ZEHKARIA 10:2 - Jinghpaw Common Language Bible 2009

² Amyu masha ni chyawm gaw hpara sumla ni hte shaba wawt ai ni hte ga shaga ma ai; rai ti mung, shanhte lu la ai mahtai ni gaw masu magaw ga ni hte ga laban ni hkrai rai nga ai. Nkau mi mahtang yup mang htai ma ai; rai ti mung dai gaw nanhte hpe lam shadam kau nga ai; shanhte jaw ai shalan shabran ga mung kaman lila rai nga ai. Dai rai nna amyu masha ni gaw mat mat ai sagu ni zawn, lam dam nga ma ai. Shanhte gaw ningbaw n lu ma ai majaw ru yak tsin-yam tsindam hkrum nga ma ai.

Jinghpaw Hanson Version Bible

² Terahpim sumla ni chyawm gaw, ga kaman tsun nna, shaba wawt ai ni, masu ai shingran mu ma ai; shanhte gaw n teng ai yup mang htai dan nna, shanhte a shalan shabran ai ga, kaman lila rai nga ai: dai re ai majaw, mung masha ni gaw, sagu zawn lam dam nna, sagu rem wa n nga ai majaw, ruyak ai hkrum ma ai.

ZEHKARIA 10:2 ပူးပေါင်းရင်းမြစ်များ

NINGPAWT NINGHPANG 31:19

Ya Laban gaw sagu mun rep na nga, hkawm mat wa ai laman e, Rahkela gaw nta na gumgun gumhpai hpara sumla ni hpe lagu mat wa ya wu ai.

1 HKAWHKAM 22:17

Mihkaia gaw, “Sagu rem wa n nga ai sagu ni zawn dai Israela hpyen luksuk ni kawng jinghkang hkan e bra ayai nga ma ai hpe ngai mu nngai. Dai Madu gaw, “Ndai masha ni ningbaw n lu ma ai; tinang nang a nta de ngwi ngwi pyaw pyaw hte wa kau shangun mu,’” ngu tsun wu ai, nga nna htan wu ai.

YOBA 13:4

Nanhte gaw masu ga ni hte nanhte a angawk angak lam hpe htinggrum da nga myit dai; nanhte gaw kadai hpe mung n chye tsi shamai ya lu ai sara wun ni zawn rai nga myit dai.

YOBA 21:34

Dai re ai mi, nanhte gaw! Nanhte gaw ngai hpe hpa lachyum n pru ai ga hte shalan shabran shakut myit dai! Nanhte jaw ai mahtai shagu gaw masu magaw ga hkrai rai nga a hka!

ESAIA 41:29

Ndai karai ni yawng kaman lila ni rai nga ma ai; shanhte gaw kaja wa hpa n lu galaw ma ai- ndai hpara sumla ni gaw n-gun kya ai hte daru magam n-gun n rawng nga ma ai.”

ESAIA 44:25

Ngai gaw gumhpan hpan ai wa a angawk ai lam ni hpe shadan dan nna, shata shagan shaba wawt ai ni a tau tsun ga ni hpe shamak ya nngai. Hpaji chye ai wa a ga ni hpe ngai jashuk ai hte shanhte a hpaji byeng-ya gaw angawk angak lam rai nga ai hpe madun dan nngai.

ESAIA 44:9

Hpara sumla tawk ai ni gaw kaman lila rai nga ma ai, shanhte manu shadan ai hte tawk da ai karai ni gaw asung n shang nga ai. Ndai karai ni hpe nawku ai ni gaw myi kyaw ai hte hpa mung n chye ma ai-shanhte gaw kaya kahpa hkrum na mara ai.

ESAIA 46:5

Dai Madu gaw, “Nanhte ngai hpe kadai hte shabung yu na myit ni?,” ngu nna tsun ai. “Ngai hte bung ai wa nga nga a ni?

YEREMIA 10:8

Shanhte yawng myit n su ai hte angawk angak re ai ni rai ma ai. Hpun hte tawk ai hpara sumla ni kaw na hpa baw a lam hpe shanhte sharin la lu nga ma ta?

YEREMIA 14:13

Dai hpang, ngai gaw, “Tsaw Htum ai Madu e, nang ga sadi tawn da nit dai hte maren, shanhte gaw anhte a mungdan hta ngwi pyaw sim sa ai chyu sha a nga nga na ra ai nga nna tsun ma ai majaw, myihtoi ni gaw amyu masha ni hpe majan hte kawsi hpang gara ai hkrum na n rai, nga nna tsun nga ma ai hpe nang chye nga ndai,” ngu nna tsun ni ai.

YEREMIA 14:22

Masha amyu baw ni a hpara sumla ni kadai mung marang n lu jahtu ya nga ai; lamu gaw shi hkrai marang jahtu lu nga ai n rai; O Madu anhte a Karai Kasang e, anhte gaw nang hpe myit mada nga ga ai. hpa majaw nga yang, nang gaw ndai amu ni hpe galaw ai wa nan rai nga ndai.

