ZEHKARIA 5:2 - Jinghpaw Common Language Bible 2009

² Dai lamu kasa gaw ngai hpa mu ai hpe san wu ai. Shaloi ngai gaw, “Laika katsu langai nbung hta pyen yawn nga ai; dai gaw galu de pe 30, nda maga pe 15 rai nga ai,” ngu nna htan we ai.

Jinghpaw Hanson Version Bible

² Shaloi shi gaw, “Nang hpa mu n ta?” nga nna ngai hpe san yang, “Pyen yawn nga ai laika katsu hpe mu nngai; de a galu de dawng hkun, nda de dawng shi rai nga ai,” ngu nna htan nngai.

ZEHKARIA 5:2 ပူးပေါင်းရင်းမြစ်များ

YEREMIA 36:2

“Laika katsu langai la nhtawm ngai nang hpe tsun dan sai Israela, Yuda hte amyu baw ni yawng hpe lakap ai magup sumhpa lam ni hpe dai hta e ka tawn u. Dai sha n-ga, Yoshia hkawhkam tai nga ai shaloi, ngai nang hpe shawng shaga ai shani kaw nna dai ni du hkra ngai nang hpe tsun sai ga mahkra ka tawn u.

AMO LAIKA (AMOS) 7:8

Shi gaw ngai hpe, “Amo e, nang hpa mu n ta?,” ngu nna san wu ai. Ngai gaw, “Shadawn sumri langai,” ngu nna htan we ai. Dai hpang, shi gaw, “Nye a amyu masha ni gaw n ding ai bunghku zawn rai nga ma ai hpe madun dan na matu dai hpe ngai lang nngai. Shanhte hpe ari jaw na lam hte seng nna nye a myit bai galai mat na ra ai n rai.

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!

ZEHKARIA 4:2

“Nang hpa mu n ta?,” ngu nna san wu ai. Shaloi ngai gaw, “Ja hte galaw ai pyengdin shadun langai mu nngai. De a ntsa e sau bang na ndi langai hte dai pyengdin shadun hta pyengdin sanit nga nhtawm, langai hte langai hta wan shat sanit a matu shara ni nga nga ai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.

SHINGRAN 18:5

Hpa majaw nga yang, shi a yubak mara ni lamu dep hkra sumpum taw nga ai rai nna, Karai Kasang gaw shi a n hkru n shawp ai lam ni hpe myit dum matsing da nu ai.