ZEHPANI 1:9 - Jinghpaw Common Language Bible 2009

⁹ Maigan nawku htung hkan ai ni zawn nawku ai ni hte shanhte a madu ni a nta hpe arung arai lagu, masha sat amu jahpring ya ai ni mahkra hte hpe ngai ari jaw na we ai.

Jinghpaw Hanson Version Bible

⁹ Dai shani e, masha wa a chyinghka hkinbawng shingkawt nna, tinang a madu a nta hpe, kashun kashe, hkalem hkalau la ai arai ni hte, jahpring ai ni mahkra hpe mung, ngai ari jaw na nngai.

ZEHPANI 1:9 ပူးပေါင်းရင်းမြစ်များ

NEHEMIA 5:15

Nye a shawng e rung dung ai munggyi shagu gaw amyu masha ni hpe lit li gun shangun ma ai rai nna, lusha hte sabyi ntsin a matu lani mi gumhpraw dengga mali shi shi hpyi la ya ma ai. Shanhte a shangun ma ni du hkra, amyu masha ni hpe dip gamyet sha lai wa masai. Rai ti mung ngai gaw Karai Kasang hpe shagrau sha-a nngai majaw dai hte shai ai hku ngai galaw nngai.

GA SHAGAWP 29:12

Mung du wa gaw n teng n man ai shiga hpe madat yang, shi a rap daw salang ni yawng masu magaw ai ni rai na mara ai.

YEREMIA 5:27

Jaugawng wa gaw shi a u rawng hta u law law hte jahpring da ai zawn, shanhte mung shanhte a nta ni hta lagu la lu ai arai ni hte jahpring da ma ai. Shing re ai majaw, shanhte gaw n-gun lagaw rawng wa nna sut su ai ni tai wa nga masai.

AMO LAIKA (AMOS) 3:10

Dai Madu gaw, “Ndai masha ni gaw shanhte a nga shara ni hta ru hka amu hte kashun kashe du daw sai hkaw amu ni hte jahpring da nga ma ai. Shanhte pyi gara hku ding man na lam hpe n chye nga ma ai.

MIHKA 6:12

Nanhte a sut su ai masha ni gaw matsan mayan masha ni hpe n-gun makru shadaw ya nga ma ai; buga masha yawng hte mung masu magaw masha ni hkrai rai ma ai.

ZEHKARIA 5:6

Ngai gaw, “Hpa rai ta?,” ngu nna san we ai. Shi gaw, “Dai gaw ka langai rai nga ai, dai gaw mungdan ting a yubak mara a matu rai nga ai,” ngu nna tsun htang wu ai.

KASA 16:19

Ya shi a madu ni gaw shanhte a gumhpraw shang lam pat mat wa ai hpe chye jang, shanhte gaw Pawlu yan Sila hpe rim la nna gat de nga ai agyi salang ni hpang de dun garawt wa mu ai.

TARA AGYI 19:27

Shi a madu wa gaw dai jahpawt e rawt wa nna hkawm sa na nga, chyinghka hpaw dat wu yang, chyinghka hkinbawng hta shi a lata mara da let nta man e galeng taw nga ai shi a lashi num hpe mu wu ai.

1 SAMUELA 5:5

(Dai re ai majaw, Dagon hkinjawng ni mung, Ashdod mare hta dai hpe nawku ai ni yawng mung, dai ni du hkra dai shara hpe n kabye ma ai.)