1 Kɔlɛ̂ŋtɛ 10:13 - Kɑɑ Fí

¹³ MɛŋkwɑꞋnɛ mi ɛ́ kɑ kúunɛ wʉ́ʉ, ɛ́ mi ɛ́ kúunɛ ŋumɛsɔŋ. Sɛ́ ẅi ɑ lɔɔ ńcú nu ḿbɛn ŋ́kúpmɛ pɔ́, ɑ kɛ́ pɛ́m ŋɡɔ ŋkwɑꞋnɛ kúu wʉ́ʉ tɛ ŋ́ɡɑ́Ꞌ mɛtʉʉ mʉ́ʉ pɔ́. ŊkwɑꞋnɛ ɡʉ ḿbɔ́ tɛ ńtɔ́, ɑ ɡɑ́ mɛtʉʉ mbɔ̌ pʉʉ nɛlɔk sʉk ḿbɛn ŋ́ɡɑ́ shʉ́ nɛlɔk ɛ́fú tsɛtú ńcẅɛt.

1 Kɔlɛ̂ŋtɛ 10:13 ပူးပေါင်းရင်းမြစ်များ

Mɑtʉ̈ɔ 6:13

Kɔɔ nɑ́ wɛk pɛk kúu tsɛt ŋkwɑꞋnɛ, cẅɛ́ɛ wɛ́k mbɔ̌ Sɑ́ttɑ. MbíꞋŋɡɔ ɡu pɔ́nɛ fɔɔ, mɛtʉʉ tsʉʉ pɛn ḿbɔ́ pɔ mú, pɛ́ sɛ́ ŋ́ɡúꞋlɛ pɔ ndɑꞋ wú mɛŋɡuꞋ mɛŋɡuꞋ. Ɛ́ pɔ́Ꞌɔ.»

Lúkɑ́shi 11:4

likŋɛ mɛnu kɛpɔŋ mɛk ŋ́ɡɑ́ mbɔ̌ pɛk, mbíꞋŋɡɔ pɛk sɛ́ ńdikŋɛ yɛk ŋ́ɡɑ́ mbɔ̌ pʉɔ pinɛ pɔ́p fɑɑnɛ́nɛ nu mbɔ̌ pɛk lɑ́. Kɔɔ pɛ́m ŋɡɔ pɛk kúu tsɛt ŋkwɑꞋnɛ.»

Lúkɑ́shi 16:26

Ɛ́ zɛɛ ŋ́ɡɔ ḿbɔ́, mɑ́mɑ́ sɛ́m pɔ́ tsɛtsɛt pɛkŋɛ, tɛ ḿbɔ́ yi ŋu lɑɑ ɛ́fú zɑ́Ꞌnɛ ńdɔ́ɔ nɛɡʉ zɑ́Ꞌɑ, ɑ pɔɔ kuꞋ, ɛ́fú zɑ́Ꞌɑ ńdɔ́ɔ nɛtɔ́ zɑ́Ꞌnɛ, ɑ pɔɔ kuꞋ.»

Lúkɑ́shi 22:46

A cú ŋɡɔ: «Pʉʉ nɑ́ŋ kɛ́ lɛ́, ḿbɔ́k nɛkúu tsɛt ŋkwɑꞋnɛ, ɛ́ tsɑ wʉ́ʉ.»

ŊwɑꞋnɛ-Gɑŋntúu Yɛ́su Kɛlístɔ 27:44

Ḿbɛn ŋɡɔ pɛcɔ́ pʉɔ ɡɔ́ ńcẅɛt yɔ́p, kɛ ńcʉŋɛ pɔ nǔu mɛkɛm-pɛlɑ́ŋ ɔɔ, kɛ nǔu mɛkɛm yúu mi ɛ́ tsɔ́Ꞌtɛnɛ nǔu mɑ́mɑ́ kɑnúꞋ ɔɔ. Yɔ pɑ́Ꞌ ɛ́ kɑ lɛɛnɛ pɔ́Ꞌɔ, pʉɔtsʉʉ fú ŋki ŋ́kɔ́Ꞌ tɛ wɛcɔ́ ŋu pɔɔ pfú.

