ZEHPANI 2:9 - Jinghpaw Common Language Bible 2009

⁹ Ngai gaw ahkrung nga ai dai Madu Israela a Karai Kasang teng teng rai nga nngai hte maren, Moba hte Amon mungdan yan gaw Sodom hte Gomora mare zawn jahten kau hkrum na mara ai gaw ngai dagam da se ai. Shanhte gaw jum nhkun hte htani htana katsi katsang shara tai mat nna nam hkrai shim rai na ra ai. Nye a amyu masha ni kaw na naw ngam nga ai ni gaw shanhte hpe kashun kashe hpya sha nna shanhte a lamu ga ni hpe la kau ya na mara ai,” ngu nna tsun wu ai.

Jinghpaw Hanson Version Bible

⁹ Dai rai nna, Israela Karai Kasang, Zaw nawng zaw wa up ai Yehowa ning nga ai: Gaja wa, ngai hkrung nga ai hte maren, Moba gaw Sodom zawn, Ammon a kashu kasha ni gaw, Gomora zawn, tsamat tu ai shara, jum nhkun hte htani htana shingran katsi ai shara tai na ra ai: nye a amyu masha ni hta naw ngam nga ai ni gaw, shanhte hpe hpya lu hpya sha nna, nye a amyu hta hti nga ai ni gaw, shanhte hpe madu na mara ai.

ZEHPANI 2:9 ပူးပေါင်းရင်းမြစ်များ

ESAIA 11:14

Shanhte gaw sinna maga de nga ai Hpilisti masha ni hpe jawm gasat na mara ai, sinpraw maga de nga ai masha ni a sut gan hpe kashun la na mara ai. Shan gaw Edom hte Moba mung masha ni hpe gasat dang kau na mara ai, Amon masha ni gaw shan a ga hpe madat mara na mara ai.

ESAIA 25:10

Dai Madu gaw Ziun Bum hpe makawp maga na ra ai, rai ti mung Moba masha ni chyawm gaw yihku hpe ngahkyi hta kabye anyak kau ai zawn kabye anut kau ai hkrum na mara ai.

ESAIA 49:18

Grup yin de mada yu nna hpa byin nga ai hpe yu u! Na a amyu masha ni gaw zup hpawng nga ma ai, shanhte gaw dum nta de wa nga ma ai! Ngai gaw ahkrung nga ai Karai Kasang rai nga ai hte maren, num nnan gaw shi mawn sumli da ai ja lung seng ni a majaw gumrawng lu ai zawn nang mung na a amyu masha ni a majaw gumrawng lu na rai ndai.

YEREMIA 46:18

Chyahtum Chyalai N-gun rawng ai dai Madu ngai gaw hkawhkam rai nga nngai. Ngai gaw ahkrung nga ai Karai Kasang rai nga nngai. Tabora bum gaw bum ni yawng hta grau tsaw nga ai rai nna, Hkarmela bum gaw panglai hta grau tsaw ai shara hta nga nga ai dai hte maren, nanhte hpe htim gasat ai wa gaw dai zawn n-gun rawng ai wa rai na ra ai.

YEREMIA 48:1

Ndai gaw Moba hpe lakap nna Chyahtum Chyalai N-gun rawng ai dai Madu tsun ai mungga rai nga ai: Nebo a masha ni matsan dum hpa rai sai- shanhte a mare hten za mat sai! Kiriahtim gaw sum mat sai, de a chyalai n-gun rawng ai hpyen dap gaw hpya hkrum nga sai, de a mare masha ni kaya kahpa hkrum nga masai;

YEREMIA 49:1

Ndai gaw Amon masha ni hte seng nna tsun ai dai Madu a mungga rai nga ai: “Israela lasha ni kanang rai nga ma ta? Shanhte a mungdan hpe makawp maga na lasha kadai mung n nga sani? Shanhte gaw Molek hpara hpe nawku ai masha ni, Gad a mungdaw hpe hpa majaw madu la ai hte dai shara hta de nga ma ni?

