1 Kɔlɛ̂ŋtɛ 10:31 - Kɑɑ Fí

³¹ Ŋ ɡʉ ńcú yɑ́ɑ ŋɡɔ, pʉʉ lɑɑ ḿbɔ́ ńjʉ́ pɔ yúu, kɛ ḿbɔ́ ńnɔ́ pɔ mɛluꞋ ɔɔ, kɛ ḿbɔ́ ŋ́ɡɛ pɔ kʉ̈ɔ́ ɔɔ, pʉʉ ɡɛ mîmɑ́ mɛyúu tsʉʉ pɔ nǔu ntɛ́ yi pɛ́ ɡʉ ŋ́ɡúꞋlɛ Sɛ́.

1 Kɔlɛ̂ŋtɛ 10:31 ပူးပေါင်းရင်းမြစ်များ

Lúkɑ́shi 11:41

Yúu mi ɛ́ ḿbɔ́ ḿbɔŋ ŋɡɔ pʉʉ ɡɛ pɔ́ pɔ nɛpɛ́ɛ yúu sʉ́Ꞌnɛ yi ɛ́ tsɛt mɛkɑ́ŋ mʉ́ʉ, ŋ́ɡɑ́ mbɔ̌ pɛkɛyúu, pɔ́p jʉ́ yɔ́p. Pʉʉ ɡɛ ŋ́ɡɛ pɔ́Ꞌɔ, lɑ́ tʉ́m wʉ́ʉ kɛ ḿbɔɔ ńdɛ́ɛnɛ mbi Sɛ́.»

1 Kɔlɛ̂ŋtɛ 7:34

Ɛ́ lɛɛ pɔ́Ꞌɔ, jínu yɛ́ pɔɔ tʉ́ʉ nǔu tɑ́Ꞌ nu pɔ́. Mɑŋɡɛ́ ẅí ɑ ŋkɑɑ zɔ́Ꞌ kɛ pɔ mɔ́ɔ mɑŋɡɛ́ ɔ́ɔ, ɑ kɛ ŋ́kwɑŋɛ yɛ́ pɔ mɛnu-Tsɑpʉɔ, ńjí ŋɡɔ ɑ ɡʉ ḿbɔ́ pɔ ŋu-Tsɑpʉɔ nǔu mbɑ kʉ̈ɔ́ lɑ́ yi ɑ sɛ́ ŋ́ɡɛ, mbɑ yi ɑ sɛ́ ŋ́kwɑŋɛ kwɑŋɛ́nɛ. Lɑ́ ŋ́ɡʉ nǔu mɑŋɡɛ́ ẅí ɑ zɔ́Ꞌnɛ, ɑ kwɑŋɛ pɔ mɛnu-ndǔ tsɛ́tsɑ́Ꞌ, ndɔɔ pɔ nɛɡɛ yúu mi ɛ́ ɡʉ mbɔŋ ndúu mɛ.

Kɔlɔsíyɛ̂ŋ 3:17

Pʉʉ lɑɑ ḿbɔ́ ŋ́ɡɛ pɔ kʉ̈ɔ́ ɔɔ, kɛ ɛ́sẅíi pɔ kʉ̈ɔ́ lɑ́, pʉʉ tík pɔ lík-Tsɑpʉɔ Yɛ́su mbi, ḿbɔ́ ŋ́ɡɑ́ pɑ́Ꞌlɑ́ mbɔ̌ Tɑ́t wɛkŋɛ Sɛ́, ńdɛɛ nǔu Yɛ́su.

Kɔlɔsíyɛ̂ŋ 3:23

Pɛ́ lɑɑ ŋ́ɡɑ́ yɛ́tɛ́ ntɛ́ fɑꞋ lɑ́ mbɔ̌ pʉʉ, pʉʉ fɑꞋ pɔ nɛ́ tʉ́m sʉ́Ꞌnɛ, pɑ́Ꞌ ŋkɑ́ yi pʉʉ fɑꞋ pɔ mbɔ̌ Tsɑpʉɔ tɛ mbɔɔ ɛ́fɑꞋ pɔ mbɔ̌ pʉɔmɛsɔŋ pɔ́ lɑ́.

1 Pyɛ̂ 4:11

Pɔ́fɑꞋ-ŋu lɑɑ ḿbɔ́ nɛcú nu-Sɛ́, ɑ cú pɔ yi ɛ́ fúnɛ mbɔ̌ Sɛ́. Yɛ ŋu pɔ́ nɛfɑꞋ mɛfɑꞋ tsɛt cúꞋlɛ, ɑ lɔk pɔ mɛtʉʉ mi Sɛ́ ɡɑ́nɛ mbɔ̌ wɛ́ ńdɔk ɛ́fɑꞋ. Pʉʉ ɡɛ pɑ́Ꞌɑ ńjí ŋɡɔ pɛ́ ɡʉ ńdɛɛ nǔu Yɛ́su Kɛlístɔ, ŋ́ɡúꞋlɛ Sɛ́ nǔu mbɑ kʉ̈ɔ́ lɑ́, jʉ́ ẅi mɛtʉʉ tsʉʉ, mbɑ nɛsɑ́Ꞌ mbí mbɔ̌ wɛ́ nǔu mɛŋɡuꞋ mɛŋɡuꞋ. Ɛ́ pɔ́Ꞌɔ.