ZEHKARIA 4:2 - Jinghpaw Common Language Bible 2009

² “Nang hpa mu n ta?,” ngu nna san wu ai. Shaloi ngai gaw, “Ja hte galaw ai pyengdin shadun langai mu nngai. De a ntsa e sau bang na ndi langai hte dai pyengdin shadun hta pyengdin sanit nga nhtawm, langai hte langai hta wan shat sanit a matu shara ni nga nga ai.

Jinghpaw Hanson Version Bible

² “Nang hpa mu n ta?” nga nna ngai hpe san yang, ngai gaw, Ngai mada yu nna, “yu u, ja hte galaw ai pyengdin shadun hpe ngai mu nngai; de a matu e sau di langai mi hte pyengdin sanit rai nga ai; dai pyengdin langai hte langai a matu sau pyawng sanit matut nga ai:

ZEHKARIA 4:2 ပူးပေါင်းရင်းမြစ်များ

2 HKAWHKAM LABAU 13:11

Shanhte gaw jahpawt shagu, shana de shagu shi hpe manam pyaw ai baw hte yam nga hkungga ni hpe hkum ting nat nawng ma ai. Shanhte gaw htung hte maren san seng ai ku ntsa e muk hkungga ni hpe nawng ya nhtawm, shana de shagu ja pyengdin shadun ntsa e pyengdin ni hpe shatu da nga ma ai. Dai Madu hkang da sai hte maren anhte galaw ga ti mung nanhte mahtang shi hpe kau da nga myit dai.

2 HKAWHKAM LABAU 4:7

Shanhte gaw lang nga ai kasi hte maren, ja pyengdin shadun 10 hte ku 10 hpe galaw nhtawm Nawku Htingnu a gawk kaba hta pyengdin shadun manga hte ku manga de garan tawn da ma ai. Shanhte gaw ja ban latsa hpe mung galaw da ma ai.

HPAJI NINGLI 12:6

Gumhpraw saidawng di mat na ra ai; aja pyengdin mung hkrat ga mat na ra ai, hka htung sumri di mat na ra ai, hka di bu mung ga gamang mat na ra ai.

YEREMIA 24:3

Dai hpang dai Madu gaw ngai hpe, “Yeremia e, nang hpa mu n ta?,” nga nna san ai. Ngai gaw, “Lakum si ni hpe mu nngai; kaja ai lakum si ni gaw grai kaja nna, n kaja ai lakum si gaw sha n mai hkra, n kaja nga ai,” ngu nna htan nngai.

YEREMIA 52:19

Shanhte gaw aja gumhpraw ni hte galaw da ai ban jarung ni hte wan n-ga mara lang ai di ni, shagu hkungga nawng jau ai kaw na sai lapri yang lang ai jarung ban ni, wan n-wu dagawt kau ai ban pa ni, pyengdin shadun ni, manam pyaw ai baw hkungga nawng jau yang lang ai jarung ni hte sabyi hkungga ru jaw ai shaloi lang ai jarung nga manga mahkra hte hpe mung la mat wa ma ai.

AMO LAIKA (AMOS) 7:8

Shi gaw ngai hpe, “Amo e, nang hpa mu n ta?,” ngu nna san wu ai. Ngai gaw, “Shadawn sumri langai,” ngu nna htan we ai. Dai hpang, shi gaw, “Nye a amyu masha ni gaw n ding ai bunghku zawn rai nga ma ai hpe madun dan na matu dai hpe ngai lang nngai. Shanhte hpe ari jaw na lam hte seng nna nye a myit bai galai mat na ra ai n rai.

ZEHKARIA 5:2

Dai lamu kasa gaw ngai hpa mu ai hpe san wu ai. Shaloi ngai gaw, “Laika katsu langai nbung hta pyen yawn nga ai; dai gaw galu de pe 30, nda maga pe 15 rai nga ai,” ngu nna htan we ai.

SHINGRAN 1:12

Shing rai ngai hpe shaga nga ai wa gaw kadai wa rai nga ai kun? ngu mu lu na matu ngai kayin yu dat yang, ngai gaw ja pyengdin sanit hte,

SHINGRAN 1:20

Nye a hkra lata hta nang mu lu ai shagan sanit hte ja pyengdin sanit a makoi magap da ai lachyum gaw da ndai rai nga ai: shagan sanit hte gaw hpung sanit hpe sin ai lamu kasa sanit rai nna, pyengdin sanit gaw dai hpung sanit rai nga ai.

SHINGRAN 4:5

Dai tingnyang kaw nna myihprap gala ai, ngoi agung ai nsen, mu ngoi ai zawn nga ai nsen ni ngoi pru wa ai. Dai tingnyang a man e mung, Karai Kasang a Wenyi sanit ngu ai shachyi tawn da ai wan shadaw sanit htoi tu nga ai.