1 Kɔlɛ̂ŋtɛ 12:27 - Kɑɑ Fí

²⁷ Ɛ́ ɡʉ nǔu mbʉʉ-Kɛlístɔ, mbɔ pʉʉ wɔ lɔknɛ ḿbɔ́ yîyɑ́, ẅîwɑ́ ŋu pɔ́ nǔu pʉʉ, ḿbɔ́ tɑ́Ꞌ kɛm nǔu mbʉʉ ɛ̂yɑ́.

1 Kɔlɛ̂ŋtɛ 12:27 ပူးပေါင်းရင်းမြစ်များ

Pʉɔ-Lɔ́mɑ 12:5

Ɛ́ pɛn ḿbɔ́ pɔ ndʉ́ŋndʉŋ nǔu pɑ́Ꞌ pɛkŋɛ pɔ́ tɛ ńzɑ́ɑ zɑ́ɑnɛ lɑ́, ńdɔk pɑ́Ꞌ pɛkŋɛ lɑtnɛ mbʉʉ nǔu Kɛlístɔ, ńtɛmtɛ ńcúꞋlɛ nǔu tɑ́Ꞌ ŋu, pɑ́Ꞌ mɛkɛm mbʉʉ tɛmtɛ́nɛ, mbɑ yɛ́tɛ́ lɑ́ pɔ́ ńtɔ́ɔtɛ yɛcɔ́ lɑ́.

1 Kɔlɛ̂ŋtɛ 1:2

Mɔ ŋwɑꞋnɛ́nɛ ŋ́ɡɑ́ mbɔ̌ cúꞋlɛ-pʉɔ-Sɛ́-tʉ́sɔŋ-Kɔlɛ̂ŋtɛ, pɔ́p pinɛ Sɛ́ kɑ tɛmtɛ́nɛ wɔ́p nǔu Yɛ́su Kɛlístɔ ńdɔk wɔ́p ŋ́ɡɛ pʉɔ pɛ́, ńcú mbɔ̌ pɔ́p ŋɡɔ pɔ́p pɔ́ kwɑꞋ pʉɔ pɛ́. Ŋ ɡɑ́ yɔ ŋwɑꞋnɛ mbɑ mbɔ̌ pʉɔ tsʉʉ pi pɔ́p mbɑ ɡɔ́ lɑ́, ɛ́fúŋ lík-Tsɑpʉɔ wɛkŋɛ Yɛ́su Kɛlístɔ. A lɔk pɔ́Ꞌɔ, ḿbɛn ḿbɔ́ Tsɑpʉɔ wɔ́p ɡúu.

1 Kɔlɛ̂ŋtɛ 10:17

Pɑ́Ꞌ tɑ́Ꞌ mbɛlɛ̂ɛt wɛ́mɔ́Ꞌ pɔ́nɛ sɛ́ lɑ́, pɛkŋɛ pɛtsʉʉ tɛmtɛ ŋ́kwɛ́t yîyɑ́ tɑ́Ꞌ mbɛlɛ̂ɛt ńdɔk ńnyɛt ŋɡɔ pɛkŋɛ tɛmtɛ ḿbɔ́ pɔ tɑ́Ꞌ mbʉʉ wɛ́mɔ́Ꞌ.

1 Kɔlɛ̂ŋtɛ 12:12

Ndʉ́ŋndʉŋ pɑ́Ꞌ mbɑp-mbʉʉ pɔ́ pɔ tɑ́Ꞌ lɑ́, tɛ mbɑ pɑ́Ꞌ ɛ́ ɡẅɛɛnɛ mɛzʉꞋ-mbʉʉ tɛ ɛ́ zɑ́ɑ zɑ́ɑnɛ lɑ́, mɛzʉꞋ-mbʉʉ zɛɛ ńzɑ́ɑ tɛꞋ lɑ́, ŋ́kɛ́ ńcúꞋlɛ ḿbɔ́ pɔ tɑ́Ꞌ mbɑp-mbʉʉ wɛ́mɔ́Ꞌ, ɛ́ pɛn ḿbɔ́ pɔ pɔ́Ꞌɔ nǔu Kɛlístɔ.

1 Kɔlɛ̂ŋtɛ 12:26

Lɑ́ ḿbɔ́ yi mɛcɔ́ mɛzʉꞋ-mbʉʉ lɑɑ ḿbɔ́ ńjʉ́ɔ ŋɡʉ̈ɔ́Ꞌ, mɛcɔ́ pɛn ńjʉ́ɔ yɔ́p ŋɡʉ̈ɔ́Ꞌ yîyɑ́ ɡúu, ḿbɔ́ yi pɛ́ lɑɑ ḿbɔ́ ŋ́ɡɑ́ mɛku yɛcɔ́ zʉꞋ-mbʉʉ, mɛcɔ́ pɛn ńtsɑ́ɑtɛ yɔ́p ɡúu.

