ZEHKARIA 5:3 - Jinghpaw Common Language Bible 2009

³ Dai hpang, shi gaw ngai hpe, “Dai ntsa hta mungdan ting de bra nga ai dagam dala lam ka da nga ai. Dai laika katsu a man maga mi hta lagut shagu hte gaw dai mungdan kaw nna seng kau ai hkrum na rai nga ai ngu nna tsun da nga ai. Bai kaga maga de gaw dagam da sai rai tim masu magaw ga naw tsun ai ni langai hte langai la kau ai hkrum na rai nga ai nga nna tsun da nga ai.

Jinghpaw Hanson Version Bible

³ Shaloi shi gaw, “Da ndai gaw mungdan ting hta bra nga ai dagam dala lam rai nga ai: kaning rai nme law, lagu lagut yawng, dai laika man mi a ga hte maren, jahtum kau ai hkrum na ra ai; masu lam dagam ai ni langai hte langai laika man mi a ga hte maren, jahtum kau ai hkrum na mara ai.

ZEHKARIA 5:3 ပူးပေါင်းရင်းမြစ်များ

PRU MAT 20:15

“Masha arai hkum lagu et.

GA SHAGAWP 29:24

Lagut wa a manang tai ai wa gaw tinang hkum a n kaja dik ai hpyen rai nga ai. Tara rung e, teng man ai sakse ga tsun yang, ari jaw ai hkrum na rai nna, n teng ai hku tsun yang mung, Karai Kasang dagam ai hkrum na ra ai.

GA SHAGAWP 3:33

Dai Madu gaw tara n lang ai masha ni a dum nta ni hpe dagam kau ti mung, ding hpring ai masha ni a dum nta ni hpe chyawm gaw shaman ya nga ai.

GA SHAGAWP 30:9

Dai hta jan nna ngai grau lu wa ai rai yang, ngai nang hpe n ra dum nngai ngu nna, tsun kau hkrup na ra ai. Rai ti mung, ngai matsan mayan hkrum nga yang chyawm gaw, ngai lagu nna, nye a Karai Kasang hpe kaya kahpa awu asin di kau na ring nngai.

ESAIA 24:6

Dai rai nna, Karai Kasang gaw ginding aga hpe dagam ga tsun nu ai. Dai hta shanu nga ai amyu masha ni gaw shanhte galaw kau sai amu a matu shabrai jaw ya nga ma ai. Naw hkrung ngam nga ai ni gaw n law hta n law mat wa na mara ai.

ESAIA 43:28

na a mung up hkang du ni nye a chyoi pra ai shara hpe awu asin di ma ai. Dai rai nna, ngai gaw Israela a ntsa e jahten sharun ai amu du shangun nngai; ngai gaw nye a amyu masha ni hpe n kaw n law hkrum sha shangun we ai,” ngu nna tsun ai.

ESAIA 48:1

Yuda kaw na yu hkrat wa ai Israela amyu masha ni e, ndai lam madat mu. Nang gaw dai Madu a mying hte dagam nna, Israela a Karai Kasang hpe nawku na matu tsun ndai, rai ti mung nang tsun ai ga hkum mi hpe lachyum n shapraw nga ndai.

YEREMIA 23:10

Mungdan gaw dai Madu hta sadi n dung ai amyu masha ni hte hpring nga ai; shanhte gaw n hkru ai asak hkrun lam hta hkawm sa nna shanhte a daru magam n-gun hpe n sawn n ang ai hku lang nga ma ai. Dai Madu a dagam ga a majaw mungdan gaw yawn madai ai hte udat shara ni ahkun ahkraw rai nga ai.

YEREMIA 26:6

Nang gaw matut nna n madat n mara ai rai yang, Shilo hpe ngai galaw kau ai zawn ndai Nawku Htingnu hpe mung ngai di kau na we ai. Ndai mungkan ga na masha amyu baw ni yawng hte gaw ndai mare a amying hpe dagam dala shara zawn lang na mara ai,” ngu nna tsun wu ai.

YEREMIA 5:2

Nang gaw dai Madu hpe nawku na matu tsun tim pyi, nang tsun ai ga hpe nang lachyum n shapraw nga ndai.

YEREMIA 7:9

Nang gaw arai lagu ai, masha sat ai, numshaw lashaw amu shut hpyit ai, masu ga tsun nna dagam ai, Bala hpara hpe shagu hkungga nawng jau ai, shawng de nang garai n chye yu ai karai ni hpe nawku nga ndai.

EZEKELA 2:9

Ngai hpang de lata ladawn nga ai hpe ngai mu nngai, dai lata gaw laika katsu hpe lang da nga ai.

Daniela 9:11

Israela amyu ting na a tara ni hpe jahten kau nna nang tsun ai ga hpe hkan madat na, ningdang kau masai. Anhte nang hpe yubak galaw saga ai majaw, na a shangun ma Mawshe a Tara hta ka da sai dagam dala ga ni anhte hpang de la sa ya nit dai.

HOSEA 4:2

Shanhte gaw ga sadi tawn da ma ai, dai ni hpe jahten kau ma ai; shanhte gaw masu magaw ai, masha sat ai, lagu ai, hte num shaw la shaw amu galaw ma ai. Ru hka amu law jat wa ai hte dai mung e masha sat ai amu kahtap gala byin nga ai.

JAW JAU 19:11

“Masha arai hkum lagu; maw sha mawp sha ai hte masu magaw ga hkum tsun myit.

