1 Kɔlɛ̂ŋtɛ 13:7 - Kɑɑ Fí

⁷ Ŋu ẅí ɑ kɔŋnɛ ŋu mɛsɔŋ, ŋu fɑɑnɛ pɔ yɛ́tɛ́ nu mbɔ̌ wɛ́ lɑ́, ɑ likŋɛ likŋɛ́nɛ, ɛ́ ɡʉ nǔu mbɑ kʉ̈ɔ́ lɑ́ ɑ zɑ́p tʉ́m yɛ́ pɔ nǔu Sɛ́, ńnɑ́ŋ ḿbɔ́ ńzẅíꞋlɛ yɛ́ pɔ ŋɡɔ mbɑ kʉ̈ɔ́ lɑ́ ɡʉ ŋ́ɡɛ ńdẅiklɛ pɔ sʉ́Ꞌnɛ, ɑ jʉ́ɔ ŋɡʉ̈ɔ́Ꞌ ŋɡɔ́ku ɔɔ ḿpfú pɔ míꞋlɛ.

1 Kɔlɛ̂ŋtɛ 13:7 ပူးပေါင်းရင်းမြစ်များ

Mɑtʉ̈ɔ 10:22

Pʉɔ tsʉʉ ɡʉ ńdɑ́Ꞌ ḿbɑɑ wʉ́ʉ mɛlɑ́Ꞌ wɑ́ɑ, lɑ́ ŋu ẅí ɑ sʉknɛ kɛ́ kɑ́ɑ ɡʉ ŋ́ɡɛ ńduk.

Mɑ́lɛ́kúshi 9:23

Yɛ́su pɑꞋ yɛ́ ŋɡɔ: «Ɔ pɛn ŋɡɔ pɑꞋ ɔ lɑɑ ŋ́kuꞋ ŋɡɔ ku? Nu kɑ́ tsɑ ŋu ẅí ɑ zɑ́pnɛ tʉ́m nǔu Sɛ́ pɔ́.»

Pʉɔ-Lɔ́mɑ 15:1

Yúu mi pɛkŋɛ ɡẅɛɛ nɛɡɛ ɛ́ ŋɡɔ pʉɔ pi pɔ́p lɔk nu-Sɛ́ ńjí yúu mi pɔ́p ɡʉ ŋ́ɡɛ, ɡẅɛɛ nɛlɔk tʉ́m sʉ́Ꞌnɛ ńcẅɛ́lɛ pʉɔ pi pɔ́p kɑ́ pɔ́ ńjí pɑ́Ꞌ pɔ́p pɔ́. Ŋu kɑ́ ɡẅɛɛ nɛɡɛ yúu mi ɛ́ pɔŋnɛ pɔ wɛ́ pɔ́.

Pʉɔ-Lɔ́mɑ 8:24

Pɛkŋɛ ŋkɔ̂ɔnɛ, mbɔ pɛkŋɛ kɑ luk, lɑ́ pɛkŋɛ pɛ́t kɛ́ jʉ́ɔ yúu tsʉʉ nɛ́ mík. Pɛkŋɛ zɛɛ ńdɔk mík ńjʉ́ɔ yúu mi pɛkŋɛ kɑ pɔ́ ńzẅíꞋlɛ, pɛkŋɛ pɔɔ pɛn ńzẅíꞋlɛ pɔ́, mbíꞋŋɡɔ ɛ́ lɑ́Ꞌmɔ́ ḿbɔ́ mbɔ̌ pɛkŋɛ. Mbɔ wɔ̌ zɛɛ ńnɑ́ŋ ḿbɔ́ ńzẅíꞋlɛ yúu mi ɑ sɛ́ ńjʉ́ɔ?

1 Kɔlɛ̂ŋtɛ 13:4

Ŋu ẅí ɑ kɔŋnɛ ŋumɛsɔŋ, ɑ ɡẅɛɛ kɔk mbʉʉ, ɑ cẅɛ́lɛ́ pʉɔ, ɑ kɑ́ ɡẅɛɛ kɛ́ɡʉ̈ɔꞋ pɔ́, ɑ kɑ́ nyɛt mbʉʉ yɛ pɔ́, ɑ kɑ́ ŋɑ́Ꞌlɛ pɔ́,

1 Kɔlɛ̂ŋtɛ 9:12

Ɛ́ lɑɑ ḿbɔ́ yi pɛcɔ́ pʉɔ sɛ́ ńcẅɛ́ɛ yúu mbɔ̌ pʉʉ, mbɔ pɛk zɛɛnɛ mbɔɔ ɡẅɛɛ nɛpiitɛ ńcẅɛ́ɛ pɔ́ ɔɔ? Tɛ mbɑ pɔ́Ꞌɔ, pɛk ŋkɑɑ kɛ́ ńcẅɛ́ɛ pɔ́. Tɛ ńtsʉ́Ꞌ pɔ́Ꞌɔ, mbɔ pɛk sɛ́ ɛ́sʉk nǔu mbɑ kʉ̈ɔ́ lɑ́ sʉknɛ, ḿbɔ́k nɛɡɛ yúu mi ɛ́ ɡʉ ńtɔꞋ pʉɔ nɛzúꞋ Ŋkʉʉ Sʉ́Ꞌnɛ-Kɛlístɔ.

Ŋɡɑlɑ̂t 6:2

Pʉʉ tíi mɛnu mʉ́ʉ ḿbiꞋ ńcẅɛ́nɛ. Pʉʉ lɑɑ ŋ́ɡɛ pɔ́Ꞌɔ, mbɔ pʉʉ ɡɛ yúu mi nɛpʉ́ʉ-Kɛlístɔ sɛ́ ḿbíkŋɛ.

