1 Kɔlɛ̂ŋtɛ 12:30 - Kɑɑ Fí

³⁰ kɛ pɔ nɛɡɛ ɡɑŋɡɔɔ fíitɛ ɔɔ, kɛ pɔ nɛsẅíŋɛ mɛsẅíŋɛ mi pɔ́p kɑ zíꞋnɛ pɔ́, kɛ pɔ nɛkyɛ́Ꞌtɛ mîmɑ́ mɛsẅíŋɛ pɔ́.

1 Kɔlɛ̂ŋtɛ 12:30 ပူးပေါင်းရင်းမြစ်များ

1 Kɔlɛ̂ŋtɛ 12:10

Ɛ́ tɔ́ nǔu wɛcɔ́ ŋu yɛ́ pɔ́fɑꞋ yi ɑ lɔknɛ ŋ́ɡɑ́ fuꞋ níinɛ-ŋɡɑŋ ɛ́ pɔ́ ŋɡɑŋ nɛɡɛ mɛnu mɑ̌ɑmɑɑnɛ, ńtɔ́ nǔu wɛcɔ́ ŋ́ɡɑ́ fuꞋ níinɛ yɛ́ ɛ́ pɔ́ nɛcẅi Ŋkʉʉ ẅí ɛ́ fúnɛ mbɔ̌ Sɛ́, ńtɔ́ nǔu wɛcɔ́ ŋ́ɡɑ́ pɔ́fɑꞋ yɛ́ ɑ jí yúu mi ɛ́ fúnɛ mbɔ̌ Zẅikŋɛ Lɛ́ɛnɛ́nɛ mbɑ yi ɛ́ fúnɛ mbɔ̌ mɛzẅikŋɛ kɛpɔŋ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ sẅiŋɛ mɛsẅíŋɛ mi ɑ kɑ zíꞋnɛ, ŋ́ɡʉ nǔu wɛcɔ́ ŋ́ɡɑ́ fuꞋ níinɛ yɛ́ ɑ jí shʉ́ nɛlɔk ŋ́kyɛ́Ꞌtɛ mîmɑ́ mɛsẅíŋɛ.

1 Kɔlɛ̂ŋtɛ 12:28

Sɛ́ kɑ tsʉ́Ꞌ nɛniitɛ cúꞋlɛ yɛ́, ḿbiitɛ ńzɑ́p ɡɑŋntúu, ḿbɑ́ɑtɛ ńzɑ́p pɑcẅiŋkʉʉ pi pɔ́p fúnɛ mbɔ̌ wɛ́, ḿbɑ́ɑtɛ ńtík pɑzíꞋ pʉɔ nɛ́ nu-Sɛ́, pɛ́ fú nǔu pɔ́p ńjʉ́ɔ pʉɔ pinɛ ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ, ḿbɑ́ɑtɛ ńjʉ́ɔ pʉɔ pi ɑ kɑ ɡɑ́nɛ fuꞋ níinɛ yɔ́p, ɛ́ pɔ́ pɑ́Ꞌ pɔ́p ɡʉ ŋ́ɡɛ ɡɑŋɡɔɔ fíitɛ, pɛ́ fú nǔu pɔ́p ńjʉ́ɔ pʉɔ pi yɔ́p pɔ́fɑꞋ ɛ́ nɛcẅɛ́lɛ pɛcɔ́ pʉɔ mbɑ pʉɔ pi pɔ́p niitɛ́nɛ cúꞋlɛ, tɛ mbɑ pʉɔ pi ɑ kɑ ɡɑ́nɛ fuꞋ níinɛ yɔ́p ɛ́ pɔ́ pɑ́Ꞌ pɔ́p ɡʉ ɛ́sẅíŋɛ mɛsẅíŋɛ mi pɔ́p ŋkɑɑ zíꞋ.

1 Kɔlɛ̂ŋtɛ 12:29

Pʉɔ pɛtsʉʉ tsɛt cúꞋlɛ kɑ́ pɔ́ ɡɑŋntúu pɔ́, ŋ́kɛ́ mbɔɔ pɑcẅiŋkʉʉ pi pɔ́p fúnɛ mbɔ̌ Sɛ́ pɔ́, ŋ́kɛ́ mbɔɔ pɑzíꞋ pʉɔ nɛ́ nu-Sɛ́ pɔ́, Sɛ́ ŋkɑɑ ɡɑ́ fuꞋ níinɛ-pʉɔ pɛtsʉʉ pɑ́Ꞌ pɔ́p ɡʉ ŋ́ɡɛ mɛnu mɑ̌ɑmɑɑnɛ pɔ́,

1 Kɔlɛ̂ŋtɛ 12:9

Zẅikŋɛ ɛ̂yɑ́ pɛnnɛ ŋ́ɡɛ wɛcɔ́ ŋu pɔ́ ńzɑ́p tʉ́m yɛ́ nǔu Sɛ́ tɛꞋ, wɛcɔ́ ɡẅɛɛ nɛɡɛ ɡɑŋɡɔɔ fíitɛ.

1 Kɔlɛ̂ŋtɛ 14:13

Ɛ́ yúu mi ɛ́ ɡɛnɛ lɑ ŋu ẅí ɑ sẅíŋɛ́nɛ sẅiŋɛ yi pɛ́ kɑ́ pɔ́ ńjí pɔ́, ɑ ɡẅɛɛ nɛcɛꞋlɛ Sɛ́ ŋɡɔ ɑ lɔk nɛkyɛ́Ꞌtɛ ḿbɛn ŋ́ɡɑ́ fuꞋ níinɛ yɛ́,