ZEHKARIA 10:3 - Jinghpaw Common Language Bible 2009

³ Dai Madu gaw, “Nye a amyu masha ni hpe up ai maigan masha ni hpe ngai pawt bu nngai majaw, shanhte hpe ari jaw na mawe ai. Yuda amyu masha ni gaw nye a rai nga li ai majaw, Chyahtum Chyalai N-gun rawng ai dai Madu ngai nan shanhte hpe bau sin na nngai. Shanhte gaw n-gun ja ai majan gumra ni tai na mara ai.

Jinghpaw Hanson Version Bible

³ “Ngai gaw sagu rem ai ni hpe, pawt kahtet nga nna, namla ni hpe, ari jaw na nngai: kaning rai nme law, Zaw nawng zaw wa up ai Yehowa gaw, shi a sagu hpung ngu ai, Yuda dap hpe kawan katsan yu nna, shanhte hpe, hpyen shani na laring gumra zawn, shatai na ra ai.

ZEHKARIA 10:3 ပူးပေါင်းရင်းမြစ်များ

YOBA 39:25

Pahtau dum dat shagu shanhte a nsen sharat nga ma ai; shanhte garai n kahtep sa wa yang, hpyen majan sama rai nga ai hpe chye lu ma ai; shing rai du salang ni jahtau garu hkang dat ai ga ni hpe shanhte na ma ai.

PRU MAT 4:31

Dai Madu mung shanhte kaw du sa nna shanhte kade mazut ai hku adip arip hkrum sha nga ma ai hpe mu mada ya nu ai lam hpe shanhte na ma ai shaloi, kam sham ai hte gum dagup nna nawku ma ai.

GA SHAGAWP 21:31

Majan gasat na matu, hpyen gumra ni hpe lu shajin da tim; awng padang jaw ya ai gaw dai Madu sha rai nga ai.

Shawlumon A Mahkawn Ga 1:9

Nye a tsaw ra n ja jan e, nang gaw Hpara-u leng ni hta lang ai gumra ni hpe gumra yi gaw yu katu kahtet nga ai zawn, lasha ni hpe yu n dawt nga ndai.

ESAIA 10:12

Rai ti mung Madu gaw, “Ziun Bum ntsa hte Yerusalem hta ngai galaw ra ai amu ngut boi ai shaloi, ngai gaw Asuri hkawseng wa hpe shi a shakawng shakat ai hte gumrawng gumtawng ai lam yawng a majaw ari jaw na we ai,” ngu nna tsun ai.

ESAIA 24:21

Dai Madu gaw matsaw ntsa na daru magam n-gun rawng ai ni hte ga ntsa na up hkang du salang ni hpe ari jaw ai shaloi, dai aten gaw du wa nga ai.

YEREMIA 10:21

Ngai gaw, “Anhte a ningbaw ni myit n su ma ai; shanhte gaw lam woi ningshawng tai ya na matu dai Madu kaw n hpyi ma ai. Dai re ai majaw shanhte hkrat sum mat ma ai, anhte a amyu masha ni shabra kau hkrum nga masai.

YEREMIA 11:22

Dai rai nna, Chyahtum Chyalai N-gun Rawng ai dai Madu gaw, “Ngai shanhte hpe ari jaw na we ai! Shanhte a shabrang ni gaw majan pa hta sat kau hkrum na mara ai; shanhte a shayi shadang sha ni mung kawsi hpang gara ai hte si mat na mara ai.

YEREMIA 25:12

Dai hpang, ngai gaw Babelon amyu masha ni hte de a hkawhkam wa hpe shanhte galaw ai yubak mara a majaw, ari jaw na we ai. Ngai gaw dai mungdan hpe jahten sharun kau nna prat dingsa katsi katsang shara shatai kau na we ai.

YEREMIA 25:34

Ningbaw ni e hkrap nga mu, nye a amyu masha ni hpe bau rem ai ni e, ja ja marawn hkrap nga mu! Yawn hkyen sharung shayawt ai hte ga nhpu e galwi nga mu. Nang hpe sat kau na aten du ra ai rai nna, sagu la ni hpe zawn nang sat kau ai hkrum na rai ndai.

