YUDA 1:9 - Jinghpaw Common Language Bible 2009

⁹ Lamu kasa agyi rai nga ai Mihkaela pyi gaw ndai lam n galaw wu ai. Mawshe a moi mang hpe kadai la ang ai ngu ai hte seng nna dai nat hte ga law dangrang hkat ai shaloi, Mihkaela gaw nat hpe mara shagun jahpyak ai ga n tsun wam ai. “Nang hpe Karai Kasang daru sharin shaga u ga!,” nga nna sha tsun ai.

Jinghpaw Hanson Version Bible

⁹ Dai lamu kasa agyi Mihkaela chyawm gaw, dai Nat hte ga law ga la nga yang, Mawshe a moi mang a lam ndang kalang hkat nga ai rai nna, shatan nhkan re ai dawdan ai ga, shi hpe n tsun wam ai sha, Dai Madu nang hpe daru kau u ga, ngu wu ai.

YUDA 1:9 ပူးပေါင်းရင်းမြစ်များ

1 HKAWHKAM LABAU 12:17

Dawi gaw shanhte hpe sa hkrum na nga pru sa wa let, “Manang zawn ngai hpe karum la na matu nanhte sa wa myit dai rai yang, nanhte hpe ndai yang e hkalum la nga nngai, anhte hte matut mat ga. Rai ti mung ngai nanhte hpe machyi n jahkrum ti mung nanhte ngai hpe nye a gumlau hpyen ni a lata de ap kau na yaw shada myit dai rai yang, anhte a kaji kawa ni a Karai Kasang gaw dai lam hpe chye ya ai hte nanhte hpe ari jaw na ra ai,” ngu nna tsun wu ai.

PRU MAT 22:28

“Karai Kasang hpe n sawn n sang hkum rai et; na a amyu masha ni hta na ningbaw wa hpe hkum matsa et.

Daniela 10:13

Persi mungdan hpe makawp maga ya ai dai lamu kasa hkawhkam kasha gaw hkun langai ya tup ngai hpe hkap shingdang da nga ai. Dai hpang lamu kasa ni a agyi Mihkaela gaw Persi mung e ngai chyu sha hti ngam nga ai majaw ngai hpe sa karum la nga ai.

Daniela 12:1

Lachyit nba hpun da ai dai lamu kasa gaw, “Dai aten hta, na a amyu masha ni hpe bau sin nga ai lamu kasa kaba Mihkaela dan pru wa na ra ai; shaloi masha amyu baw ni nga pra hpang wa ai aten kaw nna yak dik htum ai ru tsang hkrum aten du wa na ra ai. Dai aten du jang, Karai Kasang a jahpan laika hta mying rawng ai na a amyu masha ni yawng gaw hkye la ai hkrum na mara ai.

ZEHKARIA 3:2

Dai Madu a lamu kasa gaw Satan hpe, “Satan e, dai Madu nang hpe daw dan u ga! Yerusalem hpe tsaw ra ai dai Madu gaw nang hpe daw dan u ga! Ndai masha wa gaw wan hta na gare shaw la ai wan nhtaw langai zawn rai nga ai,” ngu nna tsun wu ai.

MARKU 15:29

Lam e lai sa wa nga ai ni mung tinang a baw ni hpe kanga let, “Aha! Nawku Htingnu hpe run kau nna masum ya na laman e bai de da na nga ai wa e!

TARA JAHPRANG 34:6

Dai Madu gaw shi hpe Bet Peora mare hte tawtap ngu na Moba mung na kadit langai mi hta lup makoi da ma ai; rai ti mung, dai ni du hkra shi a lupwa hpe kadai mung hkrak n chye lu nga ai.

1 HTESALONI 4:16

Dai Madu a jahtau garu ai hte hkang da ai ga, lamu kasa agyi a nsen, Karai Kasang a pahtau nsen hte Madu shi nan sumsing lamu kaw nna yu hkrat wa na ra ai. Hkristu hpe kam sham nna si mat wa ai ni gaw shawng numshawn e hkrung rawt wa na mara ai.

1 PETRU 3:9

N hkru n kaja ai hpe n hkru n kaja ai hte, matsa mawa dagam dala ga hpe matsa mawa dagam dala ga hte, bai hkum tai htang nga myit; shing rai na malai; shaman ya ai ga htang jaw mu; hpa majaw nga yang, dai shaman ga gaw shi nanhte hpe shaga la ai shaloi nanhte hpe jaw na matu ga sadi jaw da sai rai nga ai.

2 PETRU 2:11

Ndai masu ai sara ni hta grau nna n-gun atsam rawng ai lamu kasa ni pyi gaw Madu a man e shanhte hpe roi asawng ai hte mara shagun ai lam n galaw ma ai.

SHINGRAN 12:7

Dai hpang sumsing lamu hta e majan byin nga ai. Mihkaela hte shi a lamu kasa ni gaw, dai baren numraw hte gasat hkat nga ma ai; dai baren numraw mung shi a ali ama ni hte bai nhtang gasat ma ai.