ZEHKARIA 2:3 - Jinghpaw Common Language Bible 2009

³ Dai hpang, ngai hpe ga sa shaga ai lamu kasa gaw shawng de lahkam htawt lung wa yang, kaga lamu kasa mahtang shi hpe sa hkrum nga ai hpe ngai mu nngai.

Jinghpaw Hanson Version Bible

³ Shaloi, yu u, ngai hte ga tsun ai lamu kasa gaw pru wa nna, kaga lamu kasa gaw shi hpe tau la let,

ZEHKARIA 2:3 ပူးပေါင်းရင်းမြစ်များ

ZEHKARIA 1:19

Ngai gaw ngai hpe ga shaga nga ai lamu kasa hpe, “Ndai nrung ni gaw hpa baw ni rai ta?,” ngu nna san we ai. Shi gaw, “Shanhte gaw mungkan ga a daru magam n-gun ni a matu rai nna, dai ni gaw Yuda mung, Israela mung hte Yerusalem mare masha ni hpe shabra kau dat manu ai,” ngu nna htan wu ai.

ZEHKARIA 2:4

Shawng na wa gaw kaga wa hpe, “Shadawn sumri lang ai shabrang wa hpang de kagat let ning ngu tsun su; Yerusalem hta grai law ai masha ni hte yam nga hpung ni nga nga ma ai majaw bunghku kum na matu nau kaba ai mare tai na ra ai.

ZEHKARIA 4:1

Ngai hpe ga shaga yu sai dai lamu kasa gaw ngai kaw bai sa du nna yup pyaw nga ai hpe jasu ai zawn ngai hpe jasu nna shi gaw,

ZEHKARIA 4:5

Shi gaw ngai hpe, “Nang n chye n ni?,” ngu nna san wu ai. Shaloi, ngai mung, “N rai law, Madu e, ngai n chye nngai,” ngu nna htan we ai.

ZEHKARIA 5:5

Dai lamu kasa gaw bai dan pru nna, “Yu u! Arai lama mi du ra ai!,” ngu nna tsun wu ai.