YUDA 1:22 - Jinghpaw Common Language Bible 2009

²² Kam shut ung ang nga ai ni hpe matsan dum nga mu.

Jinghpaw Hanson Version Bible

²² Kam shut nga ai ni nkau mi hpe matsan dum nga mu;

YUDA 1:22 ပူးပေါင်းရင်းမြစ်များ

EZEKELA 34:17

“Dai rai nna, nye a sagu hpung e, ngai gaw nanhte langai hte langai hpe tara jeyang nna kaja ai hte n kaja ai hpe karan ginhka la nna sagu ni hpe bainam ni kaw na karan la na ngu nna Tsaw Htum ai dai Madu ngai nan nanhte hpe tsun nngai.

2 KORINHTU 2:8

Dai rai nna nanhte gaw shi hpe kaja wa tsaw ra nga ai lam shi chye na hkra galaw na matu ngai nanhte hpe hpyi nem made ai.

GALATI 4:20

Ya jang nanhte hte rau nga nna, nanhte hpe ga ngwi ga pyaw hte tsun shaga lu na gade myit ndawt nga nngai hka! Ngai nanhte a matu grai myit tsang bu nga nngai.

GALATI 6:1

Hpu nau ni e, masha langai ngai n dum shami e yubak galaw hkrup a yang gaw Wenyi e lam madun ai hku asak hkrung nga ai ni nanhte gaw, shing re ai wa hpe sumnung shingdi ai myit hte shading sharai ya na rai myit dai. Nanhte nan mung agung alau n hkrum u ga, tinang dai sadi nga mu.

YUDA 1:21

Madu Yesu Hkristu gaw shi a matsan dum ai myit hte nanhte hpe jaw na rai nga ai nhtum nwai asak lu la hkra Karai Kasang a tsaw ra ai myit hta anga nga mu.

YUDA 1:23

Bai kaga nkau mi hpe wan hta na gare la ai zawn hkye hkrang la mu. Bai kaga nkau mi hpe hkrit kang ai hte matsan dum nga mu, rai ti mung shanhte hkum shan ngang kayut ai hta na matsat shabat kap nga ai hpun palawng ni hpe pyi n dawng n yawt nga mu.