YUDA 1:21 - Jinghpaw Common Language Bible 2009

²¹ Madu Yesu Hkristu gaw shi a matsan dum ai myit hte nanhte hpe jaw na rai nga ai nhtum nwai asak lu la hkra Karai Kasang a tsaw ra ai myit hta anga nga mu.

Jinghpaw Hanson Version Bible

²¹ n htum n wai asak lu la hkra, anhte a Madu Yesu Hkristu a matsan dum ai lam hpe a la nga let, tinang dai, Karai Kasang a n-gaw nwai ai myit hta anga nga mu.

YUDA 1:21 ပူးပေါင်းရင်းမြစ်များ

YOBA 14:14

Masha gaw si wa yang, shi bai hkrung wa lu a ni? Rai ti mung, ru yak tsin-yam tsindam hkrum ai ndai aten htum mat ai aten du hkra ala nga let grau mai kaja ai aten ladaw ni hpe la nga na nngai.

YAWHAN 1:17

Karai Kasang gaw Mawshe hku nna dai Jep ai Tara jaw ya mi ai; rai ti mung chyeju hte tengman ai lam gaw Yesu Hkristu a gawp e jaw ya mi ai.

YAWHAN 14:21

“Nye a hkang da ai ga ni hpe hkap la nna madat mara hkan sa ai wa gaw ngai hpe tsaw ra ai wa rai nga ai. Ngai e tsaw ra ai wa hpe nye Wa mung tsaw ra na wu ai. Ngai mung dai wa hpe tsaw ra ai hte, ngai hkum nan dai wa hpe shadan dan na we ai,” ngu nna shi hpe tsun wu ai.

KASA 11:23

Shi sa du ai shaloi dai masha ni hpe Karai Kasang gara hku chyeju jaw nga ai lam mu lu yang shi kabu gara nga ai hte dai Madu hta myit masin mahkra hte lashum lanoi kam sham nna sadi dung nga na matu nlang hte hpe shadum shahprang mu ai.

ROMA 5:21

Dai rai nna yubak mara gaw si hkrung si htan hte up hkang nga ai hte maren anhte a matu Yesu Hkristu a marang e anhte hpe htani htana asak lu la shangun hkra Karai Kasang a chyeju gaw ding hpring ai hte up hkang nga mi ai.

ROMA 5:5

Dai myit mada ai lam chyawm gaw anhte hpe myit daw shangun mi ai n rai; hpa majaw nga yang anhte hpe Karai Kasang jaw da sai kumhpaw kumhpa ngu ai dai Chyoi Pra ai Wenyi e Karai Kasang a tsaw ra ai myit hpe anhte a kraw lawang hta e ru bang ya mani ai.

ROMA 6:23

Hpa majaw nga yang yubak a shabrai gaw si mat ai rai nga ai, rai ti mung Karai Kasang a chyeju kumhpa chyawm gaw anhte a Madu Hkristu hte langai sha rai nga ga ai majaw lu la ai htani htana asak nan rai nga ai.

ROMA 8:39

lahta tang na arai lawu tsang na arai, hte hpan da mada hpa rai ti mung anhte Madu Yesu Hkristu hta e Karai Kasang a tsaw ra ai hta na anhte hpe n jahka kau lu na ni ai, ngu nna ngai myit hkut nga nngai law.

2 HTESALONI 3:5

Nanhte gaw Karai Kasang a tsaw ra myit hpe grau nna chye na wa na matu hte, Hkristu jaw ai hkam sharang ai myit hpe grau chye na wa na matu mung, dai Madu gaw nanhte hpe woi awn nga u ga.

1 TIMOHTI 1:2

dai makam masham hta nye a kasha majing rai nga ai Timohti hpang de laika ka dat nngai. Kawa Karai Kasang hte anhte a Madu Yesu Hkristu kaw na chyeju, matsan dum ai hte ngwi pyaw ai gaw nang hta anga nga u ga law.

