ZEHKARIA 3:3 - Jinghpaw Common Language Bible 2009

³ Yawshu gaw agang chyalang re ai hpun palawng bu hpun nna dai yang e tsap nga ai.

Jinghpaw Hanson Version Bible

³ Ya Yoshua gaw, agang chyalang re ai hpun palawng bu hpun nna, lamu kasa a man e tsap nga ai.

ZEHKARIA 3:3 ပူးပေါင်းရင်းမြစ်များ

EZRA 5:2

Shelatila a kasha Zerubabela hte Yehozadak a kasha Yawshu yan gaw shan a mungga na jang, Yerusalem na Nawku Htingnu hpe bai galaw hpang wa ma ai rai nna, myihtoi lahkawng yan mung shan hpe karum lawm ma ai.

EZRA 9:15

Madu Israela a Karai Kasang e, nang gaw teng man ai wa rai nga ndai; rai ti mung anhte hpe naw jahkrung da shangun nga ndai. Anhte gaw na a man e anhte a mara hpe yin la ga ai; anhte gaw na a man e dawng pru na ahkang lu ga ai n rai.”

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

ESAIA 64:5

Nang gaw ding man ai amu galaw nga ai ni hta kabu gara lam mu tam ai ni hte, shanhte asak hkrung nga na matu nang kade daram ra sharawng nga ndai hpe adum nga ai ni hpe nang hkalum la nga ndai. Nang anhte hpe masin pawt ndai, rai ti mung anhte gaw yubak matut galaw nga ga ai; na a kaba la ai sindawng kahtet ai lam madun dan nga ti mung, moi chyaloi nhkoi kaw na anhte gaw shut hpyit amu matut galaw saga ai.

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

Daniela 9:18

O karai Kasang e, anhte a ga madat ya mi; anhte hpe mada yu nna anhte hkrum sha ai tsin-yam tsindam hpe mung, na a mying gang ai mare a nni nkri hpe mung mu ya e. Anhte gaw jaw ai amu galaw ga ai majaw n rai, nang nan matsan dum ai wa rai nga ndai majaw sha nang kaw anhte akyu hpyi nga ga ai.

YAKU 2:2

Ga shadawn, lu su ai masha langai mi gaw ja lachyawp chyawp nna reng ai hpun palawng bu hpun ai wa langai mi hte matsan ai masha langai mi ashep ashin re ai hpun palawng bu hpun nna nanhte a hpawng de sa wa ai ngu ga,

YUDA 1:23

Bai kaga nkau mi hpe wan hta na gare la ai zawn hkye hkrang la mu. Bai kaga nkau mi hpe hkrit kang ai hte matsan dum nga mu, rai ti mung shanhte hkum shan ngang kayut ai hta na matsat shabat kap nga ai hpun palawng ni hpe pyi n dawng n yawt nga mu.

SHINGRAN 19:8

hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)