ZEHPANI 1:3 - Jinghpaw Common Language Bible 2009

³ shinggyim masha ni hte dusat yam nga ni yawng, ntsa malen u ni hte hka kata na nga ni hpe ngai jahten kau na we ai. Ngai gaw tara n lang ai ni a hkrat sum ai lam hpe shabyin dat na nngai. Ngai gaw shinggyim masha yawng mayawng hpe shamyit kau na we ai; asak hkrung nga ai ni kadai mung ngam nga lu na n rai, nga nna Madu ngai nan tsun ni ai.

Jinghpaw Hanson Version Bible

³ “Shinggyim masha hte yamnga hpe ngai shamyit kau na n ngai; ntsa malen u ni, nammukdara nga ni hte, tara n lang ai ni hpawn, ahtu kataw shara ni hpe, shamyit kau na nngai; ga ntsa de na, shinggyim masha hpe, ngai jahtum kau na nngai,” nga nna Yehowa tsun ai.

ZEHPANI 1:3 ပူးပေါင်းရင်းမြစ်များ

NINGPAWT NINGHPANG 6:7

Shi grai wa myit malai lu ai hte, “Ngai hpan da sai ndai shinggyim masha ni hpe mung, dusat yam nga hte ntsa malen u ni hpe mung atsai awai di kau na nngai; hpa majaw nga yang, dai ni hpe ngai hpan da ai majaw ngai myit yawn nga nngai,” ngu nna tsun wu ai.

ESAIA 27:9

Rai ti mung maigan htung tara hkan ai ni a nlung tawn hkungri ni hpe namhtun ga hpraw hpe zawn gang daw kau ai hte, Ashera hpara num a masat dingsat kumla shing n rai manam pyaw ai baw tawn ai tawn hkungri ni, htawm hpang de galoi mung n nga mat hkra kabai kau lu ai shaloi chyu sha, Israela amyu masha ni a yubak ni raw dat kau ai hkrum na ra ai.

ESAIA 6:11

Ngai gaw, “Madu e, dai zawn re ai gaw kade daram na wa na rai ta?,” ngu nna san nngai. Shi gaw, “Mare ni hten run mat nna, kaman byin mat ai aten du hkra, dum nta ni katsi katsang tai mat nna lamu ga shi nan akrin akraw rai nna lamu ga hpe lahpawt lama di shakram da ai aten du hkra rai na rai nga ai,” ngu nna htan wu ai.

ESAIA 6:12

Ngai gaw amyu masha ni hpe sumtsan de sa kau dat nna lamu ga ting hpe katsi katsang shara shatai kau na nngai.

YEREMIA 12:4

Anhte a lamu ga gaw kaden du hkra hkun hkraw ai hte yi sun shagu hta tu ai tsingdu ni nyip mat na rai ta? Amyu masha ni gaw, ‘Anhte galaw nga ai amu hpe Karai Kasang n mu nga ai,’ nga nna tsun ai anhte a n hkru ai amyu masha ni a majaw, ashu ashan ni hte ntsa malen u ni si mat nga ai,’” ngu nna tsun ai.

YEREMIA 50:3

“Dingdung maga de nna amyu baw mi gaw Babelon mare hpe gasat na matu du sa na mara ai; dai mare hpe katsi katsang shara shatai kau na mara ai. Masha hte yam nga ni hprawng pru wa nna, dai shara hta kadai mung de nga na mara ai n rai.”

YEREMIA 7:20

Shing rai Tsaw Htum ai dai Madu ngai nan ndai Nawku Htingnu ntsa e nye a masin kahtet kang ai hpe ru jaw dat na we ai. Masha hte yam nga ni a ntsa e mung, hpun ni hte nsi naisi ni a ntsa e du hkra pyi ru jaw na we ai. Nye a masin kahtet ai gaw agrung nga ai wan zawn rai nna kadai mung dai hpe krip kau lu na n rai.

