1 Kɔlɛ̂ŋtɛ 1:11 - Kɑɑ Fí

¹¹ Pɔ́ɔpɛ́mɑ́ pɑ́ɑ n zɛɛ ńcú pɑ́Ꞌ mbíꞋŋɡɔ pʉɔ nǔu njẅɛt-Kɛlɔwɛ̂ kɑ ɛ́sẅíi wɑ́ɑ ŋɡɔ fɑkŋɛ kɑ kɛ́mɔ́ ŋ́kúu tsɛtsɛt pʉʉ.

1 Kɔlɛ̂ŋtɛ 1:11 ပူးပေါင်းရင်းမြစ်များ

1 Kɔlɛ̂ŋtɛ 1:10

Pɔ́ɔpɛ́mɑ́, n dɔk lík-Tsɑpʉɔ wɛkŋɛ Yɛ́su Kɛlístɔ ńcú mbɔ̌ pʉʉ ŋɡɔ: «Pʉʉ ɡẅɛɛ tɑ́Ꞌ ntsu, ŋɡɔ kɔɔ fɑkŋɛ pɔ́ tsɛtsɛt pʉʉ, ŋɡɔ pʉʉ ɡẅɛɛ tɑ́Ꞌ ntɛ́ nɛsɑ́ŋ nu, ŋ́ɡẅɛɛ tɑ́Ꞌ kwɑŋɛ.

1 Kɔlɛ̂ŋtɛ 1:12

Ŋ kɑ fú nǔu ńzúꞋ ŋɡɔ mbɑ wɔ̌ lɑ́ tsɛtsɛt pʉʉ tsʉ́Ꞌ ɛ́sẅíŋɛ pɔ nǔu yɛ́ ntɛ́. Wɛcɔ́ ŋu ɡɔ́ mɔ ŋu-Pɔ̂l, wɛcɔ́ ɡɔ ɑ ŋu wɛ Apɔlɔ́s. Wɛcɔ́ ɡɔ ɑ ŋu-Kɛfɑs, wɛcɔ́ cú ŋ́ɡɔ ɑ ŋu wɛ Kɛlístɔ.

1 Kɔlɛ̂ŋtɛ 11:18

Ɛ́ ɡʉ nǔu mɛnu mi ɛ́ sɛ́, nduŋmbi nu ɛ́ pɑ́Ꞌ ŋ kɑ zúꞋnɛ ŋɡɔ pʉʉ ńnɑ́ŋ sɛ́ tsɛt cúꞋlɛ yʉ́ʉ, ɛ́fɑkŋɛ mɛnɔɔ mɛnɔɔ, m bɔ́ ńjʉ́ɔ ŋɡɔ ɛ́ ŋ́ɡɛ pɑ́Ꞌ lɑ́, ɛ́ pɔ́ pɔ nu.

1 Kɔlɛ̂ŋtɛ 3:3

mbíꞌŋɡɔ mbʉʉ yʉ́ʉ pɛ́t ɛ́sɑ́Ꞌ wʉ́ʉ, kɛ́ɡʉ̈ɔꞋ zɛɛ ḿbɛ́t ḿbɔ́ pɔ tsɛtsɛt pʉʉ, pʉʉ pɛ́t ńzɔŋ nu zɔŋnɛ. Mbʉʉ yʉ́ʉ kɑ́nɛ pɔ́ ńdɔk ḿbɛ́t ɛ́sɑ́Ꞌ wʉ́ʉ pɔ́ ɔɔ? Pʉʉ kɑ́ pɔ́ ńdɔk pɔ́Ꞌɔ, ḿbɛ́t ŋ́ɡɛ pɔ pɑ́Ꞌ pʉɔ ndǔmbí ɡɛnɛ pɔ́ ɔɔ?

2 Kɔlɛ̂ŋtɛ 12:20

N zɛɛ ḿbɔ́ ḿbɔ́k pɑꞋ m bɔ́ ŋɡɔ ńtɔ́ lɑ́Ꞌ pʉʉ, ńjʉ́ɔ pʉʉ pɔɔ pɔ́ nǔu ntɛ́ yi mɔ sɛ́ ŋ́kɔŋ pɔ́. Mɔ yɑ́ɑ ɡúu mbɔɔ pɔ́ nǔu ntɛ́ yi pʉʉ sɛ́ ŋ́kɔŋ pɔ́. Mɔ sɛ́ ḿbɔ́k ŋɡɔ mbɔ ŋ ɡɔ́ ńtɔ́ mɛntsu mɛntsu pɔ́ tsɛtsɛt pʉʉ, kɛ́ɡʉ̈ɔꞋ pɔ́ zúꞋu, cʉ́ɔk pɔ́ zúꞋu, nɛzɔŋ zʉꞋ pɔ́ zúꞋu, nɛkẅíi ŋu kɛpɔŋ pɔ́ zúꞋu, sẅíitɛ pɔ́ zúꞋu, ŋɑ́Ꞌlɛ mbʉʉ pɔ́ zúꞋu, ntɑ́kŋɛ pɔ́ zúꞋu.

