YUDA 1:24 - Jinghpaw Common Language Bible 2009

²⁴ Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

Jinghpaw Hanson Version Bible

²⁴ Ya chyawm gaw, kataw katan nrai hkra nanhte hpe bau sin lu ai rai nna, mara n rawng let, kabu gara la ai hte shi a hpung shingkang a man e nanhte hpe tawn da lu na,

YUDA 1:24 ပူးပေါင်းရင်းမြစ်များ

SHAKAWN KUNGDAWN 21:6

Na a chyeju ni gaw shi hte rau htani htana a nga nga ai; na a hpung shingkang mung shi hpe kabu gara ai hte jahpring ya nga ai.

SHAKAWN KUNGDAWN 43:4

Shaloi, Karai Kasang e, na a tawn hkungri de ngai sa wa lu na ring ngai; nang gaw nye a kabu gara ai chyeju hka hpawk rai nga ndai. O Karai Kasang e, nye a Karai Kasang e, nye a tingse hpe dum ai hte nang hpe ngai mahkawn shakawn nga na nngai.

JAW JAU 14:11

Hkinjawng wa mung dai jasan jaseng na wa hte hkungga ni hte rau dai Madu a hpung shingkang shanu nga ai Sum a shang wa chyinghka lam de la sa na rai wu ai.

MAHTE 16:27

Hpa majaw nga yang, dai Masha Kasha gaw Kawa a hpung shingkang hte shi a lamu kasa ni hte nawng, du na ra ai; dai shaloi e, tinang galaw ai hte maren langai hte langai hpe htang na ra ai.

MAHTE 19:28

Yesu gaw, “Ngai nanhte hpe teng teng tsun made ga, Mungkan Ga Ningnan bai shangai ai ban prat e, dai Masha Kasha gaw shi a hpung shingkang a tingnyang hta dung nga ai shaloi nanhte nye a sape ni shi lahkawng mung, tingnyang shi lahkawng hta dung lawm nna, Israela amyu shi lahkawng hpe up nga lu na marin dai.

MAHTE 25:31

“Dai Masha Kasha gaw lamu kasa ni nlang hte rau Hkawhkam hku nna du sa wa ai shaloi shi a hpung shingkang a tingnyang ntsa e dung nga nna,

MAHTE 5:12

“Kabu nna pyaw pyaw rai nga mu, hpa majaw nga yang, sumsing lamu hta e nanhte a matu shabrai kaba langai mi tawn da ya sai! Nanhte a shawng na myihtoi ni hpe mung shanhte dai hte maren zingri zingrat di kau manu ai!

LUKA 9:26

Masha langai mi gaw, ngai hte nye a sharin shaga ai ga a majaw kaya ai rai yang, dai Masha Kasha gaw, tinang a hpung shingkang hte mung, Kawa a hpung shingkang hte mung, chyoi pra ai lamu kasa ni a hpung shingkang hte mung du sa ai shaloi, dai wa hpe kaya kau na ru ai.

ROMA 14:4

Masha langai ngai a shangun ma hpe jep san jeyang ai wa e, nang gaw kadai wa rai nga n ta? Dai shangun ma a amu awng dang ai shing n rai n awng dang ai ngu ai hpe gaw dai shangun ma a madu shi nan daw dan na ra ai. Kaja wa shi awng dang na ra ai, hpa majaw nga yang, dai Madu gaw shi hpe awng dang hkra karum lu ai wa rai nga ai.

ROMA 8:31

Dai rai yang gaw, ndai hte hpe yu nna anhte hpa naw tsun lu na ga ta? Karai Kasang gaw anhte a maga de nga nga a yang gaw, anhte hpe hpyen ai maga de kadai wa mi nga lu na ta?

2 KORINHTU 11:2

Karai Kasang gaw nanhte a ntsa e nsu nnawn myit rawng nga ai zawn ngai mung nanhte a ntsa e nsu nnawn myit rawng nga nngai. Nanhte gaw Hkristu shi nan hte sha hkungran na matu ngai ga sadi jaw da sai hkawn sek hte bung nga myit dai.