1 Kɔlɛ̂ŋtɛ 1:9

Jʉ́ Sɛ́ ẅi ɑ kɑ tsɔ́Ꞌnɛ wʉ́ʉ pɑ́Ꞌ pʉʉ ɡʉ ńnɑ́ŋ ŋkɑ́ tsʉʉ ńtɛmtɛ mbʉʉ yʉʉ nǔu Mɔ́ɔ nɛ Yɛ́su Kɛlístɔ ẅi ɑ Tsɑpʉɔ wɛkŋɛ, ɑ lɔɔ ŋ́kɑꞋ yúu mi ɑ ɡʉ ŋ́ɡɛ ḿbɛn ŋ́kúpmɛ pɔ́.

2 Kɔlɛ̂ŋtɛ 1:10

Pɛk kɑ pɔ́ ntsu-nɛvú ḿbʉ́k pɔ́Ꞌɔ, jʉ́ zɛɛnɛ ńcẅɛɛtɛ wɛ́k, ɑ ɡʉ ŋ́ɡɛ ḿbɛn cẅɛɛtɛ wɛ́k tsɛt mɛcɔ́ mɛŋɡʉ̈ɔ́Ꞌ mɛɡwɛ́. Ɛ́ nɛ́nẅín pɛk tsuŋ ḿbɔ́ ńjí ŋɡɔ ɑ ɡʉ ŋ́ɡɛ ḿbɛn ńcẅɛɛtɛ wɛ́k tsɛt mɛcɔ́ mɛŋɡʉ̈ɔ́Ꞌ mɛɡwɛ́,

1 Tɛsɑlɔník 5:24

Sɛ́ ẅi ɑ kɑ tsɔ́Ꞌnɛ wʉ́ʉ pʉʉ tsʉ́Ꞌ pʉɔ pɛ́ ɡʉ ŋ́ɡɛ ɛ́ pɔ́ pɔ́Ꞌɔ, mbíꞋŋɡɔ ɑ kɑ́ kúpmɛ.

2 Tɛsɑlɔník 3:3

Tsɑpʉɔ, ɑ kɛ́ ḿbɔɔ ŋ́kúpmɛ pɔ́. A ɡʉ ŋ́ɡɛ pʉʉ pɔɔ kɑ́ɑ, ḿbɛn mbɔɔ pɛ́m Sɑ́ttɑ zɑ́p pɔ́ nǔu pʉʉ pɔ́.

2 Timɔtɛ́ɛ 4:18

Tsɑpʉɔ ɡʉ ŋ́ɡɛ ɛ́fú nǔu nu kɛpɔŋ ntɛ́ nɛ́ ntɛ́ ńcẅɛɛtɛ wɑ́ɑ, ŋ́ɡɛ ńduk nɛpɔ́ yi ŋ ɡʉ ŋ́kúu tsɛt nɛfɔɔ nɛ́ tʉ́nɛ́pú. Gúꞌlɛ pɔ́ mbɔ̌ Tsɑpʉɔ mɛŋɡuꞋ mɛŋɡuꞋ. Ɛ́ pɔ́Ꞌɔ.

Ɛ́bɛlʉʉ 10:23

Sɛ́ kɑ kɑꞋnɛ yúu mbɔ̌ pɛkŋɛ. A pɛn ŋ́kɑꞋ yúu, ŋ́ɡɛ pɔ yîyɑ́. Pɔ́Ꞌɔ lɑ́, pɛkŋɛ kɛ́ ḿbɔ́ ŋ́kẅiꞋ ɛ́sɑ́ɑnɛ sɑ́ɑnɛ ńcú ŋɡɔ, pɛkŋɛ sɛ́ ńzẅíꞋlɛ yúu mi ɑ kɑ kɑꞋnɛ tɛ pɛkŋɛ pɔɔ ḿbɔ́ ḿmʉꞋlɛ pɔ́.