Ŋɡɑlɑ̂t 5:15

Lɑ́ ḿbɔ́ yi pʉʉ lɑɑ ḿbɔ́ ŋ́ɡɛ pɑ́Ꞌ mɛnɑɑ tɛt ḿbɔ́ ńnɛ́mtɛ mɛmbʉʉ mʉ́ʉ ńníꞋ mɛfʉ́ŋ, pʉʉ lɑk tú yʉ́ʉ, mbíꞋŋɡɔ pʉʉ pɔ́Ꞌɔ, ńtsʉ́Ꞌ ńdɔɔ pɔ nɛpʉ́ʉpɛ mɛmbʉʉ mʉ́ʉ.

Ŋɡɑlɑ̂t 5:20

Pɑ́Ꞌ nɛɡúꞋlɛ yúu ŋɡɔ ɛ́ mɛsɛ́, pɑ́Ꞌ nɛɡẅɛɛ nɛkɑŋ, pɑ́Ꞌ nɛji mbuu, pɑ́Ꞌ nɛtɑ́k mɛfɛꞋ, pɑ́Ꞌ nɛɡẅɛɛ kɛ́ɡʉ̈ɔꞋ, pɑ́Ꞌ nɛcʉ̈ɔ́k, pɑ́Ꞌ nɛlɔɔ pɔ nɛtʉ́ʉ mbi nǔu mbɑ kʉ̈ɔ́ lɑ́, pɑ́Ꞌ nɛnɑ́ŋ pɔ fyɑkŋɛ fyɑkŋɛ́nɛ, pɑ́Ꞌ nɛɡɛ tɔŋ.

Ŋɡɑlɑ̂t 5:26

Kɔɔ pɛkŋɛ ŋɑ́Ꞌtɛ mbʉʉ, Kɔɔ pɛkŋɛ tɑ́k fɛꞋ tsɛtsɛt pɛkŋɛ, kɔɔ pɛkŋɛ ɡẅɛɛ kɛ́ɡʉ̈ɔꞋ tsɛtsɛt pɛkŋɛ. A 5.9 ɛ́ pɔ́ ŋɡɔ: Mɔ́zʉꞋ fɛntɛ ɡɛ fɑlîn tsɛpnɛ kɔ́Ꞌ.

Filipɛ 2:14

Pʉʉ ɡɛ mbɑ kʉ̈ɔ́ lɑ́ kɛ́ sẅíitɛ, kɛ́ yɛcɔ́ zɔŋ nu tsɛtsɛt pʉʉ,

1 Timɔtɛ́ɛ 6:4

mbɔ ŋɡɑŋ ŋɑ́Ꞌtɛ ŋɡɔ ɑ jí nu, lɑ́ ŋ́kɛ́ mbɔɔ ḿbɔ́ ńjí pɔ́. A jí yɛ́ pɔ nɛzɔŋ nu, ńjúk ɛ́fú yɛ́ pɔ nǔu nu yi pɛ́ cúnɛ, ńtsuꞋ tú-pʉɔ. Ɛ́ lɛɛ pɔ́Ꞌɔ, pʉɔ zɛ nɛɡẅɛɛ kɛ́ɡʉ̈ɔꞋ, ńzɛ nɛzɔŋ nu, ńzɛ nzɔɔmɛ, ńzɛ nɛkwɑŋɛ pɔ́ɔpɛ́mɑ́ pɔ́p nǔu nu kɛpɔŋ,

Tîtɛ 3:9

Lɑ́ pɑ́ɑ nɛzɔŋ mɛnu kɛ́ tú, ḿbɑ́ɑ mɛnu nǔu mɛlík-pɛmɑ̂ŋɡɑpnjẅɛt, ḿbɑ́ɑ nɛzɔŋ nu ńdɔk ɛ́shɔt shʉ́-nɛpʉ́ʉ-Mɔ̌sɛ̂ɛ, ɛ́ mɛnu kɛ́ tú mi mbɔ ɛ́ pɔɔ cẅɛ́lɛ́.