ZEHPANI 1:1 - Jinghpaw Common Language Bible 2009

¹ Yuda Hkawhkam Amon a kasha Yoshia up hkang ai lak htak e, Zehpania hpe jaw ai dai Madu a mungga gaw ndai hku rai nga ai. (Zehpania gaw Hkawhkam Hezekia, Amaria, Gedalia hte Hkushi hku nna hkrat yu wa ai amyu matu mara langai rai nga ai.)

Jinghpaw Hanson Version Bible

¹ Yuda hkawhkam, Amon a kasha, Yoshia lakhtak e, Hezekia, Amaria, Gedalia hta na hkrat ai, Hkushi a kasha Zehpania kaw du ai Yehowa a mungga, da ndai rai nga ai.

ZEHPANI 1:1 ပူးပေါင်းရင်းမြစ်များ

2 HKAWHKAM 21:18

Manashe si mat sai rai nna Uza ngu ai hkawhkam wang na hkai sun hta lup makoi da nga ma ai; shi a kasha Amon hkaw galai dung nna hkawhkam tai wa sai.

2 HKAWHKAM 21:26

Amon hpe Uza a sun na lup hta lup makoi da ma ai; shi a kasha Yoshia gaw shi a hkang hta hkawhkam tai wa sai.

2 HKAWHKAM LABAU 33:20

Manashe si mat sai rai nna hkawhkam htingnu hta lup makoi da ma ai; Shi a shadang sha Amon gaw shi a hkang hta hkawhkam tai wa sai.

YEREMIA 1:2

Dai Madu gaw Yeremia hpe Yuda hkawhkam Amon a kasha Yoshia hkaw dung ai shi masum ning hta e tsun ai hte

YEREMIA 22:11

Yuda hkawhkam hku nna shi a kawa Yoshia a hkaw shara hta dung ai Yoshia a kasha Yoahaza hte seng nna dai Madu ning nga tsun ai: “Shi gaw ndai shara kaw nna pru mat wa nu ai; galoi mung nhtang wa na ra ai n rai.

YEREMIA 25:3

“Yuda Hkawhkam Amon a kasha Yoshia hkaw dung ai shi masum ning kaw nna dai ni du hkra hkun masum ning tup, dai Madu ngai hpe hkang da ai hte maren, shi tsun ai ga nang hpe tsun dan na matu, ngai galoi mung n yit n hprai ai sha htawn tsun lai wa ni ai. Rai ti mung, nang gaw n madat ai hte myit n lawm nga ndai.

EZEKELA 1:3

Dai Babelon mung Hkebara hka nu hka kau e, Madu ngai hpe tsun ai ga na ai hte shi a daru magam n-gun atsam hpe ngai hkam sha ni ai.

HOSEA 1:1

Ndai gaw Yuda hkawhkam ni rai nga ai Uzia, Yohtam, Ahaza hte Hezekia ni up hkang ai laman hte Yehoasha a kasha Yeroboam Israela hkawhkam tai nga ai aten hta Beri a kasha Hosea hpe jaw ai dai Madu a mungga rai nga ai.

2 TIMOHTI 3:16

Dai Chyum Laika shagu hpe Karai Kasang shatsam ai hte ka da ai re ai majaw, teng man ai lam hpe sharin achyin ya na, shut ai lam hpe mara madun nna daru sharin na, shut shai ai lam ni hpe mye shading na hte jaw ai asak hkrung lam a matu matsun madun na akyu rawng nga ai.

2 PETRU 1:19

Dai re ai majaw anhte gaw myihtoi ni htawn tsun ai shingran mungga hpe grau nna myit mu myit hkut lu saga ai. Nanhte dai mungga hpe atsawm sha madat mara nga mu; hpa majaw nga yang, dai gaw nanhte a myit masin ni hta htoi leng wa nna, nhtoi gintawng pru wa ai aten du hkra, nsin sin ai shara hta htoi tu nga ai pyengdin zawn rai nga ai.