YEREMIA 23:17

Ngai tsun ai ga hpe madat hkam la na matu lale ai amyu masha ni hpang de shanhte hte rau hkawm sa ai rai yang, lam shagu hta mai kaja wa na ra ai nga nna shanhte matut tsun ma ai. Dai zawn adu ja nga ai ni langai hte langai hpe tsin-yam tsindam hkra lu na ra ai n rai, nga nna shanhte hkaw tsun na mara ai,” ngu nna tsun wu ai.

YEREMIA 23:32

Dai Madu ngai nan tsun ai ga hpe madat mu! Masu magaw ga amyu amyu hte hpring nna, shanhte a yup mang shingran ni hpe tsun hkai ai myihtoi ni hpe ngai hkap daw na nngai. Shanhte a masu magaw ga ni, kaman lila grang ai ga ni, ndai yup mang shingran ni tsun hkai ai hte nye a amyu masha ni hpe lam woi shadam nga ma ai. Ngai gaw shanhte hpe shangun dat ai n rai, shanhte gaw ndai amyu masha ni a matu dik nna hpa karum shingtau ya lu ma ai n rai. Dai Madu ngai nan tsun ni ai,” ngu nna tsun ai.

YEREMIA 27:10

Shanhte gaw nang hpe masu hkalem nga ma ai, nang hpe na a mungdan kaw na tsan tsan de woi mat wa na matu amu shabyin nga ma ai. Ngai gaw nang hpe shaden kau na nngai, nang gaw shamyit kau ai hkrum na rai ndai.

YEREMIA 27:14

Shi hpe dingnyawm asum n hkam na matu tsun ai myihtoi ni a ga hpe hkum madat nga myit. Shanhte gaw nanhte hpe masu hkalem nga ma ai.

YEREMIA 27:9

Babelon hkawhkam wa a ga n madat n mara lu na nga nna nanhte hpe tsun ai nanhte a myihtoi ni a ga hte du na ra ai aten a lam hpe tsun lu ai wa langai ngai a ga, yup mang mu ai wa a ga, si mat sai ni a wenyi minla hpe jasu sharawt shaga ai hte gumhpan hpan ai ga ni hpe hkum madat nga myit.

YEREMIA 28:15

Dai hpang ngai gaw Hanania hpe ndai lam matut tsun ni ai, “Hanania e, madat u! Dai Madu gaw nang hpe shangun dat ai n rai; Nang gaw ndai amyu masha ni hpe masu ga tsun nna kam shangun nga ndai.

YEREMIA 29:8

Nanhte kaw hkan nga nang ai myihtoi ni hte shanhte chyu sha du na ra ai aten a lam hpe lu tsun dan ai nga nna tsun ai kaga masha ni hku nna mi rai tim, nanhte hkum nan masu hkalem ai n hkrum myit ga, dai Madu Israela a Karai Kasang ngai nan nanhte hpe shadum jahprang sadi jaw nga nngai. Shanhte a yup mang ni hpe hkum kam myit.

YEREMIA 37:19

Babelon hkawhkam wa gaw nang hte na a mungdan hpe htim gasat na n rai, nga nna nang hpe tsun ai na a myihtoi ni hta hpa baw byin sani?

YEREMIA 50:17

Dai Madu gaw, “Israela amyu masha ni gaw hkanghkyi ni e shachyut jahtaw kau dat ai sagu ni zawn rai ma ai. Shanhte gaw shawng nnan e Asuri hkawseng wa htim gasat ai hkrum ma ai; dai hpang Babelon Hkawhkam Nebuhkadneza gaw shanhte a nrut nra ni hpe makrut sha kau nu ai.

YEREMIA 51:23

sagu rem ai ni hte sagu hpung ni hpe sat sharu kau na matu mung, hkauna galaw ai ni hte ga shawt ai gumra ni hpe sat sharu kau na matu mung, mung up du ni hte lahta tsang du salang ni hpe agrawp mani kau na matu mung, nang hpe lang ni ai,” ngu nna tsun ai.

YEREMIA 6:14

Masha yawng hte wa n hkam kaja nga yang, ‘Yawng hkra hkam kaja nga ga ai,’ nga nna shanhte tsun let, nye a amyu masha ni a nma ni gaw mahkyit agret kau ai zawn chyu sha rai nga ai ngu, shanhte myit nawn la ma ai.

YEREMIA 8:11

Masha yawng hte wa n hkam kaja nga yang, ‘Yawng hkra hkam kaja ga ai,’ nga nna shanhte tsun let nye a amyu masha ni a nma ni hpe mahkyit agret kau ai zawn chyu, shanhte nawn la ma ai.

SHARUNG SHAYAWT 2:14

Na a myihtoi ni gaw masu magaw ga htoi ai hta jan nna hpa mung nang hpe n tsun yu mu ai; Shanhte a hkaw tsun ai myihtoi ga gaw na a shut hpyit ai mara hpe n tsun shapraw, n madun dan ai hku nna, nang hpe masu hkalem kau nu ai. Nang gaw myit malai n lu ra nit dai nga nna, shanhte nang hpe myit sawn kau shangun mu ai.