YEREMIA 49:18

Sodom yan Gomora hte grup yin na mare ni yawng hten run mat nna dai mare ni hta kadai mung bai n de nga ai zawn, Edom mung hta mung byin wa na ra ai. Dai Madu ngai nan tsun ni ai.

YEREMIA 49:33

Hazora mung gaw htani htana shingran sharat katsi ai shara tai mat nna, nam gwi ni chyu sha dai shara ni hkan machyu nga na mara ai. Kadi mung dai shara hta bai nga nga na mara ai n rai. Dai Madu ngai nan tsun ni ai.”

YEREMIA 50:40

Sodom hte Gomora, de a makau grup yin hkan na mare ni hpe ngai shamyit kau ai zawn, Babelon mung hta mung byin wa na ra ai. Kadai mung dai shara hta bai shanu nga na mara ai n rai. Dai Madu ngai nan tsun ni ai.

AMO LAIKA (AMOS) 1:13

Dai Madu gaw, “Amon masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw lamu ga maden jat la lu na matu majan gasat ai shaloi Gilead mung na na-um nasin re ai num ni hpe pyi kan ga kau ma ai.

AMO LAIKA (AMOS) 2:1

Dai Madu gaw, “Moba masha ni lang hte lang yubak galaw shut kau nga masai, dai lam a majaw ngai shanhte hpe teng teng ari jaw na we ai. Shanhte gaw Edom hkawhkam wa a nrut nra ni hpe wan wu tai mat hkra ju kau let n gawn n sawn di ma ai.

ZEHPANI 2:14

Yam nga u hpung ni hte dusat amyu shagu gaw dai shara hta hpum nga na mara ai. Dai hten run mat sai shara na hkuwawt ni hta u hku ni dung nga na mara ai; hkuwawt chyinghka ntsa hkan e mung nga nga na mara ai. Chyinghka hkinbawng ntsa hkan e u hka ni ak nga na mara ai. Dai dum nta gap ai arit hpunpyen ni mung gawng mat na ra ai.

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.

ZEHPANI 3:13

Naw ngam nga ai Israela amyu masha ni gaw kade a ntsa e mung shut hpyit ai amu galaw wa na n rai; masu magaw ga tsun na n rai. Hkalem hkalau ga mung shanhte shakut tsun na ma ai n rai. Shanhte gaw kadai hpe mung n hkrit ra ai sha shim lum ai hte ngamu ngamai wa na mara ai.

ZEHKARIA 2:13

Masha shagu hte e, shi gaw shi a chyoi pra ai nga shara kaw na du sa nga ai majaw dai Madu a man e asim sha nga nga mu.

BU HKAWM 14:21

Rai ti mung ngai gaw ahkrung nga nngai rai nna nye a hpung shingkang ga ntsa ting hta dan hkung nga ai hte maren,

ROMA 14:11

Hpa majaw nga yang Chyum Laika hta, “Dai Madu gaw, ngai ahkrung nga ai hte maren nye a man e lahput shagu hput di nna masha shagu gaw ngai hpe Karai Kasang rai nga ai nga nna yin la na mara ai,” nga nna ka da nga ai.

TARA JAHPRANG 29:22

“Dai Madu nanhte a mungdan ntsa hta shabyin dat ai ru yak tsin-yam tsindam hte nni nkri ni hpe htawm hpang prat ban ni paw pru wa na nanhte a matu mara ni hte sumtsan mung na maigan masha ni sa mu na mara ai.

TARA JAHPRANG 29:23

Dai pa layang ni shakrin shakraw shara tai mat nna kan hte jum hkrai pri rai mat nhtawm dai shara hkan e hpa mung hkai mai na n rai; tsingdu tsingman ni pyi tu na n rai. Shaloi nanhte a mungdan gaw dai Madu masin kahtet nna pawt sindawng ai a majaw jahten kau ai Sodom, Gomora, Adma hte Zeboim mare ni zawn tai mat na ra ai.