1 Kɔlɛ̂ŋtɛ 6:15

Pʉʉ kɑ́ pɔ́ ńjí ŋɡɔ mbʉʉ yʉʉ mɛkɛm-mbʉʉ-Kɛlístɔ pɔ́ kíi? Ŋ ɡʉ ńdɔk kɛm-mbʉʉ-Kɛlístɔ ńdɔk ŋ́ɡɛ kɛm-mbʉʉ-ŋkɑttʉ́ mɑŋɡɛ́? Ŋɡɑ́ŋ,

Ɛ́fɛ̂zɛ 1:23

CúꞋlɛ-pʉɔ-Sɛ́ mbʉʉ-Kɛlístɔ. A tsɛt cúꞋlɛ-pʉɔ pɛ́ ŋkɑ́ tsʉʉ, jʉ́ ẅí ɑ zʉꞋ tsʉʉ ndǔmbí.

Ɛ́fɛ̂zɛ 4:12

A kɑ zɑ́pnɛ pîpɑ́ pʉɔ nɛpɔ́ yi pɔ́p ɡʉ cẅɛ́lɛ́ pʉɔ-Kɛlístɔ nɛfɑꞋ fɑꞋ-Sɛ́, cúꞋlɛ-pʉɔ-Kɛlístɔ yi ɛ́ mbɑp mbʉʉ yɛ́, kẅiꞋ ŋ́ɡʉ nɛ́ mbi.

Ɛ́fɛ̂zɛ 5:23

MbíꞋŋɡɔ ndúu-mɑŋɡɛ́ pɔ́nɛ túmbi, mɑŋɡɛ́ pɔ́ mbɑp-mbʉʉ. Kɛlístɔ pɔ́ tú, cúꞋlɛ-pʉɔ pɛ́ pɔ́ mbɑp-mbʉʉ yɛ. Jʉ́ ɡɛnɛ lɑ cúꞋlɛ-pʉɔ pɛ́ ɡẅɛɛ luk kɛ́mɛ.

Ɛ́fɛ̂zɛ 5:30

mbíꞋŋɡɔ pɛkŋɛ pɔ́ pɔ mɛkɛm-mbʉʉ mɛ́.

Kɔlɔsíyɛ̂ŋ 1:18

Jʉ́ pɔ́nɛ tú nǔu mbɑp-mbʉʉ yi ɛ́ cúꞋlɛ pʉɔ pɛ́. A nzɛnɛ, ḿbɔ́ nduŋmbi ŋu ẅí ɑ kɑ pfúnɛ ḿbɛn ńzẅíimɛ. Pɔ́Ꞌɔ lɑ́, ḿbɔ́ nduŋmbi nǔu mbɑ kʉ̈ɔ́ lɑ́.

Kɔlɔsíyɛ̂ŋ 1:24

Ɛ́ ŋkɔ̂ɔnɛ ŋɡʉ̈ɔ́Ꞌ yi mɔ sɛ́ ńjʉ́ɔ nǔu tú yʉ́ʉ ɡɛ n tsɑ́ɑtɛ tsɑ́ɑtɛ́nɛ. Pɑ́Ꞌ Kɛlístɔ kɑ jʉ́ɔnɛ ŋɡʉ̈ɔ́Ꞌ lɑ́, mɔ sɛ́ ńjʉ́ɔ ŋɡʉ̈ɔ́Ꞌ ntɛ́ cúꞋlɛ yi ɛ́ mbʉʉ yɛ. Ŋ ɡɛ pɔ́Ꞌɔ ńdɔk ḿmikŋɛ fɑꞋ yɛ́.

Kɔlɔsíyɛ̂ŋ 2:19

Pɔ́p kɑ́ pɔ́ ŋ́kẅiꞋ ńdɑt mbʉʉ nǔu Kɛlístɔ ẅí jʉ́ pɔ́nɛ tú pɔ́. Lɑ́ mbɔ tú ɡɑ́nɛ mbɑ kʉ̈ɔ́ lɑ́ yi ɛ́ ɡʉ ńcẅɛ́lɛ́ mbɑp-mbʉʉ. Tú ɡɛnɛ mɛzuŋ-mbʉʉ mbɑ mɛŋɑŋ-mbʉʉ cúꞋlɛ ŋ́kúꞋlɛ mbɑp-mbʉʉ, ɛ́ ɡúꞋ pɑ́Ꞌ Sɛ́ sɛ́ ŋ́kɔŋ.