Ɛ́bɛlʉʉ 11:11

Ɛ́ kɑ fú pɔ nǔu pɑ́Ꞌ Sɑɑlɑ́ kɑ zɑ́pnɛ tʉ́m yɛ́ nǔu Sɛ́ ɡúu, ńzɛɛ ńtsʉ́Ꞌ ḿbɔ́ pɔ ndʉ́m tɛꞋ lɑ́, Sɛ́ kɛ́ ŋ́ɡɛ jʉ́ ẅi ɑ ŋkɑɑ pí pɔ́ shuŋ, ŋ́ɡɛ ḿbí mɔ́ɔ mbíꞋŋɡɔ ɑ kɑ pɔ́ ńtsuŋ ńjí ŋɡɔ Sɛ́ kɑꞋ yúu mbɔ̌ ŋu ńdɑ́Ꞌ ŋ́ɡɑ́.

Ɛ́bɛlʉʉ 12:4

Pʉʉ zɛɛ ḿbɛ́t pɔ kɛ́ lɔk pɑ́Ꞌ pʉʉ sɛ́ ńdʉꞋ nu kɛpɔŋ, ḿbyɛ́p ntsɔ tɛ pɛ́ tswɛt mɛci mʉ́ʉ.

Ɛ́bɛlʉʉ 6:18

Pɔ́Ꞌɔ lɑ́, yúu ɡú yɛ́pɑ́ yi ḿbɔ́ ɛ́ pɔɔ kúpmɛ, pɑ́Ꞌ Sɛ́ kɑ kɑꞋnɛ nu mbɑ pɑ́Ꞌ ɑ kɑ kɑ́ɑnɛ, ɛ́ pɔ́ mɛnu mi ɛ́ tɛnnɛ tɛ Sɛ́ cú pɛ́ lɔɔ kɛ́kɑ́ŋ. Ẅîwɑ́ nɛpɔ́ níꞋ mɛtʉʉ mɛ́k tɛꞋ, pɛk pi pɛk kɑ nɑ́nɛ mbɑ kʉ̈ɔ́ lɑ́, kwɑŋɛ wɛ́k tsʉ́Ꞌ ńtʉ́ʉ pɔ nǔu yúu mi pɛk zẅíꞋlɛ́nɛ mbɔ̌ wɛ́.

1 Pyɛ̂ 4:19

Pɔ́Ꞌɔ lɑ́, ɛ́ pɔŋ ŋɡɔ pʉɔ pi pɔ́p ɡɔ́ ḿbɔ́ ńjʉ́ɔ ŋɡʉ̈ɔ́Ꞌ, ɛ́ pɔ́ mbíꞋŋɡɔ pɔ́p sɛ́ ŋ́ɡɛ yúu mi Sɛ́ sɛ́ ŋ́kɔŋ, pɔ́p ɡɑ́ yɔ́p nu tsʉʉ mbɔ̌ mbuꞋŋɡɔŋ ẅí ɑ kɑꞋnɛ yúu, ŋ́ɡɛ ŋ́ɡɑ́, ŋ́ɡɑ́ pɔ́Ꞌɔ, ŋ́kẅiꞋ ŋ́ɡɛ pɔ nu sʉ́Ꞌnɛ.

2 Pyɛ̂ 2:9

Pɛ́ fú nǔu mɔnɛ mɛnu ńjʉ́ɔ ŋɡɔ Tsɑpʉɔ kɔŋ nɛfú tsɛt ŋɡʉ̈ɔ́Ꞌ ńcẅɛɛtɛ pʉɔ pi pɔ́p jínɛ pɔ ndɑꞋ wɛ́, ɛ́ tsʉ́Ꞌ pʉɔ kɛpɔŋ ɑ nyɛt wɔ́p ŋɡɔ pɔ́p ńzẅíꞋlɛ ŋɡʉ̈ɔ́Ꞌ lɛ́Ꞌ nɛŋɑk mɛtsɑŋ.

