YUDA 1:5 - Jinghpaw Common Language Bible 2009

⁵ Karai Kasang gaw Israela amyu masha ni hpe Egutu mung kaw na kalang mi gara hku shaw la sai hpang shi hpe n kam n sham ai ni hpe jahten shabya kau sai lam nanhte chye nga myit ti mung, nanhte hpe ngai bai shadum mayu nngai.

Jinghpaw Hanson Version Bible

⁵ Nanhte chyawm gaw, nlang hte hpe lang lata sha, chye nga myit timung, ngai nanhte hpe shadum jahprang mayu ai lam da ndai rai nga ai: dai Madu gaw Egutu mung de nna amyu baw hpe shaw la ngut jang, hpang de e n kam n sham ai ni hpe jahten kau mu ai:

YUDA 1:5 ပူးပေါင်းရင်းမြစ်များ

SHAKAWN KUNGDAWN 106:26

Dai re ai majaw, Madu shanhte hpe nam mali kata e, si jahtum kau shangun na wu ai majaw mung,

PRU MAT 12:51

Dai shani hta nan, dai Madu gaw Israela amyu bawsang ni hpe Egutu mung kaw na woi shapraw wa wu ai.

ROMA 15:15

Rai ti mung, ndai laika hta ginlam nkau mi hte seng nna nanhte hpe sadi jaw ai hta ngai gaw Karai Kasang jaw ai chyalai ahkaw ahkang a majaw nden ja ai hte ka dat nngai.

TARA JAHPRANG 1:32

Rai ti mung nanhte dabang but na shara tam nna nanhte sa wa na lam hpe madun na nga, shana e wan shadaw, shani e sumwi shadaw hte nanhte a shawng e shi tut nawng hkawm sa wa nga ai ngu nna ngai tsun tim pyi, nanhte gaw dai Madu hpe naw n kam n sham nga myit dai.

HEBRE 3:16

Karai Kasang a nsen hpe na nga ninglen, shi hpe gumlau ai ni gaw kadai ni wa rai nga ma ta? Shanhte gaw Egutu mung kaw nna Mawshe shaw woi wa ai ni yawng hte wa rai nga ma ai.

2 PETRU 3:1

Nye a tsaw ra ai manang ni e, ndai gaw ngai nanhte hpang de lahkawng lang ngu na ka dat ai laika rai li ai. Ndai laika lahkawng yan hta nanhte a san seng ai myit ni hte chye na na matu lawu na lam ni hte seng nna shadum dat made ai.

1 YAWHAN 2:20

Rai ti mung Yesu Hkristu gaw nanhte a ntsa e dai Chyoi Pra ai Wenyi ru jaw bun ya ai hkrum manit dai rai nna, nanhte yawng mayawng gaw, dai tengman ai hpe chye lu myit dai.

1 YAWHAN 2:21

Nanhte hpang de ngai laika ka dat ai lam gaw, dai teng man ai ga hpe nanhte n chye ai majaw n rai; dai teng man ai ga hpe mung, masu ai ga gaw dai teng man ai ga hte hpa n seng nga ai hpe mung, nanhte chye nga myit dai majaw ka dat ai rai nga ai.