JAW JAU 19:12

Nye a ga sadi hkan shatup na matu n myit shatawng ai rai yang, nye a mying ningsang hte dai hpe hkum tawn da myit; dai gaw nye a mying hpe jahpoi kau na rai myit dai. Ngai gaw dai Madu nanhte a Karai Kasang rai nga nngai.

AMO LAIKA (AMOS) 3:10

Dai Madu gaw, “Ndai masha ni gaw shanhte a nga shara ni hta ru hka amu hte kashun kashe du daw sai hkaw amu ni hte jahpring da nga ma ai. Shanhte pyi gara hku ding man na lam hpe n chye nga ma ai.

ZEHKARIA 5:4

Chyahtum Chyalai N-gun rawng ai dai Madu gaw ndai dagam dala ga hpe shapraw dat na lam tsun wu ai; dai gaw lagu ai masha shagu a nta de dagam let masu magaw ga tsun ai masha shagu a nta de shang na mara ai. Dai gaw shanhte a nta hta naw ngam nga nna shanhte hpe jahten sharun tawn na mara ai,” ngu nna tsun ai.

ZEHKARIA 8:17

Langai hte langai hpe machyi hkra shangun ai lam hkum maw mawn myit. Dagam dala ga hte sakse hkum hkam myit. Ngai gaw masu magaw ai, n teng n man ai hte kashun kashe du daw sai hkaw amu galaw shapraw ai hpe n dawng nngai.”

MALAHKI 3:5

Chyahtum Chyalai N-gun rawng ai dai Madu gaw, “Nanhte hpe tara jeyang na matu ngai du sa nna shaba wawt ai ni, numshaw lashaw ai ni, masu let dagam ai ni bungli galaw masha ni a shabrai masu hkalem sha ai ni, gaida ni, jahkrai nmai ni hte maigan masha ni hpe zai hku nna roi rip ai ni hte ngai hpe n hkrit hkungga ai ni hpe kalang dat ngai sakse tai na nngai,” ngu tsun ai.

MALAHKI 4:6

Shi gaw kawa ni hte kashu kasha ni hpe bai shinggyin da na ra ai; dai n rai yang, ngai du sa nna nanhte a mungdan hpe jahten sharun kau ya na made ai.”

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

LUKA 21:35

Hpa majaw nga yang, dai nhtoi gaw ga ntsa shara shagu hta nga nga ai masha ni yawng a ntsa e shing rai du na ra ai.

EHPESU 4:28

Lagu ga ai wa gaw, lagu lagut amu tawn kau nna bai hkum lagu u ga, ra kadawn nga ai ni hpe karum la lu hkra tinang a matu teng man ai kan bau ai asak hkrung lam lu la hkra amu galaw hpang u ga.

1 TIMOHTI 1:9

Kaja wa nga yang anhte a myit chye na da ra ai lam gaw; dai jep ai Tara gaw kaja ai masha ni a matu n rai; tara tawt lai ai ni hte si ging ai mara kaba lu ai ni, Karai kata ai hte yubak lu ai ni, nawku htung n hkan ai ni, makam masham shing n rai wenyi lam hta myit n lawm ai ni, tinang a kanu kawa ni hpe sat ai ni, masha sat ai ni a matu,

YAKU 5:12

Dai hta n ga nye a hpu nau ni e, nanhte ga sadi tawn ai shaloi dagam dala ga hkum lang myit. Sumsing lamu shing n rai ginding aga shing n rai hpa hpe rai ti mung gang nna hkum dagam myit. Nanhte tsun ai ga gaw “Re ai,” rai yang re ai; “N re ai,” rai yang n re ai ngu nna sha tsun mu, shaloi nanhte gaw Karai Kasang a daw dan ai kaw na lawt lu na myit dai.

YAKU 5:4

Nanhte gaw nanhte a yi sun hkauna ni hta amu bungli galaw ai masha ni hpe hpa shabrai mung n jaw myit dai. Shanhte aput angun ai nsen ni hpe madat yu mu! Nanhte a nsi naisi ni hpe dan shinggyin ya ai ni a marawn jahtau ai nsen gaw daru magam rawng ai Madu Karai Kasang a na hta hkrang shang wa sai.

YAWSHU 9:20

Anhte a ga sadi a majaw shanhte hpe jahkrung da saga, anhte shing n di ai rai yang, Karai Kasang anhte hpe ari jaw na mi ai.

SHINGRAN 21:8

Rai ti mung, hkrit ai myit rawng ai ni, n kam n sham nna sadi n dung ai ni, n hkru n kaja matsat shabat re ai ni, masha sat ai ni, hpye ai amu galaw ai ni, mandan lakle galaw ai ni, sumla nawku ai ni hte, masu magaw ga tsun ai ni yawng hte gaw, wan hte kan grung ai nawng hta ari hkrum lu na mara ai: dai gaw lahkawng lang na si ai lam rai nga ai, nga nna ngai hpe tsun ai.

SHINGRAN 22:15

Rai ti mung, masha zawn pyi n rai hkra n hkru n kaja ai ni, mandan lakle galaw ai ni, hpye ai amu galaw ai ni, masha sat ai ni, sumla nawku ai ni hte masu magaw lam sharawng awng let hkan galaw ai ni yawng hte gaw, mare shinggan e nga lu na mara ai nga nna ngai hpe tsun nngai.