ZEHPANI 3:3 - Jinghpaw Common Language Bible 2009

³ De a du salang ni gaw shabam hkawm ai hkanghkyi ni zawn, tara agyi ni gaw hpang jahpawt sha na matu pyi n ngam da lu hkra lawhpa marin ai hte kawsi ai chyahkyawn ni zawn rai ma ai.

Jinghpaw Hanson Version Bible

³ Shi a du ni gaw, dai mare ka-ang e shabam ai hkanghkyi rai nga ma ai; tara agyi ni gaw, hpang jahpawt du hkra hpa n ngam da ai, shana kawan hkawm ai chyahkyawn, rai nga ma ai.

ZEHPANI 3:3 ပူးပေါင်းရင်းမြစ်များ

GA SHAGAWP 28:15

N hkru ai mung du wa a man e, matsan mayan masha ni gaw karum la masha n lu nga ma ai; Dai wa gaw, shabam ai hkanghkyi hte lagyim hkawm ai tsap hte maren, hkrit tsang ra ai wa rai nga ai.

ESAIA 1:23

Na a ningbaw ni gaw gumlau ni hte lagu lagut ni a jinghku ni rai nga ma ai; shanhte gaw kumhpa ni hte mayun kumhpa ni hpe galoi mung hkap la nga ma ai. Shanhte gaw tara rung hta jahkrai ma ni hpe galoi mung n makawp n maga ai hte gaida gaina ni shanhte a amu shawn ai shaloi galoi mung n madat ya nga ma ai.

ESAIA 5:29

Hpyenla ni gaw dusat langai hpe kawa sat da nna kadai mung n lu la mat wa ya lu ai shara hta garawt tawn da ai hkanghkyi ni zawn shabam nga ma ai.

YEREMIA 22:17

Rai ti mung, nang gaw na a tinggyeng amyat ni hpe sha yu nna mara n kap ai masha ni hpe sat kau let na a amyu masha ni hpe laja lana dip gamyet nga ndai. Dai Madu tsun nu ai.

YEREMIA 23:11

Dai Madu gaw, “Myihtoi ni hte hkinjawng ni gaw karai kata ni rai ma ai; Ngai gaw Nawku Htingnu kata hta nan n hkru ai amu galaw nga ai shanhte hpe rim kau se ai.

YEREMIA 5:6

Dai re ai majaw, maling na hkanghkyi ni gaw shanhte hpe sat kau na mara ai; zaibru jang na chyahkyawn ni gaw shanhte hpe gang amya je kau na mara ai, rawngteng ni gaw shanhte a kahtawng ni hkan lagyim hkawm na mara ai. Ndai amyu masha ni pru hkawm yang, shanhte gaw ashep ashin rai gang je kau hkrum na mara ai, hpa majaw nga yang, shanhte a yubak mara ni law nga ai hte lang hte lang, Karai Kasang kaw na htak mat mat rai ma ai.

EZEKELA 22:6

Israela ningbaw ni yawng hte gaw shanhte a n-gun atsam hpe kam hpa ai hte masha sat amu hpe shut nga ma ai.

EZEKELA 33:26

Nanhte gaw nhtu kam nga myit dai. Nanhte galaw ai amu ni mung matsat shabat rai nga myit dai. Masha hkum shagu mung numshaw lashaw amu shut hpyit nga ma ai. Hpa lam a majaw ndai mungdan hpe madu lu na re ngu myit nawn nga myit ni?

HABAKU 1:8

“Shanhte a gumra ni gaw rawng teng ni hta grau laram ma ai, kawsi ai chyahkyawn ni hta grau matse ma ai. Hpyen gumra jawn ai ni sumtsan shara ni kaw na jawn sa ma ai; Shanhte gaw lamyin hte htim amya ai galang ni zawn htim yu wa nga ma ai.