1 Kɔlɛ̂ŋtɛ 12:11 - Kɑɑ Fí

¹¹ Tɑ́Ꞌ Zẅikŋɛ Lɛ́ɛnɛ́nɛ, pɔ yɛ́tɛ́ ɡɛnɛ mîmɑ́ mɛnu, ḿbɔ́ ŋ́ɡɑ́ fuꞋ níinɛ mbɑ wɛ́tɛ́ ŋu pɑ́Ꞌ Zẅikŋɛ kɔŋnɛ.

1 Kɔlɛ̂ŋtɛ 12:11 ပူးပေါင်းရင်းမြစ်များ

Mɑtʉ̈ɔ 11:26

Ɔ́ɔŋ mbɑ̌ɑ Tɑ̌ɑ mɔ, ɔ kɑ jʉ́ɔ ŋɡɔ ɔ ɡʉ ŋ́ɡɛ yɔ nu pɔ́ pɔ́Ꞌɔ.»

Mɑtʉ̈ɔ 20:15

Ŋ ɡẅɛɛ nɛlɔk ŋkɑ́p yɑɑ ŋ́ɡɛ yúu mi ŋ kɔŋnɛ, ɛ́ kɑ́ pɔ́ pɔ́Ꞌɔ pɔ́ kɛ? Kɛ ɔ zɑ́ŋ lɔ́ŋ ntɛ́ pɔ nu yí ɔ jʉ́ɔnɛ m bɔ́ ŋɡɑŋ-pɔŋtʉ́m ɔɔ?

Jɑ̂ŋ 3:27

Jɑ̂ŋ tsɔ́Ꞌ mbɔ̌ pɔ́p ŋɡɔ: «Mbɔ ŋu pɔɔ ɡẅɛɛ yúu kɛ́ pɔ́ yi Sɛ́ ɡɑ́nɛ mbɔ̌ wɛ́ pɔ́.

Jɑ̂ŋ 3:8

Fɛfʉ̈ɔt lɛɛ zʉꞋ yí ɑ kɔŋnɛ, ɔ zúꞋ pɑ́Ꞌ ɑ lɛɛnɛ, lɑ́ ŋ́kɛ́ mbɔɔ jí zʉꞋ yí ɛ́ fúnɛ zúꞋu pɔ́, ŋ́kɛ́ mbɔɔ jí zʉꞋ yí ɛ́ ɡʉnɛ nɛ́ zúꞋu pɔ́. Ɛ́ pɛn ḿbɔ́ pɔ pɔ́Ꞌɔ, nǔu ŋu ẅí Zẅikŋɛ Lɛ́ɛnɛ́nɛ pínɛ wɛ́.

Jɑ̂ŋ 5:21

Pɑ́Ꞌ Tɑ́t wɛ ɡɛnɛ pʉɔ pí pɔ́p pfúnɛ zẅíimɛ pɔ́ ɡú lɑ́, ɛ́ ndʉ́ŋndʉŋ pɑ́Ꞌ Mɔ́ɔ pɛn ŋ́kuꞋ yɛ́ nɛɡɛ ŋu ẅí jʉ́ mɔ́ɔ kɔŋnɛ pɔ́ ɡú.

Pʉɔ-Lɔ́mɑ 12:6

Ɛ́ yɛ́tɛ́ lɑ Sɛ́ ɡɑ́ fuꞋ níinɛ yɛkŋɛ, ŋ́ɡɑ́ fuꞋ yɛ́ mbɑ wɔ̌ lɑ́ ɛ́ pɔ́ pɔ yɛ́ ntɛ́. FuꞋ yi ŋu lɑɑ ḿbɔ́ ńnɑ́ŋ ńcẅi Ŋkʉʉ ẅí ɛ́ fúnɛ mbɔ̌ Sɛ́, ɑ ɡɔ́ ńcẅi, ńcẅi nǔu ntɛ́ yi ɑ sɛ́ ńzúꞋ, mbɔ Sɛ́ lɔk ɛ́sẅíi wɛ́ pɔ́Ꞌɔ.

Pʉɔ-Lɔ́mɑ 9:18

Ɛ́ lɔk pɔ́Ꞌɔ, ḿbɔ́ ŋɡɔ Sɛ́ ɡɛ ŋu ẅi ɑ jʉ́ɔnɛ ŋɡɔ ŋɡɑŋ ɡʉ ńtʉʉ tú mbɔ̌ wɛ́, ńtsɑ́ɑ mɛjʉ́ŋ ŋu ẅi jʉ́ Sɛ́ jʉ́ɔnɛ ŋɡɔ ɑ ɡʉ ńtsɑ́ɑ mɛjʉ́ŋ-ŋɡɑŋ.

1 Kɔlɛ̂ŋtɛ 12:18

Lɑ́ Sɛ́ kɑ kɔŋnɛ, ńtík mbɑ yɛ́tɛ́ zʉꞋ-mbʉʉ lɑ́ pɔ nǔu yɛ́ zʉꞋ.

1 Kɔlɛ̂ŋtɛ 12:4

Pɔ́fɑꞋ yi Zẅikŋɛ Lɛ́ɛnɛ́nɛ lɔknɛ ŋ́ɡɑ́ fuꞋ níinɛ-ŋu, ɛ́ mɛntɛ́ mɛntɛ́, lɑ́ Zẅikŋɛ Lɛ́ɛnɛ́nɛ yi ɛ́ ɡɑ́nɛ fuꞋ níinɛ ɛ̂yɑ́ kɛ́ ḿbɔ́ pɔ wɛ́mɔ́Ꞌ.