YEREMIA 50:6

“Nye a amyu masha ni gaw sagu rem ai ni shanhte a sagu ni hpe bum ga hkan dat shadam kau ai ni zawn rai nga masai. Sagu ni gaw shanhte a sagu lawng ni hpe malap kau nna bum shara mi kaw nna shara mi de kahkrang nga ma ai zawn, shanhte mung kahkrang jawt hkawm nga masai.

EZEKELA 34:11

“Ngai nan nye a sagu ni hpe hkan yu nna shanhte hpe lanu lahku na nngai ngu nna Tsaw Htum ai dai Madu ngai nan nanhte hpe tsun nga nngai.

EZEKELA 34:12

Sagu rem wa gaw bra hkawm nga ai shi a sagu ni hpe bai shinggyin da nna lanu lahku ai hte maren, lamu sin mak mat nna tsin-yam hkrum ai shani e, shanhte bra hkawm mat wa ai shara shagu hkan na shanhte hpe bai woi wa na nngai.

EZEKELA 34:2

Shi gaw, “Si chye ai masha wa e, Israela a du ni hpe jahpoi u. Tsaw Htum ai dai Madu ngai nan shanhte hte seng nna tsun ai myihtoi ga ni hpe htoi u: Israela a sagu rem ni e, nanhte gaw dingnye hkrum nga myit dai! Nanhte gaw tinang hkum hpe sha bau nna, sagu ni hpe galoi mung bau rem nga myit dai n rai.

Daniela 11:32

Shanhte a nawku makam masham hpe kabai kau da masai ni a karum la lam hpe hkawhkam wa hkalem la lu na ra ai, rai ti mung Karai Kasang a hpang hkan ai ni shanhte hpe nhtang gasat na mara ai.

ZEHPANI 1:8

Dai Madu gaw, “Sat nawng ya ai shani e, du magam ni, hkawhkam kasha ni hte maigan htung hkan ai ni yawng hte hpe ari jaw na nngai.

ZEHPANI 2:7

Naw ngam nga ai Yuda amyu masha ni gaw nanhte a lamu ga hpe madu la kau ya na mara ai. Shanhte gaw shanhte a sagu hpung ni hpe ushat shayaw nna Ashkelon mare na nta ni hta yup na mara ai. Dai Madu shanhte a Karai Kasang gaw shanhte hte rau nga nga nna shanhte hpe kalang mi bai ngamu ngamai shangun na ra ai.

ZEHKARIA 11:17

Dai manu n dan ai sagu rem wa gaw dingnye hkrum nga ai! Shi gaw shi a sagu hpung hpe kau da nga ai rai nna, hpyen majan gaw shi a daru magam n-gun hpe tsep kawp jahten kau na ra ai. Shi a lahpum nyui mat nna, shi a hkra maga na myi, kyaw mat na ra ai,” ngu nna tsun wu ai.

LUKA 1:68

“Dai Madu Israela a Karai Kasang hpe shakawn kungdawn shagrau sha-a nga ga law! Shi a amyu Israela hpe karum la na kawan yu sa nna shanhte hpe shalawt dat nu ai.

1 PETRU 2:12

Tara maigan de na ni nanhte hpe n hkru n kaja ai lam galaw ai ni re ngu nna shadu myit yang, nanhte a kaja ai amu mu lu nna dai Madu bai du sa ai Nhtoi hta Karai Kasang hpe shakawn shagrau mu ga, nanhte gaw shanhte a man e nanhte a arawn alai lam hta tsawm htap kup tsup nga myit ga law.

RUHTA 1:6

Aten ladaw mi na ai hpang, dai Madu gaw shi a amyu masha ni hpe nsi naisi kaja kat shangun ai hte shaman ya ai shiga hpe Naomi na wu ai shaloi, shi a kanam yan hte rau Moba mung kaw nna rawt pru mat wa na shajin da wu ai.