ZEHPANI 2:3 - Jinghpaw Common Language Bible 2009

³ Dai Madu a hkang da ai ga matsun ni hpe madat mara let dai lamu ga na shagrit shanem ai amyu masha nlang hte e, Madu hpang de kayin wa marit. Teng man ai amu galaw mu, Dai Madu a man e nanhte hkum hpe shagrit shanem mu. Shi a masin kahtet ai hpe madun dan nna ari jaw na nhtoi kaw na nanhte mahkoi lawt wa lu na rai myit dai.

Jinghpaw Hanson Version Bible

³ Ga ntsa hta myit sumnung nga nna, Yehowa a tara hkan nang ai ni yawng hte e, Yehowa hpe hkan tam mu; dinghpring ai lam hte sumnung ai lam hpe tam manu: Yehowa a masin pawt ai nhtoi hta, nanhte hprawng makoi shara mu dam nhten.

ZEHPANI 2:3 ပူးပေါင်းရင်းမြစ်များ

2 SAMUELA 12:22

Dawi chyawm gaw, “Rai nga ai law, shi naw hkrung nga yang, ngai lusha gam let hkrap ngu hkrap ngoi rai ni ai. Dai Madu gaw ngai hpe matsan dum la nhtawm ma hpe n si shangun na rai wu ai ngu, ngai myit nawn la nngai.

SHAKAWN KUNGDAWN 105:4

Karum hpyi na matu, dai Madu hpang de sit shang wa mu, shi hpe n sim n sa nawku daw jau nga mu.

SHAKAWN KUNGDAWN 149:4

Dai Madu gaw shi a amyu masha ni hta awng sharawng nga nna; shagrit shanem ai ni hpe awng padang hte shi shagrau sha-a nga ai.

SHAKAWN KUNGDAWN 22:26

Matsan mayan masha ni gaw shanhte ni ra ai made, sha lu na mara ai; Madu kaw du sa ai ni shi hpe shakawn na mara ai. Shanhte gaw htani htana ngamu ngamai nga mu ga law!

SHAKAWN KUNGDAWN 31:20

Masha ni a maw mawn ai kaw na nang shanhte hpe na a man na shim lum ai shara hta makoi da nna; shanhte a gumlau hpyen ni roi rip ai kaw nna mung shim ai shara hta nang shanhte hpe makoi da nga ndai,

SHAKAWN KUNGDAWN 45:4

Teng man ai hte rap ra ai tara hpe makawp maga let awng dang ai kaw du hkra, hpung shingkang hta jawn sa wa u! Na a n-gun gaw nang hpe galu kaba ai awng padang ninglaw ni hpe hkam la shangun na ra ai.

SHAKAWN KUNGDAWN 57:1

Ngai gaw nang hta shim nga lu na matu du sa nngai majaw; Karai Kasang e, ngai hpe matsan dum la e, matsan dum la e law. Laru kaba ni lai mat wa ai aten du hkra, na a singkaw ni a shingnip hta ngai shingwung nga na nngai.

SHAKAWN KUNGDAWN 91:1

Shim nga lu na matu, Madu hpang de du sa wa ai wa kadai rai ti mung; Chyahtum Chyalai n-gun rawng ai Wa a makawp maga ai npu hta shanu nga ai wa kadai rai ti mung,

PRU MAT 12:27

nanhte gaw, ‘Ndai gaw dai Madu gaw Egutu mung na Israela masha ni a dum nta ni hpe lai kau da ai majaw shi hpe shagrau hkungga na matu galaw ai Shalai Wa Ai Poi a shagu hkungga rai nga ai. Shi gaw Egutu masha ni hpe sat kau ti mung anhte hpe chyawm gaw jahkrung da mi ai,’” ngu nna htan na rai myit dai. Israela masha ni gaw hput di di let nawku ma ai.

GA SHAGAWP 18:10

Dai Madu gaw ngang ai langchyi zawn rai nga ai; ding hpring ai wa gaw dai shara de sa lu nna, shim nga lu ai.

ESAIA 1:17

teng man ai amu galaw na hpe sharin la mu, teng man rap ra ai amu yu la nna, dip gamyet sha hkrum nga ai ni hpe karum mu, jahkrai ma ni a ahkaw ahkang hpe jaw mu; gaida gaina ni hpe makawp maga nga mu.”

ESAIA 11:4

shi gaw matsan mayan ni hpe rap ra ai hku tara jeyang nna matsan mayan hkrum ai ni a ahkaw ahkang hpe makawp maga ya na ra ai. Shi a hkang da ai ga hte maren amyu masha ni ari jaw ai hkrum nna, n hkru ai masha ni si mat na mara ai.