2 Tɛsɑlɔník 1:4

Ɛ́ lɛɛ pɔ́Ꞌɔ, lɑ pɛk ɡɔ́ ŋ́kẅíi lík yʉ́ʉ tsɛt mɛcɔ́ mɛcúꞋlɛ-pʉɔ-Sɛ́, ŋ́kẅíi pɔ nɛ́ kɑꞋmɛ, mbíꞋŋɡɔ pʉɔ sɛ́ ńnyɛt wʉ́ʉ nɛ́ ŋɡʉ̈ɔ́Ꞌ, ḿbɔ́ ŋ́kʉ́ʉnɛ wʉ́ʉ, pʉʉ kɛ́ mbɔɔ cúꞋlɛ kʉ̈ɔ́, pʉʉ kɛ́ ɛ́sʉk sʉknɛ, ḿbɔ́ ńzɑ́p tʉ́m yʉ́ʉ pɔ nǔu Yɛ́su Kɛlístɔ.

2 Timɔtɛ́ɛ 2:24

Ɛ́ pɛn ŋ́kɛ́ ḿbɔɔ pɔŋ ŋɡɔ ŋɡɑŋfɑꞋ-Tsɑpʉɔ tɑ́k fɛꞋ pɔ́. A ɡẅɛɛ nɛkɔŋ pʉɔ tsʉʉ, ŋ́kuꞋ nɛzíꞋ pʉɔ nɛ́ yúu sʉ́Ꞌnɛ, ḿbɔ́ mbɔŋlɔ́ŋ.

2 Timɔtɛ́ɛ 3:11

Ɔ sɛ́ ńjí pɑ́Ꞌ pʉɔ kɑ tsɔ́Ꞌnɛ ku yɑ́ɑ kɛpɔŋ, ńjí pɑ́Ꞌ ŋ kɑ jʉ́ɔnɛ ŋɡʉ̈ɔ́Ꞌ pɔ́Ꞌɔ tʉ́sɔŋ-Antíyɔshɛ mbɑ Ikɔnyɔm mbɑ Listɛlɛ. Pɔ́p ŋkɑɑ tsɔ́Ꞌ ku yɑ́ɑ kɛpɔŋ nɛ́ yɛ́tɛ́ ntɛ́ pɔ́. Lɑ́ Tsɑpʉɔ kɛ ɛ́fú tsɛtú ńcẅɛɛtɛ wɑ́ɑ cẅɛɛtɛ́nɛ,

2 Timɔtɛ́ɛ 4:5

Lɑ́ ŋ́ɡʉ nǔu ɡu, ɡɛ yú mbɑ kʉ̈ɔ́ lɑ́ ɛ́ kuꞋ kuꞋnɛ. Ŋɡʉ̈ɔ́Ꞌ kúu wú ɔ sʉk sʉknɛ. Kɛ́ ḿbɔ́ ɛ́fɑꞋ pɔ fɑꞋ yú yi ɛ́ nɛcẅi Ŋkʉʉ Sʉ́Ꞌnɛ-Sɛ́ mbɔ̌ pʉɔ. Ɛ́fɑꞋ fɑꞋ-Sɛ́ yi ɔ nǔu sʉ́Ꞌnɛ.

Ɛ́bɛlʉʉ 13:13

Pɔ́Ꞌɔ lɑ́, pɛkŋɛ fú yɛkŋɛ zʉꞋ yi pɛ́ tsẅɛ́nɛ zúꞋu, ńcẅɛt, ŋ́ɡʉ ńtsɛ́t wɛ́, ḿbɔ́ ḿbɛ́m ŋɡɔ pɛ́ zɔɔtɛ wɛkŋɛ pɑ́Ꞌ jʉ́.

Jɑ̂k 1:12

Pɔ́ttú, ŋu ẅí ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛ́nɛ, mbíꞋ pɑ́Ꞌ ŋɡʉ̈ɔ́Ꞌ kúunɛ wɛ́ ɑ tɛntɛ tɛntɛnɛ lɑ́, Sɛ́ ɡʉ ńtɔꞋ ŋɡúꞋ tú yɛ́. Ɛ́ lɔk ḿbɔ́ luk kɛ́ mɛ yí ɑ kɑ kɑꞋnɛ mbɔ̌ mbɑ wɔ̌ lɑ́ ẅi ɑ ŋ́kɔŋnɛ yɛ́ Sɛ́.

1 Pyɛ̂ 2:24

KwɑꞋ jʉ́ Kɛlístɔ kɑ tíi mɛnu kɛpɔŋ mɛkŋɛ ńníꞋ sɔŋ-mbʉʉ yɛ́, ɛ́ ŋkɑ́ yi pɛ́ kɑ kẅiinɛ wɛ́ nǔu tʉ́ mbɑ́ŋtɛ pɑ́ŋtɛ́nɛ. A kɑ ɡɛ pɔ́Ꞌɔ, nɛpɔ́ yi pɛkŋɛ ɡʉ ńtsʉ́Ꞌ pɔ mbɔ̌ nu kɛpɔŋ, ḿbɔ́ pɔ pɛpfú, ŋ́kuꞋ nɛɡɛ yúu mi ɛ́ ndʉ́ŋndʉŋ mbi Sɛ́. Pʉʉ kɑ lúꞋnɛ pɔ mɛfʉ́ŋ mɛ́ lɑ ɛ́fíitɛ.

1 Pyɛ̂ 4:8

Nduŋmbi yúu mi pʉʉ ɡʉ ŋ́ɡɛ, ɑ pʉʉ nɛɡẅɛɛ ŋkɔŋɛ tsɛtsɛt pʉʉ, mbíꞋŋɡɔ ŋkɔŋɛ píknɛ nɛlʉ́m mɛnu kɛpɔŋ.