1 Jɑ̂ŋ 1:9

Pɛkŋɛ lɑɑ ḿbɛ́m mɛfɑɑnɛ mɛkŋɛ, mbɔ Sɛ́ ɡʉ ńdikŋɛ ŋ́ɡɑ́ mbɔ̌ pɛkŋɛ, ɛ́fú nǔu pɛkŋɛ ńcẅɛɛtɛ nu kɛpɔŋ tsʉʉ, mbíꞋŋɡɔ Sɛ́ kɑꞋnɛ yúu ḿbɛn ŋ́ɡɛ, ɛ́ pɔ́ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 19:11

M bɛn ńjʉ́ɔ ntsu-tʉ́nɛ́pú ŋíɛꞋnɛ ńtʉ́ʉ, fúfú lʉ́ɔ cẅɛt ńtʉ́ʉ. Ŋu ẅí ɑ nɑ́ŋnɛ ndǔ ẅîwɑ́ lʉ́ɔ, pɛ́ fúŋ wɛ́ ŋɡɔ kɛkúp sẅiŋɛ, mbɑ nɛ́ ŋu ẅí ɑ ɡɛ pɔ yúu mi ɛ́ nɛ́nẅín. A zɑ́Ꞌ ntsɑŋ pɔ ndʉ́ŋndʉŋ, ńdʉɔ́Ꞌ pɔ ntsɔ ẅí ɛ́ ndʉ́ŋndʉŋ.

Mɛnu ɛ́ ńdɑ́Ꞌ ńcẅɛt 2:10

Ɛ́ nɛ́nẅín ŋɡɔ pʉʉ ɡʉ ńjʉ́ɔ ŋɡʉ̈ɔ́Ꞌ, lɑ́, kɔɔ pʉʉ kɛ́ ḿbɔ́k. Pʉʉ jí ŋɡɔ Sɑ́ttɑ ɡʉ ḿmɑꞋ pɛcɔ́ pʉɔ pʉ́ʉ ndɑ́tsɑ́ŋ nɛlɔk ŋ́kwɑꞋlɛ wʉ́ʉ ńjʉ́ɔ. Pʉʉ jʉ́ɔ ŋɡʉ̈ɔ́Ꞌ jʉ́ɔnɛ nǔu lɛ́Ꞌ lɑ́Ꞌ nɛɡɛ́m. Pʉʉ kɛ́ ńjí pɔ ndɑꞋ wɑ́ɑ, tɛ mbɑ pɑ́Ꞌ pɛ́ lɑɑ ḿbɔ́ ńjẅítɛ wʉ́ʉ ntɛ́ pɔ́Ꞌɔ. Mɔ, ŋ ɡʉ ńdɑ́Ꞌ ńtɔꞋ ŋɡúꞋ yʉʉ, ɛ́ pɔ́ pɑ́Ꞌ pʉʉ ɡʉ ńdɑ́Ꞌ ḿbɔ́ pɔ ɡú.

Mɛnu ɛ́ ńdɑ́Ꞌ ńcẅɛt 3:10

Pɑ́Ꞌ pʉʉ kɑ ɡẅɛɛnɛ sẅiŋɛ yɑ́ɑ tɛ ḿbɔɔ kɑ́ɑ lɑ́, mɔ yɑ́ɑ ŋ ɡʉ ŋ́ɡɛ ńtʉ̈ɔ́Ꞌlɛ wʉ́ʉ nǔu ŋkɑ́ yi ŋɡʉ̈ɔ́Ꞌ ɡʉ ŋ́ɡɛ ńtɔ́ ndǔ yɔ mbí tsʉʉ, ŋ́kwɑꞋlɛ pʉɔmɛsɔŋ pi pɔ́p ndǔ tsɛ́tsɑ́Ꞌ.