YUDA 1:25 - Jinghpaw Common Language Bible 2009

²⁵ anhte a langai sha rai nga ai Karai Kasang hkye hkrang la ai Madu kaw anhte a Madu Yesu Hkristu a marang e, hpung shingkang daru magam hpung dagu hte ahkang aya, chyi nma pri npra aten kaw nna, ya e rai ti mung, htani htana prat dingsa e rai ti mung anga nga u ga law. Amen.

Jinghpaw Hanson Version Bible

²⁵ anhte a Hkye hkrang la ai Madu, langai sha rai nga ai Karai Kasang kaw, anhte a Madu Yesu Hkristu a marang e, hpung shingkang, daru magam hpung shingkang hte ahkang aya, chyi nma pri npra kaw nna, ya e rai timung, htani htana prat dingsa e rai timung, anga nga u ga law. Amen.

YUDA 1:25 ပူးပေါင်းရင်းမြစ်များ

1 HKAWHKAM LABAU 29:11

Nang gaw galu kaba nna daru magam n-gun hte hpung shingkang mung, hkik hkam ai hte arawng aya kaba hkam la ai wa rai nga ndai. Sumsing lamu hte ginding aga ntsa na nga manga hte gaw na a rai nga ai; nang gaw hkawhkam wa rai nna yawng mayawng a ntsa na tsaw dik htum ai up hkang ai wa rai nga ndai.

SHAKAWN KUNGDAWN 104:24

Madu e, nang gaw amyu baw sumhpa hpe galaw da nit dai! Nang gaw yawng mayawng hte hpe hpaji rawng ai hku galaw da ni hka! Mungkan ga gaw nang hpan da ai hkrung mahkrung ni hte hpring nga ai.

SHAKAWN KUNGDAWN 147:5

Anhte a Madu gaw galu kaba nga nna chyahtum chyalai n-gun hte hpring nga ai wa rai nga ai; shi a nyan hpaji hpe shadawn lu nga ai n rai.

SHAKAWN KUNGDAWN 78:20

Lunghkrung hpe shi gayat ai hte hka hpungtun hte lwi pru wa shangun ai gaw teng nga sai; rai ti mung, shi anhte hpe muk lusha hte shi a amyu masha ni hpe shan jaw ya lu na kun?,” nga nna Karai Kasang hpe gumlang ai hte shanhte tsun ma ai.

ESAIA 12:2

Karai Kasang gaw ngai hpe hkye hkrang la ai wa rai nga ai; Ngai shi hpe kam hpa nga na nngai, hkrit kajawng na n rai. Dai Madu gaw ngai hpe daru magam n-gun hte n-gun lagaw jaw ya nga ai; shi gaw nye a hkye la Madu rai nga ai.

ESAIA 45:21

Tara rung hta na a amu sa shawn u; mara shut ai ni gaw shanhte shada da jahkrup hkat mu ga. Moi chyaloi nhkoi kaw nna byin mat wa sai lam ni hpe kadai tau tsun lu a ni? Shi a amyu masha ni hpe hkye la ai Karai Kasang ngu ai dai Madu ngai wa rai nga ai, n rai ni? Karai shaje n nga nga ai.

Daniela 4:37

“Ya chyawm gaw, Ngai Nebuhkadneza nan sumsing lamu na Hkawhkam a hpung shingkang hpe shakawn kungdawn, shagrau sha-a nngai. Shi galaw ai lam magup mung jaw ai hte teng man nga ai rai nna shi gaw gumrawng gumtawng ai hte amu galaw ai ni kadai hpe mung shagrit kau nga ai.

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

LUKA 1:47

Nye wenyi mung ngai hpe hkye hkrang la ai Madu Karai Kasang hta kabu gara li ai,

YAWHAN 4:22

Nanhte Samari masha ni gaw, tinang kadai hpe nawku nga ai hpe hkrak n chye myit dai; anhte Yuda masha ni chyawm gaw, tinang chye ai wa hpe nawku ga ai, hpa majaw nga yang, hkye hkrang la ai gaw Yuda masha ni kaw nna she du sa ai rai nga ai.

YAWHAN 5:44

Nanhte gaw shada da shakawn shagrau nna arawng sadang jaw ai hpe hkam la mayu myit dai, rai ti mung langai sha rai nga ai Karai Kasang e jaw ai shakawn shagrau ai hpe hkam la na matu gaw nanhte n shakut myit dai, dai re ai mi nanhte gaw ngai hpe kaning rai kam sham lu na myit ta?

