ZEHKARIA 7:9 - Jinghpaw Common Language Bible 2009

⁹ “Moi shawng de nye a amyu masha ni hpe ning ngu ai hkang da ai ga ngai jaw ni ai: ‘Teng man ai hku amu daw dan ai hpe nanhte mu lu na myit dai. Langai hte langai matsan dum ai myit hte n-gaw n wai ai myit madun hkat nga mu;

Jinghpaw Hanson Version Bible

⁹ ‘Malang ai hku tara dara mu; langai hte langai tinang a hpunau wa hpe n-gaw nwai ai hte matsan dum ai myit madun mu;

ZEHKARIA 7:9 ပူးပေါင်းရင်းမြစ်များ

2 SAMUELA 9:7

Dawi chyawm gaw, “Hkum hkrit et. Na nwa Yonahtan a jaw e, ngai nang hpe matsan dum la na de ai. Na a nji Shawlu e madu da ai lamu ga mahkra ngai nang hpe bai jaw na de ai; nang gaw nye a sha ku hta tut nawng sha nga lu na rai ndai,” ngu nna tsun wu ai.

YOBA 31:20

nye a sagu hpung na lu la ai sagu mun hte da ai hpun palawng shi hpe jaw nngai. Shaloi shi a myit masin mahkra hte shi ngai hpe shakawn wu ai.

YOBA 6:14

Ngai gaw Karai Kasang hpe kau ai mi rai rai, n kau da ai mi rai rai, ndai zawn tsin-yam tsindam hkrum ai aten hta myit magam rawng ai manang ni hpe ngai ra nngai;

GA SHAGAWP 21:3

Teng man ai hte rap ra ai amu ni hpe galaw nga u; dai gaw shagu hkungga la sa ya ai hta grau nna Madu hpe ra sharawng shangun nga ai.

YEREMIA 22:3

“Dai Madu ngai nan teng man ai hte ding hpring ai amu galaw na matu nang hpe hkang da ni ai. Shi hpe maw sha mawp sha nga ai wa kaw nna maw sha mawp sha n hkrum mat hkra dai masha wa hpe makawp maga nga u. Malet nhprang manam ni, chyahkrai nmai ni hte gaida gaina ni hpe lam hkum shadam myit, adip arip mung hkum rai myit; ndai chyoi pra ai shara hta mara n kap ai masha ni hpe hkum sat myit.

YEREMIA 7:23

Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.

YEREMIA 7:5

“Na a asak hkrun lam hpe galai kau nna nang galaw nga ai amu ni hpe tawn kau u. Langai hte langai a lapran e na a shinggyim nau na myit rawng ai hta rap ra teng man nga u.

EZEKELA 18:8

Shi gaw amyat lu na matu gumhpraw n hkoi sha nga ai. Shi gaw n hkru ai amu galaw na matu ningdang kau nna, ndang kalang ai amu hta teng man ai daw dan lam jaw ya nga ai.

EZEKELA 45:9

Tsaw Htum ai dai Madu gaw, “Israela a up hkang du ni e, nanhte yubak mara galaw shut ai gaw nau wa na la manit dai! Nanhte galaw ai kashun kashe du daw sai hkaw amu hte dip gamyet sha ai amu ni hpe kau da manu. Ding hpring ai hte teng man ai amu hpe galaw nga mu. Nye a amyu masha ni hpe shanhte a mungdan kaw nna galoi mung bai hkum gau shapraw myit. Tsaw Htum ai dai Madu ngai nan nanhte hpe dai lam hkang da nga nngai.

HOSEA 12:7

Dai Madu gaw, “Israela amyu masha ni gaw Hkanan masha ni zawn n ding n man nga ma ai; shanhte gaw n man ai joi jang ni hte shanhte a arai mari hkyawt la ai ni hpe maw sha na sharawng nga ma ai.

JAW JAU 19:15

“Tara shang amu ni tsun daw dan myit dai shaloi, myit malang ai hte teng man ai hku hparan ya na rai myit dai; matsan ai wa hpe n maga, lu su ai wa hpe mung n mada ai sha daw dan na rai myit dai.

AMO LAIKA (AMOS) 5:24

Shing rai na malai, teng man rap ra ai tara gaw hka shi zawn lwi nga u ga; ding man ai gaw galoi mung hkyet mat n chye ai hka shi zawn tai nga u ga.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

ZEHKARIA 7:7

Da ndai gaw Yerusalem mare hta ngamu ngamai wa nna amyu masha law law hte hpring nga nhtawm, amyu masha law law hte wa mare ni hta sha n-ga, grup yin mare ni hte dingda ginwang hte sinna maga de na bum lagaw du hkra masha naw shanu nga ai aten hta moi na myihtoi ni a n-gup hte dai Madu tsun ai mungga rai nga ai.

ZEHKARIA 7:8

Dai Madu gaw Zehkaria hpe ndai mungga jaw wu ai:

MAHTE 23:23

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw shingtawn pan, pan soi, hpakkyi tum, re ai ni hta na, htam shi hta na htam mi, Karai Kasang kaw sak nawng myit ti mung, dai jep ai Tara a kaja wa nan grau ahkyak ai sharin shaga ai lam ni rai nga ai tara rap ra ai, matsan dum ai hte kam sham ai lam hte hpe nanhte n madat n mara hprai kau myit dai. Nanhte gaw htam shi alu jaw ai hpe mung, dai jep ai Tara a sharin shaga ai lam hpe mung, n hprai ai sha hkan shadik na mai nga ai.

LUKA 11:42

“Hparishe ni e, nanhte dingnye lu myit dai! Hpa majaw nga yang, nanhte gaw shingtawn pan, shinglim pan ni hte shatmai lap amyu myu hta na htam shi kaw na htam mi Karai Kasang hpe sak jaw myit dai. Rai ti mung, nanhte gaw tara rap ra ai hte Karai Kasang hpe tsaw ra ai lam hpe gaw hprai kau nga myit dai. Nanhte gaw htam shi hta htam mi alu jaw ai hta n ga, tara rap ra ai hte Karai Kasang hpe tsaw ra ai hta mung hkan sa galaw ang myit dai.

YAWHAN 7:24

Shinggan lam hku mu mada lu ai hpe sha yu nna hkum jeyang myit, ding hpring ai hku she jeyang mu,” ngu nna shanhte hpe htan mu ai.

YAWHAN 7:51

Dai wa gaw, “Anhte a Tara hte maren nga yang, anhte gaw masha langai mi hpe, shi hpa baw tara tawt lai ai lam n jep n san, shi hkum nan hpe tinang mara n lu ai lam tsun makawp maga na ahkaw ahkang n jaw ai, n mai daw dan ga ai,” ngu nna tsun mu ai.

TARA JAHPRANG 22:1

Israela hpu nau langai ngai a sagu dumsu, lam dam ai hpe nang mu dat yang, dai hpe hkum yu shalai kau et; na a hpu nau wa hpang de bai sa sa ya na rai ndai.