EZEKELA 21:21

Babelon hkawhkam gaw dai lam lahkawng a nbraw e jung da ai masat shara hta tsap nga ai; shi gaw gara lam de pru sa na chye la na matu, ndan pala ni garu nhtawm shi a hpara sumla ni hpe san yu nna, hkungga nawng jau ya ai dusat a sinpai hpe jep yu nga ai.

EZEKELA 21:29

Nang mu ai shingran ni gaw n teng n man nga ai; nang tau tsun da ai shaba wawt ga ni gaw masu ai lam hkrai rai nga ai. Nang gaw n tara ai hte n hkru ai wa rai nga ndai; na a aten ngu ai jahtum na ari jaw ai na a nhtoi gaw du wa nga ai. Dai nhtu gaw na a du ntsa e mara taw nga sai.

EZEKELA 34:5

Sagu rem n nga ai majaw, shanhte bra ayai mat nga yang, nam na matse labye ni e kawa sat ai hte sha kau ma ai.

EZEKELA 34:8

Ngai gaw teng teng ahkrung nga ai Karai Kasang rai nga nngai, dai majaw nanhte gaw ngai tsun ai ga hpe madat la nga myit dai. Ndai shara hta sagu rem ai wa n nga ai majaw, nye a sagu ni gaw nam na matse labye dusat ni e gasat hkrum nna sat kau ai hte sha kau hkrum nga ma ai. Nye a sagu rem ni gaw sagu ni hpe n hkan tam shakut ma ai. Shanhte gaw tinang hkum hpe sha lanu lahku nna sagu ni hpe bau maka nga ai n rai.

HOSEA 3:4

Ndai lam zawn, Israela amyu masha ni gaw aten na na wa hkawhkam ni n lu, ningbaw ni mi n nga, shagu hkungga mi n nawng, chyoi pra ai nlung shadaw ni kata, hpara sumla mi n nga, shaba wawt yang lang na hkrang sumla ni n lu ai, nga nga na mara ai.

MIHKA 2:12

“Rai ti mung, nanhte Israela amyu masha ni hta na naw ngam nga ai ni yawng hte hpe ngai shinggyin da na we ai. Sagu ni gaw shanhte a ulawng de nhtang wa ma ai zawn, ngai nang hpe bai jahpawng la na nngai. Sagu ni hte hpring nga ai udat shara zawn na a lamu ga gaw masha law law hte kalang mi bai hpring chyat wa na mara ai.”

HABAKU 2:18

Hpara sumla gaw hpa baw akyu pru nga a ta? Dai gaw masha e tawk tawn ai arai langai mi sha rai nna, nanhte hpe masu hkalem, lam woi shadam ai hta jan nna shi hpa tsun dan lu nga ai n rai. Dai hpe tawk ai lasama wa shi galaw ai amu hta kam hpa ai gaw shi hta hpa akyu n rawng nga ai-dai karai gaw ga pyi n lu shaga nga ai!

ZEHKARIA 11:17

Dai manu n dan ai sagu rem wa gaw dingnye hkrum nga ai! Shi gaw shi a sagu hpung hpe kau da nga ai rai nna, hpyen majan gaw shi a daru magam n-gun hpe tsep kawp jahten kau na ra ai. Shi a lahpum nyui mat nna, shi a hkra maga na myi, kyaw mat na ra ai,” ngu nna tsun wu ai.

BU HKAWM 27:17

shanhte hpe majan gasat yang woi hkang lu ai masha langai mi san da ya u law; shaloi na a shawa hpung gaw rem ai wa n nga ai sagu zawn n rai mat mu ga,” ngu nna hpyi tsun wu ai.

MAHTE 9:36

Dai shawa hpawng ni hpe shi mu jang, shi shanhte hpe matsan dum da mu ai; hpa majaw nga yang, shanhte gaw sagu rem wa n nga ai majaw ru tsang hkrum ai hte bra mat wa ai sagu ni hte bung nga ma ai.

MARKU 6:34

Yesu li kaw na pru lung wa yang, masha wunawng kaba hpe shi mu mada wu ai shaloi shanhte gaw sagu rem ai wa n lawm ai sagu ni zawn rai nga ma ai majaw shi a myit masin hta shanhte hpe matsan dum ai myit hte hpring nga lu ai; dai rai nna shi shanhte hpe lam law law sharin shaga hpang wu ai.

TARA AGYI 18:14

Dai hpang Laisha mare grup yin hkan sa yu maram yu sai masha manga hte gaw shanhte a manang ni hpe, “Ndai yang na nta langai ngai hta gumhpraw hte sup da ai hpun hpara sumla nga ai hpe nanhte chye nga myit ni? Dai yang e kaga hpara sumla ni hte sinda magap langai mi mung nga nga ai. Anhte hpa galaw ang ai ngu nna nanhte myit nga myit ni?,” ngu nna tsun ma ai.