅíitɛ wɑ́ɑ».

1 Kɔlɛ̂ŋtɛ 14:14

mbíꞋŋɡɔ n dɑɑ ńtsʉ́Ꞌ nɛcɛꞋlɛ Sɛ́, ńdɔk sẅiŋɛ yi pɛ́ kɑ́ pɔ́ ńjí pɔ́, mbɔ mɔ sɛ́ ńdɔk zẅikŋɛ yɑ́ɑ ńcɛꞋlɛ Sɛ́ lɑ́ ŋ́kɛ́ ḿbɔɔ ḿbɔ́ ńzúꞋ nu yi mɔ sɛ́ ńcú pɔ́.

1 Kɔlɛ̂ŋtɛ 14:2

MbíꞋŋɡɔ ŋu lɑɑ ńdɔk mɛsẅíŋɛ mi pɛ́ kɑ́ pɔ́ ńjí pɔ́ ńcú nu, mbɔ ɑ kɛ́ ḿbɔɔ ńcú nu mbɔ̌ pʉɔmɛsɔŋ pɔ́. A ŋ́ɡʉ ńcú pɔ mbɔ̌ Sɛ́, mbíꞋŋɡɔ wɛcɔ́ ŋumɛsɔŋ kɑ́ pɔ́ ńzúꞋ nu yi ɑ cúnɛ pɔ́, ŋɡɑŋ sɛ́ ńdɔk mɛtʉʉ-Zẅikŋɛ Lɛ́ɛnɛ́nɛ ńcú nu nǔu yúu mi ɛ́ lʉɔmɛ́nɛ.

1 Kɔlɛ̂ŋtɛ 16:24

N dɔk pɑ́Ꞌ pɛkŋɛ tɛmtɛ́nɛ ḿbɔ́ nzʉʉ Kɛlístɔ ŋ́kɔŋ wʉ́ʉ pɛ́tsʉʉ.

2 Kɔlɛ̂ŋtɛ 1:20

Jʉ́ zɛɛnɛ ḿbɔ́ ŋu ẅí ɑ ɡɛnɛ ŋɡɔ kʉ̈ɔ́ lɑ́ yi Sɛ́ kɑ kɑꞋnɛ lɑ́ puutɛ. Pɔ́Ꞌɔ, pɛkŋɛ lɔk lík yɛ́, ńcú ŋɡɔ ɛ́ pɔ́Ꞌɔ, ńdɔk pɔ́Ꞌɔ, ŋ́ɡɑ́ mɛkuꞋ mbɔ̌ Sɛ́.

Mɛnu ɛ́ ńdɑ́Ꞌ ńcẅɛt 22:20

Ŋu ẅi ɑ sɛ́ ńniitɛ ńcú mɔnɛ mɛnu, cú ŋɡɔ: KwɑꞋ nɛ́nẅín, mɔ ŋ ɡʉ fɛ́Ꞌnɛ ńtɔ́. Ɛ́ pɔ́Ꞌɔ. Tɔ́ mbɑ̌ɑ Tsɑpʉɔ Yɛ́su.

Mɛnu ɛ́ ńdɑ́Ꞌ ńcẅɛt 5:14

Pɛ́ zɔp pɔ́Ꞌɔ, mɛyúumɛku mɑ́ mɛ́nɛ́kwɑ ɡɔ́ɔ ŋ́kɛ́ ŋɡɔ ɛ́ pɔ́Ꞌɔ. Pɛlʉ́m pɑ́ ɡɔ́ɔ ŋ́kɛ́ ŋ́kẅíꞋlɛ sɛ́, ŋ́ɡúꞋlɛ Sɛ́.

Mɛnu ɛ́ ńdɑ́Ꞌ ńcẅɛt 7:12

ḿbɔ́ ńcú ŋɡɔ: Ɛ́ pɔ́ꞌɔ, ɡúꞋlɛ, nɛɡúꞋ, jínu, nɛɡɑ́ pɑ́Ꞌlɑ́, nɛɡɑ́ mɛkuꞋ, mɛtʉʉ pɔ́p ŋɡúꞋ pɔ́ mbɔ̌ Sɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.