YUDA 1:23 - Jinghpaw Common Language Bible 2009

²³ Bai kaga nkau mi hpe wan hta na gare la ai zawn hkye hkrang la mu. Bai kaga nkau mi hpe hkrit kang ai hte matsan dum nga mu, rai ti mung shanhte hkum shan ngang kayut ai hta na matsat shabat kap nga ai hpun palawng ni hpe pyi n dawng n yawt nga mu.

Jinghpaw Hanson Version Bible

²³ kaga nkau mi hpe wan hta na kare la mu ai zawn, hkye hkrang la mu; bai kaga nkau mi hpe, hkrit kang ai hte matsan dum nga mu; rai timung dai hkum shan hta na matsat shabat kap ai palawng hpe pyi, n dawng n yawt rai nga mu.

YUDA 1:23 ပူးပေါင်းရင်းမြစ်များ

GA SHAGAWP 7:8

Shi gaw dai num shanu nga ai nta lam jut makau de, lai hkawm sa wa nna,

ESAIA 64:6

Anhte yawng gaw yubak mara kap ai ni rai nga saga ai; anhte a kaja htum ai magam bungli ni pyi npawt kaw nna ndung hkren matsat shabat amu hkrai rai nga ai. Anhte galaw shut ai yubak mara ni a majaw, anhte gaw nyui mat nna nbung e shapoi kau ai hpun lap ni zawn rai nga ga ai.

SHARUNG SHAYAWT 4:14

Shi a ningbaw ni gaw myi n mu ai ni zawn nmaw lam ni hkan lamawm hkawm ma ai; dai rai nna shanhte a hkum gaw asai ni hte numsha nga ma ai rai nna kadai mung shanhte hpe n hkra lu ma ai.

JAW JAU 14:47

Dai nta hta shang galeng ai hte shat lusha shang sha ai wa kadai mung shi a hpun palawng ni hkrut kau ra na rai wu ai.

JAW JAU 15:17

Azu hte hkra ai hpun palawng hte shanhpyi arai hpa hpe mung hkrut kau na rai wu ai. Dai gaw shana de du hkra n san n seng naw rai nga ai.

AMO LAIKA (AMOS) 4:11

“Ngai gaw Sodom hte Gomora hpe jahten sharun kau ai zawn nanhte nkau mi hpe jahten kau ni ai. Naw ngam nga ai nanhte gaw wan mang kaw na shaw la ai hkru nga ai wan nhtaw daw zawn rai nga myit dai. Dai rai ti mung, nanhte ngai kaw nhtang wa myit dai n rai,” nga nna dai Madu tsun ai.

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

1 KORINHTU 15:33

Nanhte lam hkum dam myit, “N kaja ai kanawn manang ni gaw kaja ai arawn alai hpe jahten ma ai.”

1 KORINHTU 3:15

Langai ngai a bungli hkru mat a yang gaw, shi sum mat ai hkrum na ra ai: rai ti mung shi nan gaw wan hpyen kaw na lawt pru ai wa zawn, shi hkum sha hkye hkrang la ai hkrum na ra ai.

2 KORINHTU 5:11

Anhte gaw dai Madu hpe hkrit kang ai ngu ai hpa rai nga ai hpe chye ga ai majaw kaga masha ni hpe lau la lu na matu shakut shaja ga ai. Karai Kasang anhte a lam akri akrai chye nga ai, nanhte mung nanhte a myit masin ni hta nye a lam atsawm sha chye nga myit dai ngu nna ngai myit mada nga nngai.

2 HTESALONI 3:14

Ndai laika hta nanhte hpang de anhte ka shagun dat ai mungga hpe n madat n mara ai masha langai ngai nga ai rai yang gaw, shi hpe matsing da nna, shi kaya mat u ga, shi hte hkum kanawn nga myit.

1 TIMOHTI 4:16

Na a hkum hpe mung na a sharin shaga ai lam hpe mung sadi let sin yu nga u. Nang gaw ndai lam ni hpe agalaw nga u; hpa majaw nga yang, shing rai galaw n yang gaw, na hkum hpe mung, hkaw tsun ai ga na la ai ni hpe mung hkye hkrang la lu na ra ai.

2 YAWHAN 1:11

Hpa majaw nga yang, shing rai hkap shachyen ai wa kadai mung shi galaw ai n kaja ai lam ni hta lawm mat ai wa rai nga ai.

YUDA 1:22

Kam shut ung ang nga ai ni hpe matsan dum nga mu.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

SHINGRAN 3:4

Rai ti mung Sardi hpung hta tinang a hpun palawng ni hpe awu asin n shakap ai ni nkau mi lawm nga lit dai. Shanhte gaw ging dan ai ni rai nga ma ai majaw, hpraw ai bu hpun let, ngai hte rau hkawm sa lu na mara ai.