YEREMIA 9:10

Ngai gaw, “Bum ni a matu sharung shayawt nna udat shara ni a matu hkrap na nngai, hpa majaw nga yang, dai ni gaw hkun hkraw mat nna, kadai mung dai hku n lai hkawm nga ai. Sagu dumsu hpung ni a nsen mung n na lu sai; ntsa malen u ni hte matse labye dusat ni mung hprawng mat masai,” ngu nna tsun ai.

EZEKELA 44:12

Rai ti mung, Israela amyu masha ni hpe hpara sumla woi nawku nna, dai lam hku nna yubak lam de shanhte woi sa nga ma ai majaw, shanhte ari hkrum lu na hpe Tsaw Htum ai dai Madu ngai nan dagam da se ai.

EZEKELA 7:19

Dai Madu gaw shi a masin kahtet ai hpe ru bun dat ai shaloi, aja rai ti mung, gumhpraw rai ti mung, shanhte hpe n hkye la lu ai majaw, shanhte gaw aja gumhpraw ni hpe maza mala arai zawn nmaw lam hkan e kabai tawn na mara ai. Shanhte a ra sharawng ai hpe shadik ya na matu dai ni hpe lang lu ai n rai; dai hta n-ga, kan hpe jahpring ya lu ai n rai. Aja gumhpraw gaw shanhte hpe yubak lam de woi sa wa manu ai.

HOSEA 14:3

Asuri gaw anhte hpe galoi mung hkye mawai la lu ai n rai; majan gumra ni mung anhte hpe makawp maga la lu ai n rai. Hpara sumla ni hpe anhte a Karai Kasang rai nga ai ngu nna, anhte galoi mung bai tsun sana ga ai n rai. O Madu e, kam hpa na masha langai mung n lu nga ai ni hpe matsan dum ai myit madun ya mi law.”

HOSEA 14:8

Israela amyu masha ni gaw hpara sumla ni hte hpa mung seng na mara ai n rai; shanhte a akyu hpyi ga ni hpe ngai htan ya let shanhte hpe lanu lahku na we ai. Tsit lali ai hpun zawn ngai shanhte a makawp shingbyi shara tai ya na nngai; Ngai gaw shanhte yawng a shaman chyeju npawt rai nga nngai,” ngu nna tsun ai.

HOSEA 4:3

Dai rai nna lamu ga gaw hkun hkraw wa na ra ai, dai hta nga manga yawng si na ra ai. Dusat yam nga ni hte ntsa malen u ni yawng, hka na nga du hkra si na mara ai.

ZEHKARIA 13:2

Dai aten hta hpara sumla ni a amying hpe dai mungdan hta na yeng seng kau na nngai; shaloi kadai mung htawm hpang prat e, dai ni hpe galoi mung dum nga na ma ai n rai. Myihtoi tai na matu tsun ai ni kadai hpe mung ngai seng kau nna, hpara sumla ni hpe nawku na ra sharawng myit ni hpe la kau ya na we ai.

MAHTE 13:41

Dai Masha Kasha gaw, shi a lamu kasa ni hpe shangun dat na rai nna shanhte gaw shi a mungdan kata na, masha ni hpe myit kataw shangun ai ni yawng hte, n hkru n shawp ai amu galaw ai ni yawng hte hpe lata shaw la nhtawm,

MAHTE 23:39

Ngai nanhte hpe kaja wa tsun made ga, ‘Dai Madu a mying hte du sa ai wa gaw a nga ai law! nga nna nanhte nan n tsun tsun gaw, ya kaw nna ngai hpe n mu lu na manit dai,’” ngu mu ai.

SHINGRAN 2:14

Rai ti mung sumla ni hpe nawng ya ai hkungga shahpa ni hpe sha na hte, nse nsa ngu ai hpye ai amu galaw ai hta Israela masha ni hkan sa nna yubak mara galaw hkra Balak hpe hpaji daw ya ai Balam a sharin shaga ai hta hkan nang ai masha nkau mi, na a hpung hta lawm nga ma ai majaw, nang hpe mara shagun shara loi mi, ngai mu nngai.