ESAIA 61:1

Tsaw Htum ai dai Madu gaw ngai hpe shi a Wenyi hte jahpring ya ni ai. Matsan mayan ni hpang de kabu gara shiga gun sa na matu mung, Myit daw mat sai ni hpe shamai shatsai ya na matu mung, Bawng dung ai ni hpe raw dat na matu mung, Htawng hta shareng da hkrum ai ni hpe shalawt dat na matu mung, Shi ngai hpe lata la nna shangun dat nu ai.

YEREMIA 39:18

Ngai gaw nang hpe shim lum hkra makawp da na nngai, nang si na ra ai n rai. Nang ngai hpe kam hpa nga ndai majaw na a asak lawt lu na ra ai. Dai Madu ngai nan tsun ni ai,” ngu nna tsun wu ai.

YEREMIA 45:5

Nang gaw na hkum a matu laklai ai lam hkan tam nga n ni? Hkum hkan tam nga et. Ngai gaw shinggyim masha ni yawng a ntsa e tsin-yam tsindam shapraw na we ai, rai ti mung, nang gaw nang sa wa ai shara shagu hta, na a asak gaw yawm dik lawt lu na rin dai. Dai Madu ngai nan tsun ni ai.”

EZEKELA 13:5

Dai Madu a nhtoi shani, hpyen majan du wa ai shaloi, shanhte gaw daw agrawp mat sai mare bunghku ni hpe n sin ma ai. Shanhte gaw mare bunghku ni hpe bai gaw gap da ma ai n rai, dai lam ni a majaw Israela gaw makawp maga hkrum lu na ra ai n rai.

HOSEA 10:12

Ngai gaw, “Nanhte a matu lamu ga ningnan shawt nhtawm ding hpring ai hpe hkai mu. Ngai hpe kam sham nna shapraw ya na ra ai chyeju ni hpe shu la mu. Nanhte a Madu rai nga ai Ngai kaw kayin wa na nanhte a matu aten rai nga ai. Ngai sa nna nanhte a ntsa e shaman chyeju ru jaw na made ai.

HOSEA 7:10

Israela amyu masha ni a myit tsaw myit dap ai gaw shanhte a matu sari jahpoi hkrum na lam rai nga ai. Lam magup byin hkrum hkra nga ma tim, shanhte gaw dai Madu shanhte a Karai Kasang ngai hpang de n kayin wa ma ai.

YONA 3:9

Karai Kasang gaw shi a myit galai kau nna pawt bu ai lam jahkring kau ai rai yang, anhte n si dam nhten!”

ZEHKARIA 8:19

“Shata mali, shata manga, shata sanit hte shata shi hta lusha gam ai gaw kabu gara ai lusha poi tai wa nna, Yuda amyu masha ni a matu kabu pyaw hpa lam tai wa nga ai. Dai re ai majaw nanhte sim sa lam hpe tsaw ra lu na rai myit dai.”

MAHTE 5:5

“Myit sumnung ai ni gaw a lu ma ai; hpa majaw nga yang, shanhte gaw Karai Kasang ga sadi jaw da ai lamu ga hpe madu lu na mara ai!

1 HTESALONI 4:1

Jahtum e hpu nau ni e, Karai Kasang sharawng awng na matu nanhte kaning rai asak hkrung ra ai lam anhte kaw na nanhte sharin la manit dai. Nanhte dai lam masa hku nna asak hkrung hkawm sa nga manit dai. Dai hta grau nna galaw lu na matu Madu Yesu a mying nsang hta nanhte hpe anhte hpyi nem shadut jahkat dat ga ai.

1 HTESALONI 4:10

Kaja wa nga yang, nanhte gaw Makedoni mung ting na Hkristan hpu nau ni yawng hpe dai hku tsaw ra ai lam hkan sa nga manit dai. Dai re ai majaw, hpu nau ni e, nanhte a tsaw ra myit grau kaba wa na matu nanhte hpe anhte hpyi nem nga ai.

1 PETRU 1:22

Ya nanhte gaw dai teng man ai lam hpe madat mara nga let nanhte a hkum ni hpe jasan jaseng kau nhtawm, nanhte a kam sham ai manaw manang ni hpe kaja wa tsaw ra nga myit dai. Dai rai nna nanhte shada da myit masin mahkra hte tsaw ra nga mu.

1 PETRU 3:4

Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.