1 Kɔlɛ̂ŋtɛ 12:1 - Kɑɑ Fí

¹ Pɔ́ɔpɛ́mɑ́ pɑ́ɑ, ɛ́ ɡʉ nǔu pɑ́Ꞌ Zẅikŋɛ Lɛ́ɛnɛ́nɛ ɡɑ́nɛ fuꞋ níinɛ mbɑ pɔ́fɑꞋ wɛ́tɛ́ ŋu lɑ́, mɔ sɛ́ ŋ́kɔŋ ŋɡɔ pʉʉ jínu nɛ́nẅín nǔu nu-pɔ́fɑꞋ ɛ̂yɑ́.

1 Kɔlɛ̂ŋtɛ 12:1 ပူးပေါင်းရင်းမြစ်များ

Pʉɔ-Lɔ́mɑ 1:13

Pɔ́ɔpɛ́mɑ́ pɑ́ɑ, pʉʉ jí sʉ́Ꞌnɛ ŋɡɔ ŋ kɑ tɑ́ŋ tɛꞋ nɛtɔ́ ńjʉ́ɔ wʉ́ʉ lɑ́ shʉ́ kɛ́ mbɔɔ cẅɛt tɛ ŋ́kúu lɔ́Ꞌnɛ pɔ́. Ŋ kɑ tsɑ́ɑ pɔ́Ꞌɔ nɛtɔ́ ɛ́fɑꞋ tsɛtsɛt pʉʉ tɛ pʉʉ jʉ́ yʉ́ʉ pii pɑ́Ꞌ ŋ kɑ fɑꞋnɛ tsɛt mɛcɔ́ mɛŋɡɔŋ pɔ́p jʉ́ pii.

1 Kɔlɛ̂ŋtɛ 10:1

Pɔ́ɔpɛ́mɑ́ pɑ́ɑ, mɔ sɛ́ ḿbɔɔ ŋ́kɔŋ ŋɡɔ pʉʉ likŋɛ nu nǔu yúu mi ɛ́ kɑ ɡɛnɛ pɛtɑ́t pɛkŋɛ ŋkɑ́ yi pɔ́p pɛ́ Mɔ̌sɛ̂ɛ kɑ pɔ́ ńnɛn pɔ́, pɔ́p pɛ́tsʉʉ kɑ jʉ́ɔ mɛlɑ́ɑ-Sɛ́ nɛjɔ́ŋ pɔ́p. Pɔ́p pɛ́tsʉʉ kɑ lɛɛ tsɛt ŋki kɛ́ nɛpɑt,

1 Kɔlɛ̂ŋtɛ 14:37

Ŋu lɑɑ ḿbɔ́ ŋ́kwɑŋɛ ŋɡɔ ɑ cẅi Ŋkʉʉ ẅí ɛ́ fúnɛ mbɔ̌ Sɛ́, kɛ pɔ mbɔ̌ Zẅikŋɛ Lɛ́ɛnɛ́nɛ ɔɔ, mbɔ ɑ ɡẅɛɛ nɛjí ŋɡɔ yɔ nu yi ŋ wɑꞋnɛ́nɛ ŋ́ɡɑ́ mbɔ̌ pʉʉ lɑɑ ɛ́ nɛpʉ́ʉ ni ɛ́ fúnɛ mbɔ̌ Tsɑpʉɔ.

2 Kɔlɛ̂ŋtɛ 1:8

Pɔ́ɔpɛ́mɑ́, pɛk sɛ́ ńtsɑ́ɑ ŋɡɔ pʉʉ jí ndɛn ŋɡʉ̈ɔ́Ꞌ yi pɛk kɑ jʉ́ɔnɛ tsɛt pɑk-ŋɡɔŋ Azîi, pɛk kɑ jʉ́ɔ ŋɡʉ̈ɔ́Ꞌ zúꞋu ńjʉ́ɔ tɛ mɛtʉʉ mɛk mɛ, pɛk tsʉ́Ꞌ ńzúꞋ ŋ́ɡʉ pɔ́ nɛpfú.

Ɛ́fɛ̂zɛ 4:11

Jʉ́ kɑ ɡɑ́nɛ fuꞋ yɛ́ mbɑ wɔ̌ lɑ́ nǔu pʉɔ pɛ́, ńdɔk ŋ́ɡɑ́ fuꞋ fɛ̌ɛ yɛ́, ńdɔk pɛcɔ́ ŋ́ɡɛ ɡɑŋntúu, ńdɔk pɛcɔ́ ŋ́ɡɛ pʉɔ pi pɔ́p nɑ́ŋnɛ ńcẅi Ŋkʉʉ ẅí ɛ́ fúnɛ mbɔ̌ Sɛ́, ńdɔk pɛcɔ́ ŋ́ɡɛ pɑsɑ́Ꞌ Ŋkʉʉ Sʉ́Ꞌnɛ, ńdɔk pɛcɔ́ ŋ́ɡɛ pɑ cẅɛ́ɛ mbi, mbɑ pɑ́Ꞌ pɔ́p ɡʉ ḿbɔ́ ńzíꞋ pʉɔ nɛ́ nu-Sɛ́.

1 Tɛsɑlɔník 4:13

Pɔ́ɔpɛ́mɑ́, pɛk sɛ́ ŋ́kɔŋ ŋɡɔ pʉʉ jí nu nɛ́nẅín yi ɛ́ líŋɛ pɛpfú, nɛpɔ́ yi pʉʉ kɛ́ nɑ́ŋ tsɛt nɛmʉk pɑ́Ꞌ pɛcɔ́ pʉɔmɛsɔŋ pi pɔ́p kɑ́ pɔ́ ńzẅíꞋlɛ yɛcɔ́ yúu mbɔ̌ Sɛ́ pɔ́ pɔ́.

2 Pyɛ̂ 3:8

Lɑ́ pɛsúu pɑ́ɑ pɛ́ tʉʉndɛn, yɛcɔ́ tɑ́Ꞌ yúu ɡú yi ɛ́ kɑ́ pɔŋ ŋɡɔ pʉʉ likŋɛ pɔ́. Ɛ́ mbɔ̌ Tsɑpʉɔ tɑ́Ꞌ lɛ́Ꞌ pɔ́ pɑ́Ꞌ ŋɡuꞋ ntsɑ́Ꞌ, ŋɡuꞋ ntsɑ́Ꞌ pɔ́ pɑ́Ꞌ tɑ́Ꞌ lɛ́Ꞌ.