1 Kɔlɛ̂ŋtɛ 12:6

Mɛndúŋ nɛlɔk ɛ́fɑꞋ mɛfɑꞋ mɛntɛ́ mɛntɛ́. Lɑ́ tɑ́Ꞌ Sɛ́ wɛ́mɔ́Ꞌ ɡɑ́nɛ mɛtʉʉ mbɔ̌ mbɑ wɛ́tɛ́ ŋu lɑ́.

1 Kɔlɛ̂ŋtɛ 7:17

Lɑ́ ŋ́ɡʉ nǔu mɔnɛ mɛnu tsʉʉ, mbɔ ɛ́ pɔŋ ŋɡɔ mbɑ wɔ̌ lɑ́ pɔ́ pɔ nǔu zʉꞋ yi Sɛ́ kɑ zɑ́pnɛ ŋɡɔ ɑ pɔ́ zúꞋu, ńnɑ́ŋ nǔu zʉꞋ yi Sɛ́ kɑ ɡɔ́ ɛ́fúŋ wɛ́ ɑ nɑ́ŋ zúꞋu. Ɛ́ yúu mi mɔ sɛ́ ńcú tsɛt mɛcúꞋlɛ-pʉɔ-Kɛlístɔ tsʉʉ ŋɡɔ pɛ́ ɡɛ.

1 Kɔlɛ̂ŋtɛ 7:7

Mɔ sɛ́ ŋ́kɔŋ ŋɡɔ pʉɔ tsʉʉ pɔ́ pɑ́Ꞌ mɔ. Lɑ́ mbɑ wɔ̌ lɑ́ ɡẅɛɛ yɛ́ yúu ɛ́ pɔ́ pɔ yi Sɛ́ kɑ ɡɑ́nɛ. Yɛ wɛcɔ́ ŋu pɔ́ ɑ ɡʉ ńzɔ́Ꞌ, yɛ wɛcɔ́ pɔ́ pɑ́Ꞌ ɑ ńnɑ́ŋ pɔ́Ꞌɔ.

2 Kɔlɛ̂ŋtɛ 10:13

Ɛ́ ɡʉ nǔu pɛk, mbɔ ḿbɔ́ pɛk pɔɔ kɑꞋmɛ tɛ ńjɛ́Ꞌ ndẅiklɛ pɔ́, ńtsʉ́Ꞌ pɔ́Ꞌɔ, pɛk ɡɔ́ ŋ́kɑꞋtɛ ńdɔk pɔ mɛzʉꞋ mi Sɛ́ kɑ ɡɑ́nɛ mbɔ̌ pɛk pɑ́Ꞌ pɛk ɡʉ ŋ́ɡʉ zúꞋu. A kɑ ɡɛ pɛk ɡʉ tɛ ŋ́kúu mbɑ lɑ́Ꞌ pʉʉ.

Ɛ́fɛ̂zɛ 1:11

Pɛk kɑ lúꞋnɛ pɔ pɑ́Ꞌ pɛk kɑ lɑtnɛ mbʉʉ nǔu Kɛlístɔ, lɑ ŋ́ɡẅɛɛ yɛ́k zʉꞋ tsɛtsɛt pʉɔ pi ɑ ɡɛnɛ pɔ́p luk, ɛ́ mbíꞋŋɡɔ Sɛ́ kɑ zɑ́Ꞌnɛ njí ńtsɔ́Ꞌ wɛ́k. Ɛ́ pɔ́ pɑ́Ꞌ ɑ kɑ zɑ́pnɛ. Sɛ́ pɛn ŋ́ɡɛ kʉ̈ɔ́ lɑ́ pɔ pɑ́Ꞌ ɑ kɑ zɑ́pnɛ ŋɡɔ ɑ ɡʉ ŋ́ɡɛ pɔ́Ꞌɔ.

Ɛ́fɛ̂zɛ 4:7

Ɛ́ kɛ́ ŋ́ɡʉ nǔu mbɑ wɔ̌ lɑ́ tsɛtsɛt pɛkŋɛ, mbɔ Kɛlístɔ kɑ ɡɑ́ fuꞋ fɛ̌ɛ mbɑ wɔ̌ lɑ́ nǔu ntɛ́ yi jʉ́ Kɛlístɔ kɔŋnɛ.

Ɛ́bɛlʉʉ 2:4

Sɛ́ pɛn ńtɔ́ɔtɛ wɔ́p nǔu nu yi pɔ́p sɛ́ ńcú, ńdɛɛ nǔu mɛlii, pɔ́p mɛnu mɑ̌ɑmɑɑnɛ, pɔ́p mɛndɑɑkɑ́jʉɔ́ mɛntɛ́ mɛntɛ́, ḿbɛn ńdɛɛ nǔu mɛfɑꞋ mi ɑ zɑ́pnɛ nǔu wɛ́ nɛkɔŋtɛ ŋɡɔ Zẅikŋɛ Lɛ́ɛnɛ́nɛ ɡʉ ŋ́ɡɑ́ fuꞋ níinɛ-pʉɔ pɔ́p kuꞋ nɛfɑꞋ.

Jɑ̂k 1:18

Jʉ́ kɑ kɔŋnɛ, ńdɔk sẅiŋɛ yi ɛ́ nɛ́nẅín, ŋ́ɡɛ pɛkŋɛ luk, nɛpɔ́ yi pɛkŋɛ ɡʉ ḿbɔ́ mbɔ̌ wɛ́, ḿbɔ́ ntú-nu nǔu ŋɡɔŋ kʉ̈ɔ́ lɑ́ yi ɑ kɑ ɡɛnɛ.