2 TIMOHTI 1:16

Dai Madu gaw Onesihpuru a nta masha ni hpe chyeju jaw ya u ga, hpa majaw nga yang shi gaw law law lang ngai hpe myit n gun lu la shangun ni ai hta n ga, shi gaw ngai bawng dung hkrum nga ai hpe n kaya ai wa rai nga ai.

2 TIMOHTI 1:18

Madu gaw shi hpe dai tara jeyang ai nhtoi hta matsan dum ai lam jaw ya u ga; Ehpesu mare e shi ngai hpe gade wa karum sai gaw, nang atsawm sha chye nga ndai.

2 TIMOHTI 1:2

Kawa Karai Kasang hte anhte a Hkristu Yesu gaw nang hpe chyeju matsan dum ai hte ngwi pyaw lam jaw ya u ga law.

2 TIMOHTI 4:8

Ya kaw nna ding hpring ai tara agyi ngu ai dai Madu gaw, tara jeyang ai Nhtoi hta ngai hpe jaw na rai nga ai dai ding hpring ai asak hkrung lam hte seng ai awng padang janmau hpe nye a matu mazing da nu ai. Ngai hpe sha n rai, shi bai du na nhtoi hpe ra sharawng let ala nga ai ni nlang hpe mung ap ya na ra ai.

HEBRE 9:28

Dai hte maren Hkristu mung masha law law a yubak mara hpe kalang mi hte ngut hkra gun kau ya na matu shi a hkum hpe hkungga shatai nna nawng kau nu ai. Yubak gun kau ya ai lam hte n seng ai sha shi hpe ala nga ai ni hpe hkye hkrang la na matu lahkawng lang ngu na bai dan pru na ra ai.

2 PETRU 3:12

Nanhte gaw Karai Kasang a nhtoi hpe ala nga ai lam hta alawan du wa ru ga; kaja dik ai hku shakut sharang let ala nga mu. Dai nhtoi hta sumsing lamu ni gaw hkru mat nna hten za mat na mara ai; sumsing lamu na ahtoi hkum ni mung kahtet ai majaw byawng mat na mara ai.

1 YAWHAN 4:16

Dai rai nna, anhte a ntsa e Karai Kasang a tsaw ra myit tawn da nga ai lam hpe anhte nan chye ga ai hte kam sham ga ai. Karai Kasang gaw tsaw ra ai myit rai nga ai; dai rai nna tsaw ra ai myit hta asak hkrung ai wa kadai rai ti mung, Karai Kasang hte langai sha tai nna nga nga ai, Karai Kasang mung shi hte langai sha tai nna nga nga ai.

1 YAWHAN 5:18

Karai Kasang a kashu kasha rai nga ai wa gaw yubak hpe matut nna n galaw ai hpe anhte chye ga ai, hpa majaw nga yang, shi hpe Karai Kasang a kasha e bau sin nga ai rai nna, dai n hkru ai wa gaw shi hpe n hkra lu wu ai.

1 YAWHAN 5:21

Ngai shu ngai sha ni e, masu ai karai ni hpe koi gam nga mu law!

YUDA 1:1

Yesu Hkristu a shangun ma hte Yaku a kanau ngai Yuda gaw, Karai Kasang e shaga la nna Kawa Karai Kasang a tsaw ra ai hte Madu Yesu a makawp maga ai hta asak hkrung nga ai ni hpe ga shana dat nngai.

YUDA 1:22

Kam shut ung ang nga ai ni hpe matsan dum nga mu.

YUDA 1:24

Ya chyawm gaw, nanhte kataw katan n rai hkra bau sin lu ai hte shi a hpung shingkang a man e shut hpyit mara n kap nna kabu gara ai lam jaw lu ai,

SHINGRAN 12:11

Anhte a hpu nau ni gaw, Sagu Kasha a asai majaw mung, shanhte sakse hkam nga ai teng man ai mungga a majaw mung, Satan hpe awng dang kau lu mu ai rai nna, shanhte gaw si ai du hkra tinang a asak hpe n lahpawt ma ai.