ZEHKARIA 7:7 - Jinghpaw Common Language Bible 2009

⁷ Da ndai gaw Yerusalem mare hta ngamu ngamai wa nna amyu masha law law hte hpring nga nhtawm, amyu masha law law hte wa mare ni hta sha n-ga, grup yin mare ni hte dingda ginwang hte sinna maga de na bum lagaw du hkra masha naw shanu nga ai aten hta moi na myihtoi ni a n-gup hte dai Madu tsun ai mungga rai nga ai.

Jinghpaw Hanson Version Bible

⁷ Yerusalem mare hte, de a grup yin e nga ai mare ni hta, masha shanu nga nna, ngamu ngamai law nga ai hte, Dingda mung hte layang ga hta masha naw shanu nga ai aten e, moi na myihtoi ni a n-gup hte Yehowa jahtau tsun ai mungga hpe, nanhte madat mai ai, n rai myit ni?” nga ai.

ZEHKARIA 7:7 ပူးပေါင်းရင်းမြစ်များ

YEREMIA 17:26

Yuda mare ni hte Yerusalem grup yin kahtawng ni kaw na amyu masha ni sa du na mara ai; shanhte gaw Benyamin mungdaw kaw nna mung, layang ga de na mung, bum ga de na mung, dingda Yuda mung kaw nna mung sa du na mara ai. Shanhte gaw nye a Nawku Htingnu de wan nat hkungga ni hte shagu hkungga ni, lusha hkungga hte manam pyaw ai baw hte chyeju dum hkungga ni hpe mung la sa na mara ai.

YEREMIA 32:44

Amyu masha ni gaw Benyamin mung hta Yerusalem grup yin kahtawng ni, Yuda mung a mare ni, bum ga na kahtawng ni, layang ga na mare ni hte Yuda mung dingda maga na mare ni hta yi sun hkauna ni mari lu nna, ga sadi laika ka ai hte dazik dawk nhtawm, sakse galaw shangun na mara ai. Ngai gaw amyu masha ni hpe shanhte a mungdan de bai wa shangun na nngai. Dai Madu ngai nan tsun ni ai,” ngu nna tsun ai.

YEREMIA 7:23

Rai ti mung, nye a ga madat na matu shanhte hpe ngai hkang da ni ai, ngai gaw shanhte a Karai Kasang tai nna, shanhte gaw nye a amyu masha ni tai na mara ai. Ngai shanhte hpe hkang da sai asak hkrun lam hta hkawm sa na lam ngai tsun ni ai, shaloi, shanhte gaw lam shagu hta ngamu ngamai wa na mara ai.

YEREMIA 7:5

“Na a asak hkrun lam hpe galai kau nna nang galaw nga ai amu ni hpe tawn kau u. Langai hte langai a lapran e na a shinggyim nau na myit rawng ai hta rap ra teng man nga u.

YEREMIA 33:13

Bum ga na mare ni, layang ga na mare ni, Yuda mung dingda maga de na mare ni, Benyamin mungdaw, Yerusalem makau grup yin na kahtawng ni hte Yuda mung na mare ni hta sagu rem ai ni gaw shanhte a sagu ni hpe kalang mi bai hti lu na mara ai. Dai Madu ngai nan tsun ni ai,” ngu nna tsun ai.

YEREMIA 22:21

Nang ngamu ngamai nga ai shaloi, dai Madu nang hpe ga tsun nu ai, rai ti mung nang n madat nga ndai. Dai gaw na a asak hkrun lam tup hta nang galaw sai amu ni rai nga ai; nang gaw dai Madu a ga hpe galoi mung n madat ndai.

ESAIA 55:3

Nye a amyu masha ni e, ya madat mu, ngai hpang de sa wa mi; ngai hpang de sa wa mi, nanhte asak hkrung nga lu na rai myit dai! Ngai gaw nang hte htani htana ga shaka tawn da na nngai. Ngai Dawi hpe jaw sai ga sadi hte maren, nang hpe shaman chyeju ni jaw na nngai.

TARA JAHPRANG 34:3

Yuda mung a dingda daw Zoara mare kaw na namhtan hpun mare ngu ai Yerihko mare hkan nga ai pa layang ni hpe madun dan wu ai.

YEREMIA 13:19

Yuda mung a dingda daw de na kahtawng ni gaw wang da hkrum nga ma ai majaw, kadai mung shanhte hpang de lai bang lu ai n rai. Yuda mung masha ni yawng hte gaw bawng dung hkrum mat nga masai,” ngu nna tsun ai.

YEREMIA 44:4

Ngai n dawng ai ndai hkrit hpa amu ni hpe n galaw na matu nanhte hpe tsun shadum nga na nye a shangun ma ni rai nga ai myihtoi ni hpe nanhte hpang de ngai shangun da nga nngai.

ZEHKARIA 7:6

hkinjawng ni hpe tsun dan mu. Shanhte lu sha ma yang, shanhte myit ra ai hte maren lu sha nga ma ai,” ngu nna tsun wu ai.

ZEHKARIA 7:8

Dai Madu gaw Zehkaria hpe ndai mungga jaw wu ai:

ZEHKARIA 7:12

chyinghka la kau nhtawm, shanhte a myit masin kraw lawang hpe mung lunghkrung zawn ja shangun nga ma ai. Moi na myihtoi ni a n-gup aga hku tsun ai sharin shaga ga hpe shanhte n madat ma ai majaw ngai masin grai pawt nngai.