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

ROMA 11:36

Hpa majaw nga yang arai yawng mayawng hte hpe shi hpan da nu ai rai nna yawng mayawng hte gaw shi a matu mara pra nga ai a majaw shi kaw e htani htana hpung shingkang anga nga u ga law! Amen.

ROMA 16:27

Langai sha rai nga ai, shi chyu sha hpaji rawng htum ai Karai Kasang hta, Yesu Hkristu a marang e htani htana hpung shingkang anga nga u ga law. Amen.

EHPESU 1:8

Anhte hpe nde wa n daw n hta jaw ya ai Karai Kasang a chyeju gaw kade wa kaba la nga a hka!

EHPESU 3:10

Shing rai galaw ai lam gaw lamu kasa hte seng ai up hkang ai ni hte sumsing mungdan kata na n- gun atsam ni gaw Madu a hpaji byeng-ya amyu myu hpe ya aten hta nawku hpung marang e sharin chye la shangun na matu rai nga ai.

EHPESU 3:21

Hkristu a marang e mung, htani htana hpung shingkang dan hkung nga u ga law. Amen.

1 TIMOHTI 1:17

Ya htani htana Hkawhkam rai nna, n hten n mat chye ai hpe myi hte n mu lu ai, langai sha rai nga ai Karai Kasang kaw arawng sadang hte hpung shingkang gaw htani htana prat dingsa e anga nga u ga law! Amen.

1 TIMOHTI 2:3

Ndai amu gaw mai kaja ai amu rai nna anhte a hkye hkrang la ai Madu Karai Kasang hpe sharawng awng shangun nga ai.

TITU 2:10

lagu masun la ai baw n galaw mu ga. Shing rai na malai, shanhte gaw galoi mung kaja reng ai hte kangka sadi dung ai ni re ai lam madun dan lu na rai ma ai. Ndai lai ladat hku nna, shanhte gaw tinang galaw ai lam nga manga hta anhte a hkye hkrang la ai Karai Kasang a mungga a ningja hpe shapraw shadan dan lu na rai ma ai.

TITU 2:13

sari sadang hte si si rai nga na lam, ding hpring nna tara hkungga ai asak hkrung lam hte ndai mungkan hta nga pra na matu mung, dai chyeju tara gaw anhte hpe sharin ya nga ai.

TITU 3:4

Rai ti mung, anhte a hkye hkrang la ai Karai Kasang a chyeju hte n gaw n wai myit dan pru wa ai shaloi e,

HEBRE 13:8

Yesu Hkristu gaw mani, dai ni, htawm prat dingsa maren anga nga ai.

1 PETRU 4:11

Marai langai ngai hkaw tsun a yang gaw, Karai Kasang a mungga hpe hkaw tsun u ga, marai langai ngai daw jau a yang gaw Karai Kasang jaw da ai n-gun lagaw hte maren galaw daw nga u ga; shing rai yang she galaw ai amu yawng mayawng a majaw Madu Yesu a marang e Karai Kasang a hpung shingkang hpe shakawn kungdawn ai lam tai na rai nga ai. Yesu Hkristu hta hpung shingkang hte daru magam n-gun atsam gaw htani htana prat dingsa e anga nga ai law. Amen.

2 PETRU 1:1

Yesu Hkristu a mayam hte, kasa tai nga ai, ngai Simun Petru gaw, anhte a Karai Kasang hte hkye hkrang la ai Madu Yesu Hkristu a ding hpring ai lam hta anhte zawn hpu la ai makam masham lu la nga ai ni hpang de ga shana dat nngai.

2 PETRU 3:18

Nanhte gaw anhte a hkye hkrang la ai Madu Yesu Hkristu a chyeju hte shi hpe chye chyang ai lam hta matut nna galu kaba kunghpan sa wa myit ga; ya e mung, htani htana prat ding sa e mung, Yesu Hkristu kaw hpung shingkang anga nga u ga law.

SHINGRAN 1:6

Shi a Kawa a magam amu hpe gun hpai lu na matu anhte hpe mungdan amyu hte hkinjawng aya jaw ya ai Yesu Hkristu kaw hpung shingkang hte daru magam ahkang aya gaw htani htana e anga nga u ga law! Amen.