2 KORINHTU 4:14

Madu Yesu hpe si ai kaw na hkrung sharawt la ai Karai Kasang gaw anhte hpe mung Madu Yesu hte rau hkrung sharawt la na mi ai rai nna, nanhte hte rau shi a man de woi la na mi ai hpe anhte chye nga ga ai.

2 KORINHTU 4:17

Bai anhte jahkring jahkra hkrum hkra nga ai tsin-yam tsindam kaji kajaw mahtang gaw anhte hpe ruyak jam jau hta grau kaba ai hte htani htana re hpung shingkang hpe hkam la shangun na ra ai.

EHPESU 3:20

Anhte a myit masin hta shi a n- gun atsam hte amu galaw nga ai, anhte hpyi chye ai shing n rai myit yaw shada ai hta pyi grau lai hkra galaw shabyin jaw ya lu ai. Karai Kasang gaw dai hpung a marang e mung,

EHPESU 5:27

dai hpung gaw shi hkum nan a matu ap nawng kau ai shaloi e shi a nga manga hta agang chyalang hte kapum kapam re ai hpa mung n lawm ai sha, chyoi pra ai mara n rawng nna hpung shingkang rawng ai hte tsawm htap na matu rai nga ai.

KOLOSE 1:22

Rai ti mung, ya Karai Kasang gaw, shinggyim hkum shan dagraw tawn ai shi a Kasha hpe si hkam shangun ai hku nna nanhte hpe shi a jinghku ni shatai manit dai. Shing rai galaw ai lam gaw, nanhte gaw chyoi pra nna agang chyalang n kap ai hte mara n rawng ai sha shi a man de nanhte hpe shashawn la lu na matu rai nga ai.

KOLOSE 1:28

Dai majaw anhte gaw masha shagu hpe Hkristu a lam hkaw dan ga ai. Masha shagu hpe Hkristu hta myit su kunghpan ai Hkristan masha langai hkrai hku nna Karai Kasang a man de shashawn lu u ga, anhte gaw hpaji byeng-ya nga manga hte shanhte hpe sadi jaw, sharin achyin nga ga ai.

KOLOSE 3:4

Nanhte a asak majing gaw Hkristu rai nna, shi bai dan pru ai shaloi anhte mung shi hte rau hpung shingkang hta dan pru na raga ai.

2 TIMOHTI 4:18

Dai Madu gaw n hkru n hkra ai lam yawng hta na ngai hpe mawai la nna, shi a sumsing lamu Mungdan de hkap hkra shim lam jaw let woi la na ring ngai. Shi hta htani htana prat dingsa e hpung shingkang anga nga u ga law! Amen.

YAKU 2:10

Jep ai tara langai mi hpe tawt lai ai wa kadai rai ti mung jep ai tara yawng hpe tawt lai nu ai.

1 PETRU 4:13

Mau nga na malai, nanhte gaw Hkristu a nni nkri hpe Hkristu hte rau shang lawm hkam la nga myit dai majaw kabu gara nga mu. Shing rai yang she shi a hpung shingkang hte dan pru ai shaloi nanhte nachying kabu gara ai hte hpring tsup wa lu na marin dai.

2 PETRU 1:10

Dai re ai majaw, nye a hpu nau ni e, nanhte hpe Karai Kasang e shaga la ai hte lata la sai ngu ai lam hpe tut tut hkam sha nga na matu grau nna shakut shaja nga mu. Shing rai galaw myit yang gaw, nanhte a makam masham hpe galoi mung kabai kau na myit dai n rai.

YUDA 1:21

Madu Yesu Hkristu gaw shi a matsan dum ai myit hte nanhte hpe jaw na rai nga ai nhtum nwai asak lu la hkra Karai Kasang a tsaw ra ai myit hta anga nga mu.

SHINGRAN 14:5

Shanhte galoi mung masu magaw ai hku n chye tsun ma ai. Mara tsun na lam hpa n nga ai ni rai nga ma ai.